蟹仙海鮮蒸氣鍋 (仁愛街) (已結業)

尋日星期一打電話去book咗八點半三位，去到8點半佢話要等多15分鐘，因為客人食緊粥重未埋單，無所謂！門口已經有兩張枱係八點半喺度等緊，但係我望入去佢話埋單嗰兩張枱張重繼續食，見到有一張有侍應仲放咗碟菜俾佢，再過多5分鐘，跟住係我後面嗰張枱等個女人已經不耐煩出聲問一位男店員，佢話冇辦法啦，因為我哋餐廳唔限時間，佢話你哋可以坐到12點都得，我就覺得佢好有問題，依家唔係話坐到幾多點，係我哋已經book咗八點半嘅枱你冇位俾我哋，係唔係如果個客唔埋單，咁我仲要喺門口等呢！跟住我哋已經唔想再等啦，去第二間食。呢種服務態度唔得囉！

今日喺新蒲崗附近做完嘢就去咗一間蒸氣火鍋度食飯。朋友又咁啱想食海鮮就入咗嚟喺呢度食。一入到黎就比佢獨特嘅擺設吸引着，有頂好似漁夫嘅帽，蓋喺鍋上面，原來佢係用嚟焗住啲海鮮用。由於店內人數眾多都需要時間等候，估唔到你間店會長期人流咁多！如果下次唔想等位記得要book枱。老闆娘介紹我哋食今日最新鮮嘅海鮮，佢話原來我哋就算兩個人，都可以叫唔同嘅價錢，別係198套餐同298套餐。裏面用嘅海鮮都絕對新鮮。因為原來店主係可以攞到貨源嘅頂級貨，亦會出外搜羅，所以食嘅海鮮亦有保證。一開始嘅時候已經有職員為我地倒米飯同南瓜瘦肉落去煲底，待會就會有海鮮味嘅粥焗好。本身以為298同198既套餐冇乜嘢分別，但原來真係勁大分別。首先可以從蟶子嘅大小看到，298嘅蟶子明顯長又大，但198嗰隻真係細好多呢。不過兩隻嘅肉亦都好鮮甜多汁，會有海水味走出來。另外我好欣賞隻鮑魚，隻鮑魚真係好正！蒸熟左之後就會離開個殻，所以大家都唔使擔心肉唔離殻嘅問題，點上辣椒蒜蓉豉油零舍開胃。食食吓有啲乏味叫了支烏龍茶黎飲添。佢間鋪頭有名你叫，叫「蟹仙」，當然食到蟹啦，未試過一隻蟹係我面前個殻可以脆成咁，啲肉更加係非常白滑，嚐得出是新鮮無比

見Facebook 介紹，所以來試下。間嘢平日都坐滿。坐位有啲迫，坐出面會比bar 枱櫈你坐。 我大約175 cm 高，對腳都唔到地，所以全晚都係半坐半企既咁坐... 我地本身order $198, 不過見佢地sell 左我地兩次，就試左兩set升級$298，分別唔都差唔太多。龍蝦由一隻細變半隻中，蟶子仔變扇貝仔，半隻蟹大隻左少少。可能因為見Facebook 講到好低食，啲嘢又靚，所以來到有啲失望。啲海鮮唔算靚，啲位坐得又唔舒服，唔太值呢個價。服務員態度係幾好，不過差唔多價錢去隔離潮福好過。

好耐冇食蒸鍋，住新蒲崗的同事推介一間性價很不錯的餐廳，叫蟹仙海鮮私房蒸氣石鍋，今日放工大家就去試試。來到餐廳已經高朋滿座，等了好一會就入得，我們正好安排在裡面的包房，坐得十分舒適。看看餐牌主要都係粥底蒸鍋再可加火鍋兩食，暖心價$198/位，都幾抵食。店員先弄好粥底，把米、肉和南瓜加入鍋底中。海鮮蒸氣鍋包括有8款：餐廳更貼心餐的是非常關注食物安全，提示食客遵照建議之食物烹調時間蒸熟食物。開始時店員先放生米、南瓜和肉排入鍋，不用加水，然後蓋上蒸板就可以開始蒸海鮮了！野生印尼龍蝦仔蒸4分鐘，睇落好豪氣，全部開邊蝦膏好豐富，肉質彈牙。菲律賓黃奄蟹蒸9分鐘，蟹都好大隻，蟹鉗肉好厚實，好鮮味。翡翠九孔鮑魚蒸5分鐘，鮑魚彈牙不韌。越南貴妃蚌店員提示蒸4分鐘+焗1分鐘，蒸起好汁潤，沒有縮水，肉質同樣彈牙鮮嫩。泰國海中蝦蒸3分鐘，鮮甜彈牙。蘇格蘭蟶子蒸2分鐘，肉質鮮嫩。貝殼盛盆蒸3分鐘。有機蔬菜籃 3分鐘。***四人同行，每位贈送越南雪燕燉官燕壹盅可惜今日冇送。食完曬蒸鍋，意猶未盡，再加了蟲草花雞件$48和手打墨魚滑$48試試，雞件份量較少，味道都幾入味；手打墨魚滑，用蒸的墨魚滑都幾有驚喜，十分彈牙爽口

