蟹仙海鮮蒸氣鍋 (龍崗道)

营业中

休息中

好耐冇食蒸氣火鍋所以今日同朋友一齊去試吓依間喺九龍城好似幾出名嘅蒸氣火鍋。一開始就咁睇價錢好似有少少貴，但係望真啲入邊啲嘢其實超級抵食完全唔貴。今次叫咗依個至尊海鮮套餐，入邊有好多都唔係平時會特登食嘅海鮮，今次用蒸氣火鍋食更加可以帶出佢哋嘅鮮味。店員好有心機咁幫我哋整埋，唔使我哋擔心真係坐低就有得食。一開始就食咗個蝦同埋啲貝殼類。鮮甜新鮮就唔使再多講，但係咁大隻青口同埋蚌我就真係喺呢一度先第一次食，啲汁水一食落去出晒嚟真係好好味。之後就食咗蟹同埋啲龍蝦。佢唔同平時喺出面食嘅蟹，呢隻蟹好多肉，都好多膏，咬落去啲肉好有質感之餘仲非常之甜。最後就食埋蠔同埋個鮑魚。平時一係食生蠔，一係食焗蠔，就咁樣新鮮蒸嘅蠔真係第一次食。同個鮑魚一樣非常之好味。估唔到食完之後仲有一個椰汁燕窩西米露，完美咁為依個海鮮之旅收尾。

終於終於終於有返晚市🥹🥹🥹即刻book左九龍城想試好耐既海鮮蒸氣鍋坐低未食 先叫返支啤酒配自家製魚皮 脆卜卜叫左$399尊貴海鮮套餐 淨係拎上嚟嘅蟹造型海鮮拼盤既賣相已經好得意 好吸引有海虎蝦、馬刀貝、新鮮野生青口、生蠔、九孔鮑魚、扇貝第一樣蒸既係海星斑 兩位半條 好重魚味 時間蒸得剛剛好 好滑呢間蟹仙同一般蒸氣鍋一樣 都係逐樣逐樣由店員幫手蒸 佢地仲好有心 將兩隻海虎蝦砌做心形蝦肉好實淨彈牙 九孔飽魚好大隻 蒸之前已經預先清潔左起埋肉 一蒸好就食得唔需要加配料 調味料 扇貝同生蠔就咁蒸都已經夠鮮味主角出場喇 好多糕既大黃奄仔蟹 同爆晒糕同龍蝦籽既龍蝦 龍蝦啖啖肉都幾爽口奄仔蟹好多糕 個蟹鉗勁大隻超級好肉同好甜食完晒海鮮 再嘆返兩碗有海鮮精華既豬骨粥 同甜品椰汁官燕 好滿足

今日本來諗住喺九龍城食泰國菜，誤打誤撞入咗呢間蒸氣火鍋。已經有多年沒吃蒸氣鍋了，沒有什麼期望，卻是一碟比一碟好吃，食材鮮甜，那種美味，回味無窮。初看餐牌，覺得有點兒貴，食完就覺得超值。雖然沒有漂亮的裝修，但海鮮的質素非常高，大羔蟹，龍蝦，海蝦，鮑魚都是大大隻又鮮甜，爆汁肉丸和芝士小籠包都絕對不是一般打邊爐吃得到的。我們因為趕時間，最後只有打包未吃完的肥牛、靚粥和甜品返屋企做晚餐。相隔多個小時在家番熱，卻一點都不失色，美味可口。最後一個驚喜是甜品椰汁官燕，整個餐由小食（炸魚皮和海浙）到甜品，所選食材全不馬虎，服務態度又好，是難得的用心，希望不久將來再去光顧。

