象泰 (已結業)

自中學後,好少再去雅都食過野,今次剛好經過見到開左間泰國餐廳,望落好似唔錯,一於入去醫肚先~裝修都幾燈火通明,通空的滕器擺設有種泰國悠閒的感覺,而且地方頗闊絡,令人坐得很舒服。菜式選擇多而且街坊價錢,仲唔使加一,相當親民。選擇左一輪,決定叫3樣野食吧。泰式生蝦,138有12隻,最特別是用玻璃杯上,平時食生蝦得一種味,呢度有泰式酸辣汁同薑蓉汁,兩種味道都唔會太辛辣,好開胃TIM!每隻蝦都大隻爽口彈牙,新鮮同埋處理得好乾淨,值得一讚~ 連埋薄荷葉一齊食,更多加一份清新泰式網包雞肉金邊粉,賣相好討好,而且份量好多,兩個人食都足夠有餘。金邊粉炒得乾身唔會太油,但個人覺得再酸多少少就更加好味招牌焗黃咖哩面包軟殻蟹,厚厚的吐司面包配上香濃黃咖哩,咖哩味很香,用洋蔥青椒作為配料味道更有層次,令到本身無味的面包變得更有咖哩味,而且很鬆軟,令人一啖又一啖食不停,軟殻蟹炸得好香脆,充滿啖啖的咖哩味。令人很滿意的一餐晚飯,價錢好經濟,而且店員都友善和主動,希望生意可以長做落去吧~

LUNCH男朋友約左我係雅都等, 點知又係話食"殺你呀"太無誠意啦, 真係想殺你呀! 叫佢揾過間佢就求期行入兩個鋪位話食泰菜, 見未試過又放佢一馬啦, 原來D間隱世泰菜幾有驚喜!睇MENU D LUNCH SET幾平喎, 小食好似都幾吸引蒜蓉包扲上手個蒜蓉包超燙手! 好耐未食過咁熱既蒜蓉包, 正呀! 蒜蓉味好香, 而且可能見我地冇點咖哩黎沾汁食, 好細心咁比埋個咖哩汁我地, 值得一讚炸蝦餅個炸蝦餅多蝦少粉, 真材實料, D蝦算新鮮, 食落好香口, 值得一讚, 芒果蟹肉炒飯碟炒飯一上台就比佢個份量嚇親, 蟹肉算幾多, 食落幾有鑊氣, 但係個芒果唔夠甜, 如果唔係就完美啦冬蔭公湯兩餸金邊粉男朋友覺得唔夠辣, 我又覺得岩岩好喎, 而且我幾欣賞個湯底有冬蔭公味既同事又陣陣既蕃茄味, 個味好夾, 而兩餸就叫左豬排同生熟牛肉, 都幾好味兩個人食到反埋個肚都唔洗HK$200, 抵呀, 點解我唔早D知有D間餐廳? 可能佢個位有D隱世掛

系雅都小巷發現左呢間泰國野，下午茶呢個時間無咩人，不過太耐無食過泰菜啦，由於肚餓既關係，兩個人叫左個豬頸肉青木瓜沙律，吾錯，清清地又吾太辣，仲好有誠意咁落左啲腰果跟住有呢個海南雞油飯加青咖喱牛肉，一次過可以食哂豬牛雞海南雞肉就一般，不過不失，反而青咖喱個咖喱幾好味，推介下午茶同午餐個餐牌一樣，個份量都好足夠，下午茶仲有八折，幾抵食，當然吾少得我至愛既龍眼冰，問經理下午茶有無學生優惠，佢都好好咁解釋，下次要試埋啲粉面先得

本來想去v city搵嘢食，實在太多人呀 每間食肆都要限時，一係食兩個鐘，最多都係食兩個半鐘雖然其實都夠時間食嘅，不過俾人限住啲時間就唔開心囉仲要排隊排餐死 所以轉戰去隔離靜啲嗰個雅都商場搵嘢食上到二樓就見到間象泰泰國菜館， 門口睇過啲餐牌，啲嘢都好啱食呀，價錢仲幾實惠添佢整嘅泰式生蝦好有特色喎， 用個杯仔裝住，杯裏面嗰啲係酸酸甜甜辣辣既汁 好惹味呀生蝦色澤鮮明，蝦肉好厚， 食完半打真係唔多夠喉要加碼再叫多半打先得辣椒膏炒聖子， 蟶子好新鮮，雖然細細隻，但係隻隻都脹卜卜滿曬肉焗黃咖哩麵包軟殼蟹， 軟殼蟹炸得香脆，啲汁好多，麵包醮曬啲汁，好好味，好滋味食完濃味嘢飲番個椰青， 透心涼， 椰青好清甜又解渴女朋友叫咗個青檸梳打， 一樣咁解渴清涼食到捧住個肚每人都唔使二百蚊

