越南咖啡室 (已結業)

今次黎到屋村探朋友，順便落商場搵下有咩好食，搭扶手電梯黎到一樓，馬會隔離有間裝修得幾四正既餐廳，見唔洗等位，就入去食啦。我同朋友都揀左下午茶餐既生牛肉湯金邊粉$38連飲品食物5分鐘就到，牛肉頗大片，金邊粉亦都好大碗，下午茶份量黎講非常足夠飽肚面頭有金不換葉和蔥，聞落去幾香唯一要彈既係...金邊粉食落有陣怪味，不過肚仔無事食完後點埋杯即磨咖啡啡味唔錯，唔洗加奶亦都岩飲開飯指數服務指數（侍應姐姐們都好勤快和友善）

從未試過一間餐廳會客人未走，就係客人面前大聲叫，出面係咪好多人等位呀！ 呢間餐廳簡直仲差過茶餐廳，茶餐廳都會等嚇人食完先至收嘢，我連杯水都未飲完，又冇話要走，就比餐廳職員連杯水都收走埋， 呢個王主任帶頭係咁，搞到啲細都跟佢都係咁， 而家啲餐廳服務質素越嚟越差！

未試過有餐廳人客未走, 就係咁係你面前話出面係咪好多人等位呀! 連水未飲完都收咗去! 咁樣趕客簡直同老闆倒米! 大唔好教壞細, 連王主任都係咁! 有咩辦法會好吖! 本來諗住呢間餐廳唔駛等位, 就入去食個午餐, 點知食到一肚氣, 未試過喺餐廳食嘢都好似茶餐廳咁! 要快食快走, 唉! 香港而家啲餐廳服務真係越黎越差!

到咗食飯時間😋，秀茂坪商場嘅食肆一向都好多人，見到依間餐廳外表幾靚，又唔係好使等位，就決定入去坐低試下🥢🥢小食拼盤，個拼盤有炸蝦餅魚餅燒雞同春卷，都幾多選擇，味道都可以菠蘿海鮮炒飯我平時好中意叫菠蘿炒飯，因為覺得一定唔會失敗，但點知原來係可以失敗，佢個飯真係超級鹹😩😩😩，佢有一啲醬係個飯入面，掂到就會覺得超級鹹，雖然係屋村但係價錢同出面差唔多，都要差唔多$100 個炒飯，直係唔係好值😕

同太太講開，雖然在香港出世，竟然從來沒有來過秀茂坪！原因簡單，整個秀茂坪不是公共屋邨就是居屋，附近沒有什麼消閒娛樂設施或者大型購物商場，除非有親朋戚友住在這裏，否則真的沒有必要踏足這區。今日一生人第一次踏足秀茂坪，也只是為了秀茂坪商場臨時設置的夏日兒童嬉水遊樂設施。難得來到這裏，下一次也不知是何年何月，當然在這裏開餐，揀了「越南咖啡室」。秀茂坪商場前身是公共屋邨附設商場，雖然已經被領展收購、甚至曾經翻新，也不可能有什麼豪華裝修，所以，餐廳的外觀及裝修也同樣是相當典型的屋邨風格，非常平實，可以形容為一間面積較大、地方較為企理的茶餐廳。餐廳名字有「越南」兩字，裝修佈置在港式茶餐廳風格的基礎上，也刻意添上一些越南特色，但卻非常另類。彩色的越南紙傘倒吊在天花板、顏色鮮艷的經典越南尖帽掛在牆上，配上越南當地非常普遍的交通工具單車：恍似越南風味，但那些色彩又顯得似是而非。名字叫得「越南咖啡室」，主打當然是越南菜，只不過，當然也只是港式茶餐廳風格的親民價抵食越南小吃。細看餐牌其中兩頁，發現了一個非常有趣的地方，同樣是牛肉金邊粉，越式茶餐及午市湯粉套餐同樣 $49，售賣時間又有重疊；但前者除了包含一杯

店名：越南咖啡室Vietnam Cafe 地點：觀塘秀明道101號秀茂坪邨秀茂坪商場1樓114號舖Shop 114,1/F, Sau Mau Ping Shopping Centre, Sau Mau Ping Estate, 101 Sau Ming Road, KwunTong，電話: 26618273，26618293(1)      生熟牛肉金邊粉；(2) 烤牛肉金邊粉。共二人享用本餐，平均四十六元五角。食物的色香味如何：全部食物不算油膩，味道十足，烤牛肉烤得很香和色澤深濃，加上魚露更感鮮味；生熟牛肉的肉質軟滑。環境：裝修富麗堂皇，而且設計新穎，整間店舖以藍色為基調，加上天花板有東方色彩的傘子，夠特別，地方也整潔舒適，不錯。服 務：友善。衛生：良好。抵食：OK。

