豚王 (荃灣廣場) (已結業)

今天 忽然想到荃灣吃出名的炸雞腿和蕃茄通粉，然而由於隨行的物品唔少，所以決定在西鐵站附近的豚王解決晚餐。餐牌選擇和其他豚王分店無異，主打四款拉麵：豚王、黑王、翠王、赤王和限定王，價錢由$89-$98。豚王$89這家店既然叫豚王，這碗麵可算是招牌麵吧。肩肉叉燒主要以瘦肉為主，肉質軟腍又幾有豚肉味。這湯底味道濃香，豚骨風味濃郁，質地油潤厚厚，而且感覺到有骨膠原的存在。這據餐牌得知這奶白湯是日本傳統豚骨湯底，而且要每日新鮮熬煮十多小時。麵條是太麵，雖然沒有預期的Q彈，但掛湯力不錯。溏心旦$17這溏心旦真的不錯。雖然成$17一隻，但雞旦旦味濃郁，旦王豐盈又流心，好吃。若果滷得再入味一點，可更理想。平日吃拉麵都是豚骨湯為主，今日試下幾特別的黑王黑王$96叉燒選擇了肩肉，肩肉肉質幾軟身，相比腩肉無咁肥膩。這黑王湯汁黑卒卒的，口感稠厚，味道極為濃郁帶蒜香，原來是用了日本秘傳黑醬再混以蔬菜配合而成。麵條是太麵，口感滑溜，索哂湯汁都幾惹味。靜岡縣綠茶可樂$22來自曰本的綠茶可樂味道幾特別，既有淡淡的可樂味，又有一點點綠茶風味，感覺清涼。簡單的吃拉麵作晚餐倒也不錯。

限定王 - 蕃茄王觀- 耀目的橙紅色湯麵，散發著淡淡蕃茄香氣- 湯面是堆成小山的生洋蔥、青蔥、炸蒜、木耳，橙色主色調上，抹上了四道清新色彩- 小山之下，平鋪了大量蕃茄茸- 一片艷紅之下，是兩片手掌般大的豬肩肉- 最後是鋪滿整個碗底的幼拉麵- 若把整碗麵垂直切開，即能看到精心鋪排的一層接一層，匠心悅目嘗- 湯底頗黏稠，近似汁醬- 呷一口湯，大腦首先接收到的，是濃郁偏鹹的豬骨湯，然後隨即爆出蕃茄酸香。兩者搭配上佳，採用了偏酸的蕃茄，搗碎成茸，保留若干顆粒，酸味突出，完美地平衡骨湯油膩，但又沒搶走骨湯滋味，精彩- 鮮辣的生洋蔥亦做到平衡膩滯之效- 木耳絲爽脆討好- 幼麵爽滑彈牙，配上濃味湯底，不會太飽滯，恰到好處- 薄切豚肉近乎沒脂肪，十分嫰滑，肉味香濃- 溏心蛋極滑溜，外內均富醬油甜香，流心蛋黃呈啫哩狀，極討好整體- 配菜、豚肉、幼麵，全屬減膩爽口之選，同心協力將口味濃重的湯底，推上最顛峰狀態，匠心獨韻小記*桌上提供自取芽菜，味道香辣，但了無生氣，部分甚至難咬斷

豚王响香港開咗一段日子，但唔見特別響噹噹，所以我無幫襯過，今次試全因為阿sir想試兼唔駛等位，先唔評食物住，員工服務態度認真一流，每次都不厭其煩為客人講解每款拉麵，值得加許👍🏻豚王 $89❤️❤️最基本嘅豬骨湯底拉麵一定會試，湯夠濃但麵唔夠爽口彈牙，反而我比較欣賞佢件叉燒腩肉，爽口得嚟一d肥膩感都無，可惜只得三薄片，唔太值呢個價黑王 $96❤️❤️食黑王真係要小心d湯彈到周身係呀，幸好店員貼心送上餐巾。黑王湯底比豚王更濃，似有牛油＋蒜味，但味精非常重，我返到屋企要狂飲水溏心蛋 $17❤️❤️❤️❤️因為拉麵無跟蛋，所以特別叫咗一隻兩人share，溏心蛋醬油味十足，蛋王呈creamy狀，值得一試餃子王 $28❤️❤️❤️只係一隻好普通嘅餃子啫，皮薄但餡料唔算豐富，味道比較清淡二人共消費：$230

見新開就諗住試下，上一次吃豚王係N年前係中環，當時覺得都幾好。叫左限定，黑王同豚王。限定都幾辣下。麵，我覺得扁平麵較好吃。3款我都有試，吃緊覺得都👌，點知吃完就好口渴，成晚都口渴，味精嘢。試一次就夠。無下次。餃子普普通通，唔熱。

