象泰 (已結業)

樣樣野都miss order ,等左個半鐘等到燥，叫三樣野，二樣野都Miss order以後不會再來，樣樣食物都要追幾次單燥到爆服務極差，味道其實還好，但服務太差了。

好一陣沒來屯門了，由其開了vcity後，更少到舊虛一帶。是日到了屯門有名的平價戲院睇戲，之後順便食下野啦。朋友話到雅都商場食，呢度的人流真的不多，賣物價錢相宜，平還是有質素的。到了二樓食泰國菜，時間尚早食客不算多（食到尾聲就滿座了），座了一張四人枱，很濶落。店員先送上水及餐牌，食物選擇都是一般泰國菜館有的，價錢相對市區便宜多了。椰青($32)飲品點了椰青，大大個夠凍涼，清甜解暑。燒牛肉沙律($58)天氣熱想食下沙律，但大部分沙律不是有蝦就有魷魚，豬頸肉等，沒有簡單一點的素沙律，哈哈，食肉獸朋友最開心，立即就點了牛肉沙律，上枱時是滿滿一盤牛肉，少量芹菜，青瓜絲，蕃茄等，酸酸甜甜的味道很開胃，不過是泰菜嘛，怎少得辣呢？後勁可是越食越辣，即刻要飲番啖椰青解解辣。豬頸肉煮椰菜苗煲($73)本來點青炒的，但朋友就是無肉不歡，最後點了豬頸肉椰菜苗，煲仔上熱辣辣又香口，口味是馬拉盞來的，十分鹹香，椰菜苗有咬口，豬頸肉爽口，濃濃的醬汁正好下飯。白飯($8)有油飯點的，不過見今晚啲餸咁濃味，就要白飯好了。抵食又好味，正

原來屯門除咗睇戲平，食嘢都平，平時泰國菜都貴嘅，呢次比我地搵到間平靚正嘅泰國菜。呢度座位就寬敞，牆上面都有啲佈置。午餐都唔貴，淨係睇餐牌已經覺得菜式好吸引。個餐包埋例湯，個例湯都有啲料㗎。海南雞飯啲雞幾多，d雞好滑夠嫩，仲好厚肉添。青咖哩雞飯都好岀色，夠辣味，但又唔會搶左咖哩同香草味。小食拼盤真係不得了，蝦餅脆口，裡面肉質彈牙，串燒就好有風味，點埋個沙嗲醬，個口滿滿既層次。春卷係我最最最讚既，我放左一陣先食，但依然脆口，裡面餡料豐富，外脆內軟，好食到講唔到野。午餐包埋飲品。

屯門區想找什麼類型的餐廳都可以找得到，而泰國菜方面，這一間小店絕對會是對泰菜望梅止渴的一個好選擇，因為勝在地點夠方便，食物種類都算是多，可以解決燃眉之急 !雖然餐牌當中的食物並非所有款式都有圖片參考，不過都簡單易明原隻菠蘿海鮮炒飯 $78 - 這個菠蘿炒飯的CP值幾高，因為它以原隻菠蘿外殼呈現，份量夠多，整個飯亦夠香，當中亦有不少菠蘿肉粒在內 ; 同時，連同少量海鮮，例如墨魚仔及青口等，配上表面的肉鬆一同食用，整體味道不錯酸辣鳳爪沙律 $48 - 泰式鳳爪是一道地道又著名的菜式，這裡的質素就做得不錯，份量雖然不算多，不過真的夠酸辣 !鳳爪非常有咬口，口感爽脆，特色當然就是無骨，可以整件一口吃掉，所以是吃泰菜時，一個不錯的前菜冬陰海鮮湯 $88 - 這一煲冬陰海鮮湯就足夠大約3-4人食用了，味道非常香濃，並且調教得比較適合香港接受的味道，沒有那麼酸辣，因為如果正宗近泰北地區的冬陰湯，味道是比較酸的味道適中夠辣之外，海鮮的份量都算多，有蝦，魚柳及青口等，整體感覺不錯泰式豬頸肉炒芥蘭 $52 - 這個菜就夠香口了，豬頸肉配上炒香了的芥蘭，雖然豬頸肉只得數件，不過芥蘭的數量就真的很多，而且吃得

