裕記大飯店

营业中

休息中

今日有時間來食個晏，一心來到梗即叫燒鵝啦～兩個人叫咗下庄燒鵝，炒鵝腸腎花，二隻冬天才有的炸蟹鉗！叫完燒鵝幾分鐘，突然聽到中央咪叫話燒鵝二十分鐘後出爐，請各位跟客人溝通，即係點呀？我要等廿分鐘？冇人理我咼，只見有侍應落場～Ok, 好快XO醬鵝腸腎花上枱，繼而就炸蟹鉗，怕D食物變凍就食住先！鵝腸新鮮夠肥好味，成碟portion又夠，讚！炸蟹鉗expected, 但仍比去飲宴時食的新炸起又彈牙！同時間叫二個瀨粉，等咗十分鐘都未有，又已食完先上枱的二味！好無癮！！！一樣一樣咁上菜咩？問燒鵝下落話已燒起，等晤知咩，已等了半小時而枱面只食梗瀨粉再追問多次，個目中無人的禿頭部長仲大大聲話要四十分鐘呀咪講咗囉..... well sorry, 你係有同我地講過嘢咩？一早講要40分鐘我可考慮等定唔等掛？我要比你大聲話？！你唔好當我係其他枱D遊客，諗住冇下次先得㗎！足足45分鐘，真係唔該曬！連瀨粉都只剩幾條，就快快脆無癮地食剛上枱確係熱到出曬煙的下庒燒鵝！可能太熱，切到大大件！亦可能太熱，比較水多好濕，食落係皮脆肉嫩但無咩燒鵝味道！肉似烚的一樣，淡又濕～晤改下服務，遊客都過門而不入！

好久沒有去那麼遠用餐了，今天選了深井的裕記燒鵝，有一年沒有來，之前是吃晚飯，還記得人很多，那次等左差不多一個鐘頭。今天因為是下午來，很快就可以入座了。今天兩個人，點了XO醬鵝腸腎花，另外還有燒鵝例牌下莊。整個餐廳食客方面，遊客超過一半。燒鵝上菜的時候。皮脆肉滑。但味道好像比較平淡。沒什麼味道的。XO醬鵝腸腎花，味道比較濃，好吃但真的很邪惡，配以一碗瀨粉，感覺啱啱好。比較清新一點。吃燒鵝的地方很多，這麼遠的地方和平衡食物質素，再來的機會應該不太大。

難得放假有多少少，安排同屋企人去深井，一嚐久仰大名嘅裕記燒鵝。聽聞中午食飯時間都多人，我地揀下午去，大約兩點半去到，果然成功避開人潮，一去到就有位。燒鵝1/4隻下裝$175幾肥美幾香，皮夠脆，點埋個汁中和油膩感覺，送飯送酒都一流。豉汁帶子蒸豆腐$98清淡菜式，媽媽鐘意食，帶子夠鮮味，豆腐正常唔算好滑，好似我呢啲偏向食得鹹嘅人士就覺得成碟餸太淡。沙爹粉絲金菇肥牛煲$98牛肉粉絲夠多，都幾足料，不過味道就一般，煲仔黎講唔夠香。椒絲腐乳炒生菜$80呢個生菜竟然出乎預料地好食，腐乳同菜炒得夠香，少少椒絲帶微辣，夠曬惹味。豉椒炒腸什$95呢個菜式炒得夠香，就連配料尖椒紅椒洋蔥都爆得好香好夠鑊氣。5個餸加茶位白飯花生，總數$701，我見menu上仲有好多菜式，都幾吸引，如果屋企朋友有車，過黎深井都係一個唔錯嘅選擇。

好耐無入深井，一時興起就去左🙈 細細個一聽到深井就會諗起燒鵝，真係好標誌性😂😂 今次都係去裕記，老字號喎，岀名係真嘅😂 咁緊係嗌翻份燒鵝啦，個皮燒得好香，一d都唔揩，貴得有道理架🤔 唔會太肥，啱啱好🤣 仲叫左鵝腸，脆脆地，有特製醬油點，好啱餸飯🍚🤤 時菜叫左碟瑤柱炒豆苗，好足料，啖啖瑤柱，真材實料啊👍🏼👍🏼👍🏼 計我話嚟深井唔食燒鵝真係唔好話嚟左深井啊🤣🤣

