豚王 (新城市廣場) (已結業)

晚市的沙田新城市好旺場，來到豚王幸好未遇上人龍，立刻入座。平平穩穩的長木枱長木櫈有懷舊感覺，粗麻繩吊烏絲燈膽，昔日窮人情懷！安坐下首先要選擇拉麵的種類，再選擇個人口味，最後選擇是否加配菜。兩碗不同香濃、味道、配菜、拉麵軟硬度不一樣的豚王拉麵就呈現眼前了！我們都選擇加$15送加麵底。 豚王以真純味美的豬骨湯底為號召之一，我也是第一次喝光湯底，濃郁的確好好味道；口感軟硬俱佳的麵條，豚王丶黑王丶赤王和翠王（代表原味豬骨丶墨魚醬丶辣味和芝士香草味）四款湯底。第一次品嚐個 人口味。感覺不錯，結賬了！

終於終於終於等到一間豚王係輪椅極為方便地就可到達！得知這個消息後，我順即找個空檔去試味啦！由於本人極愛吃日本拉麵，但大部份都係輪椅去唔到，所以我通常都係去食一風堂既赤丸新味去沙田新城市，只需乘地鐵到沙田站就可以。入左新城城轉Ｌｉｆｔ就可以到達目的地的層數。跟據食友提示，我預先在地鐵利用新城市APP 先取票。當去到豚王門口，我與姐姐說聲幾多號飛係坐輪椅就無問題但我此時才發覺重大問題是，雖然餐廳輪椅是入到的。但桌子係完全令到輪椅不能貼近，因為會頂轆，令到個人與枱面距離甚遠！　　除此之外，有些倚子採用長的，一張坐三至四人的，令到輪椅食客要等其他可移開倚子的位，使到輪椅食客要等得更耐。　　而且通道也比較窄雖然係咁，但等左咁耐先有間係輪椅去到，都係要食的！最後選了黑王！印象中多樣都揀左濃味，多蒜等等黑王來到之前，服務員都很細心給了紙巾說，黑王好容易食到成身係。黑王終於來到！先試一口湯，濃濃的豬骨味，好渴。豬骨味比墨魚汁味更重，入口後先是豬骨味，然後是淡淡的墨魚汁的味。以後再試一口麵，我選了硬身，都達到要求！以後，我將中間的黑色肉球與湯　混和一起　　令到湯底更加咸，因我個人食得比較咸，都接受到。但

我冇食過其他幾間，唔知會唔會好D，但係第一次試，係沙田。味道超咸，根本食唔到湯底有乜味。除左咸字。d麵本身又唔好食，煮個出前一丁好食過佢，起碼彈牙過佢。環境方面，我冇評價，因為可能真係比一d人感受到街頭氣氛既。服務方面，係冇服務囉，服務員就多囉，但係d人掛住聽歌玩手機。我後來睇左一下其他人既食評，好多都話要人齊至可以入去。我都覺得，如果唔係繁忙時間，又何必一定要死死的，我食個時都冇乜人，佢又真係叫左人地出返去，等齊先比入。抵食里家野就見人見智啦，但我就寧願返屋企煮個出前一丁囉。總結係三個字，冇下次。

星期四晚市,諗住呢度應該好出名會好多人,點知等既人都係等隔離ge,呢度反而唔多洗等位!鋪頭size唔算好大,亦唔似一般食日式拉麵ge地方,反而係張張都係坐多人ge枱!講明要齊人先可以入坐,有個fd遲左唯有等埋佢!不過基於冇咩人等位而turnover rate都幾高,個fd到都即刻有得入坐!去到有張俾你tick ge紙同埋menu! menu係用作介紹咩係豚王,黑王等等唔同款!都係試返隻最普通ge豚王啦!下面有得揀唔同配料同其多少,唔錯,可以根據自己喜好tick!主要都係普通啦,畢竟第一次食,普通可以試到佢有幾好味!除左蒜要多D同埋要左最少果個辣!佢會記低每張紙係邊個客人叫ge,到時上麵ge時候會睇返,俾返岩ge客人,唔洗話問係邊個ge,呢點幾貼心幾好!黎啦!賣相都唔錯!食晒D菜先!幾爽口播!之後飲一啖湯,唔算好濃,但係好好味!!D麵我揀左林D,所以幾岩我口味!麵底都唔細架!D豚肉好好食好入味!結果我食晒成碗再飲晒所有湯,對廚師極之尊重呀!唯一覺得有D美中不足係佢D麵定價有少少高,成8x或9x一碗!我覺得如果係6x-7x一碗會正常同吸引D!而且佢D額外加ge配料同飲品都偏貴!應該都會再黎

I have been there 2 times so far and will surely come again. There are no other dishes besides Ramen (I think), but lots of choices how to have them. There are at least 4 soup bases to choose from (I chose the original Butao style). Then u choose e.g. about the softness of the noodles, amount of garlic and of course the 'spicy level', etc. You can order extras, like another serving of noodles (15$), an extra egg, slice of pork etc.Adding more soup is supposedly free, didnt try to ask for it yet.