小店位於屋邨商場! 所以環境都是屋邨級數!環境在屋邨都算不差!由於是屋邨關係，顧客的消費能力不是很高, 所以此店的價錢也不是很貴!下午茶都是30餘元有交易!至於味道方面, 越式食品的味道都算合格, 但當然不能與錦麗或芽莊相比!另外, 惠顧下午茶餐可以用8元惠顧小食! 我惠顧了蝦餅, 蝦餅的味道都ok, 雖然沒有驚喜, 但也不算差!至於飲品,就不能要求太高, 比一般冰室有所遜色!!!!!!!!!!!!!!!!!!飲品都是飲茶記的較好!

今日都喺好忙，個仔仔要去健康院，通常去就會幾個鐘，今晚因喺舊歷生日，老公話請我出去食唔好煮，咁就唔洗趕回家買餸同煮飯，二個女都有時間回來陪我食飯，咁又唔想去味皇，女兒提議食越南菜，咁就去咗秀茂坪呢間一試，味道都唔錯，價錢就一般，我哋叫咗個四人餐，女兒又想食檬粉最後加多個，大家都食得好飽就散步回家，今次細女買咗芝士蛋糕而老公就話之前啲花唔靚，今晚唔洗幫手買嘢放工有時間就去咗花虛行下，今次呢扎花好靚，返到家見到好開心，無諗過又有花又蛋糕，今晚又食咗好豐富的一餐，又過咗一個開心快樂的一晚

之前都有喺晚市幫襯過呢間餐廳，晚餐人均消費一百左右，味道都唔錯。今次試下幫襯午市，人流比晚市多好，等咗一陣先入得。Lunch Set 包嘢飲，抵食過晚市好多，我哋嗌咗兩個Set。 泰式無骨海南雞飯油飯夠香，醬汁亦出色。雞肉夠滑夠入味，但係浸得唔係好夠，有一舊生生哋之餘仲要連住舊血水啫喱，要扣分。海鮮喇沙湯底夠鮮甜，好好味道，椰奶味超級香濃！但配料就真係hea到爆，魚片蟹柳唔好食，而魷魚仲要靭到𠝹晒花都係完全咬唔到，失望餐飲 熱奶茶&熱檸茶熱奶茶中規中矩啦，但隻杯勁細隻，兩啖就飲晒喇。熱檸茶茶味苦澀，檸檬雪過夜乾乾哋，成餐最差就係呢杯熱檸茶。午市同晚市嘅水準真係有差距，下次都係揀返晚市靜靜哋先再幫襯過。

第一次都食呢間餐廳，價錢一般般啦，冇話特別平，越式粉麵同埋撈檬最抵食，around40幾至50幾蚊就有交易了。我叫左一碗越式春捲撈檬，46蚊，好抵食。味道方面個春捲真係好好食，啱啱送到黎時個春捲皮仲係脆卜卜，入面啲料係豬肉，熱辣辣，好食到令我有啲意外。但係個撈檬汁就令我有啲失望啦，平時食開啲撈檬汁都係甜甜地，酸酸地咁，好開胃。反而呢間餐廳啲撈檬汁冇甜味，淨係得酸，我唔小心落多左少少汁之後成碗都好酸好酸，建議大家食呢個時小心啲落個汁😖

一日之計在於晨，早餐真係要食好啲，今日去咗秀茂坪商場的越南咖啡室食早餐。😆我叫咗香茅豬扒檬粉拼沙嗲牛肉熱狗火腿奄列餐，簡稱1207，因為我同老公每次都會食呢個1207，所以記到熟曬🤣香茅豬扒勁鬆軟，好香香茅味，勁好食。檬粉都好爽口彈牙，沙嗲牛肉熱狗啲沙嗲牛肉係咸咗少少，但個包係好鬆軟好食。火腿奄列都幾好食，我加咗3元要玻璃樽嘅朱古力奶飲，成個餐加埋都係41元，真係勁抵食嫁又勁好食😋👍🏻越南咖啡室係今年新開嘅餐廳，裝修都好新穎，好有越南嘅特色，坐位坐得都幾舒服。