自從恢復左晚市之後就不停報復式出街食晚飯🤣今日嚟到呢間九龍城嘅蒸氣火鍋之前朋友食過超級推！！好彩我哋有book位咋坐低冇幾耐只係六點幾鐘已經半場full所以極度建議大家可以book定位.值得一讚嘅係舖頭店員超級友善非常有耐性同我哋介紹每一款海鮮佢哋老闆係香港海鮮入口商經營海鮮批發已經有30年經驗而且仲要每日直接空運到每間店鋪所以可以確保拎到最靚既海鮮.我哋今次揀咗$399一位嘅套餐因為呢個性價比最高！可以食到超級多款海鮮！.btw職員真係超級好服務會按照口味幫我哋安排食嘅次序而且每款都會幫我哋計時去蒸完全係躺平就可以食到好味海鮮！🔸澳洲青年龍蝦🔸越南大虎蝦肉質新鮮彈牙同好鮮甜！！龍蝦有好多膏～🔸紐西蘭刀貝🔸大西洋野生青口🔸日本大元貝貝類嘅海水味比較重唔使點任何調味料都夠曬味～🔸罕有大黃奄蟹蟹肉肉質好厚實！而且店員好細心咁樣處理晒所有內臟腮都唔使自己mit 即刻拆開就食得！🔸太平洋饅頭蟹🔸韓國慶南珍珠蠔🔸台灣九孔鮑魚聽店員講呢個饅頭係非常少見雖然細細隻 但非常鮮甜同埋好多膏！最後就係吸收晒所有海鮮精華嘅粥底雖然已經好飽，但我哋每人都食晒一碗最後嘅甜品都好高質呀🔸椰汁燉雪燕椰汁好香，又唔會

疫情過去梗係搵啲好嘢食，今日去咗九龍城食蒸海鮮，叫左佢地個尊貴海鮮套餐，入面都幾多嘢食，店員好貼心，每樣海鮮都係由佢親自主理。我哋叫咗支青島黎送佢嘅自家製炸魚皮，魚皮炸得好香口同埋唔會太鹹，幾啱我口味。之後就開始蒸海星斑，條斑個大細啱啱好，啲肉都幾滑同埋幾有魚味。之後就到鮮大蝦，隻蝦都幾大隻，爽滑鮮甜，蝦肉超級結實同彈牙。扇貝同生蠔都好新鮮同埋好鮮甜。鮑魚同馬刀貝好爽口同埋好有口感。青口係店員重點推介，新鮮野生青口，牛落去真係同本地青口好唔同，好重海水味。主角嚟啦西澳龍蝦，隻龍蝦好鮮甜，用條蟹棒一撩起成條肉就起咗出嚟，真係超級彈牙。同場仲有奄仔蟹，隻蟹啲肉好結實同埋鮮甜，聽店員講佢哋老細係做海鮮批發，所以啲海鮮都幾新鮮。最後食埋佢個粥同埋甜品，個肚已經超級飽。

好想食海鮮但又唔想自己喺屋企搞一輪,見九龍城開咗間蒸氣海鮮火鍋,快靚正餐廳座位唔太多,每個卡位都有個蒸爐同竹籃咁唧野我地叫咗個$399海鮮餐,包10樣野食,有奄仔蟹,大虎蝦,青口.星斑同埋唔同的貝類海星斑: 細細條,唔算好多肉,但係好鮮甜好滑嫩大虎蝦:鮮甜,蝦肉彈牙,但比較細隻九孔鮑魚:算清潔得幾乾淨,蒸的時間啱啱好,彈牙唔會好韌元貝:相對比較失色,好細粒,但都鮮甜珍珠蠔,青口,刀貝蚌: 正常發揮,食得出食材新鮮

開放番晚市堂食，急不及待book番餐好野食下，同鍾意食蟹既朋友去左呢間蟹仙嚐鮮🤤呢度主打食唔同產地當造既靚海鮮，我地叫左「尊貴海鮮套餐」個款，上菜時我地都哇左聲，用左隻好得意既巨蟹造型盤放上海鮮拼盤，個蟹盤打卡一流😆店員會親自幫手蒸每樣海鮮，唔怕唔識蒸到過火。第一樣蒸越南虎蝦，蝦肉爽甜彈牙～跟著個隻台灣九孔鮑魚好有驚喜，唔好睇佢size唔似澳洲鮑咁大，佢肉質好嫩，而且好有鮮甜味，幾鍾意呢款～跟住就試d貝殼類海產，連續幾款分別有日本大元貝、紐西蘭刀貝蚌同野生青口都好新鮮，一打開個殼就爆晒汁😳終於輪到食三大主角，店員推介我地試下呢隻好少見既饅頭蟹。雖然佢蟹仔細細唔算多肉，但佢既海水味簡直係全餐之冠，個樣仲成個波咁幾可愛😆之後就到澳洲青年龍蝦，唔知係咪因為呢隻龍蝦仲young😂d肉又嫩又彈牙，一串成條起出黎啖啖肉好滋味！叫得蟹仙，主角～蟹最後登場！隻漲卜卜既大黃奄蟹一開二，中間已經見到爆晒膏🤤多膏之餘，蟹身都好有肉食，一梳梳鮮甜蟹肉，呢度食蟹真心新鮮同品質好👍最後蒸埋蔬菜仲有吸收晒精華既粥底食，之前蒸既每樣海鮮d汁都落晒去～yummy😋食到好飽仲有冰凍清爽既椰汁雪燕做飯後甜品～好滿足！

