裕記大飯店

营业中

休息中

去屯門探B，阿sir話夜晚順路去深井食燒鵝，裕記好耐之前食過一次，係假日lunch時段，燒鵝小菜樣樣出色，幾年後嘅今日，已經成車胎人幾年推介餐廳，客似雲來擠滿餐廳，好服務仍繼續，但食物質素又如何呢？酒釀鵝肝 $88🥢🥢大愛法式同潮式鵝肝，但呢度嘅酒釀鵝肝似乎唔太啱心水，雖然鵝肝有好重酒香好入味，但口感太過實淨，好似食緊雞肝咁，一d粉嘅感覺同層次都無👎🏻炭燒燒鵝(半隻) $290🥢四個字形容＂非常失望＂！無炭燒味、鵝燒過龍令肉變韌同乾、唔入味、上枱只係微熱、皮唔夠香脆，差到一個點呀🤬⋯⋯聽廣播話燒鵝要等幾耐幾耐，之後我哋碟燒鵝就上枱，仲以為咁lucky啦，結果⋯⋯如果假日咁旺市，點解唔做好凖備呢？而家搞到水準咁差，客人會再返轉頭咩？咁只會做臭自己招牌豉油皇灼鵝腸什 $95🥢🥢🥢🥢一碟什份量都唔少，豉油一d都唔咸仲好好味，鵝腸爽口好肥好入味，肝仍然硬身但有好多粒好抵食，腎夠爽口一d都無黐牙，推介必食二人共消費：$600

今日喺汀蘭居食完lunch buffet 沿途行左一個鐘去深井 黎都深井，外父一直都想試一下呢度嘅燒鵝我之前同朋友嚟食係食能記 但見openrice個個都講裕記大飯店好食就試下裕記大飯店因為呢到先5點40分，所以唔使等位 但我哋食完嗰陣時七點幾，門口企滿曬人茶芥8蚊位，而且有加一 但都算係咁，畀花生你食，同埋送包紙巾叫咗裕記小炒王例牌好似108蚊，完全冇鑊氣 只係將以下嘅料整熱， 味道冇乜 蝦肉爽口嘅，帶子都ok，腰果都脆脆地 但唯獨是小炒王冇鑊氣真係好唔得味菜鵝腸什呢個精彩，一定要食 首先鵝雜份量充足，肥腸鵝肝鵝腎 但最精彩一定係個味菜，鹹酸甜三味都有， 撈飯一流蒜炒油麥菜，菜好新鮮爽脆，味道啱啱好份量也足夠白飯，點解白飯都要影？因為呢碗白飯15蚊，仲要加一16.5食碗白飯，真係冇理由唔影佢啦重點嚟啦！！半隻燒鵝 290蚊燒鵝好有趣， 隻髀好好食皮脆肉嫩 但係去到鵝個殼，啲皮就好硬 完全唔係好咬到 但係鵝嘅味道適中不太鹹 而且上碟嘅時間仲有熱度 食得出唔係即燒，不過都係新鮮 但係好老實，我又唔係覺得好食到飛天咁囉總括而言 四個人埋單731蚊 每人唔使二百蚊，都食唔曬要打包拎走啲 香港

近年興起行山呢項運動，所以呢日同幾個朋友去行左元荃古道呢條路線，我地既終點站係深井。來到深井，自自然然就會想起裕記燒鵝😹所以，我地就點左隻燒鵝同幾樣小菜，行完山特別肚餓，唔使幾耐我地就清晒。燒鵝😋😋不過有小小肥。

深井最出名緊係裕記燒鵝啦，今日喺深井探朋友，所以順便去食，我地2個人叫咗燒鵝同滷水鵝腸燒鵝一上枱就勁香，熱辣辣，食落塊皮仲係脆，肉質好juice滷水鵝腸勁入味，好爽口，味道啱啱好，唔會好咸

