越南咖啡室 (已結業)

▶️有些餐廳本來有美味的食物，但是服務做得不好的話會拖垮整個餐廳的形象⚠️🔥😤這餐廳賣的是越南食物，我們一進去， 服務員即時為我們遞上溫水，感覺到不錯的服務， 可是他們不斷推介某些食品 ，而且不是一個人講，而是幾個人一齊向我推銷，使我感覺有些尷尬及無奈 ，我最後沒有理會他們的建議，叫了自己喜歡的食物。🔥😤沙嗲串燒~本身我叫的串燒是一牛、兩雞、三豬，但送來的是每款兩串，並不我要求的組合。🔥😤原隻菠蘿炒飯~服務員奉上兩個菠蘿炒飯，並將其中的一個給我們，不過我們發覺另外一個會有較多的魷魚在飯上，太太也即時問他，服務員說兩個的份量及材料是一樣的，可是食到最後就只有一粒魷魚吧了。🔥😤其實我們叫了嘢食但沒有叫飲品，所以飲完水之後都希望他們可以為我們 斟水，但是，除了一入去坐的那杯水外，其他的是由我出去拿水壺斟水，不見得有什麼服務可言。🔥😤最後，我們仍未食完，但是可能出面有人客等的關係吧，其中一個服務員名就走嚟問我們餸菜是否已經齊了，但語氣讓我覺得是要我們快啲埋單了。以上種種嘅體驗，讓我對這間餐廳的整體感覺不是太好，希望他們加以改善服務嘅素質，「服務」是發自內心的，過於急功近利只會讓人覺得反感吧!

之前岩岩開張試過越南野、感覺仲合格正常。 今晚行過諗住同屋企人再食、 見到一大堆泰國菜、心諗呢間唔係越南餐廳黎咩？ 咩解究咁多泰式野呢？。 咁我都叫左幾樣黎試、 泰式粉金邊粉同海南雞飯都正正常常... 但係佢個菠蘿炒飯真係難食到無人有！ 首先等左成半個幾鐘先黎、其次個飯又濕又痴、加埋d劣質蟹柳入去真心完全唔知做咩事、 又咸又濕既菠蘿炒飯真係第一次食！個椰青又係另一伏、 熟到變左椰子 已經唔係椰青 、 呢間野真係永遠唔可以再幫襯！

平時行秀茂坪商場成日經過哩間越南咖啡室，行入去試都係第一次。十一點二十分入到去，發覺原來早餐供應到十一點半，覺得好好彩早餐menu真係好抵食！我揀左香茅豬扒湯檬配越式沙爹牛肉潛艇＋奄列 同烤牛肉撈檬 哩兩個餐等左冇耐，就上左跟餐野飲熱檸茶 我飲左一啖o左咀，茶味超濃！下次一定要試奶茶，咁濃既茶底沖奶茶一定好正姐另外果杯柑橘蜜就冇試到。香茅豬扒唔會太油，冇睇佢黑黑地以為好鞋，其實肉質好嫩、一切就開味道啱啱好，唔會好鹹湯檬好大碗啊！檬粉份量唔少、好大方；粉唔會太軟，有口感。烤牛肉撈檬入面個牛肉一般，冇咩味，唔特別。而撈檬上面有啲紅白蘿蔔絲、蔥碎同花生碎，撈黎食都幾清新。檬粉煮得都彈牙。但係同湯檬相比，當然撈檬會比較乾身，少左juicy既感覺同埋多左少少油膩感。我個人就中意湯檬多啲，感覺比較清、冇咩負擔。btw 每台都會有一樽泰式酸辣汁（係偏酸少辣既) 加入撈檬到一齊食，有少少汁易入口啲、成件事更好食。奄列入面有火腿絲，奄列唔會過油，好食過普通茶餐廳。全餐飯最驚喜既係越式沙爹牛肉潛艇牛肉超級軟嫩，沙爹汁唔會太水同重口味，夾埋個包食，完美食左一啖就忍唔住好快食曬佢必叫！兩個人食左成台野，飽到癲