見門口$198一位蒸氣火鍋，拉隊4人仲有椰汁燕窩，即時去試試。$198一位，當日星期日，原來加$28，醬油加$10，包下面既野：龍蝦變左琵琶蝦，雖然細隻，都算新鮮，有甜味。刀貝變左角螺，仲有貴妃蚌，鮑魚，蟶子，蜆，東風螺。雖然細隻，但都有鮮味。全晚個亮點係蝦同蟹，蝦比平時既爽口彈牙，又大隻。蟹有膏，仲勁香，蟹肉結實鮮甜，連蟹腳都有肉，勁正。仲有生菜，南瓜，粟米，娃娃菜，幾樣都甜甜地。最后食埋個精華南瓜排骨粥底同燕窩糖水，滿足。

吃得太多火鍋，就會想清淡一點吃食蒸鍋，健康一點。很少踏足新蒲崗，但自從朋友駕車帶我到過這間蟹仙吃蒸鍋之後，我相信我會多點來新蒲崗。餐廳面積不大，坐滿食客時都比較熱鬧，內裡還有一間獨立房，房中有兩枱，該晚就坐在內裡其中一枱，已算寬敞。朋友點了該餐廳主打的「 $198 蟹仙海鮮蒸氣鍋」，說餐廳每天拿的都是最好的海鮮，所以來這裡一定要原汁原味吃蒸的。蒸的時間我們都跟著指示，沒多沒少，果然蒸得火喉剛好！海鮮蒸氣鍋包括： 1. 野生印尼龍蝦仔 4分鐘職員說不是每次都有蟹膏，今次我們有口福，龍蟹帶蟹膏，鮮美中更添膏香。2. 菲律賓黃奄蟹 9分鐘原來都幾大隻，肉質很厚實又甜，蟹蓋的膏又香。3. 翡翠九孔鮑魚 5分鐘很腍很鮮，完成不費力就能齒開。4. 越南貴妃蚌 4分鐘+焗1分鐘彈牙多汁，汁又鮮甜。5. 泰國海中蝦 3分鐘蝦大隻而肉質又爽又鮮。6. 蘇格蘭蟶子 2分鐘沒有縮水，肉亦嫩甜。7. 貝殼盛盆 3分鐘每夥肉都有汁，肉又肥嫩。8. 有機蔬菜南 3分鐘最後就是吃蔬菜和粥。蔬菜用蒸的煮法最能保持其營養和鮮感。***四人同行，每位贈送越南雪燕燉官燕壹盅 粥底一開始就沒有加水/湯，全都是海鮮的精華漏進鍋

