蟹仙海鮮蒸氣鍋 (仁愛街) (已結業)

我向來超喜歡食海鮮，只要食材新鮮，蒸呢個係一種最簡單而直接方法將食材鮮味煮出來。最近有朋友介紹呢間蒸海鮮店，佢話呢間的蒸海鮮好鬼正。我和朋友去到已經排晒隊，無計，插針都插唔入。老闆很好佢話如果我肯等多大半個鐘，可以留一張俾我 ! 點解咁耐都等? 因為門口傳來陣陣超香海鮮味，而且一班班食客大讚野食冇得頂! 講到咁，我幾肚餓都頂啦 。等到好耐，開餐啦 ! 果然不枉等左咁耐，頭盤老闆已經介紹呢個炸魚皮上去俾我地頂下先。個炸魚皮沾上蛋黃去炸，上碟仲係又暖又脆的。我地揀左粥底，就上海鮮start up la 。識食蒸鍋的朋友會知，呢個粥到最後會吸晒食物湯汁，啖啖鮮味 ! 每樣海鮮都十分新鮮，龍蝦、蟹、蚌係剛剛砌上碟，老闆還會同你講每樣海鮮的最佳煮時間，確保唔會 overcook ! 老闆好好傾，同我地講點解可以咁新鮮。原來海鮮係佢家族生意，每日佢可以從進口的批發海鮮中，挑選最新鮮的，然後直送鋪頭。確保海鮮係最短時間內送到客人台上。比起再由其他批發二判三判上入貨，更快更靚 ! 呢個就係佢新鮮原因。奄仔蟹係呢度既招牌，即係處女蟹，未生過蛋的蟹。蟹羔有種份外的甘香 ! 而且肉質好鮮嫩 ~ 一試就知! 

估唔到新蒲崗會有一間咁高質嘅海鮮蒸氣鍋。只需 $198/位 就食到多款新鮮嘅海鮮 (包括8款海鮮及蔬菜籃) ，最精彩嘅就係爆膏黃奄蟹、龍蝦仔同埋新鮮海蝦，完全食得出海鮮嘅鮮味店員服務一流，清晰講解如何蒸海鮮及所需時間。同時亦會跟進客人覺得食物質素、味道如何 原來呢間鋪頭佢哋嘅老闆係海鮮入口商，所以佢哋嘅海鮮一定係最揀手同埋新鮮如果唔夠喉嘅話，仲可以再加其他配料。推介安格斯牛肉，蒸完之後一啲都唔鞋，仲勁多肉汁，另外蟲草花雞件都係好好味 如果想再打邊爐嘅話，仲有三款湯底可以選擇。有魚湯、雞湯同埋麻辣湯底

下班了帶媽媽去吃好東西，就是帶她嚐差不多六十年人生以來第一次吃的蒸氣粥底鍋！驟看餐牌，這個$198的海鮮蒸氣鍋非常吸引，這個價錢竟然囊括了這麼多種海鮮，非常豐盛似的！一方面，店方為我們的鍋加上了南瓜、米和兩粒醃得非常入味的排骨作為粥底；另一邊廂，店方為我們端上豐盛的海鮮！真的不得不大讚這裡的海鮮非常新鮮，新鮮、彈牙得根本不用客人多蘸醬油，海鮮便已經鮮味十足！店員教落，翡翠九孔鮑魚和野生印尼龍蝦仔員只需蒸五分鐘！兩者同樣肉質鮮美，一口吃下啖啖肉。龍蝦仔的蝦膏亦非常香濃🤤🤤🤤菲律賓黃奄蟹每人半隻，肉質結實，亦一樣鮮甜美味，蟹膏濃郁😋😋😋貝殼盛盆、越南貴妃蚌和泰國海中蝦等也非常新鮮。個人特別喜歡貴妃蚌，大大隻、啖啖肉。由於太美味，所以我只顧著吃而忘了拍照😂😂最後到南瓜排骨粥，吸盡海鮮的精華，剛剛好兩大碗，是天然的沒味精的鮮甜味道！排骨醃得好入味我超喜歡！總括而言，這餐真的非常抵食！＄198便吃到這麼多款海鮮，又嚐到鮮甜美味的粥底，加上店員和老闆的熱情款待，這店絕對值得和一大班朋友到來！

差得很離譜！完全貼錢買難受！不用錢也不會再來🤬食物質素普通，蟹是很細和肉質很水的！魚片很腥，肉質很差！我們二人點了店內推介套餐，結賬時發現蟶子沒來，詢問下老闆態度惡劣！迫瘋人的一餐🤬