因為捉精靈去咗秀茂坪，順便攪埋晚餐，呢間在秀茂坪評級幾高！去到門唔使等位，入內花花地磚，配彩藍桌椅，加竹藍燈罩，好有東南亞特色！桌椅唔迫！餐牌選擇多，圖文並茂！落單後好快到！炸蝦餅撈檬（$50）賣相幾好，但炸物放在檬粉上，淋汁會淋晒，所以攞個碗仔夾開，淋汁已放在枱面，配料有醃酸蔬菜絲，蔥油、花生碎、九層塔！好豐富！檬粉彈牙，加上配料香口！配酸汁好味！如果檬粉無咁多水會好啲！蝦餅香脆但有啲乾，有中央彈牙，ok熱越式滴漏咖啡（$24）之前飲過其他店嘅滴漏咖啡太甜，今次叫了少煉奶，滴完嘅咖啡好香，飲落少奶剛好，好香濃幼滑，不過有啲粗顆粒漏咗落咖啡！扣咗啲分！店員斯文有禮！我慢慢坐都無問題！屋邨嘅舒服一角

呢度食過不下10次，終於想要分享一下。多數系幫襯佢ge早餐同下午茶，因為價錢同位置都系我的首選，味道當然系我ge首要考慮因素啦！推介呢度ge湯河，因為湯底用白蘿蔔去熬出來，好清甜又唔覺得食後好口渴，配上香茅豬扒/牛肉，非常美味。加8蚊可以加小食，我首選酸辣鳳爪，辣得好開胃。其此會選擇撈檬，夏天之選，好開胃又分量大。不得不推介呢度ge咖啡同奶茶，好香濃，提神一流！如果想特別就加12蚊選擇特飲，沙冰好大杯，食完個餐會感覺over咗。

比預期好食，但環境有待改善我見到個餐牌，都算多款式選～而且叫個餐，除了有湯檬外，仲有一款小食加飲品，唔錯。我地叫左豬頸肉湯檬、雞中翼湯檬、小食叫左豬肉串燒同雞肉串燒，另外各人加左3蚊要左鮮奶同朱古力鮮奶。豬頸肉湯檬，圖已經食左2塊，但其實我見到超薄。。。尼個唔算抵食喎，得咁少野。另外就咁食冇咩特別感覺普普通通，但一加左青檸同1片辣椒後，就發覺好好食呀～大家可以一試～至於湯檬不錯。雞中翼湯檬，尼個我覺得抵呀～有三隻雞中翼，而且又大隻～湯檬好食～不過份量其實好似少左D，有一舊白蘿蔔，好入味好好味。尼個值得推介～豬肉串燒同雞肉串燒超好食～多肉～D醬好入味呀!!我比較喜歡豬肉，好好食～好香口～如果個餐$57有湯檬加小食加飲品，飽肚兼抵食～而且環境都好大，但發現最初以為可以坐到好舒服～食食下有好多飛飛既野飛來飛去～成日黎搶我D野食~可能香得制....總知覺得好煩....冇得舒適食野~尼度有D失色~~(評分拉低晒)希望店主日後可以改善....難得D野食好食~比D昆蟲煩擾，我覺得唔多抵。。。

今日補假，自己訓到自然醒，之後一支公去左樓下商場新開冇幾耐的<越南咖啡室>，食返個下午茶先，餐廳裝潢都幾靚，以藍白色為主，位置又坐得舒服。食物選擇都唔少，有d粉飯套餐、午市套餐、下午茶餐、小食、越南特色飲等等。見到有下午茶餐，一於點個烤牛肉湯檬粉食，烤牛肉的份量都好多，而且烤得好香肉又嫩，湯檬粉爽口彈牙。飲品就點左我最鍾意的椰汁三色冰，比較特別的地方係它用用樽載住，椰汁味香濃，入面有紅豆、綠豆、葛粉條等。

夜晚肚餓搵飯食喇，個商埸轉營，多左好多食市，之前食過好食就一直提住要再黎食，今次又黎喇星期六晚又晏去成八點幾例牌要等位，記得之前個小肥經理幾好，宜家轉左個瘦黑面經理食既心情都差左我地兩個簡左好耐之後決定食二人餐，抵食丫178餐飮簡左椰青，餐轉要加多18蚊，每人一個菜同飯黎先，即炒小菜好香青咖喱雞配蒜蓉包，因為冇晒蒜蓉包改左薄餠俾我地，咁大個人之前一直冇食過青咖喱，依個又香又微微辣好開胃，正，只係如果雞肉唔係炸會更好，同冇嘜雞味，但真係已經唔錯，本黎唔係好肚餓既我都狂用黎撈飯青咖喱點薄餠都好食鐵板蠔仔煎蛋依個正丫，咁岩天氣凍凍地，鐵板黎到熱辣辣又好食，依個係我地仲有個送簡唔到問職員佢推介俾我地架，正如果唔係入門口果下俾個經理嚇一嚇，我會俾五粒星，小餐廳都可以好有水準，其他職員都好友善，特别係推介野食俾我地果個女仔

