象泰 (已結業)

星期日下午茶時段光顧此店, 餐牌註明下午2~ 5:30 八折及假日加一服務費, 到付費時男經理告知假日沒有八折優惠, 更態度惡劣說很多餐廳都沒有下午茶優惠. 但餐牌根本沒有寫明假日沒有下午茶, 到點餐時侍應亦沒有告知, 真的很可惡, 我以後亦不會再光顧此店

星期六晚到了此店，其中原因是唔收加一，要讚零等待得到了卡位。新鋪店内陳設十分整潔，裝修尚算雅緻，二人叫了三樣東西，分别是海鮮冬蔭公檬粉、蝦醬肉碎香葉炒飯、紅咖喱芝士焗青口。檬粉說真點是粉絲，伴的海鮮多：魷魚超爽，蝦仁及青口有鮮味，冬陰公湯濃香夠酸辣，但不會太嗆辣的那種。炒飯的飯算乾身，蝦醬清香而無霉味，分量大兼有炒疍及泰式臘腸伴碟。最後的青口有六隻，來的時候溫度剛好不燙能入口，芝士帶甜而不羶，夾著檸檬葉香開胃不膩口，青口新鮮無腥味，雖是紅咖喱的但其實BB辣，很適合口內子吃。要說服務很勤快，及自動波送上分菜的兩個碗子，可惜略嫌兩杯清水只小半滿就有點不美。整餐不加一共收$174算區内不錯的價位，也可能是店子太隱敝要吸引招來。

尋日同屋企人去食食左好多野先900蚊！真係平過九龍城仲要質素好！出菜快，環境舒服，味道非常好，特別係個收銀好靚女同埋好有禮貌咁解釋好多野我地聽同埋推介我地食佢覺得好食既菜！特別係個燒美國牛肉沙律同咖哩炒蜆！非常好味😌😌😌😌😌

大蝦柚子沙津超好味入面有櫻花蝦，個汁甜甜的，柚子清甜開胃，大蝦爽，超有驚喜生菜包肉粒有少少肥肉有咬口春卷有八件，炸得香脆炒貴刁夠辣有麻油香好彩早左到，隔左一陣就好多人排隊裝潢望落舒服總括係可以再encore

本來想食薩利雅，見到有新開既泰國野就試下新野，星期日既七點去到都只係小貓幾隻，八點後就開始等位啦同媽咪兩個人所以無叫太多野，叫左黃咖哩雞($58)+蒜蓉包($28)+泰式金邊粉($58)+馬拉盞通菜($48)+芒果沙冰($28)黃咖哩雞:味道好好，但成碟得五舊雞同一舊薯仔 扣分！蒜蓉包:佢吾係一片片係一舊舊長方形，28蚊6舊，但一啲都吾脆！扣分 order呢樣係唔想浪費左啲咖哩金邊粉: 份量大概係兩個正常飯碗咁多，味道好夠，小小辣，略嫌炒得太濕馬拉盞通菜: 味道唔夠，唔夠鑊氣同都係份量太少！扣分芒果沙冰: 飲到一半後竟然發現有條頭髮係入面😓同店員講後佢就換過杯比我 但我都已經飲唔落 兩個人買單二百中，正常既泰國餐都係呢啲價錢，但呢間份量同價錢唔成正比！

呢間泰國餐廳新開的，地點就係新墟雅都商場。凱都戲院個度呢話哂我都係屯門長大屯門人，當然要支持下啦！大約8點幾去到，都幾多人，但有位的。鋪頭都裝修得唔錯，幾大。食物介紹喇，我地4大1細。生菜包。超級正，我食過既最好食，肉碎辣味啱啱好，最緊要係無肥肉！我成日最增食到好肥既肉呢個粉絲就尚可，味道不夠，如果濃點就very good. 但我用來比小朋友食就岩哂冬陰公湯！非常足料大約夠四碗，如果份量再多點就更好，唔夠喉呢個唔記得咩雞翼，但外脆內軟唔錯唔錯。拼盤。全部都好新鮮。脆脆的！另外飲品叫左椰菁。龍眼冰都係專業水準整體評價gdgdgdg. 埋單$730 抵呀

屋企附近既商場開左間泰國餐廳, 係啲group見話好多人食, 又話好好味咁, 下午茶仲要有折添。難得今日下午放假, 一於食個下午茶8折既海南雞飯先。午餐既海南雞飯$52, 但我食既係下午茶, 所以仲有8折 - 平時食既海南雞飯通常係有3款醬汁, 呢到得一款, 係spicy既; 雞好鞋同埋個油飯一啲都唔香, 加上個飯好爛, 係呢個情況, 食碗白飯會好啲。餐飲熱奶茶, 飲第一啖個陣已經想問個水吧究竟識唔識沖, 咁難飲既...

近日雅都花園新開了一間泰國菜館，位置就在前身是上海菜館，再轉手至印度餐廳，接著再丟空了一段頗長時間，現在裝修過後，搖身一變成為一間裝潢幾漂亮的泰菜館. 某次午飯時間經過，見到頗多食客，可惜已吃過午飯，否則也想進去試試. 隔了一星期，與家人特意到訪一試. 已過了午飯時間，店內食客不多，2人也可以坐到卡座，不過卡座座位有點窄，要瘦人才坐得舒適~ 原來餐廳下午2:00 -5:30 是下午茶時段，選吃指定午市套餐享有8折優惠，湯粉麵除外. 象泰招牌海南雞配油飯 ($52，8折後 $42) 初次到來，當然要試試海南雞飯的水準如何. 幸運的我們居然分到雞脾的部份，真好彩. 雖然我不吃雞皮，但皮下脂肪不多，喜歡食皮的朋友應該覺得不錯吧. 雞脾肉相當嫩滑，再點上辣醬，更覺惹味. 油飯粒粒分明又夠熱，很好吃! 芒果蟹肉炒飯 ($46，8折後 $37) 即叫即炒的芒果蟹肉炒飯，份量也絕不欺場. 配料有雜豆、雞蛋、芒果肉& 蟹肉等，不過芒果肉偏少. 幸好炒飯炒得夠乾身，油份亦不多，味道也不錯. 熱檸水 檸檬片比較薄，但畢竟這裡不是茶餐廳，可以喝到消膩的熱檸水已經很好. 熱奶茶 家

呢間舖新開張，試下味，點知有驚喜，原來係泰國人主理。食物味道好好，特別推介沙嗲串燒，豬肉串超滑。價錢比一般泰菜算平。侍應態度好nice。地方裝潢靚，坐得舒服。推介！