同同事傾傾下計講開打邊爐， 佢話不如蒸氣鍋， 佢仲話知有間好出名～咁一於去試下先呢間蒞於新蒲崗既蟹仙， 果然好出名，平日去係坐滿晒客，見到咁都知野食應該靠得住等到終於有位～我地得兩個人， 所以叫個海鮮蒸氣鍋，上面蒸海鮮， 下面煲住粥應該都夠食。 老細好好人，話專登揀條最新鮮石班魚俾我地煲粥～龍蝦仔， 奄蟹， 聖子， 鮑魚等等8種海鮮， 全部睇得出亦聞得出好新鮮（鋪面真係養住緊d活生生既蟹）。 你地望清楚d奄蟹幾多膏～好， 蓋住佢蒸啦。 佢有晒牌教每樣要蒸幾分鐘。 你係文盲亦唔緊要， 職員本身好熱情會周不時睇下你有冇困難要幫手的～食得啦～叫得蟹仙最出名一定係蟹， 聽老細講， 呢d係菲律賓奄蟹， 比一般街市買到既更多膏更有蟹味。 確實， 我好少食到蟹係既多膏，肉亦夠多夠鮮的🤤呢隻印尼龍蝦亦一絕， 個頭多膏夠鮮， 食完d膏， 用筷子一起， 將起片龍蝦肉放落口， 個種鮮味充滿住嘴巴既感覺，令你未食完呢餐已經好滿足其他仲有海蝦啦， 聖子啦飽魚啦。 其實海鮮只要新鮮，清蒸就好最好味。呢間就做足呢兩點啦。 講真除左海蝦慣左要點下汁食之外， 其他我全都就咁食落肚享受佢既鮮味最後食番d粥黎填飽個肚先，

雖然我哋好鍾意打邊爐，不過打得多都熱氣啦，飲多涼茶廿四味都唔掂，所以我哋今晚決定食清啲。粥夠清啦，不過唔係普通嘅粥，係海鮮蒸氣鍋之後嘅粥，哈哈！經過明查暗訪，我哋去到新蒲崗蟹仙海鮮蒸氣鍋，只需HK$198一位 (星期五、六、日、公眾假期及前夕，每位加HK$28)，就可以品嚐八款海鮮加有機蔬菜。翡翠九孔鮑魚嘩！隻鮑魚真係好大隻，蒸五分鐘就食得，非常厚肉，好腍身。沙巴活刀貝 + 越南貴妃蚌同樣係大大隻，因為有列明清楚蒸嘅時間，唔驚會蒸過火，確保鮮甜美味。泰國海中蝦啲蝦真係好新鮮，嚟嘅時候仲郁緊㗎！爽口彈牙，入口鮮甜，根本唔洗點豉油。蘇格蘭蟶子 + 貝殼盛盆M佬最鍾意食蟶子，雖然呢到嘅蟶子比較細隻，不過鮮味十足，一樣咁正！東風螺本身比較硬身，所以口感豐富，螺味香濃。花甲無沙鮮甜，想再Encore！菲律賓黃奄蟹呢隻蟹真係值回票價，一啲都唔細隻，非常新鮮。蒸完打開嗰蓋，就好香蟹味，食落去好香甜，肉質結實，蟹膏濃郁。真係食到唔想講嘢，只係想慢慢品嚐。澳洲青龍蝦想食豪啲，大家可以加HD$68升級做青龍蝦，大大隻，好厚肉，仲有好多膏，好香濃。呢個M佬連啲龍蝦腳都食埋，話好多肉添。有機蔬菜籃蔬菜籃有粟米

來到新蒲崗，周圍都有好野食，本來打算食雞煲，但行過見到呢間，見佢格局都算「骨子」，加上只得兩枱食客，於是直入試下！海鮮蒸鍋收費按人頭計算，每人$300左右，可以自選一個燉湯，數款海鮮及肉類，最後可以食埋個粥！至於丸類、菜及飲品可以任吃！見到價錢ok，又有合理的選擇，諗住滿心歡喜！老實講，海鮮雖然有得揀，但量少又唔算特別新鮮！話明食蟹，餐廳有三款蟹可以俾客人挑選，先唔理出産地，就算所謂食水藻大的綠色奄仔蟹，味道一般過一般，甚至帶腥味，令人失望！至於其他海鮮，算係正常貨色，要話特別新鮮又唔算得上咁囉！其他配料，例如雞肉&肥牛亦非常一般，丸類就更加似街市入貨既款式，認真麻麻！粥煮出來有點腥，不吃也沒有損失最後想提埋d飲品，除式汽水比較安全，那些所謂的特式飲料，例如冬瓜露、話梅汁⋯味道好像有糖的水一樣，仲要每次一瓶瓶order,叫左唔想飲又好浪費，其實免費得黎都要用心整好佢囉！總括而言，如果以呢個價錢，應該下次不會再來！