家姐回港後都是跟她吃火鍋的多，蒸鍋卻沒有吃過一次，今晚就帶她去試試。一行5人駕車到新蒲崗的蟹仙，聽說這裡的蒸海鮮餐性價比超高的呢！「$198/位 可以享有海鮮蒸氣鍋」海鮮蒸氣鍋包括： （餐廳非常關注食物安全，請食客遵照建議之食物烹調時間蒸熟食物。）職員首先將米、南瓜和肉排放入乾身的鍋底中，不用加湯煮滾，等會兒蒸鍋中海鮮的精華會流入鍋底，變成海鮮粥底。開始蒸鍋前先了一瓶《洛神花茶》，味道很香味。《野生印尼龍蝦仔 4分鐘》雖然是龍蝦仔，但比預期大隻發多肉。開邊之後更見中間有很多蟹膏，絕對有驚喜！蒸熟後由蟹尾起肉，入口啖啖鮮甜彈牙，蟹膏又香濃。《菲律賓黃奄蟹 9分鐘》蟹肉鮮甜不鬆散，尤其是蟹鉗，大隻肉厚。《翡翠九孔鮑魚 5分鐘》鮑魚軟腍，十分易咀嚼，很彈牙而且能嚐到當中的鮮汁。《越南貴妃蚌 4分鐘+焗1分鐘》貴妃蚌大隻多肉，同樣是很軟身易咬，很鮮美。《泰國海中蝦 3分鐘》蝦味鮮甜，肉與爽口。《蘇格蘭蟶子 2分鐘》蟶子肉質鮮嫩，夠新鮮所以沒有縮水，入口連汁很美味。《貝殼盛盆 3分鐘》蒸鍋火力夠，所以貝殼在3分鐘內已經全開口了。粒粒貝肉肥美鮮味，很嫩。《有機蔬菜籃 3分鐘》蔬菜夠新鮮。***四人

今日同屋企人去附近食海鮮蒸氣鍋之前同朋友食過一次覺得唔錯而且都幾抵， 價錢HKD198/位一啲都唔離地， 又可以食到質素唔錯嘅海鮮當時已經諗一定要帶屋企人嚟食下。我哋揀咗一個海鮮蒸汽鍋餐有唔同嘅海鮮之餘仲有一個粥底鍋。屋企老人家覺得幾新鮮 好奇問我地後生會唔會唔識整?搞到蒸得好老? 其實餐廳有一塊《溫馨提示嘅牌》，上面寫咗好多唔同海鮮肉類需要蒸嘅時間， 而蒸氣鍋隔離嘅時間掣亦都好容易調教， 話咁快就正蒸完一道海鮮，時間都係啱啱好，蒸出嚟嘅食材都好好味。 海鮮包括咗中蝦、大蜆、活刀貝、蟶子、龍蝦仔、黃奄蟹、仲有菜籃… 食材都幾多。 中蝦好新鮮，蝦味好重好香好爽口活刀貝好同鮑魚蒸得剛好，老人家都話鮑魚好易咬，點小小醬料已經好惹味蟶子好爽口我超級鍾意佢嘅龍蝦仔同埋黃奄蟹雖然話係龍蝦仔，但係都好大隻，而且好有肉好鮮甜，黃奄蟹亦都夠大阿多肉，蟹膏滿瀉到成個蒸鍋都係…… 非常非常非常香! 蒸出來既菜比較爽，好清新！ 最後吃一碗充滿海鮮精華既粥味道唔錯，粥底好綿好有肉味最後仲有一碗甜品雪燕燉官燕，好重椰奶香好滋潤完滿既屋企人飯聚要兩老滿意又鍾意真係有點難度今次吃得新鮮又美味，價格又平民，兩老又hap

今日約左幾個舊同事聚餐，搭巴士去左九龍城同新蒲江崗之間，其中一個同事book左間餐廳話食蒸蟹。大概7:30左右去到，餐廳已經好熱鬧同事揸主意，我地要了個粥底蒸海鮮餐粥底係南瓜排骨粥~睇餐牌，都好似唔錯，有不少海鮮我們先吃快蒸熟的蝦及蜆蝦都頗大隻，肉質彈牙鮮味，蝦頭雖然話好多人唔食，但我就最愛，因為蝦膏味又香又鮮，呢隻夠新鮮，蝦膏味更香！ 蜆肉帶微微海水鮮，蜆肉清甜，正！ 之後再蒸沙巴活刀貝比較大隻，非常爽甜彈牙鮑魚蒸後仍然好腍好彈牙，微咸又唔會無味，好新鮮既清甜！ 蟶子- 通常蒜蓉蒸，但原來清蒸原味都很鮮味朋友說蒸2分鐘，時間剛好，沒有老沒有硬去到蒸龍蝦仔龍蝦長度比手掌大長1/3蝦頭有超級多膏蒸完好香一起就起哂蝦尾成舊肉出來爽口鮮味令人回味而重點的蒸蟹(菲律賓黃奄蟹) 亦令我非常滿意夠大隻，多肉而且爆膏易拆啖啖肉，超級好味如果可以的話，我自己也可以吃下整整一隻可惜大家要share，要share的食物永遠也是最好吃的~最後來點蔬菜有生菜、津白、粟米每樣都好清甜最後來到吃最初的南瓜排骨粥今次我吃了一碗，初時我怕會太咸吃了一口之後覺得味道剛好帶微微的海鮮香，南瓜已幾乎80%溶進粥中，清甜而有