首先要等位, 好嚴格地唔齊人唔準入座~首先講下MENU, 基本上只得湯底選擇, 碗面裡只有少少菜和叉燒, 如要加其他嘢(其實都係溫泉蛋, 菜... 等之類的基本嘢) 就要加錢, 而價錢個人也感覺相當貴,一隻溫泉蛋要加17蚊, 其他加幾片菜就要加8蚊. 入去最低消費83蚊, 除左有水任飲, 其餘乜都冇.我第一次食, 就點了招牌的豚王湯底, <普通>濃度, 我個人覺得OK不錯, 但當中一半友人都覺得太咸.坐得勁逼. 裡面係冇獨立枱的, 都係圍埋一張大枱, 大家逼住坐係一條長木櫈上. 我明白佢係想仿效日本的地道面店, 不過講真坐得勁逼勁唔舒服.  天氣凍, 大家又手袋又大褸, 櫈又冇靠背, 店員又逼住一條櫈一定要塞3-4個人, 我朋友直頭小半個籮柚坐左出櫈外. 大家一路攬住D嘢一路食, 其實係食得好辛苦.因為人多, 座位少, 基本上一食完店員就會問你收碗. 所以結論係: 又貴又逼又辛苦, 又唔算係好食到非去不可, 所以唔會有下次.

笫一次接觸豚王糸十月尾剛開店個時，感覺點面ga自選度高，雖然款式吾多，但由湯底至面同肉都可以自己自由配搭。豚王湯底亦吾錯。糖心蛋亦好有特色。記得當時仲有高層ga人員著便服糸度幫手招呼同送面俾我。今日（2013-12-14）下午五點度我們一家三囗打算試下尼間店的其他湯底，我個女（只有十三歲）先到，入左店內坐住先，十幾分鐘後，有個女職員同我個女講:小姐我地尼度人齊先入坐，伱未齊人不如出返去等住先！（之後我個女就咁被‘趕’左出去）我到左了解返成件事，巨成間店只有五，六臺客人，（入坐率只有三成度）非煩忙時間門口又冇人排隊。就算茶記都吾會咁做。我住沙田廣場十幾年吃野未試過有咁ga經曆。巨咁分眀糸（蝦）細路女者？，吾會光顧，同糸各飲食網站發佈。希望尼間公司對尼名職員作紀律處分。好難想像糸尼個大商場入面有尼種服務的餐廳，

朋友話沙田開在豚王，一定要試，星期六放工即時去排隊，等在一個鐘……有得食感恩!試在赤王，翠王加在塊肩肉，兩隻糖心蛋赤王 - 湯底好咸，感覺好油膩，麵質ok，叉燒正常翠王- 湯底 好咸， 一樣油膩感覺糖心蛋-好失望，無流心，係一隻熟在既雞蛋，好唔開心！坐得唔舒服，一百蚊碗拉麵，我唔識欣賞……

終於有機會一試豚王, 係中環灣仔經過好多次, 由於太多人排隊, 真係無時間等.係沙田睇完7點半, 問問老婆, 連對拉麵一般既佢都話想一試加上唔洗排隊, 咁就行左入去.太太點左一碗豚王, 一嚟到試下個湯先, 幾好味~ 佢點幼麵+腩肉 (連唔好拉麵既佢都話好食, 得)我黠左個赤王, 8辛辣, 我要湯濃香油多, 因為我加左麵, 怕加既時候唔夠味, 結果我猜對了 岩岩食既時候較濃, 加左麵味道都夠, 唔錯~~唔錯! 唯一係我太高估自己, 飽得濟~ (其實個半麵岩岩好, 可惜無得嗌半個)個麵幾有咬口, 因為我要"普通", 個人口味而言, 確係比外面幾間有名拉麵好食. 試完冇名大於實既感覺.

話說因事要到沙田，結果正事沒辦成，反而去了吃拉麵。沙田新城市這幾年來，成為了自由神的聖地，我這等平民，已經很少去了，尤其是食肆，人滿為患。不過還好有app可以排隊，所以不用排隊。加上去到，才發現這家根本沒有中環、銅鑼灣的盛放，反而隔鄰的鼎泰豐多人幾十倍。不是第一次吃豚王，上次吃完感覺很滯，沒有特別想再去的感覺。不過因為不用排隊，就不妨一試吧。今次吃的是朋友力推的翠王。因為怕肥，所以點了肩肉，另外加了蛋。翠王要93，蛋要17元，一點也不便宜。一看這碗，就知油量十足，又要想辦法減肥了。當然，實情是這個翠王本來就是芝士加橄欖油，沒有油才怪。這個拉麵其實是好吃的，選了我愛偏硬的「生麵」，煙軔十足。芝士的香氣甚濃，混和在湯底也配搭。肩肉，還真的堅硬……木耳，其實也很硬。我最愛的，是這只蛋，很香很香的蛋味。而且溏心程度剛剛好，真的是半生熟！完全不會變鹹蛋，又不會不夠味。就是價錢偏貴（笑）沙田這間的座位比銅鑼灣的好得多，加上有app，不過排隊，可以一來。但老實說，拉麵一碗接近一百不算便宜，而且吃完之後的滯感，比一般拉麵店嚴重。偶爾吃一次還好，真的不能多吃。