諗住試下屯門有無第二間好食既泰國菜，見Openrice呢間象泰既評價唔錯，即刻叫男友一齊試下，點知好失望。首先去到見好多人食，要排隊無得拎飛，以為真係好好食，但聽到好多人都係冒名而黎第一次食。排左半個鐘，入到去落單，個侍應話野食要等半個鐘，因為太多人，我心諗呢個係原因咩？唔使等半個鐘，四個字啲野食續一黎。第一樣係黃咖哩軟殼蟹麵包👎🏻見Openrice有好人推介所以叫左黎食，黃咖哩好淡味，軟殼蟹一般，盛為$98乾炒牛河👎🏻👎🏻👎🏻睇個樣幾靚，食落衰過大排檔啲乾炒牛河，起碼人地差極都有啲鑊氣，佢果幾條菜好似分開炒咁，無味，牛肉一舊舊唔係一塊塊，唔知食緊乜咁👎🏻👎🏻盛為$48細小食拼盤👎🏻👎🏻果2隻雞翼係硬身，好乾春卷一般串燒又係乾到，似燒過龍唯一好食既係蝦餅，真係全晚最好食係佢盛為$88牛油雞翼👎🏻👎🏻呢樣係聞到隔離枱好香所以叫既，點知都係伏，又係乾到呀媽都唔認得，牛油味又食唔出，剩係食到好多痴牙既蒜粒，盛為$58總結：2個人食$321唔係話好貴，但完全唔值！唔會再黎食，係食過最唔好食既泰國菜！

約左幾位住起屯門既朋友gathering 緊起揀返起人地地頭〜屯門啦！市中心已經揀唔到食咩好 中餐.西餐.日本.韓國野...都食得太多既時候其中一位朋友話食泰菜都好喎！於是朋友就揀選左起雅都既「象泰」喇。起馬呢到坐得舒舒服服先啦， 食完都可以坐得傾陣計先走。食得泰國野~緊係飲左 “冬陰海鮮湯”先啦！賣相都好吸引，令到我飲左碗先記得影相share飲落去~Wow~好入味~亦都幾辣下~唔食得辣既朋友要小心D。第二樣食拎泰國野一定要食既〜當然就食生蝦啦！一黎到見到咁特別既做型，即刻試下先...同樣都樣都係…比食開既辣…..跟住再黎 “焗黃咖哩面包軟殼蟹” + 印度薄餅黃咖哩好香~夠哂咖哩味同埋亦都唔辣~ 啱哂一家大去細下加埋薄餅~簡直係perfect match!!!最後再加多一道 “小食拼盤”樣樣有得試下，啱哂食量唔多但又想試下唔同野既朋友，最重要樣樣野新鮮炸起熱辣辣~~正!!呢到環境舒適~又有sofa位坐!又好乾淨而且服務都好好。p.s. 我點左青檸梳打(冇影相)果位waiter 哥哥仲會幫我斟落我個杯到…(平時自己斟比自己咋ma)

今日經過商場，見到呢間幾有特色嘅泰國菜， 價錢經濟， 諗都冇諗就入咗去食。 環境幾清幽，寬敞和有卡位坐。 店舖嘅擺設以大笨象為主題,頗有特色!我哋叫咗個泰式鳳爪沙律小食， 沙律夠凍， 鳳爪無骨同時亦無雪藏味，酸辣適中，而配菜亦醃得好入味，真係好岩我口味然後叫咗個泰式乾炒豬肉河粉, 蘿蔔鮮甜，豬肉薄切， 炒得夠乾身， 味道唔會太鹹，鑊氣十足，即叫即炒。 另外叫左個香葉肉碎蛋飯， 雞蛋煎到半生熟 夠嫩滑。而肉碎，豆角，辣椒炒埋一齊，好惹味同唔會太辣。 本人唔食辣都覺得呢個好好味最後當然唔少得叫杯青檸梳打飲啦， 甜酸適中，夠冰凍，個杯仲好有特色，配食泰國菜簡直一流， 飲完仲好開胃添。

