豚王 (新城市廣場) (已結業)

今次叫了黑王, 聲稱是墨魚汁味. 賣相是成碗都是黑色的湯底,我自己叫了多蔥多蒜蓉, 首先飲啖湯底先, 好濃豚骨湯味, 濃到有點過鹹. 但奇怪是這碗黑王食到成個口都黑晒, 都食唔出有什麼墨魚汁的味道, 也沒有海鮮的味道, 或者是因為豚骨湯味太濃蓋過墨魚汁味道, 加埋蔥味蒜蓉味其實都幾惹味, 麵質軟硬可以選擇, 我自己鍾意硬身少少, 所以叫左偏硬, 麵索晒D湯汁都幾好食. 下次會食第二個味道, 因為黑王同我既預期係有落差.

Boxing Day 假期嚟到沙田，到處都人山人海，好彩有個New Town Plaza apps可以排隊拎飛，非常方便，令今晚慳了不少排隊時間！（第一次食豚王）晚上7點45分入座，一入到去即刻點餐：一碗豚王、要硬粗麵濃湯肩肉 + 一碗黑豚、要多蒜濃湯腩肉 + 加一隻糖心蛋、一塊紫菜、一罐啤酒 豚王湯濃好香，麵硬度剛好，但係用普通蔥花但唔係大蔥⋯⋯ 黑豚好濃嘅蒜香，但本人覺得鹹了一點點，但都已經唔錯。啤酒並不是draugh beer，而係俾一罐你自己搞掂。 由入去到埋單都係用咗廿分鐘左右，呢到上菜好快，而且啲人流轉得好快，味道又幾好，都已經好好，絕對係日式快餐首選！

阿P好鍾意食拉麵，阿J就唔太like，因為我好怕食啲蒸氣不斷湧上塊面度嘅食物。不過凡事都有例外，每次係沙田新城市探望完同事之後，都會心思思想來豚王喝豬骨湯，加上下午茶時間通常都唔洗等位，於是PJ便決定來個quick tea。我只喜歡豚王的豬骨湯拉麵，因為這裡可細緻地要求味道的濃度及調味。最開心可以走哂啲葱、蒜、芝蔴及麻油，吃拉麵時可盡情享受豬骨湯的精華。豬肉每次都選肩位，全瘦肉卻keep到軟熟。我最怕食淋及粉的拉麵，豚王的麵身雖然及唔上一蘭般彈牙，但也算爽滑。整體上豚王的水準平均，每次食都滿意。阿P的口味比我多元化，他勇於嘗試Daily Special及雜錦Combo。他今天試了翠王，綠色的湯底內加了羅勒，加埋啲芝士阿P話個湯底好濃味。湯底內的橄欖油同芝士味幾夾，不過佢話都係黑王最好味。服務員勤快有禮，環境開陽乾淨。最好係排隊時間短，唔洗同人迫。

今次去有個限定王食係青咖喱湯底，配菜竟然係菠菜初頭擔心會有d怪，但食第一啖就知冇中伏！青咖喱味唔算太搶，仲食到個湯底既味，但又有少少咖喱同辣味叉燒都係平時豚王咁。整體黎講作為限定值得試！

住係沙田既我已經五係第一次食豚王啦～由第一次男朋友帶過我黎食之後，就一直心思思想再食！甘岩今日我奶奶不在家煮午飯，屋企又冇嘢食，就自己一丁友出左去食飯。我有選擇困難症～想食漢堡包～又想食丼飯～又想食牛扒～最後都係覺得食拉麵最好，一碗過！又快，又夠自閉！可能係下午茶時間，五洗等位！坐底就會有人俾杯冰水同張落單紙俾你揀。我叫左豚王。—味道濃度～濃—香味油～濃—蒜蓉～超多—叉燒肉～腩肉—野菜～葱—唐辛醬～2辛—麵種類～幼麵—軟硬度～超硬加$17溏心蛋白色既湯底很濃稠，五會好咸！好好味！可以食哂成碗！最好味係隻溏心蛋～真係做到好溏心～如果五係甘貴，一定加多幾隻食「其實好想食一蘭架，不過要去到甘遠。幾時沙田都開反間一蘭，方便一下我呢d自閉仔！！！」