聽朋友介紹去到新蒲崗一間餐廳，有個好抵食海鮮套餐！就去試下，地方雖然唔係好近地鐵站，大約十五分鐘路程海鮮套餐$198有8款海鮮，1個蔬菜籃只要share 佢地fb , 仲有送椰汁燕窩甜品黃奄蟹非常多膏，最出色係宜個宜個最初唔知咩海鮮😂原來叫琵琶龍蝦肉質彈牙，我自己覺得好食過龍蝦 同埋好多肉 仲有其他海鮮，鮑魚，貴妃蚌，貝殼類等等一到7:00幾，就開始好多人，最好book定位 因為得地6點到餐廳，所以都ok 全部海鮮都係新鮮的，琵琶龍蝦真係少見 餐廳員工話因爲老闆家族是海鮮入口商 所以有咁抵食又新鮮既海鮮 佢地個琵琶龍蝦係野生，唔係人工繁殖出面好少有真係俾個讚佢地！ 下次再介紹多啲朋友來👍🏻

鮮味十足嘅蒸氣火鍋💓🍲我同爸爸都好鍾意食海鮮嘅所以今次就帶咗佢去新蒲崗嘅一間蒸氣火鍋 - 蟹仙$198就可以食到八款海鮮啦 價錢超值仲有粥底添 睇下質素點先🤤八款海鮮包括有💁🏻‍♀️1️⃣野生印尼龍蝦仔龍蝦仔都好多膏喎 啖啖肉 肉質結實👍🏻2️⃣菲律賓黃奄蟹蟹肉鮮味十足‼️ 蟹膏濃郁‼️老板話菲律賓黎嘅黃奄蟹特別好食 岀面買唔到架 要專登攞架🙈3️⃣翡翠九孔鮑魚鮑魚好Q彈 又厚肉🤩4️⃣沙巴活刀貝呢個好少食呀 味道咸咸地 不錯☺️5️⃣越南貴妃蚌貴妃蚌好大隻 好爽口👍🏻6️⃣泰國海中蝦海蝦新鮮 唔會霉🦐7️⃣蘇格蘭蟶子蟶子呢就比較細隻 中規中矩😗8️⃣貝殼盛盆花甲加東風螺 無沙又好食👍🏻粥底係南瓜排骨粥 吸收晒海鮮嘅精華超級鮮甜 贊一個‼️💓👍🏻除咗海鮮套餐之外 我仲叫咗少少火鍋配料😛💁🏻‍♀️ 安格斯肥牛(例) $98肥牛好快就熟 所以蒸一分鐘就啱啱好啦牛肉味非常之濃郁 👍🏻💁🏻‍♀️ 手打蟹籽鮮蝦滑 $48呢個超級推介呀‼️ 蝦滑上枱嘅時候已經變咗一粒粒蝦丸啦超Q彈 蝦肉超多 真係好正 🤩餐牌上面已經寫好咗每樣配料需要蒸幾多分鐘 根據指示蒸就可以啦💓book左枱都要等一陣 因為生意太好了🙈大家想食一定要book枱呀 知道嗎☺️🍽