年初一冇訂位，大部份食店休息或排長龍，在無其他選擇下，即管一試海鮮蒸汽鍋。食物幾新鮮，越南貴妃蚌，菲律賓黄奄蟹，九孔鮑魚尤其鲜甜。待應詳細解釋食物煮法，服務態度一流

見到新浦崗剛開了間蟹仙海鮮蒸煱，上星期冇訂位去到冇位，所以今日想食就打去訂左6點。入到間鋪見到不是很多張枱，但位置尚算舒服，環境亦乾淨。而店內只有兩個人，一個應該是負責人因很熟悉及有耐性，有禮貌地介紹菜單及點菜，而另一位應該是新人乜都未識。因閒日只有一個價錢$298/人，而8點9前埋單有88折。因我們第一張枱所以起菜都很快，D海鮮好新鮮，龍蝦同奄仔蟹最正，蠔仔粥底亦好味，蜆就一般，而其他任食我只點了幾件丸。飲品只要左一揸冬瓜露好飲，想試其他飲品，但兩個人飲唔晒所以冇再點。

食過兩次！印象都不錯！老闆同店員都好Nice！今次第三去，全部野差哂⋯我吾會再去！海鮮都冇選擇！話冇貨，迫人要波士頓龍蝦！想要既帶子都冇變刀貝⋯佢幫你蒸野？問都吾問全部掉落去一獲熟甘！至後叫停佢吾好整住，我地都未食完！蒸牛肉？個呀嬸侍應掉左落去蒸，就走開冇理會我地！當然牛肉熟到咬吾開⋯全部野都冇講整幾耐食咩先？只想快點趕你走！盡佢努力把餐既野放哂入去蒸！任食配料？畫既數量同要既都吾係我地寫果d！問個男侍應？佢黑口黑面對住我地！都吾想比配菜同我地要既野！我地都只係畫一次點配料⋯吾係狂食佢野喎⋯第一次甘嬲⋯要食番食評出黎！食材都冇話特別新鮮！蔬菜都冇洗乾淨就放上枱比客人蒸黎食⋯

讚係俾侍應哥哥，細心介紹，全程幫手蒸嘢夾俾你，值得一讚，係現今難得嘅好員工叫左個野飲，荔枝味無味淡口，得甜水味燉湯，蝦燉湯我第一次見，味精海鮮味道海鮮，千其唔好叫半份嗰d 海鮮，半隻蟹同半隻嗰隻龍蝦，佢地叫蟹仙，蟹係升曬仙，食死左嘅海鮮好削，無肉又腥海鮮盤擺得好hea,影唔到相打卡覺得好醜怪鮑魚正常，唔識郁嘅魚正常龍蝦原隻嗰隻蒸唔熟，已返蒸唔好食龍蝦半隻嗰隻唔新鮮膏蟹得半隻，但死嘅，d 肉好削，膏正常奄仔正常，但蒸唔熟，唔差，但唔叫好味最尾有一個椰汁糖水，因為我叫左燉湯就無糖水，二選一，我朋友叫左呢個，一放落檯有隻蟻喺入面浮，即係俾侍應哥哥收走左換左個新，朋友飲曬，唔知佢有無事丸類，普通街市貨，無特別唔講咁多牛肉豬肉，普通街市凍肉貨仔，薄薄地咁，問題係好少家，我地兩個人有三片牛，三片豬 ,攪到你眼望我眼，其實一人兩片唔會好貴，三塊攪到唔知你食好定我食好，咁下價嘅肥牛同豬肉，一人兩塊唔過份啦，如果真係成本問題，就cut 一cut 先上檯會好d, 加一碟要$168 又食唔到咁多，同咁普通嘅牛唔值粥底，叫左南瓜排骨，最尾係無煲入到味，淡口，只有海鮮水味，因為海鮮唔新鮮，同埋排骨南瓜未煲出味，