今日同女友出街周圍行左大半日，跟住攰攰地想番屋企休息下，番去睇左陣電視打下機又開始肚餓啦~~又唔想去咁遠食，就去附近商場睇下啦，行左幾個圈，見到以前個間茶餐廳執左之後開左間叫越南咖啡室都未試過，咁就不如試下啦，過到去問我地2位搭枱好唔好，我地都唔想等咁耐，就搭枱啦，裝修很靚，座位舒適，全部櫈都有軟墊好舒服，跟住睇餐牌，有個亞姐埋黎問駛唔駛推介下食咩，我話想食炒粉麵飯咋，跟住佢又介紹d小菜之類既，我話唔駛啦，跟住佢又拎張湯麵餐牌黎佢太熱情啦...我想要普通碟頭野跟住我地決定要個去骨海南雞飯(我叫左走亦)，越南豬頸粉檬粉，跟住海南雞飯到先，d雞好滑~飯亦很香，醬汁非常夾，跟住炒檬粉都唔錯~係d豬頸肉乾左d，兩碟野整體都好食，我鍾意海南雞多d 依度個老板好nice，埋單時好有笑容，係咁講多謝曬

我地黎到秀茂坪商場，估唔到普通既屋邨商場會有間唔錯既餐廳。好多人排隊ga, 應該都幾受歡迎ga一入去見到佢既裝修幾有心思，環境幾好，坐得又舒服。招呼又夠快，坐抵無耐就有人黎介紹餐牌，不過d阿姐唔係好識聽人講野，話佐係想食飯，佢又比個濛粉餐牌我地，好好笑，阿姐係咁上下。佢地個個都好親切，友善。有時佢地都會雞手鴨腳，個邊聽到有人推冧佐一叠餐碟，另一邊有個阿姐拾枱，成杯水倒瀉佐。我只係食花生，覺得好好笑。佢地個廚房整既菜都好吸引，隔離食米紙卷，一碟8件，大大件，好足料，下次我會試下。無骨海南雞飯雞好滑，飯有雞油香味，一粒一粒顏色均勻既飯。佢有薑蓉同海南雞汁，既醬汁好醒胃有少少辣。豬頸肉炒濛粉一上枱就聞到好香既乾炒牛河個種鑊氣味，好吸引。炒濛粉可以炒到彈牙，顏色均勻，配料好大條，切細d會好d。豬頸肉大大塊，炒完之後有d油膩。如果係屋邨餐廳就貴佐少少，但相對旺角銅鑼灣既越式餐廳，呢間真係物超所值。

今日中秋, 塞車返到屋企已經7點半。落樓下食野。呢間越南餐廳, 平時下午lunch d 粉面都算唔錯, 所以諗住試下個晚餐。去到攞位先知佢轉型搞泰國菜, 仲話請左個元朗出名泰國菜餐廳廚房坐陣, 咁咪諗住都可以試一試。等左大半個鐘, 門口派位個個極度有問題, 我2位等左大半個鐘, 佢竟然俾位只係到左5分鐘的6位客, 嬲爆。算, 入到去, 冷氣勁凍, 入左雪房咁, 趕客。之後點菜, 叫左個馬拉炒通菜, 泰式乾炒河(雞)同埋菠蘿海鮮炒飯。等左20分鐘, 都知今日係爆場, 所以都冇吹佢。20分鐘後個通菜終於到, 諗住其他餸都會好快到。個菜味道都算ok。咁諗住食住等。點知半個鐘, 其他两個餸都未到, 而個菜都食左一半。咁我咪問一問個阿姐可唔可以幫我跟一跟。阿姐問我叫左咩, 佢話你叫菠蘿炒飯係耐d(呢個落單時佢地有講明)。但我話我仲有叫左個炒河, 佢話炒河都係耐,佢仲話今晚爆場, 枱枱都係咁。咁我咪話, 咁你幫我check下有冇漏單。過多5分鐘, 係個菠蘿炒飯黎先而個炒河都未黎。我再追下個經理, 佢話排緊隊黎緊, 我心諗有咩咁巴閉要排半個鐘先炒。10分鐘後, 個炒河終於到了,前後45分鐘。菠蘿炒飯

我試過佢地三次湯河，三次都唔同味。真係好失望，其實係咪每個月都換廚房？今次好嬲！個湯直頭無鹽無味係滾水！我真係未試過食越南湯河要落大量豉油！我唔會再食。PS. 其實服務態度幾好嘅，我真係希望改善食物味道囉。