見又有新食店進註新城市，原來是豚王！來試一下吧！下午3點半，不用等位。裝修很特別，很開掦。最喜歡吊燈係麻繩做服務態度ok, 可惜明明有好多吉枱，硬要張食客搭枱我選豚王湯底，濃，肩肉，扁麵(普通），洋白菜，小辛…等的時候，枱麵只有芝麻，沒有其他配料，我去過其他的拉麵店都不會只有芝麻…有點失望大概幾分鐘後，麵到了配料比我想像中少好多，紫菜都無…算吧…只要湯㡳好味便可…可惜…太鹹了！！！濃不等於鹹吧！麵&肉都ok, 但湯底真係麻麻地，鹹到我未試過去呢類價錢既拉麵店個湯係唔想飲到底…$83 wor...唔值下次睇下有無心情再睇下俾唔俾多次機會想試既朋友，湯揀普通或淡便可

見沙田新城巿廣場開了分店，不用去中環／尖沙咀食，所以特登去試下！因為新開，所以平日去也要等位。等了四十分鐘，終於有位啦：）安排坐 bar ，面對面望到好多廚師即煮拉面，很有趣^^ 我點了黑豚拉面，用廚師 recommend 的配菜及醬油份量，你們亦可根據自己的口味去tailor made 自己的拉面或加錢添加其他配菜。很久以前在中環吃過的黑豚覺得很好味！但今次在沙田吃的黑豚拉面比較濃，所以覺得好咸，下次會自己揀較淡味的湯底。

星期六下午時分，特意走到新城市。只因從facebook專頁得知人氣拉麵店《豚王》靜悄悄地進駐沙田，中環那間《豚王》已被我列入wishlist許久，聽說早年全盛之時更至少要等上個多兩個小時才可入內吃拉麵。難得現在近在咫尺，加上今天是沙田店首天開張的大日子，於是決定到來朝朝聖。店子的位置於商場內的「較隱蔽」處，不過由於本身已甚具人氣，故前來的食客也不少，幸而不用等候便可入內了。裝潢簡約，並以木為主。這次二人選於麵吧就坐，可一窺師傅煮製拉麵的整個過程。個人挺喜歡這種模式的menu，只是簡單數頁，並以手繪圖展示及解說店內五款拉麵，鮮明得很。選好款式後，還要選擇湯底的濃度、日式叉燒的款式、拉麵的粗幼與硬度等等，以供師傅「度身訂造」一碗最合心的拉麵。待了片刻，先來的是他的「豚王」（$88），即原味豚骨湯底，聽說湯底熬煮了至少十多小時呢，另外還加入了秘製的香味油耶。拉麵方面，煮得剛好不過稔過硬。我的「黑王」（$98），同樣屬豚骨湯底，還加入了墨魚汁，可謂坊間少見的款式也！！！！ 我把中央沾有墨魚汁的肉燥拌勻，先喝一口湯，湯的質感與一貫豚骨湯不一樣、非「糊口」的那種，不過味道鮮甜，喝後亦沒有口渴的跡象

終於不用逼在港島也可以一嘗豚王了！先一讚沙田店提供電子取票，而且舖位於角落位，附近的店舖未開業，等候的時間相較舒服。店內一眼可見，主要有一張十多人可以坐的四方型枱、幾張四至六人的大枱，小妹與友人當日被分配到Bar枱，位置亦相當寬闊。雖然是少了一份傳統拉麵店的味道，但環境開揚，切合商場設計，可以是舒適地聊天。食物方面是基本款－豚王配豚肩肉（83元），味道如一，湯底濃郁，而且麵質好彈牙，讚！總的來說，如果是二人飯聚，在沙田的一個好選擇！

雖然自己住沙田，但平日冇行開沙田，剛剛知道沙田開左豚王，就過黎試下，亦都係自己第一次食豚王自己食過幾間香港出名嘅拉麵，魂、一蘭、橫崗、一風堂，所以今次對於豚王（人人都激讚）要求我相信絕對要拍得住一蘭同魂，可惜希望越大，失望越大今次我叫左豚王黎食，豬骨濃湯，個湯好濃👍但感覺就好味精，所以今次個湯冇乜點飲，麵質口感同一蘭差唔多，幾好食😋😋，個豚肉幾腍，但個價錢就唔值83囉，太味精，冇左拉麵認有嘅味道！沙田開左豚王，抵讚嘅係可以用app 拎飛仔，唔洗排隊