豐盛閣

营业中

休息中

難得放大假，一群朋友相約去馬灣挪亞方舟度假酒店食自助晚餐。先不要說食物，對住個靚夜景同亮燈的青馬大橋，已經值回票價。今個月酒店推出以「蟹」為主題的海鮮自助晚餐。海鮮有長腳蟹、紐西蘭藍青口、太平洋大蜆及熟中蝦，長腳蟹係必食，蟹肉好鮮甜，個姐姐仲會不時refill。青口同大蜆就一般般。仲有壽司，刺身等，有三文魚刺物、吞拿魚刺身、鯛魚刺身及加州卷等，都幾好食熟食有我最鐘意食的豬腳薑同清湯牛腩。豬腳好淋，且夠濃味，蛋夠哂入味。清湯牛腩d蘿蔔好淋，索唒d 清湯牛腩的味道，d清湯不會太鹹，飲完唔覺得口乾。仲有葡撻好好食!BBQ 都唔錯， 廚師有禮貌，燒羊肉，好味，不會太蘇，燒菠蘿， 菠蘿夠甜，而且充滿水分。甜品方面，有梳乎厘，班蘭蛋糕，dreyer's雪糕，但甜品我覺得略甜。整體來說，環境十分優美，食物有質素，價錢便宜。下次會encore!!!!

朋友一家約埋我星期六一齊去玩，慶祝連續三日假期，我就提議去挪亞方舟，因為可以俾小朋友放下電，我地又可以落下隔離馬灣沙灘，遊水加睇夜景。玩左成日之後，walk in去食buffet，見到都唔算多人，個場地環境唔錯，擺野食嘅地方都好整齊。我地坐係靠窗位置，可以望住青馬大橋食野，個景唔錯呀，我地食食下仲見到佢著燈。好多野食可以拎呀，三文魚刺身幾新鮮，不過就有少少根。我對海鮮無咩興趣，所以都係食燒烤同熱食。我覺得佢個燒烤吧係餐廳出邊嘅設計幾好，唔會令到成間餐廳入邊咁大陣燒烤味。而且燒烤食物都幾好食，有我最中意嘅燒菠蘿，仲有豬仔骨，兩樣味道都幾好，而且係有專人即場燒俾你食，夠哂新鮮熱辣。甜品方面我就推介梳乎厘，即場焗出黎，要排隊等的，每人每次限拎一杯。見佢脹卜卜咁，食落好鬆軟creamy。食完9點幾，走出黎見到青馬大橋夜景好靚，今日好滿足了，下次或者帶埋男朋友一家黎呢度再食過。

一朝早行雷勁大聲又落好大雨驚會影響今日嘅旅程好在過左一陣都雨過天晴仲變得幾好天呀！我約左同兩個friend入挪亞方舟今次試新野就係食埋夜晚嘅buffet啦我地六點幾入去見到唔少人已經食緊野我地三個坐係近拎刺身嘅位置見到竟然有蟹腳食初頭諗住價錢平平地海鮮應該淨係得蝦，青口，蜆呀呢類長腳蟹好有肉地，都算新鮮好味道我食左三輪燒烤食物我就拎左秋刀魚，墨丸同菠蘿三樣都好食，即烤即食確實有風味蕎麥麵一般般同食放題嘅差唔多甜品我覺得意大利芝士餅做得唔錯食落芝士味香，口感又滑最後食埋雪糕就飽飽了

年紀大，對D咩海X公園﹑迪X尼真係無咩興趣，都係岩後生仔玩玩係多野玩，但講靚景，挪亞方舟真係無得輸，要景有景，要FEEL有FEEL，而且唔多人咁先夠ENJOY，阿叔我就最怕嘈最怕迫呢日請左假同老婆起樂園慢慢行，雖然老夫老妻，但睇住個靚景慢慢下，甜蜜溫韾嘅感覺又番黎，多D黎下真係可以增進夫妻感情呀行到肚餓填下個肚先，黎到呢間餐廳，D價錢都幾正常喎竟然想起之前去咩迪X尼﹑海X公園，嘩入面D野食價錢貴到離哂譜挪亞方舟呢D先係做生意架嘛，俗語有云，錢搵得幾多呀，做生意最緊要公道嘛我就叫咗個青醬蝦仁炒意粉 $69都幾大碟喎，而且一上枱已經好香，先聲套人再食落，意粉爽口彈牙，蝦肉質上乘，真係估佢唔到咁高質食完呢餐叉完電，就同老婆繼續行，享受漫活人生，寧靜寫意，咁就一日了