今天本來一家人開開心心去吃晚飯， 但係門口阿姐超無禮貌 ，我訂咗位，佢話未有枱，咁我哋咪等啦，嗒咗25分鐘， 跟住見到佢喺張單度寫咗個枱號 ，我問係咪到我哋 ，另外一個阿姐衝出嚟鬧我 ，你咪吹啦，你已經吹咗三次啦， 我話我冇，我第一次問呀姐到我地未啫，佢唔睬我，仲怒睥我，我唔知佢有冇認錯人，我覺得你啲嘢食係唔錯，但態度咁差， 食完都背脊骨落啦 !生意唔係咁做㗎 ，人哋食飯都係想開心啫 ，做乜要畀你鬧呀!點敢再嚟呀?!劣評!食物質素同服務同樣重要!1

邪惡之肥美鵝腸，邪惡之選，夠肥又好味。呢度最出名當然係食燒鵝啦，今次遠道而來就係食佢哋嘅招牌推介燒鵝。半隻燒鵝已經覺得佢超大隻又夠肥兼且皮脆肉香，再來一個XO醬炒鵝腸腎花，wow~~~呢個餸係我個人推介！

深井裕記燒鵝，廣告就聽得多，今次都係第一次食。首先嗌咗半隻炭燒燒鵝，上到黎好大份，可以想像到佢成隻鵝有幾大隻。燒鵝嘅皮夠脆，仲有一層皮下脂肪，但係鵝肉就冇想像中咁香，甚至有少少un，可能因為係厚切啦。另外我地嗌咗個酒釀鵝肝，一共有五大舊。個人覺得幾好食，但係就略嫌唔係好入味，得外面果層有酒味。相反豉油王灼鵝雙腸份量夠多又入味，條條腸都好肥，如果中意嘅話就推薦大家試下，如果唔係好接受到太肥嘅嘢就唔建議嗌啦。我地仲嗌咗炸蝦丸同椒鹽豆腐，兩樣小菜都不過不失，冇乜特別。總括黎講，可能係我期望太高，所以覺得啲嘢食冇想像中咁好食。下次再試下其他出名嘅菜式，或者會好好食呢。

一行人拜完年特登揸車入去深井就係為咗食裕記燒鵝 其實呢度泊車都幾好喺度食嘢頭三個鐘泊車都係$30我哋叫咗半隻鵝 酒釀鵝肝 百花炸蝦丸 鵝腸 同埋椒鹽豆腐鵝肝有五舊 都算係幾厚 都好入味隻鵝真係好香架 半隻都好多肉食我哋五個人食啱啱好鵝腸係屋企人中意食 我就麻麻地啦 好驚睇落好似好多好大碟蝦丸熱辣辣 幾好食 又唔會非常煎炸最後就係椒鹽豆腐 份量都幾多但我就鍾意係嫩豆腐嗰隻多啲啦我哋五點到到就未有咁多人 一路食就一路勁多人嚟 最後仲坐滿晒添

好想食燒鵝, 反正又好耐冇入過深井, 就決定入去行下加食飯.因為得2 個人的關係, 我地唔可以叫得多, 就叫左例牌燒鵝加一個煲, 2 碗飯等待其中, 我地食左好多花生, 花生都好好味, 好香脆.呢度好得意, 燒鵝有例牌同較肥, 我當然唔鐘意食肥啦, 所以就叫左例牌.燒鵝比我想像中大碟, 皮好脆, 聽侍應講啲鵝全部係自家農場餋燒鵝同我食開cheap cheap 的好唔同, 我反而覺得太肥, 好多肥膏,心諗好彩冇叫較肥, 反則我一定唔鐘意食.沙嗲金菇滑牛煲也唔錯, 大大煲, 沙嗲味好香, 金菇粉絲索晒沙嗲味, 正總括嚟講, 燒鵝同我想像中有落差同埋覺得價錢偏貴

上一次去裕記食飯都已經係十幾年前了一直都好想去多次，終於有機會門口有停車場，所以都還好燒鵝有炭燒的味道，皮脆肉嫩肉汁都算多另外叫左酒煮鵝肝同豉油皇鵝腸都係水準以上但其餘非鵝類食物例如椒鹽魷魚同西洋菜湯就一般而且較貴