黑王又話新城市無人既？星期六依舊多人到嘔，3:00pm間間食店都爆哂，只有在暗角的豚王無人排隊。最愛這兒的黑王，湯底濃稠香甜，配上硬扁麵多蔥多芝麻掛上湯頭的麵條極美味，正！FB專頁: smallsmallsmalllin

呢個拉麵原來就係椰菜+木耳+蔥花+粟米配硬幼麵，溏心蛋有醬油香味。右上角嘅係蘋果醋，靚女Waitress話呢個其實係有D人唔鍾意豬骨湯底嘅豬臊味，就加落去，不過佢話呢個唔需要，因為呢個係雞湯，都幾清。不過就唔可以當係素食啦！（農村人都唔係成日食咁多肉啦！）另外+$17配豬肩肉叉燒，少少肥，但主要係滑，反而有少少煙肉嘅感覺！$75山區王扣除成本之後會捐俾小母牛

打波前先吃東西醫肚，拉麵係其中一個唔錯既選擇。今晚揀左豚王，7點半去到，有需要搭枱既大枱，亦有對住師傅既 bar 枱。個人鍾意一路食麵一路睇住師傅煮麵，比較有日本風味於是選擇 bar 枱坐。兔女今晚揀左「翠王」，而兔仔就試「黑王」，再加2隻溫泉蛋添！「翠王」- 綠色既湯底因為加左 basil，再加芝士，而唔係見慣既牛油，有少少 fusion 感覺。不過只有色水既改變，湯飲落只係感覺到豬骨味道。配料足，椰菜幾爽，麵條選左「普通」，恰到好處。溫泉蛋亦做得唔錯，但＄17一隻真係比較貴。「黑王」- 飲第一啖湯已經覺得咸，好彩加左一級辣，食落冇咁漏。中間果一球黑色肉碎，同麵條唔係咁夾，如果改食擔擔麵會比較接受。題外話，如果店家可以提供餃子就好啦～

是日相約朋友去沙田食lunch，由於本人一個星期總要食幾次麵食，咁朋友就推薦去豚王啦，我都冇乜所謂，反正好耐冇食過，就決定食呢間lu~去到竟然唔使等位，我記得豚王岩岩黎香港個時排隊起碼要個幾鐘，睇黎香港人都係貪新忘舊尤其是宜家開左咁多拉麵鋪~好講番間野先，入面唔算好大，不過坐得幾闊落~黎得一蘭食就預左唔會有太多口味選擇，都係果4款(豚王、黑王、赤王、翠王)，我原來掙扎緊要豚王同翠王，翠王有芝士呀my fav!不過呢聽晚要去食放題，都係唔好食得咁heavy，我就決定要豚王算啦~朋友都係叫豚王~跟住就自己圈你碗拉麵想要幾多醬油呀、辣油呀、要咩肉同菜、麵要軟定硬等等，每次都好似填問卷咁，填完俾個店員就得架啦~店員會記得邊個叫左邊碗，唔怕溝亂朋友同我個碗俾完張野店員先見到有限定發售既蜆王，盛惠$90早知叫呢個啦，我好鍾意會蜆架，個湯應該會好好飲！唔知下次黎食仲有冇呢個蜆王呢？唔知係咪因為鋪頭冇乜人，所以我地碗拉麵好快就到左~雖然好耐冇食過，但仍然係咁好味湯底有好濃既豬骨味，有d膠質，又見到有d油，真係煲出黎架~兩塊肩肉好堅，超大塊麵我揀左細同軟，我覺得腍度岩岩好，好正雖然香港越開越多拉麵店，但

星期六夜晚去食都唔洗點等位七點前去到都okay的.豚王拉麵可自選 麵的硬度/軟度;辣味的多少;蔥粒的多少;蒜蓉的多少;豚肉的肥瘦;湯底也不錯喔 也不太咸豚肉要有點肥才好味期間限定的醋王拉麵酸酸地又帶點cream 都幾開胃的不過哩個麵除左蒜蓉同辣度外其他都可以選擇個人比較喜歡期間限定的醋王拉麵多點可能比較少機會吃到吧 哈哈味道都幾特別的.