海鮮蒸鍋而家都好常見，但做得好食而食材又新鮮我只會選擇呢間。😍😍😍😍😍😍😍😍😍😍😍基本上佢地既海鮮係極之新鮮，唔洗點樣調味食返本身食材既鮮甜已經好夠。❤️❤️❤️❤️❤️❤️❤️❤️❤️❤️海鮮入面今次食既有扇貝，鮑魚，青口，龍蝦，蟹，蠔同埋蝦。每樣食材蒸煮都會有專人幫你搞掂，唔洗估估下又唔知蒸幾耐，店員控制到海鮮係岩岩好熟，令你食既每樣食材都係鮮甜，肉質鮮嫩。 最後會跟埋個粥底俾你食返滴落去海鮮既鮮甜味，真係無得頂。

朋友好想食蒸氣火鍋，加上我哋鍾意食海鮮，於是就嚟到九龍城嘅蟹仙海鮮蒸氣火鍋。我哋決定叫套餐，咁就唔使諗食咩，而且有好多款嘅海鮮，叫咗呢個399套餐，有蟹之餘，仲有龍蝦、鮑魚、虎蝦、同貝殼類。大大盤嘅海鮮拼盤好吸引眼球，滿滿都是海鮮。值得一讚嘅係有店員幫我哋整海鮮，唔使自己落手落腳整到過晒火。鮑魚好鮮甜爽口，而且仲有啲海水嘅味道。帶子都好大隻，比鮑魚更加甜同嫩滑。東星斑魚肉好鮮味，而且都好滑。青口同刀貝好爽口濃味，濃郁到好似飲緊海水咁，唔使加調味料。龍蝦好爽好多肉，大大隻嘅蟹非常多膏，蟹肉好輕易就好撩到出嚟，一疏疏嘅蟹肉好實淨，一啲都唔似平時街市啲蟹咁水。仲有加咗粟米芋頭同菜莆嘅海鮮粥，好似飲緊海鮮湯咁，飲落都係鮮甜嘅海鮮味。最後仲有一碗椰汁燕窩，食埋就夠晒滋潤。

未食過蒸氣海鮮，今日朋友帶我去九龍城食蟹仙🐟🦐🦀, 好開心啊，午市都有得食。蒸海鮮夠健康，吾熱氣，低脂肪高蛋白，$399又吾太貴。叫得蟹仙，一定有蟹食。越南頂角膏蟹🦀 蟹膏呈金黃色, 蟹味濃郁, 令人垂涎欲滴😋！除咗蟹仲有好多款，總共10樣食物。東星斑、台灣鮑魚、虎蝦、青口、 紐西蘭月亮貝、大元貝、、韓國珍珠蠔、 琵琶龍蝦🦞。鮑魚煙韌有嚼口、 月亮貝鮮甜有濃郁海水味。 琵琶龍蝦肉質鮮甜結實，爽口啖啖肉🌈。蒸海鮮梗係唔少得海鮮粥啦，加入粟米、芋頭，粥吸收曬海鮮嘅精華, 惹味十足💯！雖然已經好飽, 都要食埋甜品椰汁雪燕，甜蜜滋潤好滿足！

朋友生日而佢又中意食海鮮，於事帶佢來左呢間食海鮮蒸鍋。呢度啲姐姐好好服務，會一邊serve 一邊介紹食物，原來呢間嘅老闆係做海鮮批發所以可以穩到又靚又新鮮嘅海鮮。我哋揀咗呢個$399套餐呢條星班肉質夠鮮又彈牙越南虎蝦都幾大隻還有呢個韓國蠔同鮑魚，蠔夠鮮甜。呢個日月貝我都係第一次食，鮮甜同彈牙。姐姐話呢個蟹係野生的，所以啲糕偏黃綠色，最難忘係呢個蟹，啲蟹糕好香甜，正啊。一人半隻唔夠喉。當然唔少得龍蝦，肉質好彈牙。👍🏻食完啲肉，啲殼就放入個粥煲。令到個粥更鮮甜。