同屋企人入左挪亞方舟到玩，其實主要都係睇下野多，同埋等夜晚食buffet。我地6:30就入去食，見門口有燒烤吧，香氣撲鼻幾吸引。入到去坐定之後就去拎野食，見到有好多蟹腳，原來今晚主題係食蟹，一款係長腳蟹，另一款係麵包蟹。長腳蟹味道比較好，肉質都有d鮮味，而每隻蟹腳尺寸都有番咁上下。麵包蟹就一般般，所以都只係食左一輪。跟住當然拎我最鐘意食嘅刺身，有幾款可以揀，都係一般質素啦，三文魚油脂唔多，但都算係比較好食嘅。要食燒烤嘅就要走番出門口，排隊落柯打，就即場會燒。有蠔、羊扒、肉眼、多春魚、腸仔、菠蘿等等。款式好多呀，而且都幾惹味，我就最愛羊扒啦，即燒即食，有風味。總結全晚，食物一般吧。但以食晚buffet嘅價位黎講，呢個價錢算係相宜，食物款式都有番咁上下。

本身好鐘意食海鮮，當我一知道豐盛閣搞蟹宴，已經即刻約朋友一齊去食餐勁。蟹宴，當然一定唔少得長蟹腳，多肉多汁，食完呢碟已經即刻再拎多幾條番來。其他海鮮，藍青口係必食，魚生，蝦，蜆都有提供。話明蟹宴，當然都會有熟食既蟹料理。個蟹肉忌廉湯有唔少蟹肉，無偷工減料，一啖湯入面有一啖蟹肉，絕對係享受! 另外，仲有食左好幾件既炸軟殼蟹，少辣但夠味既避風堂炒蟹, 香滑既蛋白炒蟹等等都令筆者食過番尋味。食完熟食，就再拎多次冷盤海鮮。甜品都不缺選擇，蛋糕同雪糕都唔少款式。而且，仲有啤酒住飲!趁佢個蟹宴仲舉辦緊，短期內一定再去多次。

經過多個月的辛勞終於可以同一班教會的朋友到馬灣休息下我們先到葵芳集合再轉專車到馬灣。説真的有專車接駁真的很方便，更在地鐵附近，一點也不難找！今次目的主要是休息之外，更重要是享受美食！走進餐廳，從窗外望是飽覽青馬大橋的美景。一邊享受美食，一邊觀賞美景，實有另一番風味。今次餐廳的主題是長腳蟹，可惜因爲我有點不適，所以未能有幸享受。下次，一定要再試！雖然如此，但我也吃了不少刺身，的確十分鮮甜美味，我更欣賞不會像坊間切一小塊，廚師會毫不留情大大件給你！青口又鮮又重海水味，十分美味在餐廳外有露天燒烤場，有很多的款式選擇！海鮮類:蠔，多春魚，青魚，海蝦⋯⋯蔬菜類:菠蘿，青椒，雞脾菇等！餐廳也切合素食者的需要！最後，當然小不了最了解少女心的甜品！有蛋糕，果凍等！我選擇了我最愛的窩夫及紅酒果凍！先説窩夫，有熱有脆，配上雪糕簡直一流，紅酒果凍也不會太甜掩蓋香濃酒味，十分欣賞。總括，能飽覽美景，品嚐各美食，與一班朋友談天説地是最快樂的。