細佬喺外國讀書嗰陣，成日話好想食日本拉麵，叫我喺香港試勻佢，然後帶佢去食喎！我都好想幫佢，但係香港人鍾意嘅日本拉麵，通常都係濃厚又重膠質嘅豬骨湯底，自己個胃又唔爭氣……試咗幾間就頂唔順，但覺得豚王都唔錯。呢日一家人去開沙田，就還細佬一個心願啦！首先介紹豚王。湯底好香豬骨味，膠質未算太重，幾啱我口味。翠王，加入新鮮羅勒葉同埋大量芝士粉，似fusion菜，味道幾特別，都唔錯。黑王好杰好鹹，據講落咗墨魚汁。喂！要有海鮮嘅鮮味唔需要鹹到嘔㗎！黑王鹹到嘔，赤王就辣到嘔。辣到根本食唔出碗麵有其他味。如果你無辣不歡，可以一試。個人就喜歡一風堂嘅赤丸，微辣得嚟有層次感。結論係，原味最好食。想變吓款？翠王啦！其他就咪搞。為咗款原味，值得嚟一次。

星期日去食 唔洗等位!原味豚王 , 美道一如既往既好食 不過小油會好d肩肉瘦小小，腩肉肥肉多小小 不過兩隻都唔錯 墨魚味 ！可能叫佐多蒜 有d過咸 面質硬, 岩曬口味建議待應可以多d介紹野食, 咁樣第一次黎既人唔洗唔知做緊乜同埋唔知係咪人多既關係 食物質素好似下跌佐

行完山，攰到真係抽筋，搭車返到沙田，天氣太熱，根本唔想食飯。諗諗下不如去試下豚王，豚王個名真係細細就聽過佢個名，啲朋友喺幾年前已經盛讚，但尖沙咀嗰間真係次次都咁多人，為咗食碗拉麵去排餐曚並唔係我風格，所以一直都無去。沙田依間分店大約開咗一年，佢間舖嘅位置係一期地下去到最尾，一期地下正宗美食天地，要搵嘢食，我諗行幾間舖已經搵到，所以一直都未去試過。今日終於心血來潮去試下，結果........下單要自己填的，先選擇自己想食的湯底，之後再選擇個人口味，包括麵嘅質地、配料及辣味等等。裝潢用統傳日本食店的全木設計，亦一如很多日本食店一樣枱面有冰水自行添加。豚王拉麵（$95）皇后叫了豚王拉麵，試了一兩口，沒有一食難忘的感覺，湯底亦偏咸（因為個人口味已選擇淡），腩肉則相對地好，但是否好好味？我的答案是：否。反而最好食係椰菜。黑王拉麵（$95）黑王即係黑醬油配一球墨魚汁（?!）。墨魚汁味呢，講真就唔係好覺。黑醬油味呢，講真又唔係好夠。個人感覺係唔上唔落，不左不右。問題來了，皇后揀嘅麵係硬身，我揀係軟身，食落，其實無咩分別。咸度亦係，佢揀淡我揀正常同濃，食落又唔係好大分別。咁我寫嚟做咩？結論係，以$95

與媽媽逛街逛得肚子都餓了，突然想起這兒有豚王，反正媽媽愛吃拉麵，即管來試試~居然不用等位，可能是下午四時多的原因吧~各點了一個豚王拉麵~ 媽媽要了少香油、配肩肉、椰菜、幼麵、無辣~ 嚐了她的一口，豬骨湯底香滑濃郁不會俗，亦不覺油膩，幼麵爽滑~ 我要了肩肉、葱、扁麵(硬)、小辣，湯底同樣濃郁但比媽媽的多了點輕微香辣味，青葱增加了香氣，扁麵如我要求稍硬，有點煙韌，個人一向喜歡這種口感，即使放湯中久了一會兒，也不至於把麵浸得過腍~整體質素不差，但個人覺得又未至於要長期排長龍為吃它一麵，不用排隊的時候，或許會再來~

以前覺得呢間同中環果間啲水準差唔多，一個月食兩三次，但自從加價後水準反而越來越差。麵既熱度保持唔到之餘，麵的份量亦小左，今日再食連枱上面啲芽菜都無埋，乜都縮水，以後唔再去了