豚王 (荃灣廣場) (已結業)

嚟豚王食拉麵有個好處就係差不多乜都可以自訂，由醬汁既濃度、配料既多少、麵條既粗幼軟硬基本上都可以選擇。雖然有啲選項會因為有預設立場而不能配合，但都算大部分都乎合需要。今日我地揀左2個拉麵海鹽王湯底既味道十分濃厚，黑木耳十分爽口，豚肉肥瘦程度恰到好處，入口淡淡油香，唔會硬掘掘，十分易入口。不過略嫌海鹽既感覺相對較弱，反而似淡味左既豚王多一點。豚王一如以往，豬骨湯底既味道十分之濃。同海鹽王一樣，配料同麵條各方面都調較得啱啱好，而豬骨味就更加濃厚，麵條十分掛湯。👍🏻👍🏻另外各自加左隻溏心蛋，味道十分入味，食到醬油既清香。同時蛋黃流心程度值得一讚👍🏻👍🏻👍🏻整體來講，2碗拉麵都好食既，不過食完就覺得好口渴🙈🙈🙈，同埋份量好似比以前少左咁，食完都好似食左陣風咁，要再去買件蛋糕填肚先🥶…查看更多

一碗味精水，劣質麵($5 包果d上海麵），3片肥豬肉（唔係日式义燒，係譚仔果d垃圾肥豬腩，凍肉舖$20一包廿幾塊果d)，蔥都冇粒，蛋都冇隻，要$19加一隻，又細碗，都夠膽攞畀人食，仲要收人成舊水，完全當食客弱智，永不再幫襯…查看更多

I believe this is one of the most popular ramen shops in Hong Kong, with several branches across the city. I recently visited their Tsuen Wan location.I opted for their lunch set menu, which offered a fixed selection of options for hardness, soup, spiciness, and condiments. Each set came with a side dish, and I chose the fried dumplings. Although the menu options were not flexible, I was pleasantly surprised by the delicious taste of the food. The broth was full of flavor and complemented the toppings perfectly. The char siu had a wonderful balance of fats and meat and was extremely tasty.The dumplings were crispy on the outside and burst with meat juice in every bite. The entire set was only $88, which I thought was a great deal, especially considering it also included a drink.我相信這是香港最受歡迎的拉麵店之一，喺不少區都有分店。我最近去了他們的荃灣店。我點左午市套餐，拉麵係fix左唔可以揀軟硬度、湯、辣度同配料。套餐都可以揀一款配菜，我揀左煎餃子王（3隻）。雖然冇得跟自己喜好揀，但我都好滿意拉麵嘅味道。湯底濃厚，同配料好夾。叉燒肉質肥瘦均衡，非常美味。餃子外皮香脆，每一口都爆滿肉汁。套餐只係88蚊，包埋飲品我覺得都幾抵食。…查看更多

今日一早瞓醒想食拉麵就去咗食豚王，見到限定王出咗鰹魚拉麵，就試吓，不過通常新嘅都係無驚喜，豚王啲拉麵其實全部都偏濃味，唔係好食到鮮味，堅魚湯拉麵上面就會係配京蔥，筍，冇咗我最鍾意食嘅黑木耳，所以我覺得黑玉赤玉好味啲🤣，面可以自己揀軟硬，啲肉肉質都可以，跟住我就加咗個糖心蛋同餃子，糖心蛋同餃子都冇特別，超級普通，餃子都要42蚊,再加多一支柚子味嘅汽水30蚊，真係唔平，講真支汽水真係好好味，我次次嚟都叫🤣，唔係好甜又好夠氣，我男朋友叫左黑玉，味道依舊濃，墨汁湯有啲蒜味，如果當晚餐嘅話就可能覺得唔夠飽，就要加少少小食或者加送，而家拉麵多咗好多選擇，所以呢間對比之下性價比唔算太高，因為唔算好好食😆我比較鍾意較清嘅湯底，但係鍾意濃湯嘅人就可以去試吓…查看更多

久仰豚王拉麵，在荃灣行行吓開始肚餓，竟然發現就係附近，決定一嚐豚王拉麵的美味。到達後，只見長長的人龍。既然一場來到，再長也要一排。初次到來，梗係要點原味，湯底充滿濃郁豬骨味，拉麵口感彈牙，加上配菜滋味無窮。…查看更多

一個人冇嘢做求其搵嘢醫肚，見到哩間有位就入去堂食，點咗個豚王之後碗嘢嚟到得三片肉🙂🙂🙂 咁就成舊水，又唔係特別好食，完全只係普通嘅拉麵，又唔飽，好後悔入咗嚟食，下次一定唔會再嚟🙂🙂🙂嬲到要登入寫食評🙂🙂…查看更多

在荃新天地看完電影後，整個講商場都好多人，於是過去荃灣廣場找個地方吃晚飯，逛了一圈，見到豚王有位，大家都同意食拉麵。餐單好簡易，選擇拉麵種類，然後再選湯底、配菜、辣的程度，最後選麵底的種類，再考慮是否需要額外加配菜，自己在餐單上面勾選自己嘅選擇，完成就可以交俾店員落單。個人不肚餓，叫咗中煎餃子及豚王秘製燒叉燒。餃子皮薄，煎得脆脆，整體覺得最好食，而秘製燒叉燒覺得似炸豬肉粒，比較多油，味道還可以，可惜肥肉粒個不少。至於拉麵，試了其中其中一個，清清地，叉燒口感夠滑有肉味，拉麵口感煙韌，麵質很不錯。…查看更多