豚王既拉麵見荃灣新開，老婆想去食。其實我自己好少食拉麵，因為感覺日本既味道唔同D! 對上一次食霸嗎（如果有睇我食評、評價都好高）。荃灣鋪位置都好細下，簡單黎講冇裝修可言、其實係一個商場露天位。安排坐出野食既檯前面。坐落去第一感覺已經唔好，因為佢杯水斟左唔知幾耐，杯面「琴」住報巾。（如果即時斟我既感覺衛生D)。另外侍應遠距離飛塊布去出食物位（我地就坐個到，其實差D中囉😠）所以我地最後坐埋邊邊。選擇其實唔算多，分左4款。我地揀左最基本既豚王加個餃子。一上檯又扣分了，因為老婆有揀辣同我一樣，我個碗有佢冇😟。未食已經咁。湯其實幾濃，有掛湯效果！而我揀既係蔥配埋黎食係更加香。我唔記得加個蛋，感覺差咁少少！不過食食下開始已經覺得好口渴，不停飲水。肉我揀左肩肉，老婆比埋腩肉我。兩款肉肩肉比較好，因為爽口同冇咁肥。不過我個人覺得唔夠香，如果輕輕用火槍燒一燒可能會好食D, 感覺好齋，冇咩味。餃子就不過不失，冇咩特別。如果可以揀，我應該會選擇其他拉麵。因為食完，我成晚都好口渴！！

環境: 繼金田家後荃灣另一間拉麵店, 餐廳坐落於荃灣廣場地面果層, 正門對左便是新店落腳地方, 也就是之前冬蔭公公的位置. 拉面店面不大, 午餐或晚餐繁忙時候都環等一等位. 少人的話可以坐bar位就不會等很久.食物: 豚王和一般拉面店也一樣, 坐下來便是劃紙仔落單. 主要有幾種拉面選擇, 豚王, 黑王, 赤王, 翠王和限定王. 限定王會有不定時限定拉面, 但因為我覺得第一次食一定試左個招牌菜既關係, 今次我叫左豚王, 友人叫了黑王試試.首先講講豚王, 拉面湯底都正常, 濃度方面, 佢有得揀唔同份量的醬油和香味油, 雖然我兩個都選正常, 但我個人都覺得濃左少少和偏鹹, 所以下次我也會選份量少. 至於叉燒肉, 佢有得選肩肉和腩肉, 我兩種都試了, 食完我會推介腩肉, 因為腩肉會多少少肥肉, 食起黎更香, 而且腩肉亦都煮得較淋.另外一款拉面, 黑王, 雖然他說是用秘制黑醬和墨魚汁製, 但其實食起上黎好像和豚王差唔多, 不知是不是我叫了太多蒜頭和香味油的關係. 不過,黑王和豚王都值得大家試試！價錢: 價錢不算太貴, 但也不算是抵食, 可能始於是有品牌的拉麵吧, 每款拉麵都是$90-$100,

因為大型百貨公司減價，所以於星期四的晚上來到荃灣廣場，填飽肚才努力💪🏻拼博。大約晚上七點多來到豚王，門口位置已累積了很多人等位置中，我亦拿了一張二人的小票靜靜等待。店面👇🏻👇🏻👇🏻店舖是屬於商場內的露天位置，小小的，商場還真是想盡法子賺租金，這小小的位置都租出來做食肆，但又可以拿到食肆牌，佩服佩服🤝一眼看盡·坐位有限等了約15分鐘便有坐位了，我和先生都不約而同地選了豚王原味拉麵🍜點餐紙☝🏻☝🏻☝🏻這是我的拉麵🍜我選了椰菜和肩肉。起初還有點擔心分店多了水準會下降，不過慶幸是我想多了！我個人認為一碗拉麵的湯底是最能突顯出拉麵的水準，豚王的拉麵湯底是我在香港🇭🇰吃過最好吃的（因為會回想起它的味道），當然人人口味不相同，不能一概定論。濃濃的豚骨拉麵湯底，雖然有一點點肥膩和咸味，但真的熬製出豚骨的鮮味和香味。豚肩肉不太多肥肉，可接受。我先生選的香蔥腩肉豚王拉麵🍜小吃—-豚王餃子王🥟煎得有點過硬，餃子皮的一邊黑了，配上醬汁很容易入口。沒有收取加一服務費。該店不接受🙅🏻🙅🏻‍♂️信用卡付款💳，如果要儲商場積分，便要用EPS/Alipay HK付款了（因為我要儲商場積分哈哈）。很滿意是次晚餐👏🏻👏🏻👏🏻

