裕記大飯店

营业中

休息中

今晚一家人到深井裕記食晚飯，閒日去食嘅最大優勢就係唔洗等位，車位亦都唔需要煩惱，揸車去真係好方便，如果係搭巴士小巴就要兜好耐。6個人叫咗一隻燒鵝，燒鵝皮脆肉嫩，最鍾意係啲皮一咬落去，鵝油就慢慢滲透出嚟，嗰種香味真係令人垂涎三尺！鵝髀位置就啖啖肉而且肉質嫩滑，淨係食隻鵝已經回晒本。小菜方面，嗌咗芒果牛柳粒，芒果唔會好甜，牛柳粒肉質咬口適中，一啲都唔韌，係略嫌芒果味唔夠出。咕嚕肉，賣相其實都幾差，不過食落又幾正！夠脆夠多肉已經贏晒，如果可以再多少少汁會更好。豉汁帶子蒸豆腐就比較差，因為豆豉唔靚，而且豆腐唔滑，如果用百福豆腐會好食好多。上湯津菜，個湯有少少鹹，食到底啲菜就比較鹹。

Charcoal roasted goose at a restaurant that ONLY roasts geese - no other bbq meats going on here. That’s how you know this place serves it the best. Absolutely must order with the rice noodles in soup - they absorb all the delicious roasty goose flavor. Pipa tofu, fish fragrant eggplant and mala chicken claypot are also good here and round out the meal when you need a break from duck.

其實我係呢度嘅常客，不過多數都係夜晚嚟。佢真係好多人，好誇張，有一次喺度企左一個半鐘頭，先至有得入座。天氣又熱又焗，等位真係令我好卻步。尋日靈機一觸，有人提議不如午餐去食，於是我打電話去訂枱。原來週末的午餐，係唔使訂位架，就咁walk in都得。於是乎我哋一行七人，浩浩蕩蕩嚟咗食燒鵝。佢哋啲服務好有效率，由帶位到入座，叫菜到上菜，都只係15分鐘內來就食得。唔知以為食緊快餐，但其實佢唔係預先整定，每一碟餸都好有鑊氣同埋好夠熱。只可以講，佢哋真係專業，而且團隊之間好有默契。個燒鵝真係好香脆，啖啖肉，堅係正！今次仲叫咗炒我腸，雖然好肥，但真係好味。咕嚕肉都唔錯，香脆入味。

深井燒鵝N咁多間，間間都話自己正宗同最正，試過晒大家建議既心水靚燒鵝，對我黎講，最like都係裕記，真係裕記燒鵝 - 為你鍾情🌹首先，最好book早少少既lunch time，唔使同人迫，d鵝又新鮮出爐，熱辣辣、脆卜卜。建議大家去食燒鵝既前一日食清淡d，到第二日朝早就唔好食早餐，book 佢一開門既時間去食，當食 brunch。野食方面呢，燒鵝以外既真係唔好浪費quota去試la，話到明燒鵝專家，咁當然係要俾面隻鵝，order全隻同朋友仔開心share la。隻燒鵝未送到埋黎已經聞到勁香，皮脆肉嫩，超juicy，諗起都流晒口水，正👍🏻

深井燒鵝，周圍都有廣告，吸引到係市區嘅人都會專登入嚟食，呢一日我同朋友食完另一間燒鵝，先見到呢間，離遠已經聞到好香味，就跟住陣香味去行，由大街行入嚟，係一條暗暗地嘅小路，行到門口就會見到呢度超級多人，餐廳好似得2層，四處穿梭嘅侍應，證明左呢度真係好好生意，仲要聽到廣播，話今日有咩菜式已經沽清，由於我哋今日已經食飽咗，就冇機會坐低叫餸再食，唯有買個外賣返去做宵夜，呢度價錢其實唔算好貴，質素都對得住個價錢嘅，燒鵝髀真係冇得輸！呢個係下庄。