睇咗face book (某啲個人專頁)介紹，就黎試下，最愛花蟹嘅我地，去到唔係片中咁大隻……好細隻花蟹，期望太高，佢地店叫蟹仙，啲花蟹真係升晒仙，死蟹有啲梅仲勁咸……搵鹽水浸過咁……反而奄蟹好食好多，片中叫我地必試黃金魚籽球～無貨……8點入去～我地9點5比最後果張，佢地無last call 我地，侍應小姐建議我地唔好叫～只叫蟹會覺得我地食唔切……所以都無加單！（建議大家加單要早啲）粥底係無乜米嘅粥（但算鮮甜）四位送甜品，叫咗侍應小姐等好耐……無黎，再叫侍應先生,再確認我地四位至送（因為有位朋友走先）但錢剛就係收我地四位$$！約$372一位最後佢店無濕紙巾供應，無筷子架～食蟹好唔方便！

呢餐真係食到一肚氣。訂咗四位6点。限時兩粒鐘即8点要埋單。8時埋單$308/位，其他時段$348.5点55分去到但佢未开哂門，都算，照推门入座。任食花蟹，黃奄仔或綠奄仔。所謂綠奄其实係次等貨，味道與黄膏差好遠，什么食水草大而變綠膏，係真係假不必深究，反正小弟食襯稍為高質嘅奄仔必定係黄膏，只曾经试过在街市買过D平價蟹先出现綠膏。(註:綠係指深色鴨屎綠，苦多过甘甜)。講番个餐，海鮮係九款選五，不是任食。新鮮，正常。唯青口有一隻壞咗，算喇。蟹任点但每次不可超过人頭数。点了4只奄仔，有3只係綠膏。4只蟹都有膏但好少好削。感失望！再点4只花蟹，端上来的竟然係藍蟹。位侍应A小姐竟然同我講"来货係呢D，冇辦法"，第二位侍应B卻同我講呢D就係花蟹！老實講如果我吾係一位蟹痴周時行吓街市，隨時俾佢大返轉頭。到我再揾第三位侍应C(成間鋪都吾知边个高级D)，佢先承認果D係藍蟹！大家可知藍蟹隨時比花蟹平一倍，跟本係兩回事，無可能可以做代替品，仲则则膊吾多覺！第一位的侍应小姐自被我揭穿之後就开始态度恶劣，由小姐顿变孖四。劣！果位侍应C怕搞大件事就答应俾八折。我亦ok 接受。继续点奄仔，之後兩輪都係得四分一机会係黃

朋友經過見到，反正未試過任食蒸氣碢，約埋三五知己試菜。一行十人，預先book咗位，自備酒水不用額外收費(店主話不是所有分店，要先查詢啊。店主話套餐經常改動，今次$328一位，每人可以9種海鮮中揀5款，今次我哋揀咗鮑魚，大元貝，貝殼盆，象拔蚌，龍躉片(只限一次)，然後是任食部份，有奄蟹，花蟹，丸類，肉類，點心類，菜類，飲品類。單睇任食部份種類不是太多，但。。。。。。單是奄蟹已值回票價，店主怕我哋餓住等，送我哋凍花蟹一碟，粥底有三款，我哋揀了南瓜排骨粥同蠔仔粥，一個甜一個鮮，整個晚餐好滿足，可惜只能享用120分鐘。店主溫馨提示，下次再來要有攻略啊

今日約咗幾個朋友試一試呢間粥底蒸海鮮。入到去2個鐘15分鐘任食配料，任飲嘅係可樂，唔係百事😂，海鮮同肉就限定咗揀幾多款，但係其實淨係食海鮮同肉已經好飽，我連個粥都食唔落，嘥哂！好搞笑，好似頂帽。佢個爐好勁，蒸得好快熟，基本上唔駛點等就有下輪食。佢仲痴咗張指引係枱面，寫到明乜野蒸幾多分鐘。都好準😂😂因為肚餓，第一輪蒸啲快熟嘅。龍蝦仔不過不失，無乜特別。個蟹不得了，新鮮好甜，肉夠彈牙，唔駛點豉油都好好味！我無飲汽水，飲冬瓜茶，ok嘅，不過太甜，要叫佢加冰加水。佢成渣上，得我自己一個飲，跟本飲唔哂😂😂有好多唔記得影，因為掛住食！總括黎講，係唔錯的。我地9點後入座都爆場，所以最好打去訂位，加埋一每人300蚊左右埋單，唔係好平，不過食物新鮮。雖然好飽都食咗啖粥，好甜好香好重蟹味。有機會可以再食🤣🤣