成幾年冇去過深井食燒鵝，於是今晚約左班friend 揸車去深井敍一敍，嘆下燒鵝我地order左半隻燒鵝，豉油皇炒鵝腸、椒鹽鴨舌、金銀蛋白菜仔、另外仲有幾款小菜$290半隻燒鵝-皮都燒得幾脆，而鵝肉好juicy,唔韌質素keep得唔錯豉油王炒鵝腸，味道幾好，而鵝腸都幾爽口，但份量少，芽菜多過鵝腸椒鹽鴨舌-同我心目中嘅椒鹽鴨舌唔一樣，太厚粉，炸得唔透，no good金銀蛋白菜仔-味道可以，但賣相一般。食鵝OK，但其餘小菜就一般

跟朋友去行山過後在深井吃晚飯, 來到深井當然要吃最出名的燒鵝。深井當中以陳記和裕記較為有名, 今天朋友提出想試裕記。裕記表面上裝修較舊式, 但衛生方面不錯。我們一行5人一心只想食燒鵝, 所以就叫了一整隻燒鵝另加粉面和炒豆苗, 燒鵝約$500多一隻, 叫一隻會分兩碟上。如果想試燒鵝再加其他小菜的話, 建議可每5人叫半隻。一上枱燒鵝賣相已經非常吸引, 燒鵝火喉十足, 表皮燒得香脆有光澤。肉質方面, 鵝肉十分嫩滑, 肥瘦度剛好, 加上酸梅醬特別開胃。裕記燒鵝果然名不虛傳。炒豆苗份量多, 蒜蓉炒夠入味

米芝蓮推介燒鵝　成日睇電視都見到呢間食店賣廣告，一直我都想去試下，屋企人話我細細個去過但其實我無印象，但同朋友喺附近行完山所以決定去呢間今年繼續榮獲米芝蓮推介既老字號飯店食燒鵝 。有聽聞過質素比以前差左 ，不過今次我覺得係ok既，始終每次食燒鵝既質素都可以唔同。當日四點幾去到，所以唔係好多人，有幾枱遊客咁啦，內地同外國都有。今次呢間裕記， 最出名當然係燒鵝 ，半隻$290， 皮係香脆， 而食落係嚐到炭燒既香味 ，不過 肉質有啲韌 ，有多肥膏喎，整體亦有點油膩。感覺上普通啦，唔算差但稱不上好好 裕記大飯店 Yue Kee Restaurant深井深康路9號

酥炸金蠔大大隻，脹卜卜，一定要襯熱食先得鹵水拼盤海蜇係辣但好食腎就淋但無鹵水味其他就不過不失半隻燒鵝招牌菜不失水準，大大隻，抵食雙茹雜菜粉絲煲多種菜份量大，總有一款岩你食豉油皇炒鵝腸什好正，樣樣有d，腸不會太肥食飯有3小時free park，又有BB椅，早d訂台就唔洗坐樓上，幾岩同小朋友一齊既家庭聚會

同朋友一行5 人係星期日去行山，玩到五點幾就終於到深井喇。帶着疲倦嘅身軀，一到深井嘅樓梯一轉彎就見到依間裕記燒鵝。對於從未嚟過深井嘅我其實都知道深井最出名就係燒鵝喇，所以我哋決定都要試一試佢嘅燒鵝到此一遊當日唔需要排隊，店員叫我們上一層樓梯找座位，座位都很多而且都不是很迫，本身我哋想在這裏吃燒鵝瀨作下午茶，但唔碗燒鵝瀨嘅價錢其實跟一隻燒鵝的價錢不是差很多，所以我們五個人只點了一隻燒鵝及一碟蒜蓉炒豆苗燒鵝點一隻是分兩碟上嘅，每碟都會有燒鵝髀感覺都好足料燒鵝皮脆肉嫩，真係比外面的好吃吃燒鵝會有一點油膩，所以再加上這個蒜蓉炒豆苗就十分夾裕記燒鵝真係唔係浪得虛名