無辣不歡嘅人次次都會揀辣味今次都揀咗赤豚拉麵呢個赤豚係三辛味道都唔錯 不過都幾濃湯加肉碎攪勻後少少似撈麵影相時屋企人夾咗塊豚肉喺面所以張相變成咁🤣椰菜如果可以熱啲會更佳另外加咗溏心蛋感覺隻蛋未夠入味 有進步空間餃子🥟熱辣辣 個皮都夠脆環境就普通啦 始終喺商場open area唔夠冷氣 食咗熱辣辣嘅麵人人都好似出晒汗咁…查看更多

呢間日式拉麵都係香港開左好耐，其實我覺得佢味道都好唔錯，不過好似少左好多人食，今日再食都覺得佢味道穩定。🥡黑王🍜 $96湯底揀左超濃，黎到唔會濃到杰撻撻。黑色係墨魚汁加秘製黑醬整嘅湯底，非常濃郁。而麵底就揀左扁平麵，麵質較粗，所以掛湯多啲。🥡赤王🌶$98呢碗揀左廚師推薦嘅辣度同濃度。辣度只係1辛，味道都幾辣，辣椒粉有一匙羹咁多，想像唔到4辛有幾辣😱。湯底都係豬骨湯加辣，麵底揀左幼麵，食落好滑，口感亦都較爽口，個人比較喜歡幼麵。🥡靜岡抹茶可樂🥤$22呢支我諗都唔洗多講，飲開嘅一定嗌，有淡淡抹茶味嘅清涼飲料…查看更多

OT係日常 隔左3個禮拜我終於約到人食夜晚 見有新嘢 就試試個辛海老王真係冇對比冇傷害 比起一X 真係差好遠 蝦味好淡 個幾條菜小小牛頭唔搭馬嘴 不過叫為成碗拉麵加啲纖維就由得佢 我覺得湯底係辣油味為主加小小蝦味咁 真心後悔雖然講到好差不過佢個黑王係暫時冇其他店鋪可以取代到 我基本上次次黎都食佢 係今次失策左上面個舊肥豬肉碎係成個拉麵嘅精粹 墨魚汁出色 湯底濃厚 加埋溏心蛋冇得輸 …查看更多

週末係荃灣搵一間餐廳都唔易，見到呢間冇咩人就決定去試下。餐牌一眼睇哂，只要4至5款選擇，可能貴精不貴多啦，今次我叫左豚王，濃度、麵質都係適中，但問一下店員先知原來本身係無跟溏心蛋，所以我另外再加左。先試一下佢個湯底，係好濃豬骨湯味，叉燒size 適中但比較薄，麵都算掛湯既。可惜既就係本身無跟溏心蛋。總結同日本既拉麵就冇得比，但又唔想排隊又想食拉麵都可以試下…查看更多

好耐無食過拉麵隨意甘去左最近 鋪面開揚 坐位唔算多呢間唔洗點排隊例牌自己揀辛度 1 麵既硬度 普通油量普通 肩肉湯底我揀左赤王 湯我揀左濃上面有一個麵豉醬煮既肉碎係上面我其實只食到微辣 如果大家食到辣 辛度可以再擇大d 對我黎講都算可以另外仲叫左個鰹魚王拉麵 同最基本豬骨湯拉麵 小朋友食得好滋味鰹魚王湯好香但係就偏咸 當然就無去日本甘好食整體都不過不失…查看更多

心血來潮想去吃碗拉麵，之前係銅記次次都見到排晒長龍，今次貼冇乜人就去試下，點餐叫左一個”豚王”拉麵同期間限定嘅”黑松露王” 再追加一客”餃子王”。 “餃子王”煎得唔錯，外皮脆餡都有肉汁，做前菜或者送拉麵吃都幾好~ 至於拉麵個湯好緊要，而”豚王”拉麵個湯頭有膠質感但豬骨味不算濃。麵質尚算ok，叉燒肉質肥瘦平均入口都有油香。整體普通，冇話特別出色。呢個”黑松露”王高真係好麻麻丫，本身以前會好夾或者好新奇，期待黑松露同拉麵會產生一個好嘅花火，點知係唔會架。個黑松露加入湯頭真係好奇怪嘅味道，再吃埋d麵我食到一半就停了。🤣有勇氣可以一試~ …查看更多

這家的下單模式跟日本拉麵店是一模一樣的依照自己的口味選擇湯底/配菜/唐辛醬/麵覺得不夠還可以加配菜它的限定王可是得早早去吃 今期的是胡麻王 可惜上次約8點進去已經賣完了.黑王 $96看到有客人在吃一碗黑卒卒的麵覺得超級特別湯底一片黑色是因為墨魚汁 口感極為濃稠 帶點蒜香味叉燒選了肩肉 相較瘦 不會膩 質感滑嫩 很喜歡配菜加了黑木耳 口感爽口 跟拉麵非常配.赤王 $96朋友叫了辣味拉麵之餘 還點了10辛 (最辣的程度)因為加了辣粉 整個湯底馬上變得非常濃稠XD看他吃的津津有味 應該沒有很辣吧⋯⋯ (在他而言啦).餃子(6隻) $28餃子控的我 也點了一份餃子很好吃的日式餃子 煎得很好 非常香～…查看更多

限定王黑醋王為了讓大家嚐到不一樣的味道·豚王的職人靈機一動’於豚骨湯內加入黑醋湯底散發出濃厚的香氣·微微的酸度出奇地與豚骨湯底一拍即合·滋味讓人無法抵擋。配上秘製蕃茄醬及柔軟的乳脂酪不但充滿了意式風情更是豚王拉题的又一最佳配搭!香味讓人垂涎味道一試難忘…查看更多