心血來潮好想食燒鵝，返工lunch得1個鐘，飛車由荃灣去深井，好多年無食過裕記，已經唔記得佢好唔好食喇。5個人叫左半隻燒鵝，4個小菜。燒鵝一上檯，拿拿林襯熱食先。勁好味啊！個皮好鬆化好正！我諗我會念念不忘

每到十月，最要緊的事，就是把每個公眾假期排好排滿行山徑的行程，其實一直都很想行元荃古道，但聽香港朋友說，這個山徑樹蔭較少，夏天行來太過逼人，於是，終於等到涼爽的秋日，滿足了第一個願望。當然行完山，除了最有感觸的心靈獲得大自然薰陶外，肚子肯定也是非常有感觸，就是想好好飽餐一頓，立刻殺到深井有名的燒鵝餐廳。超美味燒鵝，這真是在臺灣吃不到的口感，燒鵝如同閃亮巨星登場，脆皮加上滑嫩口感的燒鵝肉搭配用燒鵝骨熬煮的精力湯，滿足了第二個心願。飯後還有西米露甜湯，超滿足

話說上星期去朋友深井屋企，之後3個人去了裕記食燒鵝。大致上味道保持到水準，不過肉質、鵝皮略嫌有d退步。點了一份燒鵝下莊，皮燒得甘香，不過鞋咗少少，同埋過咗龍，有些少燶燶的苦味，但肉質都係嫩滑的，味道也抱持到。「尖椒炒鵝心鵝腸」值得一提係小炒好有鑊氣，味道亦好好，好啱開返支啤酒送飯一流！感覺燒鵝隔幾年又貴咗不少，不過希望質素會保持到啦，始終呢間係老字號的燒鵝店，希望老闆、廚房keep到以往的水平，不旺大家山長水遠來品嚐。

以前細細個睇電視，成日都見到裕記燒鵝既廣告，但一直無機會去深井。今日適逢老豆生日，就全家總動員來到裕記食燒鵝。當日我地有book到位, 而我亦建議大家一定要book位，否則一定大排長龍！觀察過其他燒鵝餐廳，裕記真係最旺最多人個間！當日我地叫左個四人套餐B。當然，佢既燒鵝無令我地失望，皮脆肉嫩充滿鵝油香，令人一試難忘，係我人生食過最好食既燒鵝。至於西籣花帶子既帶子亦都令人驚喜，裕記毫不吝嗇，帶子大大粒之餘又充滿鮮甜味，正！可惜係，佢套餐中既湯羹令我十分失望，佢既湯羹基本上只得淡淡既咸味，雖然有瑤柱，但連清甜都稱不上，確是有待改善！至於花菇鵝掌翼煲不過不失，味道不差，但感覺不是很新鮮。套餐還跟了一條魚，魚肉新鮮可口，亦都蒸得岩岩好，為呢個套餐加分不少！另外我地仲叫左個掌翼海哲拼盤，大家一定要叫佢俾碟辣醋（要叫才有，不會連拼盤一齊上), 食呢d拼盤，點可以無辣醋！總括而言，呢個四人餐的確抵嗌，來到不坊叫個套餐，不但能夠食到佢最馳名燒鵝，仲可以嘗嘗佢地既火侯小菜！

