象泰 (已結業)

2018第一日終於的起心肝寫第一篇食評。今晚好想食泰國菜，住得屯門都好清楚第一時間諗起邊一間，亦知道實會好多人，所以上黎openrice睇下邊度仲有泰菜食。估唔到俾我搵到呢間新餐廳【象泰】， 其實呢個商場人流少，餐廳開嘅鋪頭位仲要係死角，老實講我係唔想等位先去，之前上手印度菜就算好食都無人黎，估唔到今日黎到仲要有人等位。餐廳其實唔算大，而廚房應該都唔大，所以我都預計會耐少少先出到。落order果陣侍應都預先講明要等15至20分鐘。今晚我同男友2人一開始點左泰式生蝦，大蝦柚子沙律，泰式炒蜆，咖哩軟殼蟹麵包，印度薄餅同馬拉盞炒通菜，加一杯三色冰同椰汁冰。首黎2杯餐飲，大杯收22蚊其實唔過份，我杯椰汁冰唔錯，味濃。而三色冰入面嘅嘢（食唔出係乜）好爽口，幾好食。 之後無耐就黎泰式生蝦，佢將生蝦放入shooter杯再加埋2款醬汁，蒜片，辣椒片咁上枱。醬汁上一啲都唔吝嗇。再黎大蝦柚子沙律，蝦就其實得2，3隻，但柚子好多，加埋佢個汁同柚子好夾。所以我好快清左之後黎個咖哩軟瞉蟹麵包，個咖哩汁唔辣，軟瞉蟹都有返4，5舊，加埋印度薄餅沾啲咖哩汁食係好正。我地2個係食唔哂成個包，食到一半就飽左。見仲有蜆同菜

Tuen Mun Thai food has always been less choice, better known as Wisdom Little Bangkok, but in my case is just an oyster option, the taste is not how to attract eat Thai Yuen Long will have more good Choose it! If you do not want to walk all the way to Yuen Long, it will be worthy of recommendation. Yadu Garden has always been a concentration of cheap food stores, with the same floor of the Tan Tsai, Salia captured on both sides, like the price of Thai people walk is the price of people first lin

屋企人生日，去左呢間所謂既泰國菜食飯諗住睇餐牌，條女就話吾要我收返啦串到爆。。食食下都好地地，生蝦吾差，有樣睇下炒飯都夠野飲好係果d 啦耶子水吾講食物，依家要講服務態度嘩，次後跟住上泰式烏頭魚，又放在路口第一台大佬呀，成家點食呀叫佢轉返去中間，又話個爐太熱，要保障安全，ok.我吾換之後條女就起後面講我地壞話又吾見特別好食，服務態度差到一個點開餐廳開到甘，比d 員工甘樣做我比錢受你氣呀，痴痴地，沒有下次

象泰，一間唔多起眼，又很少人提及嘅泰國餐廳，但各樣款式嘅泰國菜都有。我同朋友叫左【原隻菠蘿海鮮炒飯】，奉送例湯，【泰式香辣肉碎炒飯】，奉送【青檸梳打】，另外再加【蒜蓉包四條】。例湯係葛湯，清甜濃郁【蒜蓉包】，勁多蒜蓉，外脆內軟。【原隻菠蘿海鮮炒飯】，菠蘿海好多肉，海鮮配料了好多，好鮮味。【泰式香辣肉碎炒飯】， 辣度適中，炒得好香，味道唔會太鹹，炒飯炒得好乾身。埋單$157，價錢唔會太貴，下次有機會試下【咖哩蟹】，期待。