生活咗喺香港咁多年，真係第一次嚟深井食燒鵝！一坐低，職員就奉上一碟花生小食，又會介紹餐牌，真係好細心。例牌燒鵝，嘩！果然名不虛傳！皮脆有救熱，真係啱啱燒起。肉質食落有汁又滑，燒鵝汁又正，當然要叫碗瀨粉啦！酒釀鵝肝，真係頂呱呱，鵝肝嫩滑，酒味濃郁，揸車嘅朋友真係唔好食得太多喇尖椒炒鵝腸鵝心，夠晒野味，送飯一流，新鮮鵝腸夠肥肥，甘香可口最窩心就係呢啲舊式餐廳，裝修雖然普通，但係就勝在夠人情味，職員仲會主動幫客人影相，服務又好，食飽又會送免費糖水。真係要介紹啲親朋戚有過嚟食啊！

話說呢日有朋友手痕揸車遊車河 hea到肚餓唔知點解大家就一定會話入深井食燒鵝😂好似係遊車河一定會諗到既活動咁🤣🤣🤣 黎到個餐牌其實有好多唔同份量選擇比大家,例如:全隻,特大半隻,半隻,例牌,下庄之類我地3個人就食左特大半隻燒鵝 黎到超大隻 勁驚食唔曬😂 食落好香口 啲皮好脆😋😋 鵝肉唔會鞋 啖啖肉 不過都唔可以食咁多 好肥🤣其實最多肉都係上層嗰堆 下面就唔會有好多肉 最尾都食得曬 超飽下次再食應該會嗌個下庄算😂

昨天去買半隻燒鵝， 付款後，回到正門另一邊去領燒鵝。已見到師傅只拿了半隻燒鵝出嚟，（平日買是全隻燒鵝切半給我的）我就问師傅隻鹅新鲜？ 師傅回答：仲熱啲。。。。師傅隨即切切切。 回家與家人分享， 家人就投訴，好鹹！隻鹅唔新鮮， 啲肉又有紅色。。。。。中伏喇。

今晚特登入深井食燒鵝，想叫下庄點知無，所以被逼點左半隻。好香碳燒味，雖然唔係好多，但兩個人食到最後飽到暈。仲點左西芹炒雲耳，蒜味夠濃，夠鍋氣。食完e餐，我諗都有排想再食燒鵝

和朋友到訪深井當然不能不吃深井燒鵝，原來深圳有很多間燒鵝店，最後我們選擇米芝蓮推介的裕記大飯店。估不到7時左右已經有很多人在等候，幸好我們只等了10分鐘就可以入座。餐牌有很多小菜，不知道如何選擇，其實最主要還是吃燒鵝。最後我們叫了一個四人套餐。精選套餐B $820馳名燒鵝半隻送上來的燒鵝熱辣辣的，外皮脆口，肉質帶點炭燒味道， 肥瘦得宜，沒有騷味，非常好吃。韮王瑤柱羹材料有瑤柱、冬菇、韭黃、瘦肉，味道一般。西蘭花帶子賣相不錯，份量也不少，帶子很大粒，好吃。花菇鵝掌翼煲鵝掌翼炆得很入味，肉質軟淋淋。清蒸海上鮮熱辣辣的青斑非常好吃，魚肉嫩滑，很新鮮，蓬鬆果怡鮮橙蘆薈汁1盒雖然說是四人套餐，但我們4個人也吃不清所有餸菜。 但這隻燒鵝非常好吃，值得推介。

每次去深井食燒鵝，真係好滿足。從來唔會令你失望。因為啲燒鵝大大隻，每日新鮮出爐，聽講仲係用炭爐即燒即上枱。送上枱時，仲熱辣辣😋 燒鵝皮脆肉香，肥厚嫩滑 ，每一啖都充滿油香配埋特製酸梅醬，餸飯或瀨粉，一流👍🏻 好邪惡🤪但記住要根據個人口味，你可以同侍應姐姐/哥哥講要肥啲或瘦啲，雖然佢唔一定睬你，但試吓無妨，今次我就叫左肥少少，因為送飯始終要多啲油香先至正，如果食瀬粉我就會叫瘦少少，加多碟菜同湯，已經夠食😋