路過行過，吾好錯過今日我感受到這句話的意思 就係諗唔到食什麼？路過泰象就入去試下囉其實泰國菜在香港非常受歡迎， 味道也很合適香港人泰式生蝦係食泰國菜必食的， 呢一間的生蝦特別花心思把它放在杯內， 杯內是酸酸甜甜的醬料，超正蝦肉又大又厚， 夾埋蒜頭酸汁一齊食，味道簡直無得頂柚子蝦沙律， 柚子分量很多，加上脆蒜粒及秘製醬汁， 味道清爽， 越食越開胃焗黃咖哩麵包軟殼蟹， 未食。。淨係睇個樣都口水流曬啦切開啲咖哩汁流曬出嚟 黃咖哩唔會太辣， 軟殼蟹炸得香脆， 蘸上黃咖哩汁， 好惹味呀 精髓係啲麵包索咗啲汁，味道真係超正呀 味道太好啦。。。食得太多喇。。。仲飽過食碗飯飲個椰青透心涼餐牌製作精美張張圖片引到我口水都流價錢亦都十分實惠，所以下次要再來試過

外面睇已經覺得好靚好舒服呢間野黎到睇佢又夠多野食 又好坐 價錢又平 糧尾首選其實佢仲有好多野食 不過試唔到咁多 我見隔離台有個咖哩麵包都好正咁 下次可以再試下印度薄餅佢超好 跟埋咖哩汁 平時出面食都係要你另外叫咖哩既菜式 本身個薄餅好彈牙 咖哩好香 椰香味較重蕉葉烤烏頭佢面頭有d香葉定香料 連埋條魚食已經好香 唔點個個泰式辣汁都得 條魚又夠大條 燒得岩岩好 條魚又新鮮 好低食馬拉盞椰菜苗好香 唔會好辣 d菜炒得岩岩好 唔會太林老晒咸檸7佢成個7起自己倒 成粒咸檸 好足料

呢間係一個唔起眼既商場 不過整得好靚 地方又夠大 坐得好舒服 最緊要價錢唔貴佢都好多野食 好多選擇 我就叫左兩個必食既泰菜豬肉碎生菜包本身跟左好新鮮既生菜 好爽口 d豬肉炒得好香好林 小小辣 好開胃 同埋佢唔會太乾身 椰青海鮮焗飯賣相勁靚 同張相係一樣 佢焗得好香 連d椰肉佢都起晒連飯一齊整 好清新 一d都唔漏 同埋一路食都好香椰汁味 都係一個好開胃既菜式 有新鮮既蝦同埋青口 仲有小小魚龍眼冰唔會好甜 好夠凍 仲有好多龍眼肉可以食呢間出野勁快 唔會等好耐 好有效率

屯門除左小曼谷 偽文青仲有其他選擇提供 又唔洗排隊排好耐既泰國餐廳 生蝦做得十分出色🤤 有兩款口味！=============================•泰式生蝦$88/6隻 2種口味 泰式酸辣汁 薑蓉汁 連埋薄荷葉一齊食 辣得更爽🤤好味！下次要8隻🦐•泰式金柚子蝦沙律$68 健康之選 份量足 啖啖柚子肉 如果懶人 又怕肥 想食得健康清新d 就可以一試•炭燒豬頸肉$58 豬頸肉肉嫩 唔會燒得好乾👍🏻•蒜蓉包$28/4條 烤得香脆 但蒜蓉味就唔係好覺有😂似牛油脆條多d🙊•泰式網包鮮蝦金邊粉$58 賣相精緻 煎香雞蛋成網狀舖面 金邊粉炒得乾身 唔錯！•龍眼冰$22 不太甜 龍眼都有幾粒 勝在夠大杯！•青檸梳打$28 好搞笑 員工會係食客面前即場倒梳打 以示真係用SINGHA梳打😂😂=============================呢間餐廳係屯門雅都商場都開左一段時間 味道都唔錯 價錢合理 但上菜就耐左些少 個金邊粉等左45分鐘左右先有 而員工服務就有點特別 好似好急收工咁 係咁幫我地倒野飲 執碟啊 好似好趕😂 有無吃貨食過？可以分享下🙊===================