放假嘅時候平時晏晝多數都會係屋企樓下食午飯因為今日要都某間便利店買東西所以就上咗嚟食午飯，見到最近都冇乜點食越南粉所以就入咗嚟之前食個幾次撈檬味道都唔錯今日見到有湯粉，周同男朋友一人叫咗一個香茅豬扒湯粉。一上枱已經覺得有啲唔係好對路....點解個湯底今似清湯嘅？😨😨😨一飲之下個湯淡而無味，平時越南粉既湯唔係應該帶點鹹味咩？🤔呢度個湯底冇乜鹹味之餘而且餐牌都冇其他湯底可以選擇... 香茅豬扒嘅口感好林好林好林，味道好一般整體覺得比平時食嘅差咗好多😖 兩個咁嘅越南粉已經差不多要＄100，有點貴而唔抵😞😞😞

食幾次終於知道必食係邊d啦！就係呢度ge湯河啦！靈魂所在係佢d蘿蔔湯底，好甜美！配上少少辣椒同青檸更加開胃！香茅豬扒另外上，唔會俾湯浸住曬，配搭好完美！串燒好正，又係個串燒汁整得好好味，d肉唔韌，必食牛！大大串又抵食！來得呢度食飯飲佢ge咖啡☕都係一個好選擇！

是夜工作完畢後，走到秀茂坪這個商場很難想像會有一所以「越南」為題的咖啡室。平常一支公的我，吉野家、大家樂是我的選擇之一；但今晚倒不如試下越南菜吧。全店以湖水藍的裝飾，與牆上的色彩繽紛傘子及單車；立即令我想起從前與「她」的過去。不過人大了，總不能驀然回首倒不然吃個晚餐便算吧。餐牌上款式相當多，由越南沙律、小食、米紙卷、湯粉、撈檬、蔬菜及小菜等。炸蝦餅撈檬 $50越南菜又點少得撈檬，大大碗相當抵吃。不過蝦餅卻沒有酥炸過稍微失色。如果能夠炸至香脆可口，定必大受歡迎。豬肉鮮蝦韮菜米紙卷 $48薄身的米紙卷包著原粒的鮮蝦及豬肉，新鮮又美味而且帶有韮菜香；蘸上少許越南醬汁大為入味。當一個人的時候，有時候會想起「她」同遊越南的時光，但已回去的只有回憶，只能夠一個人的浪漫。

越南菜一向都受歡迎, 更是媽媽愛吃的菜式之一, 早前與她去秀荗坪探親, 剛巧看到秀荗坪商場有越南咖啡室, 天花吊了很多傘, 藍啡色主調, 好美的裝潢! 吃西餐, 必定由我來點菜, 但今次把重任交給媽媽. 因為即使味道不似預期, 我也不會駡她.炸蝦餅幾大份, 而且夠彈牙, 可惜炸得有點乾, 必須要沾醬汁吃. 每餐必須的蔬菜, 選擇頗多, 但論越菜, 就是會期望吃到惹味款式, 馬拉盞時菜 - 白菜, 味道稍淡, 但還可以的, 只是咸味可調高些少.這是我最期待的香茅豬扒湯檬, 喜歡湯上那份薄荷葉, 湯頭清甜, 我幾乎把整碗湯也喝進肚; 而豬扒更是炸得香脆, 香茅味亦足夠.媽媽的心思難捉摸, 由熱食突然轉為凍食, 說的是越式三寶撈檬, 三寶有扎肉、香茅雞翼及香茅豬扒, 食時加入魚露, 檬粉爽口涼快.矛盾一刻, 飲杯...我該如何選呢? 很想要椰青肉紅豆冰, 又想試滴漏咖啡 . 最理想就是與媽一人一杯, 那就兩款也可喝到. 我的椰青肉紅豆冰十分有份量, 紅豆冰內果然有椰青肉, 雖然不是很軟稔, 但不難咀嚼, 更喜歡冰粒細細, 比一般椰汁紅豆冰更好喝, 相信是加入椰青水去調. 媽很勇敢地點了滴漏咖

