豚王 (新城市廣場) (已結業)

行完山，攰到真係抽筋，搭車返到沙田，天氣太熱，根本唔想食飯。諗諗下不如去試下豚王，豚王個名真係細細就聽過佢個名，啲朋友喺幾年前已經盛讚，但尖沙咀嗰間真係次次都咁多人，為咗食碗拉麵去排餐曚並唔係我風格，所以一直都無去。沙田依間分店大約開咗一年，佢間舖嘅位置係一期地下去到最尾，一期地下正宗美食天地，要搵嘢食，我諗行幾間舖已經搵到，所以一直都未去試過。今日終於心血來潮去試下，結果........下單要自己填的，先選擇自己想食的湯底，之後再選擇個人口味，包括麵嘅質地、配料及辣味等等。裝潢用統傳日本食店的全木設計，亦一如很多日本食店一樣枱面有冰水自行添加。豚王拉麵（$95）皇后叫了豚王拉麵，試了一兩口，沒有一食難忘的感覺，湯底亦偏咸（因為個人口味已選擇淡），腩肉則相對地好，但是否好好味？我的答案是：否。反而最好食係椰菜。黑王拉麵（$95）黑王即係黑醬油配一球墨魚汁（?!）。墨魚汁味呢，講真就唔係好覺。黑醬油味呢，講真又唔係好夠。個人感覺係唔上唔落，不左不右。問題來了，皇后揀嘅麵係硬身，我揀係軟身，食落，其實無咩分別。咸度亦係，佢揀淡我揀正常同濃，食落又唔係好大分別。咁我寫嚟做咩？結論係，以$95