年初三本身打算去食譚仔點知因為新年譚仔唔開，又唔想食對面*莉亞餐廳同隔離嘅*芳冰室，未試過呢一間諗住試下新野。見佢門面都OK，個餐牌都岩食，出面餐牌見佢學生餐嘅話做30幾蚊，同一個餐我埋單$50幾，因為加二服務費係個男人企門口招呼加帶位，樓面當時應該得佢一個，但係我叫落單叫左3次，佢仲要黑面咁話：等一陣好唔好！我呆左，出面冇人等位佢走去執枱先都唔幫我落單，其餘全程我都覺得佢串串共咁嘅樣，無禮貌。可能佢係經理，但經理級更加唔應該咁樣我飲熱奶茶佢攞左去對面枱，人地話唔係佢叫嘅，佢先醒返起係我叫起，就咁攞返過黎...熱奶茶係你嘅，咁。Er...無野講我叫豬頸肉飯，好dry，我下次會寧願去街市買飯盒食。因為係得白飯，同肉。冇下次

It's CNY D3, so my family and I thought it would be a good idea to check this place out. We had:1. Grilled Pork neck - standard grilled pork neck, acceptable2. Deep fried chicked pcs wrapped in pandanus leaves - yummy yummy, albeit the massive amount of oil3. Fried rice in shrimp paste - tasteless. On the bright side, it was served hot.4. Yellow curry with  soft shell prawn with baguette - it turned out the 'baguette' is basically a halved loaf of plain bread. It is very misleading and I felt ch

聽同事講，喺新墟有一間相當出色嘅泰國菜，今日咁啱嚟開附近，就捉緊呢個機會嚟試吓佢。青檸梳打，一坐低鬼死咁頸渴，即刻嗌番個青檸梳打嚟爽一爽先，呢度嘅梳打係用玻璃樽嗰隻梳打，呢隻梳打之前喺泰國飲過，特別多氣特別醒神，喺香港唔係咁多地方有，我一直想飲番好耐㗎喇。蒜蓉越南牛油雞翼，睇其他食友啲相已經知道呢個雞翼似樣，睇吓佢面頭海量嘅生蒜同埋炸蒜就知道係幾咁惹味，雞翼外皮香脆，裏面保留住應有嘅 juicy。焗青咖哩麵包雞，見到啲青咖哩汁有如溶岩一般喺個麵包磚度流落嚟，令人垂涎欲滴，青咖哩味道香濃，特別鐘意佢上面加咗少少椰汁，令到個青咖哩帶有少少椰香，升級到唔同嘅層次。馬拉盞西蘭花炒蓮藕，不嬲都鍾意泰國菜嘅馬拉盞炒菜，通常馬拉盞都係攞嚟炒通菜芥蘭或者椰菜苗，呢度竟然有蓮藕拼西蘭花呢個選擇，梗係要清新一吓，馬拉盞嘅香，伴隨著蓮藕嘅爽口，估唔到又係另一番風味。由於每碟嘅份量都唔少，今次太飽試唔到甜品，下次再嚟試下個椰汁西米糕先。

最主要D嘢真的Ok👍值得再幫襯的美食😋特別系我們女士比較喜歡的美食🍜🍡🍤地方也比較優雅同舒服是聊天談心不錯的地方哦、服務也很好、最主要的交通也很方便因為落到樓下有大巴或的士可坐、自己扎車又有停車場好方便啫🚘再或者行三、兩分鈡也可以坐西鐵或輕鐵🚅🚇我記得象泰初初開張時生意係一般的、現在去兩次兩次都爆棚滿座、證明咗象泰係越做越好越做越旺了👍我果然沒介紹錯的"象泰"泰國餐廳😋😋

屯門新墟咩都平 買餸平 睇戲平上星期就去咗凱都戲院 睇近期大熱嘅韓國催淚電影電影唔係好啱個人口味 唯有食餐好嘅滿足返心靈上嘅空虛戲院位於 一個非常街坊嘅商場裏面喺商場1樓搵到呢間坐滿人嘅《象泰》泰國餐廳憑日嘅戲飛一張 食滿300蚊仲可以當50蚊用添仲有泊車優惠 超級抵青檸梳打$28 酸度夠 甜味適中樽裝嘅梳打水亦非常夠氣為濃味嘅泰國菜 帶來一點清新氣息印度薄餅$28 絕對係泰式咖哩嘅絕配薄餅送上嚟嘅時候 遠遠已經聞到牛油果香氣薄餅夠曬 鬆脆 香口越南蒜蓉牛油雞翼$58 灑上大量嘅生蒜以及炸蒜蒜味十足 而又唔會搶去牛油嘅風頭雞翼唔會炸得太乾 外脆內嫩係愛蒜朋友必試項目焗青咖哩麵包雞$88 大廚先將麵包磚刮空再將咖哩雞放入青咖哩嘅椰汁味同香葉味都非常突出麵包將青咖哩汁吸收 令人欲罷不能至於雞件亦夠啖啖肉 配料又有泰式茄子同豆角難怪麵包磚機乎係每枱必點馬拉盞炒泰式茄子煲$58呢個煲超級惹味 馬拉盞帶有咸香而且加入咗大量嘅金不換 增添咗一份泰菜獨有嘅香氣茄子味道濃郁 配合埋肉碎 用嚟送飯最正最後就梗係食泰式甜品 椰汁西米糕$48椰汁西米糕用蕉葉包裹 椰奶味香濃西米大大粒夠煙韌彈牙依家泰國餐廳

