豚王 (新城市廣場) (已結業)

今日我無咩人排隊就入去食左碗豚王拉麵湯底：濃郁豬骨湯底，好濃，飲落有D結感覺，不過偏咸的，一路食要飲下汽水中和反。麵：煮得剛好，有咬口，彈牙豚王：肉好細片好薄，其實沈左落湯底，比湯底遮左佢原本d味，淨系食到湯底味多，易咬開。雞蛋：糖心蛋，蛋黃甜甜的

想當年淨係得佢一間嘅日本拉麵係最正宗就覺得佢好好食成日早起身走去排隊，依加拉麵店開到一街都係，將佢同其他拉麵店比較先發覺佢個湯底有啲偏咸，尤其係"豚王(原味)"以外嘅"王"。所以唔鐘意咁喊嘅朋友可以係香味油同秘製醬油果度揀"少"。除左"豚王"之外其他"王"都有一舊半圓形嘅醬，舊肉嘅色就代表唔同嘅味，但個base都係"豚王"。"豚王"係88定唔知9蚊，其他王係95蚊。全部拉麵會包兩塊肉，可以揀肩肉或腩肉。我次次去食都淨係會揀肩肉，比較薄身但好大塊。我分別食過翠王同黑王。翠王:主要材料係巴西葉同芝士粉。睇啲材料似意粉汁好似好怪咁，但係又啱味架喎。個湯好香豬骨味，加上巴西葉別有一番風味。黑王:主要材料係肉碎同黑蒜油。上面講果個半圓形嘅醬偏咸，所以其他有味嘅嘅都可以揀。

好少寫食評，因為總覺得好又一餐唔好又一餐但今次真係覺得呢間野d服務極差因為約左人夜晚9點新城市交收，8點幾去到先搵野食。九龍人，不熟沙田。上網search食評，揀左豚王；因為鍾意食拉麵，加上未食過豚王。等位ok，1個人，等左唔駛5分鐘就可以入坐。入坐時，間餐廳未算好full。8點8落單。坐左5分鍾左右，左邊隔離果位早過我到既客人既order到左，望住佢食完，之後右邊隔離果幾位都係早過我到既客人既order都到左。等啊等，等到連右邊都食完，我既拉麵依然不知所蹤。舉手問侍應係咪漏左單，侍應黑面回答「整緊」。再過左一陣，我既order終於到了，而當時已經係9點1有多⋯⋯一碗面要整半個鐘，真係好想問下d侍應，個面係咪收到order之後先至拉😡

拉麵係我面之中最鍾意食嘅款 所以 今次我就去左 豚王 叫咗呢本黑蒜油拉麵因為我本身唔係好識得啦所以叫左一款唔辣既湯嚟到湯底黑蚊蚊但好濃 蒜香味 飲我唔太鹹 但 好濃烈嘅蒜油感覺好 濃郁 肉 採置 豬 的肩肉 肩肉位置唔太肥膩偏瘦 好啱健康人士食 雖然 肉 唔肥 但一啲都唔鞋 好 有口感肉質好彈牙 拉麵 唔算太粗 但好有咬口 亦唔會太硬 配合黑蒜油嘅湯底 令人一試難忘

之前新聞都有講過, 馬鞍山是個美食沙漠, 餐廳少但人多.間間餐廳不論食物質素好與壞, 都會大排長龍.在馬鞍山出街食飯, 真的要花時間排隊.不想排隊的話, 就唯有坐巴士或小巴到沙田了.今次我就和朋友仔到沙田的豚王食晚餐.店員先放下餐牌和點餐紙.豚王拉麵共有五款:豚王、黑王、赤王、翠王和限定王.今期的限定王是鰹魚王.除了拉麵的基本配菜, 食客還可以加錢另加配菜.在點餐紙中先選拉麵款式, 再按自己喜好選擇醬料、配菜和麵.我因為腸胃最近不好, 所以選擇了豚王, 即是原味.朋友仔喜歡食辣, 所以選擇了赤王.而他的湯底選擇都比我的選擇重口味.豚王 HK$88賣相雖然與普通拉麵差不多, 但味道相當不錯.湯底是很濃的豬骨湯, 而且不會覺得很油膩.另外, 我只選擇了普通分量的秘製醬油和蒜蓉, 所以都不會重口味.左上角棗紅色的醬是豚王的自家制唐辛醬, 這個是1辛的份量.唐辛醬與豬骨湯混合後, 湯的顏色並沒有太大分別, 可能醬比較少, 所以不覺有辣味.野菜方面, 我選擇了椰菜, 椰菜口感與木耳絲一樣爽脆.叉燒肉中, 我選擇了肩肉, 因為我覺得肩肉比腩肉瘦.肩肉雖然薄, 但size約有一隻手掌大, 而且每碗有