適逢家人生日，就決定試下呢間泰國野。食物一般，但服務態度差到爆。一行幾人，有D人要坐路口位，張櫈狂比人KICK都算。最差係個啡黑色短髮的女侍應，呢個人真不知所謂。冇禮貌到爆，全部D客都好似得罪左佢咁。首先，有D人遲黎的，就問多次攞個MENU黎睇 睇下有咩加。個MENU到左，未打開 呢個女侍應就用好不悅的態度話:唔要就幫你收返佢。我睇都未睇 點唔需要法呀??之後，呢個女侍應上菜一D禮貌都冇。佢用D好差語氣又黑住面叫人小心睇住，咁唔願意講 叫人小心咪唔好講囉，一D禮貌都冇!再者，上果個爐燒烏頭 呢個女侍應問都唔問就擺係路口位最出個張枱，明知咁多人經過 D位又窄 擺係路口位最出個張枱 撞到咁點算 咁危險 要求佢轉擺返入D的枱 個女侍應好串話 個爐好熱我地要保障返我地安全 我地唔會搬。唔搬咪唔搬囉使唔使咁串呀!!! 仲要上條烏頭果個湯的時候，仲要用好差的語氣講:呢個湯一陣要用 唔好用。態度真係差!之後呀呢個女侍應仲要同其他侍應圍埋係背後話我地 我地臨走仲要叫廚房入面D人出黎一路望住我地一路口郁郁好似話我地咁 真係肉酸!總之呢間野好大問題就係呢個啡黑色短髮的女侍應，服務態度差勁。咁鍾意黑面 講野

我們第一次來這間餐泰國餐廳食嘢，我們一行三人，我們叫了焗黃咖哩麵包軟殼蟹 ，泰式海鮮炒金邊粉， 泰式冬陰功湯配海南雞，兩杯青檸梳打。食物賣相都幾靚。焗黃咖哩麵包軟殼蟹，好味道，軟殼蟹夠脆，咖哩唔辣有些甜，咖喱汁好濃味，麵包很鬆軟，好新鮮，麵包外皮都有啲脆， 好好食，咖啡汁點麵包好夾，好好食。 泰式海鮮炒金邊粉，甜左少少，個粉好有鑊氣，有少少油，啲餸都很多。 泰式冬陰功湯配海南雞檬粉好食，個湯夠濃味 ，湯都ok好飲，個海南雞都很嫩口，唔韌都好食。 個青檸梳打都好好飲，食這些食物好配這個飲品。

今日又到小型二人聚會啦，今次去左朋友住的地方屯門區，佢話屋企樓下有間泰國菜幾抵食吾貴，就話係屋企傾完再落去食野。去到已經滿座仲有人係門口等，幸好我地二人不用等很久就有得入去，我地二人叫左個飯，海鮮加包，女仔黎講就剛剛好啦。原個菠蘿海鮮炒飯 $78...見到有最愛的肉鬆，腰果和海鮮青口和魷魚已經十分吸引，蝦仲十分爽口添，而入面的飯吸晒菠蘿香好味而且口感還不錯。蒜茸包 $28...見到十分靚，分開4條放係度，而且四邊有吾少牛油，食落去好香蒜而且入面好軟熟，吾似平時出面餐廳咁乾身。黃咖喱菠蘿炒大蜆 $68...當初有擔心朋友吾食得辣點好，好彩食左又吾覺太辣而且仲帶咖喱香。大蜆食落好新鮮而且十分大隻，入面菠蘿仲要吾少，配菜青椒都十分好味，配上蒜茸包一流。

今日同爸爸去睇戲，見到隔離個商場就入去找東西吃晚餐，經過見到間泰菜而裝潢不錯，最後我地二人就決定入去。裝潢以淺木為主，坐得都幾舒服，待應好快就比左水和餐牌我地睇。最後我地因為食左下午茶關係只叫左三款食物，而上菜速度都好快手，就開始我們的晚餐。金柚子蝦沙律沒仲以為有菜係底部，原來全是柚子仲要份量吾少$68這價錢抵食，少少酸帶少少辣好開胃，朋友都讚好食。見到隔離桌叫左都忍吾住叫一份，等左大約十五分鐘左右就到啦....鹽燒盲鰽 $98，拿走左上面的鹽魚皮，入面的魚肉勁吸引，食落去好滑又帶香料的香，配上泰式辣醬十分好味。點會吾叫個菜食，不二之選當然係，泰式馬拉盞炒椰菜苗 $68，味道剛好吾太咸而椰菜苗都十分新鮮，又爽口。