難得放假同阿爸去食個LUNCH~ 老爸說想食泰國菜, 行去智樂食就遠了少少, 上網搵一搵發現新墟有間象泰泰國菜, 雅都樓上入少少的那位置, 平時真的不會留意門面裝修唔錯, 2點入到去見發現大部份人都就食完埋單, 還有幾枱著住校服的學生有卡位同外面, 餐廳比我想像中大間, 而且是有裝修設計過的難得阿爸話想食泰國菜,肚仔又餓, 每款都想試, 所以要了2個午餐再點多2份小食海鮮金邊粉上枱熱辣辣, 炒過夠錮氣, 配料有蜆仔, 豆干, 蛋絲等等, 挺好吃的兩個午餐配有飲料, 天氣凍要了柚子蜜, 其飲品選擇真的很多, 下次暖少少想加錢試特飲跟餐有一碗湯, 味道還可以, 想不到午餐有湯又有飲料喇沙生牛肉檬 - 喇沙味道濃, 有5,6片生牛肉, 檬粉份量阿多, 如果喇沙湯再熱多少少會更好生菜包微辣的, 份量有多! 滿滿一碟, 味道好而且唔會太咸, 生菜又夠晒新鮮!!最近的蒜蓉包想不到是厚厚的一條!!!外層脫內層軟~ 吃落有少少咖哩味? 食完真係勁飽, 阿爸話OK, 下次成家再來食過

開左半年左間，屋企附近一間泰菜，想試好耐今日happy Friday 就一家三口去食下試吓😆8:15pm去到都full House,不過等左一陣即刻有位.嗰度嘅店員都好熱情，見到個泰式拼盤有四樣嘢每樣兩件都係＄88,抵啊😍，見到泰式豬頸肉有個手指公，咁就要試吓啦😁果然有驚喜個豬好肉好大碟好Juicy 一啲都唔乾唔使5分鐘全碟K.O.晒😅 嘢飲我就淨係叫咗芒果沙冰好香芒果味又唔會太甜超大杯,兩個人share一杯都飲唔晒，另外叫咗個咖喱硯，當然要加多個蒜蓉包啦，咖喱蒜蓉包，正！有香又柔軟蒜蓉啱啱好！個串燒先至抵呀＄68有6串大大串好好味好有碳燒嘅香味👍👍個環境都好靚添，啲裝飾幾特別我最鍾意佢只大笨象😆絕對有下次！

在附近返工，唸住試下呢間泰國野。平日午餐時幫襯，只有5-6成食客，不爆場。午餐牌有5-6個餐揀，點了炒金邊粉，附飲品&例湯。 例湯飲完好耐，湯碗餐具都收走了，成廿分鐘也未見我個餐！眼見廚房出嚟出去都係海南雞，咖哩飯，禮貌地叫職員跟跟，到底炒左未。女侍應自顧自咁忙其他事，回應一句‘炒野係耐啲’，再隔5分鐘先問廚房炒左未。廚房原來未開始炒我個餐，我當然好嬲啦。女侍應去問經理點算，經理只答‘由佢’，經理親自過嚟同我講多次‘由佢’。意思是我即使飲左你個湯但唔收錢，我可以走啦。咁多謝啊！一個鐘既食飯時間，就花左係你地度，最後換到一句由佢！ 有冇考慮過炒野要耐啲呢句落單就要講呢？ 或者比個即刻就有得食既餐比我去補救呢？最後我係極狼狽係7仔食完個包衝返公司😡可能係你地角度多一個客唔多，少個客又唔會執笠掛