强烈推荐，豚王食既就是麵，里面放了芝士的濃骨湯麵。叫了個和豚王麵條，并加了糖心蛋，麵條特别有嚼口靱度，豚肉爽口彈牙，加上滿滿葱花特别香口，最特色是加上雪糕令整個麵增添不少色彩。

黎到沙田，周圍都排哂長龍豚王都多人排，但勝在好快就有位入去點左個豚王拉麵+糖心蛋豬骨湯底一如既往都係咁好味一邊飲濃郁既豬骨湯一邊食拉麵糖心蛋入面半熟，甜甜地好味道湯底係拉麵既靈魂，遇到好味既湯底都差不多俾我飲哂

今晚跟日本客人吃飯本來帶他去隔離的鼎太豐但又多人又累想趕快吃完收工回家他點了豚王我點了黑王都是廚師推薦，懶得選5分鐘內上枱日本人一邊吃就一邊說oishi而我的黑王中間有團黑色，不知道是什麼雖然說是墨魚汁，但沒有墨魚汁味味道尚算不錯，吃完沒有口乾麵是幼身拉麵，三塊叉燒不是薄如紙好味道

今日黎到沙田呢間豚王，試下限定王黑醋王先，大約等左10分鐘到就上到呢碗麵了，聞落去好香黑醋味，一入口唔錯，個湯底同個麵好夾得埋，但美中不足係碗上面既一舊白色既野，加埋個湯底有d油膩既感覺，食左幾啖，已經頂5順果陣味，雖然有d創新既諗頭，但5加果舊野會好好多，不過我個人都係比較中意食反個原味豚王拉麵多d。

放工自己一個人食咩好？行去沙田見到豚王，呢間好出名但我未試過，今日一於試下！呢間餐廳裝修得幾特別、舒服。好明顯我就係叫左辣味啦！佢地既湯底非常濃縮！味道似味噌湯濃縮版，再加d肉既鮮甜，佢地既辣好似五味粉果d，同出面既唔同！伴菜有爽口既類似木耳同青菜，而麵條好有口感，唔會煮得太淋！

份量還可以，給女仕食就剛剛好，湯底同醬料都可以由自己話事，麵質軟硬也可由自己決定，今次我食較軟的，都幾好，真的合我口味。這個是肩肉，不太肥，只是不夠滑身，湯方面我是要多醬油，我唸住香D，但食完後發現好口乾，即＝多味精，但很香口，間中食下就OK，因價錢都不太便宜的，但環境幾好。

沙田豚王易搵位，食客通常快來快往。在人多的新城市廣場，一兩個人快趣食一餐最啱。這個限定王我食過翻尋味。印象中第一次食不錯，所以翻兜、和決定寫食評。一如以往限定王，細緻口味麵條配菜等已經set 好。不過今次這碗比上次那碗perfect，因為走了我不吃的洋蔥湯底有濃濃黑醋味，同蕃茄好夾。最離奇係舊乳酪，記住慢慢整到佢溶哂先食。溶咗嘅乳酪漿在麵條上，淡淡的味道，使麵條質感變得糊糊的，好過癮整體味道⋯既然我返啅，你話呢？

下午茶時段經過沙田新城市廣場的豚王，又不用排隊，決定走進去試一試未嘗過的翠王，橄欖油及不同的蔬菜放在拉麵上，令湯底擁有特別的清爽香氣，而香濃芝士溶在湯中，飲左幾啖湯更覺與別不同，充滿芝士奶油的味道，相信特別喜歡芝士的朋友會一食愛上，但同行友人卻覺得格格不入，喜歡傳統的話，還是選擇豚王吧。

呢度嘅拉麵確實有佢嘅吸引力，係會令人食完一次又一次，而我係豚王拉麵嘅忠粉，每次都係叫呢款！最欣賞係佢個湯底好香好濃，雖然有人會覺得油左d，但我最好buy，而葱花同蒜香亦令成碗麵生色不少，麵嘅硬度同粗幼度都恰到好處，加上少許自家製辣醬，令人一食難忘~食左幾次，水準都保持到，呢樣先係最重要嘛~

是次點了最簡單的豚骨拉麵去嘗試基本實力如何不過好可惜當日想食的溏心蛋和燒叉燒都售罄第一時間當然要試日本拉麵最重要的湯底的確沒有失望，是又濃郁又香的豬骨湯因為怕辣醬的份量影響湯底所以只點了1辛嘗了少許，辣醬微香微辣，愛辣的朋友可加重份量，味道應該會不錯不過奇怪的是我點了太麵，跟友人的細麵差不多，未知是否上錯麵呢？而最扣分之處，就是吃完非常口渴其實平日無味精拉麵的鹽份都會使人感到口渴但這裏更明顯地令我邊吃邊喝水……