以此廉價酒店自助餐，環境好好，青馬海景，坐窗邊食都幾浪漫，食物不停refill，以蟹為主題，都算多款式。啲長腳蟹係幾好鮮味既，仲好長同幾大隻。仲有其他不同煮法既蟹。Bbq野好好味，十分野味，多種類，我掛住食，忘記左影相，即叫即整。 甜品不過不失啦，有Dreyers雪糕，同有幾款生果食，反而中式甜品幾ok，其他西式甜品一般啦。如果去挪亞方舟玩完一整日黎食個自助餐都係幾美滿既行程既。現場仲有3個樂手玩非洲鼓😅😅😅

星期六的早上，滂沱大雨加上勁大既雷聲，仲以為一早約左朋友到挪亞方舟遊玩兼食自助晚餐會取消感恩下午有好天氣，讓我們不致失望挪亞方舟內遊客不多，不能想像這裡是身處香港。但食自助晚餐時，幾乎全場爆滿，相信是入住這裡的遊客吧！遊玩後梗係要食餐好！這裡的自助晚餐有室內和室外。室內與平常自助餐冇分別，室外就有燒物食算是有點特色對於好鍾意食長解蟹既我，呢度既蟹都唔錯，本人覺得第一盤係最好食的刺身係自助餐必食之物，鯛魚本人覺得麻麻地冷麵我摯愛，不錯即煮意粉，本人點左螺絲粉，但唔夠淋美味菜心加埋蟹蛋白，好味雲呢拿梳乎厘，甜品不錯之選。不過本人不太喜歡食太甜，如果甜度降低少少比較好最後仲有室外既燒魚，原條上，好味到不得了可惜忘記拍照

今日去左挪亞方舟玩左一日，夜晚食左佢果度既自助晚餐，都幾抵食，今次以蟹為主題，絕對係開正我蟹后個胃口！有軟殻蟹，避風塘蟹，蒸蟹，蟹粥，長腳蟹等等，以呢個價錢，呢類蟹食絕對值回票價，當然唔可以要求佢超班，但長腳蟹好夠鮮味bbq類都算多選擇，但口味比較小孩子美食，我係大人，所以揀返呢三樣大人食既野，以羊肉最好食，夠bbq香，羊穌味剛好。其他就一般啦。現還有dreyers雪糕食，甜品區一般般啦，疏乎李算係幾有水準👍🏼總括: 價錢比一般酒店平，味道穩定，主題食物好味，景觀望青馬大橋同海景，比較岩一家大小既食物，好適合同小朋友花大半天享佢既挪亞方舟玩完再享度食埋自助餐。

另一場放電遊記，發生在挪亞方舟。週六上午，我們先上完跆拳道才出發，抵達後兩兄妹都餓了，便先到豐盛閣午餐。餐廳現時晚上才供應自助餐，白天則供應套餐；雖然定價比外邊貴一點，但可以望著青馬美景用餐，值回票價。最重要是，兩兄妹非常滿意他們的繽紛兒童餐 ($72)：有份量極多的芝士腸仔、炸雞塊、肉醬意粉、栗米、蘑菇湯，以及四色啫喱，全是小孩最愛的內容！至於其他的燒味雙併配白飯／瀨粉／米粉 ($72)，質與量也算OK，吃飽飽就出發去玩了！！！

從來未試過如此失望。垃圾之最,他第一次自助餐正係食炒飯同拉麵。食沙拉係最正常海報圖片食物一樣也沒有。感覺被欺騙,只有看着餐廳外風景當食風景安慰自己.。看見一個小朋友想食的西梅豬㧕小朋友問了兩次職員竟然回答您食第二樣今多野食。超級過份😡以為甜品應該最安全點知最簡單的朱古力慕加美國絲加美國芝士蛋糕竟然係hi口唔係滑👊🏿👊🏿👊🏿👊🏿唔洗錢都唔會食。要生氣可以去試下比人當傻仔服務差收碟慢。五十蚊都唔值在戶外門口有燒烤通風很差，食燒蠔變蠔屎要食只可食雪糕