難得的假期，自覺很久沒有去屯門，忽發奇想走入去與地膽朋友聚一聚！朋友說屯門區內泰菜選擇不多，湊巧在戲院對面有一間，就去試一試，店舖雖則座落較隱蔽的位置，仍無減食客的人數！午市套餐選擇有十多款，價錢尚算合理！芒果沙冰 - 冰感充足，冰粒打得細滑！芒果味尚算濃郁不稀。菠蘿沙冰 - 既冰涼又酸甜交雜，打得不稠身，飲落顯得份外醒胃！青咖哩牛肉飯 - 味道香得過份，充滿濃濃的椰香！有豆角、筍等等。牛肉薄薄，與白飯一併沾上咖哩汁，更為惹味！泰式金柚子蝦沙律 - 以原個柚子造型作器皿，份外吸睛！柚子酸酸辣辣，份外開胃！而蝦質感爽彈冰涼！椰汁芒果黑白糯米飯 - 芒果味道清甜，質感軟稔。黑糯米黏度適中，食落煙韌有嚼勁，白糯米相對較軟綿不黏牙！

最近我很受朋友歡迎，大家都來屯門元朗找我😂今天當導遊前，先與朋友吃個午餐，我直接帶她去雅都吃區內便宜的泰國菜。泰式金柚子蝦沙律乃是充滿泰式風情的代表作，泰國的柚子沙律特別的地方是佐上蝦乾增添其惹味程度，令沙律酸甜中帶點鹹香。加上幾尾彈性十足的鮮蝦，使沙律口感更為豐富。青咖喱牛肉飯非常有泰國風味，青咖喱裡加入金不換，整體味道十分不錯，而且菜蔬如茄子，豆角吸收青咖喱精華後入味得很，牛肉頗鮮嫩，份量十足，伴白飯一起吃一流。泰式干炒牛河口味上算是滿泰式口味，牛肉也很爽快的給了不少，醬汁調味剛剛好，不會過於死鹹，充滿穫氣，聞到陣陣的美味，香氣逼人，河粉又軟又滑溜溜。椰汁芒果糯米飯則稍為遜色，儘管芒果甜美至極，但是白糯米飯過於軟腍，椰汁味欠奉，宜多加強其椰香及軟硬度。黑糯米較白糯米口感佳，煙韌之餘富香氣，如可更扎實我會更喜歡。芒果沙冰與菠蘿沙冰蠻解渴，都是用了新鮮的菠蘿與芒果攪拌而成，沒有添加糖水，全是天然的味道，清新怡人亦具備鮮甜的果香。

記得上次來過象泰吃下午茶，食物有一定水準且價格相宜. 事隔數月，再次到訪，試試別的菜式水準又如何~ 來到餐廳剛好過了午市最繁忙的時段，店內客人不多，寧靜舒適. 我們點了一客午餐，再另加半打串燒& 炒菜，已經足夠我們享用有餘了~ 象泰招牌海南雞配油飯 ($52) 下午茶時段2:00-5:30pm，所有午餐都享有8折優惠，這午餐折後才$42，實在相當抵食~ 這次相當幸運，海南雞是雞脾部份，黃油雞皮下是嫩滑的雞肉，沾上泰式酸辣醬汁，更覺惹味. 油飯也粒粒分明，難怪海南雞飯是這店的招牌菜式呢! 泰式豬頸肉炒芥蘭 ($52) 平時到餐廳叫一客清炒菜也要$5x，但這裡只需$52 便有一客泰式豬頸肉炒芥蘭，芥蘭嫩綠爽脆，豬頸肉份量也相當多，入味又爽口，以泰式來炒，惹味好吃~ 串燒沙嗲 (自選: 雞、牛、豬) (半打) ($68) 即叫即燒的沙嗲，等候了約20mins，但見到它的賣相，你就知道相當值得. 每串串燒都相當飽滿，特別喜歡雞肉串，外皮香脆，肉質嫩滑多汁，沾上特製的花生沙嗲醬，相當美味，個人很推介~ 椰青 (跟餐+ $20) 友人選了椰青，說清甜又冰

7.1.放假諗住同屋企人出去食個晏。見呢間開左幾個月，都未黎試過，就去試下。點知食餐晏都食到一肚氣！！初初好正常，叫餐，叫左2個海南雞飯，同1個海鮮炒金邊粉，再加上3杯野飲。2個海南雞飯。等左15分鐘就黎左。金邊粉要炒都諗住要耐啲都正常，所以都繼續等，等到落單後已經半個鐘有多，就問下個女侍應幾時有，炒緊個金邊粉未？等左好耐。問左前後3次！係3次！！！ 都冇人回覆我地！一句炒緊或未炒都冇！第四次再叫個男侍應，又唔應人！即時燥爆！！第5次再叫個男侍應取消個炒金邊粉，唔夠2分鐘就取消好再拎埋張單黎叫我找數！唔夠3分鐘廚房話炒好個金邊粉，個男侍應就好唔gur好大話取消左啦，扔落垃圾桶啦！走左counter俾錢，女侍應叫男侍應收錢，雖然我已經好唔gur，但我已經拎好晒錢等佢黎收，個男侍應無動於衷，我先大聲叫收錢，個男侍應先慢慢行過黎問有咩問題？有咩問題？？有咩問題？問侍應4次冇人回答，旁邊張檯，遲過我地黎，遲過我地叫野食，問一次野食幾時到，侍應就答1分鐘後到，亦都真係1分鐘黎到。有咩問題？叫取消個金邊粉，唔夠2分鐘拎單黎叫我俾錢。我叫埋單咩？咩問題？我都想問你呢間鋪頭有啲咩問題！永遠都唔會再黎呢