屯門泰菜向來選擇不多，較為人所知的是智樂的小曼谷，但在我而言只是抵食之選，味道卻是不怎樣的吸引，吃泰菜元朗會有更多好選擇吧！若然不想老遠走到元朗，那象泰會是值得推荐的一家。雅都花園一向是平價食店的集中地，在同層的譚仔、薩莉亞兩面夾攻下，象泰走的自然是價錢親民的路線，故雖未有薩莉亞的人山人海，但象泰亦同樣是滿座之態，慶幸是早已致電訂座了。簡約的泰風裝潢設置，窄長的店面食桌不多，食桌之間略顯擠迫，更有食客被安排坐於門外，平價泰菜自是有它的市場價值。店面雖小小的，菜式選擇卻真不少。泰式小食才不過四、五十元起跳，泰式燒雞、鹽燒魚等主菜不到一百元，泰式粉麵就只要五、六十元而已，說它便宜相信屯門友不會有異議吧！最先上桌的是豬頸肉生菜包($68)，份量上讓人相當驚喜。香烤過的厚切豬頸肉拌入泰式香料醬汁，濃重酸辣的香料令豬頸肉份外美味，味道比肉碎生菜包更有特色。蒜蓉越南牛油雞翼($58)一客有六隻，只可惜無論是雞翼或是蒜蓉都過於乾硬，牛油香氣亦欠奉，只在份量、價錢上取勝。泰式雞肉干炒河粉($48)，夠鑊氣之餘炒得香口，亦同樣是份量十足，價錢能與茶記一較高下。菜式上桌速度極快，而燒雞、鹽燒魚侍應表示要等

第一次去 諗住叫啲大路嘅嘢叫咗個海南雞飯炒金邊粉蝦餅加個沙律個女侍應用差嘅態度叫我講number 成本menu 咁多頁 我要每頁搵返海南雞飯係咩Number???記Number唔係你嘅責任???定係你唔識寫中文落單???火都嚟埋佢仲要黑面 影響晒我嘅心情我望到隔離個男仔侍應落單人哋寫中文字冇叫人哋講Number囉 啲嘢幾好食都好 態度極度差員工好串 嗰個男經理都係好串.......................

聯想起泰國，第一時間腦海裡會冒出打扮得好靚o既大象，仲有尖形塔狀o既佛寺同皇宮。呢間餐廳都採用o左呢d 設計概念，以木色系為主調，外面掛o左d 綠葉，裡裡外外充斥住各種大象o既裝備物，充滿異國風情。叫o左兩個午餐，今日o既是日餐湯係豬骨雞腳蓮藕湯，看似幾足料煲wo，不加味精，而且d 雞腳幾滑，充滿膠質。蒜蓉包($28) 呢就係另外叫o既，諗住叫一份大家share 食嘛。d 麵包外脆內軟，最緊要係聞起上o黎比一般蒜蓉包香得多，令人忍唔住想食多件……泰式海鮮炒金邊粉(跟餐$48) 算係整得唔係幾油膩了，關注健康但係又想食下好o野o既人士都可以試一試。佢用o左d 泰式香調去炒，唔錯o既風味，加上本身帶少少酸，令人十分開胃。不過呢我個人更加喜歡南瓜海鮮焗飯(跟餐$52，可揀意粉)，d 南瓜蓉與青口、魚柳同魷魚等等o既精華滲晒落d 飯度，creamy o既texture 中滿載住濃郁o既味道！越式蔗蝦配檬粉($68) 係散叫o既，粉係凍檬o黎，舊蝦都幾彈牙播，唔會話麵粉多多蝦肉少少咁，連碌蔗我都有咬一兩口，幾甘甜。餐飲加$9 可轉配特飲(仲有沙冰甚至椰青選擇)，諗住簡單d 叫杯青檸梳打大路o野，

