豚王 (荃灣廣場) (已結業)

今日專程開車過荃灣食拉麵，去到門口店員指示我要先攞飛等位，係等位期間見到店內尚有幾個空位，以為係防疫安排，無向店員進一步詢問。大約等左15分鐘，店員指示我可以入座喺一開始已經空置嘅座位上。座位係向牆嘅吧枱位，枱面一陣油淋淋嘅感覺，店員向我帶咗一杯水同餐牌之後隨即繼續忙碌準備收工前嘅執拾，隨後叫另一位店員過嚟落單。大約等左5分鐘，一碗完全唔熱嘅湯麵就放咗喺我枱上面。因為唔熱嘅關係，我食既「翠王」內裹既芝士粉完全溶唔到，食落去覺得完全唔入味，之後先發覺原來我張枱係冇任何調味料，隨後再問店員攞返三款調味料。到食完碗拉麵，因為湯頭唔熱，調味粉同芝士粉都唔溶，所以會比較口渴，但係去到食完為止，都冇一個店員為我加水。甚至乎已經將加水既器皿倒乾，所以我都快快埋單去買嘢飲。日本菜一般都係以客為專，以品質保證，而且疫情下，百業蕭條更應該以客為先。 今次飯局，係我人生裏面最惡劣嘅日本菜用餐感受，服務員完全冇服務可言，唯一嘅服務就係清潔地方執拾用具等收工，廚房出嘅拉麵，品質差劣，一碗拉麵冇熱湯，品質控制非常參差，疫情下可能依種質素先至係另類求生嘅道理

以前黎食過覺得味都算ok係太大碗會食得太飽所以少黎今日下晝先食飯諗住黎食碗麵坐低就開始等等侍應收order見佢得一個侍應唔得閒就耐心等下侍應見到我叫佢比左個等陣既手勢忙完返黎後竟然去隔離檯先佢轉頭想走我叫佢先醒起咁既樣過黎攞單攞左張單後等左9個字碗麵先上到跟住我叫左個溏心蛋再等多3個字遲我半個鐘入黎既客已經攞到佢碗麵我碗麵已經食左半見佢都未上要催先上隻隻蛋啱啱等雞生啊？洗唔洗等到人催？隻羹黎到手攞既位置都有湯汁搵紙巾既時候整到隻羹跌左落身度我叫左聲個侍應都唔識攞紙巾過黎我仲以為呢間野唔提供紙巾食完後口乾到爆見到隔離檯走左檯上有水杯先知道原來有提供水？檯上有水壺但冇比過杯我嘍 又係要同佢要先比水杯我再丟埋張紙巾係檯原來有紙巾架？服務真係極差湯又鹹以後都唔會再想黎

自從離開咗銅鑼灣區工作之後，好耐都冇食過豚王啦！今日喺荃灣廣場呢間試佢嘅限定王：生姜王！湯底冇想像中咁重薑味，但係有好大舊姜蓉同埋洋蔥碎，加埋肩肉同玉子，真係好好味！湯底濃郁又唔肥膩非常之好味! 麵條一貫嘅煙un，冇一般日本拉麵面太淋嘅問題。最好就係佢有啲面壁位，唔需要喺呢個高危嘅時間同陌生人近距離接觸。喺入店之前，店員好溫馨甘提客人要用消毒酒精消毒雙手，所以我對鋪頭嘅衛生都好有信心。期待下一次嘅限定王👍

一家4人去豚王拉麵撳飛等，安排入坐職員安排極其差及奇怪！ 職員態度亦其差， 四人枱安排3人入坐，三人枱安排2人入坐，好幾張枱也是這樣安排，眼見遲過我撳飛或剛撳飛的2、3人食客已安排入坐，4人或以上食客卻被逼在門外呆等，等了超過一個小時，詢問職員為何這樣安排? 職員卻回答出奇怪 答案，說其他人是早前的時間撳飛的， 眼見這些入座的食客也是遲過我撳飛甚至乎剛撳飛即安排入座！ 令多名在門外等的人十分憤怒， 由於是星期六的關係，若改到其他食肆，就要重新再等位！ 無奈下就只好再等，吃時卻一肚是氣…… 就算這間拉麵再好吃，我及家人也不會再幫襯！

This is one of my favorite Ramen restaurants in Hong Kong. I've ordered the Red King off their menu quite a few times - their spicy choice, with a thick and delicate broth, healthy serving of pork and nice tender noodles. What i like about this restaurant is the ability to customize your ramen. You are able to choose what meats, veggies, level of spicy amount many other thing, and customize the ramen to your own preference. The interior is also very authentic, with a nice noodle bar and seat aro

豚王拉麵🍜由尖沙咀食到荃灣分店豚王拉麵俾我最深刻印象第一就係佢哋嗰隻溏心蛋第二就係佢哋尖沙咀店只係收現金因為有一次差啲唔夠錢比其實已經食過好多次不過今次即管試吓荃灣分店嘅味道啦今日都係叫咗一個豚王同埋黑王拉麵同埋配菜可以因應個人嘅口味有唔同嘅配搭我個人比較推介試吓佢嘅糖心蛋，因為佢嘅蛋黃做到好甜而且流心嘅效果亦非常顯著，基本上每一次 都會食面嘅湯底濃度適中而且配菜即係木耳同埋蔥嘅比例亦都好好當然面嘅口感可以自己揀但係我覺得師傅做出嚟嘅效果每一次都符合我嘅要求總括嚟講雖然價錢唔可以話平但係味道絕對一流 😋😋😋😋

放假去咗荃灣食晏，第一次食豚王選擇不多，但貴精不貴多，不過其實都有得選擇：湯底：秘製醬油的多少、香味油的濃度、蒜蓉的份量配菜：腩肉/肩肉、葱/椰菜辛辣度有五個選擇拉麵：幼麵/扁平麵、麵的軟硬度精選上好的豚肉，配上香濃的湯底及軟滑的拉麵，不錯👍

