玩左成日之後，walk in去食buffet，見到都唔算多人，個場地環境唔錯，擺野食嘅地方都好整齊。
我地坐係靠窗位置，可以望住青馬大橋食野，個景唔錯呀，我地食食下仲見到佢著燈。
1
好多野食可以拎呀，三文魚刺身幾新鮮，不過就有少少根。
我對海鮮無咩興趣，所以都係食燒烤同熱食。我覺得佢個燒烤吧係餐廳出邊嘅設計幾好，唔會令到成間餐廳入邊咁大陣燒烤味。而且燒烤食物都幾好食，有我最中意嘅燒菠蘿，仲有豬仔骨，兩樣味道都幾好，而且係有專人即場燒俾你食，夠哂新鮮熱辣。
甜品方面我就推介梳乎厘，即場焗出黎，要排隊等的，每人每次限拎一杯。見佢脹卜卜咁，食落好鬆軟creamy。
食完9點幾，走出黎見到青馬大橋夜景好靚，今日好滿足了，下次或者帶埋男朋友一家黎呢度再食過。
