蟹仙海鮮蒸氣鍋 (仁愛街) (已結業)

一早訂了兩人蟹仙食海鮮蒸鍋，雖然大雨傾盆，但無損雅興。皆因知道蟹仙的大老闆係香港海鮮入口商，每日從越南及菲律賓入口到港，仲係呢行有超過三十年挑選青蟹經驗，絕大部份香港餐廳及賣青蟹店鋪都是向他取的。所以，蟹仙呢到食到的蟹，相信都是優質中的優質。海鮮蒸鍋有3款選擇，分別$688/位（需要至少前兩天預訂）、$298/位和$198/位。而且，海鮮種類選擇都多。選了兩個＄298餐，試試有幾鮮。兩盤有齊晒越南頂角膏、九孔鮑魚、澳洲青年龍蝦、紐西蘭青口、越南貴妃蚌、紐西蘭蟶子皇、深海龍躉片、北韓象拔蚌仔、日本大元貝、有機蔬菜籃同埋泰國海中蝦。一口氣點埋柑桔蜜台灣柳丁，各一杯。先起左個粥底，隨住鍋上蒸架各種海鮮汁滑下，呢個粥底可以話吸晒海鮮精華。又淺清味的海鮮食起，先來我至愛的蟶子、青口、鮑魚、龍蝦，每件都大隻厚肉、店員熟絲按下蒸煮時間，數分鐘後，一嚐鮮甜十足，仲好爽口。黎到成個海鮮蒸鍋的重點-- 蟹！！！店員十分親切，也講述一些蟹的常識。分享左奄仔蟹、膏蟹、肉蟹的特質。奄仔蟹又叫處女蟹，是尚未交配的雌性青蟹；產卵後，就成為膏蟹，而肉蟹是指雄性青蟹。說到產地，奄仔蟹大部份來至中國和斯里蘭卡，多用作咖喱

有朋友喺元朗食過，有次經過見到新蒲崗都開咗，門口易拉架見最平的餐都只係$198，就約朋友試下。今次係一個月內第二次食，兩次都揀咗$298食，9款海鮮，龍蝦啲肉鮮甜，膏咁香，嗰半隻蟹都膏多肉多鮮味，仲俾我哋㨂想食硬定軟膏，原來老闆係做開賣蟹生意，每日收到貨先將靚嗰啲留俾舖頭先，唔怪得好味又抵食。單係呢兩款已覺得超值，之後有菜同唔少得最後嘅粥底，鮮甜，無加嘢都食到好飽。店員服務態度好，好細心介紹，照顧我哋蒸食物時間，無客等唔介意我哋食完繼續坐喺度傾計，好味嘅海鮮同人情味，會再帶朋友去幫襯。p.s. 叫嘢飲成功走到飲管，跟住店員姨姨話佢都好支持環保，如果有時間仲會幫舖頭收番起啲汽水罐俾附近啲清潔工人或者執汽水罐嘅人攞去回收換錢，讚！

新蒲崗真係越來越多好野食呀行過呢間蟹仙蒸氣海鮮，見門口寫住每位$198-298, 套餐不單止有龍蝦，仲有菲律賓頂角爆膏蟹同埋越南大黃奄蟹食，店員介紹龍蝦同蟹全部大大隻新鮮入口, 好吸引❗澳洲爆膏龍蝦，唔單止肉甜仲要勁新鮮，即叫即整，係我咁大個女食過最好食的龍蝦。再黎係兩隻蟹都大大隻超多膏😍！！如果出面單買一隻越南大黃奄蟹要$400😱宜家竟然$200-300就食到咁多海鮮！重係高.質素!原來佢地老闆係香港海鮮入口商, 香港超過七成的餐廳及青蟹店都係由佢提供, 所有海鮮都係自己挑選, 所以一定新鮮同大隻, 平靚正。聽講佢地仲有間分店係元朗, 元朗的朋友有口福啦!