限定王 係海龍王, 一嚟到個湯已經勁少, 小得太離譜 叫個waiter 嚟， 淨係識得講話本身個湯係咁少， 要加湯就另外加錢， 但也太奇怪了吧 唔係食完碗麵之後要加湯,係一嚟到碗湯已經唔夠通咁都要加..... 因為湯實在太少 只係加十蚊冇乜所謂但係個心唔舒服囉.... 食咁多次豚王，呢次係最差嘅體驗是一個拉麵來說 湯同面嘅比例係好重要， 呢個咁基本嘅要求都做唔到，我都唔知道佢點樣做拉麵呀..市面上咁多拉麵店我實在諗唔到佢有咩咁突出... 應該以後都唔會嚟...

今日黎到荃灣廣場行下，順便食個晚飯，咁岩想食拉麵，又係商場門口夠就腳，所以就黎到豚王拉麵啦！一開頭有張落單紙，接自己喜好揀湯底、配菜。我就揀左個特別d的翠王湯底，綠色湯底好少見，原來係用本身豚骨湯底再加欖油、羅勒混成的醬底而成，一種好獨特既香味，湯頭加上大量芝士粉，入口非常濃郁，又散發出濃濃的芝士味！食拉麵點少得叉燒，屬於有粹少肥個種，所以唔會話好乾身，配埋翠王湯底都幾夾，都有d菜呀、木耳絲配料用黎中和一下。另外加左個富士山柚子汽水，本身比佢個樽身包裝設計吸引，夠晒復古風格😉，有少少柚子的甜酸岩晒我！總結一下，呢間拉麵湯底好濃厚，食開重口味的人就一定要試下啦🤣

在4月頭，我跟朋友仔去荃灣百老匯睇 <小飛象>！我請睇戲，他請食飯！意想不到！他選擇人氣拉麵店 <豚王>！ 令我好驚喜！這間人氣拉麵店 <豚王> 在香港已經打出名堂好一段時間！ 日賣100碗拉麵的長龍餐廳！ 由此至終，我從來未幫襯過！今次第一次食，有朋友請！真開心！ 這間荃灣分店，位於荃灣廣場地下那層的角落頭位，舖位看起來並非四四正正！ 望出去是荃灣大會堂！店員殷勤有禮，主動為我們添茶！餐牌讓食客可選擇個人心水的食材、拉麵及硬度，令人食起來更啱口味及稱心滿意！翠天拉麵 : 配豬肩肉、椰菜、細麵 (幼麵)、普通硬度 $96我們選擇同意款口味拉麵，當時食客不多，勝在上得快！食完去睇戲仍有充裕時間！湯底味道香濃得來又不算死鹹，口味很合大家胃口！ 薄身的豬肩肉肉質柔軟，拉麵軟硬適中又掛湯！

剛從日本回來，思鄉依然，與友人荃灣逛街後，驚見豚王，早前曾於中環和沙田都嘗試過，味道不在話下，一點也不比日本遜色！今晚依舊食豚王，其實款式不多，勝在精於味道就足夠！湯底及配料都非常人性化，可以自行挑選，值得稱讚這種客人自主的服務！叉燒揀選了腩肉，肉質配搭湯底好夾，獨愛麵底幼麵，幼麵是拉麵的王道，粗麵感覺一般，冰水搭配更是美味！店舖還增設了日本的飲品，不過覺得價錢稍貴！另外還點了餃子，餃子肉嫩，皮薄，也不錯！

好耐無去豚王! 自中環舖便幫襯，當年驚為天人😱 當然，拉麵店亦無現在盛行! 開第一間分店我仍然有幫襯，不過水準大不如前，所以就無再去喇! 😔 尋晚同媽咪經過荃灣店，太后話未試過，咁就帶👸 試試呢間曾經紅極一時的拉麵店! .接近9點唔駛等位，先來一個黑王 🍜 太后表示好好食! 麵質選普通果然軟硬適中，🐖肩肉較瘦但唔鞋口，湯底味濃!另一碗係看似好辣，其實完全唔辣的赤王!🔎註: 味道可以，不過水準同以前比實在差太遠喇 😔 店員細心有禮，會提點及講解，讚👍

星期六夜晚經過荃灣 想食拉麵 就入左豚王荃灣廣場分店 七點入唔洗排隊就入得 入到去值得一讚係入面比起其他拉麵店坐得闊落 私人度高 人同人間唔會覺迫 張台都夠大試左個黑王拉麵 有得自己寫麵硬度 湯同醫油濃度等等 湯底味道很好 肉都唔覺得un 👍🏻可惜的是沒有旬送 哈哈待應都好細心介紹新選拉麵 同比紙巾你防止d 湯彈到衫 禮貌都很好 值得一讚👍🏻經過近荃灣西又想食高質d 既拉麵 呢間十分值得推介值錢唔算平 但係商場入面唔洗日曬雨淋等位面有呢個質素 抵返啦

我由佢係中環和安里開始食，以前要等成個鐘我都會等，但係而家啲味道同以前差太遠，同埋我最鐘意既辣芽菜次次都話無晒，無論幾早去都係，湯偏好喊，好重味精，唯一係糖心蛋仲係好好味。

星期日晚上 7pm 經過 未見人龍 😀一直都想試下豚王既拉麵 終於有機會一試 😋果然無令我失望 湯底同面質同日本既拉麵有得比 👍🏻由於第一次試 揀左豚王拉麵 🍜 食完都吾覺得好油膩 仲有想食既感覺下次再試佢 ge 限定拉麵先。