香港人講起燒鵝就深井，講起深井又好似得燒鵝。作為屯門人，想吃燒鵝真係好方便，直接坐巴直去食開既裕記。家姐仲book埋檯，唔洗等位。唔洗諗先黎燒鵝半隻（$280）勁大碟，四個人食夠曬。皮好酥脆，肉又嫩。我自己就鍾意食原味，就咁食已經好夠味。家姐怕膩一個人點曬一碟酸梅醬，話個醬好正，同出面唔同。燒鵝就應該配瀨粉，湯底普通味道，粉好爽，不過勁難夾。豉椒炒鵝腸（$128）一直都覺得呢度d鵝腸特別正，可能因為鵝場出泥，多鵝貨特別新鮮。鵝腸勁肥，係肥腸，用豉椒炒，超惹味。愈邪惡愈美味，呢碟係我至愛。琵琶豆腐（$90）我唔鍾意食豆腐，所以呢碟不予置評喇。呀媽話健康，都OK，家姐就話咸。整體泥講都係好味既，想食燒鵝時就會再黎。

由細到大都好鍾意食鵝，由其是係燒鵝！今日鵝癮發作，於是由屯門出發來到深井止癮！深井燒鵝實在太多選擇，不過近年我最鍾意都係食裕記燒鵝！因為食物保持到穩定水準，而且伙記嘅服務態度好！裕記燒鵝，皮脆肉嫩！件鵝嘅肉汁相當飽滿，食落唔會有一絲鞋口嘅感覺，火候控制得很好！而且鵝皮仍然保持到脆口，食入口有滿滿油香！依碟鼓油皇鵝腸相當出色！食鵝腸最緊要唔可以怕肥，怕不如唔會點佢。而依到嘅鼓汁皇鵝腸就真係好夠肥，而且新鮮爽脆！而鵝腸肥先會有個種入口「甘甜香」嘅口感！

從屯門遠遠走到深井食燒鵝果然冇令我失望 有驚喜四個人叫左個四人餐$780因為太肚餓 另外叫多左兩樣送四人餐包括:燒鵝半隻 果然比平時食係唔同 口感都好d蒸魚 岩岩好熟炆鵝掌冬菇 不太入味西蘭花炒帶子 還可瑤柱全羹 一般另外叫多左一碟前菜同一碟菜鮮魷魚炒通菜海蜇配掌翼好好味 大家都食到好飽埋單就$1200到平均一個人$300如果食到咁多樣野呢個價錢算合理有機會會再去食

今日難得全家人都得閒,約左去深井食燒鵝。平時睇電視就聽得多,食都係第一次食呢間野。味道都唔錯,一家人都好滿意呢一餐,有機會再去食。我地叫左個四人餐,另外再叫左兩個餸。其中一個四人餐包既燒鵝半隻,幾好食仲有呢個湯 好足料我地另外叫左海蜇同埋鵝掌。有小小辣辣地,幾惹味。通菜魷魚,good!!!蒸魚~~~~呢味菜就麻麻地,啲汁唔夠,食落有d 乾帶子西蘭花整體既食物都幾好,上菜都好快

如題。一早訂左7:00pm 7位！阿姐堅決人齊先俾入，但明明上到去又唔係爆晒，由於我地都準時到，所以人齊就可即入座。7個人叫左9個送，當中一個係前菜海折。最後食左二千幾蚊，我會揀入三聖食海鮮。

舊年黎食巳經差左，諗住比多次機會佢話曬食左十幾年，係至愛燒鵝三甲之一今晚叫左燒鵝同燉螺頭鵝肉鞋，無味 ，燒過火 有D燶同乾湯未夠火淡如水原本唔夠食要加餸好在無叫，而家要諗下再去食乜可惜, 應該唔會再有下次

同事生日, 趁午餐開車去到深井食返餐好, 最後決定光顧裕記,  雖然午餐, 但客人都唔少, 入到舖已聞到陣陣鵝香,  我地點左燒鵝半隻, 果然好有鵝香味, 但呢半隻就略為肥左少少, 椒鹽鮮魷, 鮮魷好厚肉, 唔會好似其他舖頭咁只食到炸粉, 五福拼盤, 夠入味肉質又唔會乾, 海蜇粗身, 完整一條條, 彈牙, 其他所叫的小菜都好有水準, 麻辣爆牛肉唔算太辣, 但好多油同非常咸, 所以最後全枱就得呢碟餸食剩, 其他都一掃清光, 最後仲有糖水送添