朋友介紹話正呀咁樣所以就去左食。一行8人黎食，8個人一個爐，等食等到叫救命🆘蒸一次，就可能食得一隻蝦咁大把⋯⋯⋯一半人叫$198，一半人$298。假期個啲仲要加$28，然後竟然每人要收醬料錢$10，但又唔係多醬料揀，就只有辣椒、炸蒜、豉油。有兩位朋友就每人加$100，就每人多半隻凍食既龍蝦，好多😀食物份量其少⋯而$198/$298既分別就係啲海鮮大少少⋯ 但都真係好少🙂唔係冇野讚既，個粥係幾好味，但我比$2xx唔係黎食粥呀嘛！講番個位阿姐，身型係比較肥胖同比較矮既佢係，成日啤住晒，然後叫佢拎碗黎食粥啦話我地唔執好張枱，點食喎⋯⋯然後口UpUp，講粗口就背住，唔好比我見到！我冇當場投訴我覺得自己太比面⋯係都要人執好張枱先可以食？好萌塞啊真係！總之又唔夠飽，又唔係特別好食，仲有個啲萌塞既阿姐⋯千其唔好去食！

原來勁易book到位 , 同埋勁易改booking時間 ,已經係提示可能已中伏!!!book左2位7點半,間野好細間,我諗大概10-12張檯掛,入到去有一張4人吉檯,一張所謂房入面o既7-8人吉檯!!!咁佢地安排左我地2個人坐6-8人張檯,我初時以為佢俾我坐先o係求等細檯,原來唔係,我仲問佢咁如果有人黎要我地調檯呀 , 佢仲話萬一有咁多人先會叫你調,我心諗食蒸汽火鍋食食下調檯???????????????好啦,咁我地係o係fb 睇到佢出post 有個$198 餐,我地一心就係黎食呢個餐o既 , 點知有個女人埋黎坐低狂說服我地食$298餐,又話$298餐本身要$398,而家做特價,又逐樣海鮮講有咩分別 , 咁樣都算,當你解釋下 ! 攪笑在話如果你地照要$198餐都ok , 我問廚房睇下有冇嗰個價錢o既海鮮 , 咁即係玩野je , fb 出post 做推廣 , 門口個牌都有$198餐 !!!! 做生意手法極度不實lor !到我地堅持要$198餐,又話不如可以一個要$198餐,一個要$298餐 , 我心諗都痴線 , 我直頭問佢咁d 野食點分呀 , 哈,好好笑!我地say no 後,又推介第二

早幾日行過新蒲崗，惗住同老婆搵野食 ，天氣咁熱打邊爐又好似無咩胃口，食日本野又好似無咩出名的餐廳，行過呢間蟹仙，睇門口寫住198，一個set ，不單止有龍蝦，仲有頂角爆膏蟹食，嘩，即刻入去坐低先，店員介紹左頂角蟹同埋大黃奄蟹，點左298 set, 先上澳洲龍蝦，唔單止肉甜仲要勁新鮮，即叫即湯，兩個人食左兩隻蟹，兩隻都超過13兩重，仲大隻個手板！！好奇問下原來單買一隻要400幾，298有得食咁有質素的海鮮真係好抵，下次要再黎試下，真心好食！

今晚貢啱有位從美國回港相聚朋友想吃清清地食物，就去試下呢間試下啦。首先、一入座就有位靚靚老闆娘介紹超值新鮮海鮮套餐，笑容又好，介紹又詳盡，服務態度一流，最重要係用心對人客👍🏻👍🏻👍🏻，老細更不在話下，在每抬都耐心介紹食材來源，每日新鮮入貨，正正正，都唔洗多講，一睇就知呢間有誠意經營生意食店。而食物質素，一個字「鮮」，羔蟹又大隻又鮮味，食材又多選擇，種類又多，粥就唔冼講、啖粥又鮮又甜，又好味道，總之就係正。凈係服務態度巳超值啦。

入到去個女人已經勁sell 我地食298套餐，又話大隻d, 多d, 點知得兩隻蝦，一隻鮑魚，一隻蜆，一隻青口，半隻蟹，一隻好細聖子先攪笑，食完唔夠飽，跟著肉類全部另計，個粥得四份一舊粟米，淡到爆，仲要加醬油錢，假日服務費，仲有加一，兩條友食左$8xx, 痴痴地，食自助餐仲過癮，仲有條阿嬸成日走黎sell 賴尿蝦，我一定唔會再去！好後悔！啤酒又唔夠凍，埋啤又計多幾支飲品，改左兩次都錯，計多左野，好屈機！同搶錢有咩分別呀？