假日一家7口山長水遠去到深井，當然要搵間飯店食下燒鵝。我地就揀左經常有廣告賣既裕記。有大有細，所以一共點左6個菜。必點燒鵝（一隻）。本身對燒鵝都無乜研究，但呢到既燒鵝燒到金黃，皮好脆口，而肉質都算係咁，唔會梅。呢兩道係鵝雜小少同小炒王，兩個餸味道都中規中矩，炒得算乾身，送飯一流。炒飯就無乜特別，唔想叫白飯咁齋叫炒飯都係唔錯既選擇。個人對酒釀鵝肝無乜要求，不過呢到有呢道菜都幾特別。最後一道炸蝦球，係最喜愛既一道菜，蝦球即炸好新鮮，熱辣辣，蝦肉彈牙！👍🏻最後埋單$1800，同出去酒樓食一圍差不多。

特登咁遠黎深井食燒鵝依間裕記燒鵝飯店要行入啲先見到間飯店都好大吓分幾個飯廳 仲要有幾層今日有幸坐最頂層有天窗可以睇到個天日落 而且坐得舒服感覺冇樓下咁逼就一定要叫燒鵝嘅- 炭燒燒鵝(半隻)半隻都幾大碟下燒得好香可惜我一向唔好食鵝 所以唔太識欣賞...-上湯浸時蔬夠清 一啲都唔鹹而且啲菜唔老 好翠綠-豉汁炒牛柳啲牛柳超正超級淋!!!好有肉地而且一碟都唔少 勁足料都唔鹹👍🏻-粟米石班塊採用紐西蘭班塊而且粟米汁另上有個好處就係啲班塊外層可以保持咁脆如果唔係一淋咗汁上去會較快潮咗 令佢失去外脆內軟嘅囗感班塊味道又幾新鮮加上佢唔油!-京都肉排同牛柳一樣 都係超淋好有肉地個京都汁又唔太酸 味道剛好唯一係我好唔好彩攞正舊肥膏部分...好黏...佢無論咩肉都可以整得超淋😍而且醬汁味道調較得剛好配白飯好味另外佢服務真係好好 一路由入坐開始 有人帶住你 確保你唔蕩失路😂到落單好有耐性 到離開照顧周到 又有禮貌不過...啲餸就係油咗啲價錢都遍貴5個人5隻餸6碗白飯差唔多$200/人好間中黎食都ok嘅😝

從汀九一路沿海岸線，一路賞著美景就走到了深井，不愧是以燒鵝著稱啊，進去的路口上就立著一隻燒鵝。在一條小巷的口子邊，各種燒鵝的招牌林立，查了一下，還是裕記的最正宗，上了米其林餐廳排行的，最後事實證明了等我們吃完了，裕記門口已經人滿為患了，其他的門口冷冷清清。酒樓外面很一般，裝修也一般，去的早二樓還有座位。點了一個下莊，據說這個比上莊肥美，端上來一看油光錚亮，個肥色正。趕緊夾起來一嚐，第一層外皮烤得酥脆，第二層夾著烤得油花外冒的鵝油，第三層的鵝肉確軟嫩鮮香，一點不老。三種味道夾雜在一起，外酥里嫩中間冒油，和諧而神奇，雖然一份就要175，真心覺得很好吃啊。鵝肝也是收穫驚豔的一道菜啊，五片一盤88，入口綿密細軟，帶著微醺的酒糟味道，肥美鮮嫩啊！牛肉煲雖然份量比較小，但是牛肉還是很良心的給了很足的份量，雖然不如前兩道菜驚艷，確實也貨真價實。

This place is famous for their roasted goose! The goose is usually paired with rice noodles to balance out the oiliness. I thought the goose would be tough and chewy, but to my surprise, it was the opposite 😮 It was also really juicy and fatty haha, but really good. We also ordered scrambled eggs, beef and bitter melon, and fish. I was so full from breakfast though, so I only ate a bit of noodles and goose. I really liked the doughy texture of the thick noodles and it went well with the goose.