呢日... 又打風... 又係搵好嘢食嘅日子... 打風，無事幹，可以食慢啲，嘆慢啲～人哋唔出街，我出街，可以霸哂啲餐廳～😜雅都商場，電梯對正嘅小巷盡處，收埋咗隻🐘嘅～😍梗係有醒胃泰菜咯... 入去嘆下先～感覺番咗泰國一樣～全個新鮮椰青製作成嘅椰青沙冰，透心涼之餘，賣相相當吸引～🌬改良版本嘅生菜包，保留原配料一齊炒，但換上豬頸肉... 乾淨好多，但味道依然，最緊要有好香嘅香料及炒米味～可以排得整整齊齊嘅生菜包～生菜生食，最緊要新鮮、乾淨～😍燒得香噴噴嘅原隻燒魷魚～🤤後記：一路飲住沙冰，越食越凍嘅？！🤧問店員要杯暖水，暖水好快送上... 但係，聽見隔離枱，陸續都跟我叫暖水嘅？！🙄... 但唔係人人都飲沙冰喎...🤔離開商場，發現外面氣溫，已經由30度變成22度... 完全感受到，由泰國飛返香港嘅溫度～

無無聊聊諗住食泰國野，咁岩先發現原來新開左間，於是就去試。點知都有驚喜，叫左個青咖哩飯set lunch，有牛、雞、豬選擇，50蚊左右，我見到學生會有優惠，唉可惜我老啦冇得做學生。一上到個青咖哩，心諗，咁青既，佢真係做得好青，記得上次去泰國食既最多都只係奶白色，而佢係近墨綠色，點知一食落去，隻味幾特別，冇食開咁辣，好重椰奶味，我個人比較喜歡e隻味，好似係為左香港人而改變左隻味。中意傳統青咖哩既人未切會中意，但我就覺得甜甜地幾好食。跟住食埋個芒果糯米飯，芒果好甜。飯都咁煙刃，幾唔錯。下次一定再食，想試下個金邊粉添。

相信各位屯門人看電影都一定跑新墟，而看電影之前都一定來食一碗【譚仔】，所以你一定對雅都有所認識。隨著譚仔重新營業，雅都商場的人流開始恢復正常！象泰就在這個時候正式出現！前身龍門客棧的象泰，第一眼看到招牌，我真的看成象素，不相信你也去看看。好啦費話不多說。這裡的餐大眾化，選擇多，價格親民親學生，普遍$30-40就可以食飽一飽。味道不是泰正宗，但午餐來說不過不失，總比四十幾蚊食個火腿煎蛋飯好。這個下午茶為例，對於譚仔食10少辣既我，肉碎辣度是剛好，十分開胃！飯跟醬汁，肉碎的比例很好，吃完的時候不會說飯或者肉其中一樣剩下很多。👍爸爸食了個撈檬，也不錯的，唯一挑剔的就是豬扒太肥，感覺肉的部分不多，但都係個句，呢個價錢都算係咁辣！舖頭整體來說乾乾淨淨，員工服務態度良好，出菜速度正常，口味合宜，選擇多，價格中下，合適學生！PS：咖啡有D水

一家四口在這裡吃午餐，看看午餐牌，全部也是$52或以下，十分超值，而且選擇很多。我們點了一客海南雞飯，肉質十分嫩滑，皮上的脂肪不多，很少連皮吃的我也忍不住口要試，就算連皮帶肉食晒也沒有罪惡感😆在炎炎夏日最好點豬頸肉撈檬，配上酸酸辣辣的醬汁，令人開胃。我們還點了一客菠蘿炒飯，雖然不是原個菠蘿上，但炒飯用料十足，很多新鮮菠蘿肉，我的至愛😋另外，點了一客青木瓜沙律，這個沙律偏酸，當作伴菜吃令人十分開胃。看見鄰桌的薄餅很吸引，我們也忍不住點了2塊，雖然外表很多油，但吃時覺得很鬆化，美味！最後不得不提我的香茅茶，很少餐廳有香茅茶選擇，喝下第一口令人感覺清新，有淡淡的香茅香氣，是夏日消暑良伴。