估唔到我第一篇食評竟然係你仲要係負評！但第一次成家人食飯，大家都投訴仲要食唔飽，我真係忍唔到唔出聲！我講既所有都係事實，唔想咁多人再中伏！事緣今日補祝番爸爸節，爸爸係蟹痴，平時都係去三聖食海鮮慶祝多，今次諗住帶佢試下其他野！一行16人有大有細，有間房仔坐下，但其實都係迫既，但我明白舖仔位置有限，冇辦法！最後，係侍應姐姐極力推介下，我地叫左6個$298 set試下，睇下有咩分別！海鮮唔覺有幾新鮮，有啲食到冰鮮味，貴價蟹有一隻係霉既，龍蝦仔係霉+臭膏。。。大件貴價野每人半件我覺得正常，我亦接受，但蝦係每人一隻，蜆係每人兩粒，我真係第一次見😓😓食完成餐冇人覺得有飽肚感，最多只係唔餓，有啲仲要之後食m記🤦🏼‍♀️🤦🏼‍♀️🤦🏼‍♀️食完唔知為乜後，諗住拿拿臨俾錢走啦，俾錢仲搞笑！佢同我講現金或者支付寶only！！！但我book左兩次枱都冇人同我提過呢個咁重要既問題，你話平時啲人2-3個你覺得佢會有現金唔記得提都算，但我係16個人，食左5000蚊野，你真心覺得我會帶咁多現金係身？？？ 定你呢間野主要係做大陸人生意，所以一定有現金或者支付寶可以俾？

份量少得可憐和離譜，$739兩人，得少少海鮮，仲有幾條蔬菜，同兩碗粥，完全食唔飽，食完好似無食過野咁。298一位，仲要收每人醬油費10蚊，再加埋加一。食到真係想講粗口。就係得相片影咁多，仲有所謂的蔬菜籃，得幾片菜，同薄切栗米南瓜，。惱到懶得影。利申唔係打手，純粹普通食客。老板態度係nice,但真係希望反省下開係新浦崗區，已經租平，食水仲咁深，真係永遠無回頭客。

諗住一班家人朋友做東道主食靚靚海鮮，點知就～～一班人一齊中伏！先讚=老闆娘好好人，好有誠意誠懇經營生意！其他哥哥仔就ok啦！後彈：（環境）1:坐位迫挾，又噪炒，比茶餐廳還要屈質。2: 當蒸完食物拿起蒸蓋時， 極容易中頭獎極危險！3: 當底頭食緊野時（因枱面太窄）塊面隨時會蒸傷！--1: (限食）～全晚食咗：1:半件15cm 左右龍蝦（有羔但肉質唔甜又硬）2:半隻羔蟹（好味但細隻）3~8:全部得一隻細細隻嘅帶子n蚌，硬細鮑魚，隔夜青口，2薄片鮮甜龍躉，細海虾2隻，菜4塊左右，南瓜一小塊，粟米1/5件。 n salty粥底。n溝水的cheap 糖水最後埋單每人$360cash(但食唔飽）我投訴，可惜話事人話：你係來食海鮮㗎唔好攞任食來比較，我地d 海鮮係靚野來的。佢真係搵緊街坊苯。除了半隻蟹好少少外， 我相信其他野比100蚊都嫌多！咁樣做生意，仲要厚顏無恥暗話我地唔識欣賞佢d 食物，真係浪費咗一位咁好人嘅靚靚老闆娘！如果你地去過一些老實餐廳，你就知我講乜！

雖然店鋪少少～但贏在食物生鮮，服務態度好，老闆的熱誠更令我加分，而且他每一張檯解說靚蟹怎樣來，可以保持有一定的顧客也是靠口碑呵，這間一定會再去食，還介紹給多些人知道！！