近年，爸爸的公司每年都會送出免費券俾員工去玩挪亞方舟樂園和食自助餐，（以前係有免費去出國旅遊果D囉）不過今次難得一家人放低平時忙碌的工作去玩一玩，心情輕鬆又興奮...假日下午入樂園，重點去了比較新的「太陽館」，因為其他園區都去過，只有這個館未去過，感覺都新鮮既...好啦，講返令人期待的自助餐，自助餐6:15就開始入場，我地屋企人通常8點先食飯，所以覺得太早，但想到佢營業到9:30就完，所以我地都早D入去食，嘩嘩！原來我地6:30去到，都已經唔少人開梗餐食梗，愈睇愈餓，被帶到最遠的窗口邊坐低，望住青馬大橋靚景呢＠＠地點：馬灣荃灣珀欣路33號挪亞度假酒店地下層 環境：酒店式裝修設計和庭位舒適，還有迷人美景服務：站在食物枱處理食物服務唔錯，收碟都快手食物：以下一碟碟是我一人分量，食甜品比較多，還有兩碟無影相，是壽司、刺身、沙律類總括而言，食物類別多款式，食物來得快、去得快、添得快。雖然位置上不是最方便，但價錢比較平食物質素唔差。聽聞有做團購，那就勁加抵食了，加上有美景相伴，而不是平時酒店四面牆密封空間。食完野，再出到戶外散步談天，拍下照，輕輕鬆鬆過一晚是一件樂事呢！其實甜品幾搶手本身已經有名

見團購價二百蚊都唔使食個dinner buffet,可以同屋企人一戰.平日放假早D入去馬灣行下,有個小沙灘,景觀開揚.餐廳都算幾大,但食物款式不算多侍應安排我地坐係窗邊,望住個海食飯,零舍唔同D,開胃好多我地主力係食海鮮長腳蟹我見個個都係一大碟咁攞返埋位,咁我都試下先,味道唔係太突出,鮮味不足,都幾鹹下,唔知係海水鹹定係用鹽水浸過.蟹肉夠實,合格既青口都係無鮮味,唔太好食,好似食緊香口膠咁蝦有D唔太新鮮,我食左幾隻都中伏沙律好基本既生菜同紫椰菜,款式很少,有D失望燒蠔新鮮即叫即燒,所以都排左一陣隊,蠔比較細隻,味道一般,不太鮮味,仲有少少腥只可以講一次就夠,只係食景,食物唔多掂.

我們小倆口放假到馬灣走走，那邊有公園及泳灘，最重要就是青馬大橋下的拍照打卡位，是情侶必到的拍拖勝地。由於這家餐廳提供第二位8元的優惠，我們晚上便留在馬灣這間酒店餐廳吃自助餐，順道欣賞晚上青馬旁的美麗景色。酒店範圍在自助餐開始前半小時才可以進入，然而我們到達餐廳的時間仍然比訂座時間早，侍應安排我們入座後告知開始前可以先拿飲料，包括啤酒、汽水及咖啡等，這個是很少自助餐廳會做的。自助餐的食物種類很多，冷盤有海鮮、沙律 、壽司、刺身，熱食有薑醋、豬牛雞、湯品等，而甜品則有梳乎厘、蛋糕、格仔餅等，此外戶外更有即煮意粉及燒烤區，讓一眾客人大飽口福。刺身的新鮮度一般，不過份量算是很多；長腳蟹的鮮味略嫌不夠，而且味道也比較偏鹹；熱食整體的味道尚可，但沒有讓人想再吃的衝動；至於燒烤區的食物也不錯，只是部分食材如菠蘿及雞翼等比較焦了一點。雖然如此，自助餐也有味道不錯的即煮意粉，我點了蕃茄醬三文魚雞肉螺絲粉，刻意營造食材的不搭，反而帶來意想不到的美味，蕃茄醬吃得出來有自己作調味，甜酸度配合得宜，提升了此菜式的味道。甜品值得推薦的是各類的件裝蛋糕，如歌劇院蛋糕就有很鬆脆的餅底，我吃得非常高興。這邊的服務是可以