見開左咁耐就去試下啦點知一食 食出新奇口味 首先一入去個男侍應唔知做咩個樣好似得罪佢咁 都算啦 之後坐低左 叫左海南雞飯 同泰式海鮮炒金邊粉首先個海南雞飯個飯雖然係黃色 但完全無味只可以話係黃色既白飯 個雞就無咩特別啦 唔凍都唔熱另外個炒粉完全食唔到有任何泰國既味道最新奇既係 我只係食茄汁同糖既味道 仲要唔係熱既 唔知以為係茶餐廳叫外賣拎嚟凍晒出晒油最驚喜既係食食下 我食到一舊好苦既野唔知佢係炒燶左定點唔知點解可以開到咁耐 同埋呢個價位唔應該係呢個質素唔會有下次

朋友介紹新墟有間新開泰菜抵食又唔錯，同媽媽去開新墟就去試下，餐廳位置係雅都1樓扶手梯直行會見到。平日晚上人流唔算多，唔需要等位。入到店有播輕鬆音樂，內有幾張卡位，地方算寛躺。打開menu選擇多而且街坊價錢，比平係出曬名九龍城泰菜抵好多！ 招牌焗黃咖哩麵包軟殻蟹 $98原隻軟殻蟹切開四件放入掏空焗過磚頭方包，配上香濃黃咖哩，內裏軟殻蟹炸得香脆，外層磚頭方包焗至微脆，再沾上香濃黃咖哩汁，咖哩汁用洋蔥青椒炒過令咖哩汁更香，$98又抵又好味*麵包一定趁熱食，避免麵包浸咖哩太耐影響口感 粉絲蝦煲 $98粉絲蝦煲係去到泰國must eat item，係香港粉絲蝦煲最少二百蚊，終於有一間又平又正粉絲蝦煲！煲送上來時香氣撲鼻，4隻開邊蝦係粉絲之上。粉絲香氣十足，混入少少肉碎、花椒八角同香葉增加香味，怪唔得粉絲特別香，的確好食 青檸梳打 $28用上原樽泰國入口梳打夠晒氣，青檸夠又唔會過甜，解渴之選 ．Menu

其實我同女朋友都好喜歡食泰國野，但係屯門區真係吾多泰國嘢食，但好食嘅都冇邊幾間。睇戲睇完九點鐘到，又開始覺得有啲肚餓，本身諗住想戲院樓上食個茶餐，點知上到電梯就見到原來雅都花園商場開咗間泰國野，行到商場嘅最尾就會見到，咁就走左去睇下餐牌嘢食選擇種類有好多，小食、燒烤、沙律、肉類、海鮮、咖喱、湯、菜、粉麵飯、甜品及飲品飲！而我哋選擇咗外賣返屋企，我哋主要叫咗小食為主泰式生蝦係食泰國嘢必須點嘅一道菜色，生蝦大大隻肉質彈牙而且爽口，新鮮好味，生假面頭上有塊蒜同辣椒，再加上配辣醫，令到味蕾增添一份刺激感。外賣嘅關係，餐廳都有用冰底，我哋要坐半個鐘頭車程返屋企，返到去嗰陣時識用啲生蝦都係好冰涼。有兩款汁醬配送，睇顏色望落去好似紅色嗰個比較辣，但事實綠色汁醬比紅色辣好多，紅色嘅醬辣味一點酸味，味道酸酸辣辣。泰式酸辣鳳爪沙律，酸辣開胃，無骨鳳爪容易入口最為方便，除咗泰式辣汁，仲有一啲番茄瓜煩，開胃嘅小食完全適合夏天，越食越開胃停唔到口。但此鳳爪酸味較重，配菜又好入味。芒果糯米飯，我成日覺得都唔似一款甜品，其實可以係孫正餐，但泰國餐廳全都列為甜品，但係呢款甜品非常之飽肚。糯米飯口感黏性較重，椰汁味重，