蟹鮮菜甜！ 海鮮蒸氣鍋套餐 $198/人 .圖中是二人份量，包括8款精選海鮮和有機蔬菜拼盤。不得不提是黃奄蟹和聖子皇，相當鮮甜！其餘的蝦、螺、蚌剛是中等。每款海鮮蒸的時間都不同，倒如蟹8分鐘，鮑魚6分鐘等，如果擔心海鮮不熟，可以問店家拿一份蒸海鮮的參考時間表。.南瓜、排骨做粥底，醃過的排骨鹹香入味，可惜只得兩件，粥的味道偏淡，唯有自行調味。另外，有機蔬菜拼盤有驚喜，粟米超甜，連生菜亦帶一股天然的清甜，並不是普通貨色。不夠飽可加錢點其他火鍋料，我就覺得套餐剛剛好，男友則說要再叫多一點食物才飽。.吃海鮮蒸氣鍋，最重要的是食材新鮮，餐廳老闆透露，家人做海鮮批發，難怪對食材這樣有信心。老闆娘招呼熱情，雖然店鋪人多，有一些混亂，例如想要醬料等了很久也不送來、欠缺餐具等，不過也不是大問題。店舖座位不多，等位等到好肚餓，沒訂位的話要預留等位的時間。.✏美味指數 7/10✏ 推薦度 7/10

在附近上班但一直都無留意到附近的餐廳，大多都是自己帶飯~幸好今天和朋友聚餐，才黎到這間蒸氣鍋！比較早去到不用等位，座位數量不算好多 但都坐得舒適我們點了海鮮蒸氣鍋及火鍋，價錢挺吸引的，加上看到海鮮的種類都多桌子旁邊貼有各款海鮮的時間，可以更加放心（平常在家煮海鮮經常過生或過熟）T^T而且店員會經常幫忙，好貼心的服務！！！更會提醒吃的次序 ~首先吃的是龍蝦仔，肉質爽口彈牙！！比較少吃，好有新鮮感，而且輕輕用叉就能把整塊龍蝦肉整出（啖啖滋味）鮑魚好新鮮的感覺~蒸到剛剛好也是口感一流！平常家裡會燘或是用果皮原來單純蒸氣鍋更能吃到當中的鮮甜吃到我最喜歡的貝殼類和蟶子時特別有幸福感看見好多汁和鮮甜，但蟶子比想像中少不夠喉~可以最點多轉嗎？黃奄蟹比較細小，但有滿滿的蟹膏而且入口爽甜~旁邊擺有鉗子（不怕牙齒都咬壞haha)快吃到尾聲時 就輪到蔬菜了，是有機的 比較清甜而且可以減輕海鮮的膩感(粟米值得一讚！特別甜）最後蒸氣鍋下面是粥底，吸收粥剛才海鮮的鮮味 最加上數舊排骨是一個完滿的總結啊但味道偏淡 可能要加少許鹽調香店員說如果不夠飽，還可以加火鍋配料 (但我們已經滿足了！）吃到後來餐廳幾乎坐滿人，下

佢有$198和$298餐, 當然不停叫我們二人叫$298餐,全程不停話佢地係直接海鮮批發先有咁平咁新鮮咁抵食,又點點點, 結果我們叫了$198同$298餐各1個, 可樂兩罐 , (連加一同醬油費合共$585). 在餐牌上寫每個餐有9種海鮮, 但冇寫清楚份量, 又用超細隻字印要每人另付$10醬油費, 再加一服務費,冇寫飲品包唔包,結果更係又要另計啦. 當食品到來已覺受騙了, 佢強調既$298龍蝦比$198大好多, 結果係超細既,仲話$298既斑腩有幾新鮮, 結果得一片,仲要薄到筷子都難夾起,又講到個鮑魚幾新鮮, 結果咪街市嗰D特價就死鮑魚仔.食緊途中又攞住大只賴尿蝦問我地要唔要$168只, 當話唔要時個女人同男人(應該係老闆) 都不停講講講,唔要會幾走寶點點點, 係咁講自己D食品出面買唔到,食唔到, 完全當我地白痴.........兩個餐共有咩比我們二人食: 膏蟹半只($298),冇膏蟹半只($198),中蝦4只,所謂大聖旨1只($298),細聖旨1只($198),所謂大龍蝦1只(開邊),細鮑魚2只,蜆仔2粒, 青口仔1只,細東風螺1粒,所謂既斑腩的一片超薄(用半片生菜墊底), 仲話有機