蒸氣海鮮火鍋都好似hit左好耐，其實好耐之前已經想試，不過成日見到好貴，最平都要幾百蚊一個人。朋友介紹呢間又平又新鮮，就一於黎試下啦。雖然今晚係平日，但竟然全場爆哂，見到老闆娘都好忙，不過好彩都好快有位坐。原來呢度既海鮮係老闆識人，拎d特別靚同新鮮既海鮮，唔怪得咁多人食啦。今次係我第一次食蒸氣海鮮，見到呢個蓋都覺得好得意好新奇呀。我地揀左呢個$198位既海鮮餐，咁平既價錢已經有8樣海鮮同一盆蔬菜，真係超抵呀。見到d蟹同蝦都勁新鮮，同埋隻龍蝦係野生龍蝦，出面唔易搵到嫁。龍蝦整3分鐘就食得啦，時間岩岩好，食落好鮮甜，同平時食開果d龍蝦唔同，佢既肉唔會太實又唔會太稔，真係超好味啊。而d蟹又係好鮮甜，最重要既係佢勁多膏，岩哂我呢d鐘意食膏既人啊。鮑魚就要整5分鐘，一打開已經聞到勁香啦。而且鮑魚好大隻，呢間野真係落重本啊。除左海鮮之外，我地仲叫左個安格斯肥牛。睇個賣相已經知係靚牛啦，肥瘦均勻，而且切得夠薄。老闆娘仲親手過黎教我地點擺同點蒸，1分鐘就食得啦，我緊係急不及待試下啦。哇！舊肥牛勁多肉汁，牛味又重。同平時打邊爐唔同既係，佢用蒸既方法可以鎖住肉汁，令舊牛更好味呀。最後，緊係到最期待既粥底啦

住在新蒲崗的同事發現仁愛街開了一間蒸氣火鍋店，名叫蟹仙，門前易拉架寫有套餐198元就有龍蝦、蟹、蝦等海鮮食，價錢不貴，所以我和同事就相約去試試！食店地方不大，但座位都不會太迫。枱上除了有蒸氣鍋，還有計時器和温馨提示牌，寫上食品要蒸的時間。海鮮材料都好新鮮，依人頭計，每人一份。有龍蝦、蟹、蝦、鮑魚、蟶子、貴妃蚌、活刀貝。野生印尼龍蝦仔：雖然吾係好大隻，但勝在新鮮，夠鮮甜又彈牙。而且每人重係有一隻，不是半邊。泰國海中蝦：爽口鮮味！菲律賓黃奄蟹：菲律賓黃奄蟹膏多肉鮮，味道比一般奄仔蟹優勝，鮮甜味十足，食後令人齒頰留香！翡翠九孔鮑魚、越南貴妃蚌、韓國赤貝、蘇格蘭蟶子和大蜆，海鮮新鮮爽口又鮮味！有機蔬菜籃：我是第一次蒸蔬菜食，真的好食好多，有蔬菜的原身甜味。除了海鮮套餐，還可以加錢點其他食物。同事也是第一次食蒸的豚肉，她說原汁原味有口感。蟲草花雞件：雞件嫩滑入味，蟲草花爽口。粥底是排骨南瓜粥，食蒸氣火鍋前，侍應會將米、排骨和南瓜放入鍋子裡，不用加水，上層蒸海鮮的精華會流落入鍋下，邊食邊煲粥。所以味道特別鮮甜。越南雪燕燉官燕：椰汁味香濃，甜度適中，名貴的雪燕官燕十分滋補。

話說之前同家人食過一次蒸氣鍋之後就愛上左..: )原因係蒸氣鍋更加可以逼到食物既原味出黎, 而唔需要落任何調味料意思即係, 只要食材夠靚夠新鮮再加上蒸氣鍋, 你已經可以食到好好味既一餐!而今晚經朋友介紹, 帶我黎左一間海鮮非常新鮮既蒸氣鍋店-蟹仙🦀(食完之後確切感受到店名既由來!~~)位於新蒲崗仁愛街, 即係越秀廣場對面..地點唔算太方便, 但今晚平日夜晚黎到竟然都全場full晒要等位..睇黎質素應該真係唔會差~!望到個menu有一刻以為自己睇錯左...@@包8款海鮮+1籃蔬菜既蒸鍋竟然只需要每人$198..!!仲要已經包左粥底&火鍋湯底.. 即係只有火鍋料係要額外收費!應該係我見過有史以黎最抵食既蒸鍋🤑沒有花巧的配料選擇~ 但其實簡簡單單已經足夠..食物質素先至係一餐飯既重點呢早係開始放蒸盤前已經放好煲粥既材料係底下 : )等成個蒸鍋都食完之後 就係品嚐返靚粥既時侯~無睇錯... $198真係有咁多海鮮比你食!至於質素呢...? 睇埋下面啦^^~呢度用既係有計時功能既蒸鍋, 而且每一款海鮮 員工都會同你講解要蒸既時間~ 唔使怕overcook呢度既蒸鍋係超高溫, 所以幾乎每樣食物都係