1月1日難得爸爸今天休息, 晚上打算同屋企人一起吃飯, 本身打算落觀塘吃餐好的, 可惜因為連近歲晚, 很多人都藉此機會與家人一起吃飯. 因此想吃的兩間餐廳都已經預約爆滿需要職場取票等位...其實本意都是想與一家人一起吃飯, 最後來到樓上商場的那間越南餐館, 自從新開之後媽媽爸爸都未來過這裏, 所以今晚特意帶他們來到吃菜.晚飯時候周圍的餐館都排了一條條人龍, 幸好地大概等了10分鐘時間便安排了入座晚飯套餐比較少帶爸爸到越南餐館食飯, 加上爸爸的記憶力比較弱連他自己都忘記了什麼時候有吃過越南菜... 除了叫中菜之外我們還叫了越式粉面以及越南小食越南豬頸肉撈檬因為套餐關係另外叫了兩串串燒, 撈檬份量都幾多的! 相信一個人未必能食光光檬粉吃落尚算彈牙, 唯獨是個人覺得越色撈檬粉的醬汁味道未夠酸, 如果口感更酸會令人更加開胃識落更加惹味!熱切期待的串燒, 今日水準比較失準越南的沙嗲汁做得比上次傑身, 但味道依然濃郁很香的, 豬肉口感都很好! 咕嚕肉 爸爸最愛的中菜色之一, 沒想到這裏的賣相非常吸引, 以雲吞皮做碗! 極具特色!! 只可惜雲吞皮吃下來已缺少了脆卜卜的口感, 如果新鮮熱辣炸起的話味道

不知有多久沒有踏足秀茂坪了， 今次全因為越南咖啡室，見到人頭湧湧就知正啦！ 就去那裡晚餐啦！餐廳設計既時尚又帶出越南懷舊風格。仔細看一下㗎啡室這牌，原來用麻雀堆砌的啊～打開餐牌，套餐與小食類都列得好清楚，而且還有兒童餐啊﹗二話不說， 先點杯滴漏咖啡 $27， 以3比1的咖啡與煉奶比例來沖配，味道準確。我覺得越南咖啡是味道勝過氣味，濃郁且帶有苦澀味，與煉奶拌勻，味道恰當。越南小食，不能沒有米紙卷，鮮蝦米紙卷 $56， Q彈米紙包著爽彈鮮蝦、爽脆青瓜絲等，還有金不換葉，再沾點魚露汁，開胃清新。兒童餐點了蜆港漢堡（香茅豬扒）配薯條沙律$52， 包芒果沙冰及禮物一份。兒童餐份量可不少， 好抵食!禮物是文具，好實用，我鐘意!漢堡包有烘了一下， 香口暖熱!  香茅豬扒無得輸，鬆化美味! 薯角與沙律一樣吸引， 什果沙律比起薯仔沙律， 更合囡囡口味!  薯角香脆可口，正!芒果沙冰有點菲律賓芒果的甜， 美味！喜歡香茅味，再來個香茅豬扒湯檬 $46，清甜湯底， 滑溜檬粉，加上金不換的香葉味道，絕對有想喝清這個湯的衝動。 最後來碟咸魚炒芥蘭$52， 喜歡它不會太鹹，淡淡的咸魚香就是了。

要不是要到親友的家取東西, 我們應該沒有什麽機會到秀茂坪商場吧! 這個屋村商場也算大, 要有的生活基本所需都很齊全。既然對那些連鎖食肆吃到有點悶, 看這間越南餐廳價錢都幾經濟, 就走入去感受一下越南風味吧。這CAFE 不像台式那些精緻的咖啡店, 除了有傳統越南菜外, 一些廣東的小炒餸菜亦可選擇, 好像更似一間越式香港茶餐廳。當我們看餐牌盤算是日晚餐該點餐還是散叫中越合壁時, 才發現餐廳是瑞士咖啡室集團旗下的。來到越南餐廳我們一定會點生牛湯河, 既好味又有代表性。湯頭想不到是有專門店的水準, "牛氣"十足, 味濃但湯清。生牛片不算是太肥美, 但咬吃來不會有"渣", 配合滑滑的河粉又真是幾夾。而配料的白蘿蔔亦非常清甜, 實在有點想多點一碗淨蘿蔔。另一個值得欣賞是它如正宗的越式湯粉, 會配有青檸和紅辣椒, 加上湯中香葉和芽菜, 味道既變得更為立體, 少少辣更為刺激了味覺, 四十幾就有一碗湯粉加飲品, 真的性價比頗高。餐飲身邊那位就加錢點了咸檸七, 不過咸檸檬好像不夠咸, 飲起來7 UP汽水味還是較重。貪吃我的們還多點了蒜茸牛油雞中翼做小吃。即炸的雞翼真是十分香脆, 先用牛油和蒜茸醃過, 再新