新年將至🍊落嚟九龍城買啲嘢預備過年，朋友講有間食海鮮蒸鍋品質唔錯，但夜晚好難訂位見呢排疫情6點後無得堂食😢知道呢度中午都開做午市，即刻順便訂埋位嚟試試呢度鋪面唔算大但座位算闊落 😙每張枱上面都吊住頂好似越南女性戴嘅傳統斗笠帽😂原本係蒸爐蓋😂😂店員先將我哋嘅餐具放進爐面消毒💪🏻再嚟講解各類套餐優惠😊最後選擇$399/人套餐😋套餐中set好海鮮款式第一款係石班🐟夠鮮甜，再嚟係好大隻嘅虎蝦仲有羔🤤之後仲有鮑魚、青口、扇貝、月亮貝同蠔樣樣都好新鮮海水味道濃🤤之後仲有龍蝦同奄仔蟹🦀呢度叫得蟹鮮我對佢哋嘅蟹非常期待😚食過果然正🦀非常多羔甘口鮮甜👍🏻最後仲可以食埋個索哂之前蒸海鮮嘅精華滴哂落嗰個粥底😍😍個個食得好滿足😂以為咁就完🤪店員仲送埋個椰汁官燕做甜品😎呢個午餐超豐富超滿足

原來午市有蒸鍋，食到笑呵呵！😂😂以往一向都是海鮮粉絲的我，夜晚放工一定約埋幾位知心好友邊食邊談邊嘆世界。疫情關係晚市嚴禁堂食，打去餐廳原來午市可以訂位照嘆世界！👍🏻👍🏻每位$400就有打響頭炮的東星班、鮮𧐢、鮮甜鮑魚、彈牙大元貝、鮮甜虎蝦、啖啖肉龍蝦同fit到漏油的黃膏蟹😍😍每樣海鮮即劏即蒸，蒸煮時間剛好，每次蒸爐「必必聲」響起，大家都可以預備開動剝殼。😋😋接着就是收集所有海鮮蒸煮後的湯汁，滴漏在鍋底的豬骨粥內，鮮味非凡，每人可多吃兩至三碗，一定飽足！最後餐廳送上免費的雪燕椰汁官燕，完美無缺！

晚市無啖好食,唯有爭取午市食返餐好. 想食海鮮,特登中午入黎九龍城食蒸氣海鮮火鍋,原來價錢全日同價,每位$399,套餐包括9款海鮮同埋一款蔬菜大黃奄蟹: 幾新鮮,靚料,啲蟹糕橙黃色的,有油香,蟹肉好實在西澳龍蝦: 龍蝦本身都幾新鮮,上枱時龍蝦尾仲震緊,蝦肉鮮甜彈牙,但係就比較細隻,龍蝦頭可以留返煲粥台灣九孔飽魚: 抵讚的係佢的鮑魚處理得好乾脆，蒸完食啱啱好,好彈牙好甜粥底: 放咗咸排骨,芋頭粒同埋菜圃,吸晒啲貝類唧海鮮咸甜味,正

正所謂不時不食，海洋好唔好食，新鮮就是王道！今次已經係第N次品嚐極味海鮮，與別不同的就是午市可以更加慢慢品嚐，不怕食到天黑！九孔鮑魚：鮑魚上枱跳舞地轉動，生猛又新鮮，店員調校準確時間蒸煮，恰到好處！入口煙靭彈牙。大虎蝦：爽口鮮甜美味，虎蝦尺寸大，蝦頭有膏特別滋味！月亮貝：少有食材，從未見街市有售，蒸煮后脹卜卜，有濃郁的海水味偏鹹，但肉厚甚為特別，青年龍蝦：一定是壓軸登場好貨色，用叉子一串起，整件半邊龍蝦肉立即串起，大啖大啖龍蝦肉入口，好好食！還可以將龍蝦殼放入粥底來熬，精華來也！大黃醃蟹：招牌重點推介，蟹膏鮮味非常，一點一點放入口，又香又滑！新鮮蟹肉一疏疏，無花無假，果然是慎店之寶！