一個人心情不好要食啲好味野開心下。豚王係我至愛，竟然開到去新界區，目標早已鎖定了。餐廳位唔多，我七點零鐘去到都爆晒，門口有人攞飛等位，可能我一個人，去到就即刻安排到位俾我。黎親都係叫赤王，即係辣味，無論醬油、蒜、蔥都要量多，麵要最硬，肉要肩肉，唔洗咁肥，因為赤王本身有辣肉醬，填辛辣度就揀左一就算了。成舊水一個麵都唔係平，佢仲要唔跟蛋，不過味道真係食一次難以忘懷！我鐘意佢湯底夠杰身，好濃郁，辣醬又整得好香，鐘意食濃味既我連七味粉都唔洗加，都已經滿足到我味蕾，果種辣慢慢滲入個胃，食完暖粒粒，麵款係幼麵，所以一定要揀超硬，因為超硬就算食到尾都唔會變糊，麵同湯再加啲蔥同木耳一齊放入口，口感香味一啖過享受晒。而塊肉呢，薄薄地，好大塊，非常滑，要用軟熟黎形容....由銅鑼灣食到宜家，味道依舊，抵我食足咁多年，真係好好食，食完心情會好，療傷食物！

記得第一次食豚王係10年前嗰陣時豚王都冇咁多間分店 要出到銅鑼灣先有得食又排隊排到癲 要排成兩三個鐘先食到直到今時今日已經開咗好多間分店 今次仲要開正荃灣附近 咁梗係要去試吓新店開張啲員工好似都未熟手老規矩叫返個最基本嘅豚王拉麵先就咁睇個樣無咩點變食拉麵第一下緊係飲啖湯先充滿豬骨既肉味,唔算太油麵口感唔會太淋,小小爽口 吸一吸湯,絕對一流食既時候撈小小辣粉,減低油膩度叉燒味道就普普通通雖然同日本既拉麵比,仲有唔小改善空間但作為本地薑,已經覺得唔錯,最起碼做到拉麵基本標準

荃灣廣場正門一入新開的豚王拉麵，好耐無食豚王啦，今日早肚餓就早食，諗住食返碗飽飽的拉麵。因為我6點鐘就食，唔洗等。反而對面果間牛角就開始多人排。一坐底自己畫紙，一睇先知原來而家$96碗接近3年無食過，對於幾年前淨係識食一蘭豚王，而家多好多選擇。btw,今次叫左辣的，幼麵，碗麵剛到我覺得d麵係好食，我叫左偏硬的，但食左五分鐘我已經覺得d湯好結身d麵都已經林哂，食到一半多d就已經唔想再食，本身加左個麵底，好彩取消得切，一碗已經好夠飽，兩個人都只係加左一隻蛋$17,真心覺得拉麵店加蛋好貴，但隻唐沁蛋真係做得唔錯，幾好食。同行朋友食左黑玉。我諗好食過我果碗少少，辣呢碗食食下覺得似擔擔麵既feel,我諗自己有排都唔會食豚王住

豚王位置唔多，8位入座安排唔到，就分開入座無問題，但係店員分我地到去2個2個咁散曬，明明有4人位，佢又分左畀另外既2個客坐，點知唔畀4人檯我地呢？可能新開張店員未上手所以安排有 d 亂。拉麵款式貴精不貴多，都係5種口味。不過加配料好貴，所以乜都無加，哈哈。叫左翠王，係衝住佢個羅勒同芝士而叫的。賣相講真，相當一般。但係芝士+羅勒一起味道唔錯，叉燒雖然好肥，但唔會膩口，湯頭豬骨味+羅勒味幾香。加少少芝麻更加香，麵質既口感幾好。不過一碗咁樣既拉麵雖然係叫好食，但差不多要 $100我就覺得太貴，味道亦無驚喜到令我想下次再黎。試過一次就夠了，性價比低。平衡味道，價格，環境，服務之後，我覺得係我心目中，佢係 Ok 既 level ...

我覺得已90幾蚊一個拉麵黎講，係荃灣區定係偏貴。另外好多應有嘅配料例如糖心蛋都要另外加，而係需要$17隻。總結係湯底都係一般，如果你熟悉荃灣區嘅拉麵鋪頭，我講你都會知一定有好多好過呢間。不過如果未食過嘅咪試吓囉，又未去到難食嘅。不過員工嘅服務態度就一般，我哋叫咗一隻糖心蛋，係諗住兩個人share，佢原隻上左來，咁我哋就問下可唔可以幫忙分開一半，點知個職員攞咗入去之後攞返出嚟話幫我地唔到，仲叫我地用筷子係中間夾開佢，簡單嘅咋。其實我都覺得好簡單，但係我覺得如果將嗰隻糖心蛋分開係一個拉麵店應有嘅能力。唔知點解好似好困難咁，而佢又拎返出嚟同我講話好簡單， 叫我自己做。btw唔係介意嘅，可能有啲特別原因能夠咁做呢。哈哈。總結就係荃灣區有差唔多10間拉麵其中一半都優勝個佢呢一間。