螢壽司 (已結業)

銅鑼灣一向多食店選擇, 鍾意食甚麼國家菜式也有, 今次會去了螢壽司食飯.門口的擺設已經充滿日本的色彩.即使我不食魚生, 這裡也有好多款式選擇.我先點了日式海膽蒸蛋.蛋面是海膽, 帶點甘香. 而蛋尚算滑身, 食到差不多底, 就有海鮮粒.牛油果軟瞉蟹手卷.這個上枱時要即時食, 否則紫菜好快就腍了.軟瞉蟹份量也算多, 炸得外皮也帶點微脆. 我鍾意這個帶點痴身的飯, 與軟瞉蟹一齊食好夾.串燒點了燒安格斯牛肉和鹽燒厚切牛舌.先食燒安格斯牛肉. 牛肉的牛味幾濃郁, 肉質也腍身. 經過燒後, 不用點任何醬汁也夠味道.鹽燒厚切牛舌.我自己鍾意食厚身的牛舌, 口感大一點, 這個對於我來講不夠厚身, 不過味道調教得不錯, 鹽燒的方法最能帶出牛舌的味道.主菜點了西京銀鱈魚和極上海鮮鍋.西京銀鱈魚魚肉好雪白, 只需要用筷子整開, 便能見到一片片的魚肉, 非常新鮮.而且魚肉夠彈身, 簡單煮法, 已能帶出鱈魚的鮮味.極上海鮮鍋.海鮮鍋材料豐富, 包括蟹半隻, 大蝦, 大硯, 魷魚, 蟹柳, 廣島蠔.另外, 可以加錢配烏冬, 但我地怕食不晒, 所以沒有加.愛食海鮮的朋友要點這個試下, 當中的海鮮份量也不少. 廣島蠔

太耐無食日本菜了， 雖然天氣轉涼， 不怕生冷， 與喜歡吃日本菜的友人，走到螢壽司來個短聚。坐刺身枱雖然較有風味，但我喜歡腳到地的實在感。有點像放題的座位間隔，集中在餐廳中間位置清酒、咖啡壺、武士等的擺設，好有霸氣。三文魚籽海膽冷奴$88，三文魚籽的咸與海膽的甘甜， 配上滑溜冷凍的豆腐，浸在像 酸醋味醬汁裡， 咸鮮滑溜，一口滑進喉嚨裡，無得頂!螢光魷魚仔$48，原條滑身魷魚仔， 我要溫柔地夾起牠才可呢！ 這家醃得略咸， 但超爽嫩， 這個份量剛好。帆立貝$72， 軟身黏黏的味道較鮮， 就是不用沾豉油wasabi ， 直接嘗出原味。特上壽司拼盤(吞拿魚、三文魚腩、油甘魚、深海池魚、魷魚、赤貝、三文魚籽、牡丹蝦、海膽、蔥拖羅魚蓉)$288魚類與貝殼類佔數平均， 魚類我沒有吃太多；牡丹蝦頭可加HK$10 天婦羅。三文魚腩不算太肥美， 但仍有點魚油； 吞拿魚肉質柔嫩， 色澤鮮美。壽司飯都會放手磨wasabi, 服務員都會向客人說明， 不放亦可。海膽與三文魚籽味道， 跟前菜的冷奴差不多， 牡丹蝦最是觸目， 爽彈鮮甜， 最喜歡手握飯細細件， 比起用機器做的，更能吃出那份溫暖與誠意， 不過若加入赤醋會更

因近排忙於為家中細細搜購旅行衣物，所以很多時午膳時間也會到銅鑼灣先用膳，後購物，善用所有時間 =P。螢壽司開業於京都大廈內，店內格局四正，四週牆邊都掛有富和風特色的掛畫或裝飾。座處一旁設了一酒架，放了不少日產佳釀，望見余市酒品，更勾起即將到訪北海道的期待。午市有一系列定食供應，價錢由 $69 至百餘元不等。每客定食皆含沙律、麵豉湯、蒸蛋及飲品。沙律以新鮮生菜為主，附以蕃茄粟米，並澆上芥末醋汁，食感清新中又帶微微刺激，是合適的冷盤前菜。麵豉湯口味比預期甜一點，海帶量豐富，當中的少量葱粒是平實味道中的惹味之源。至於蒸蛋，蛋香滑度中等，餸料有魚蛋（片）、蟹柳、雞肉、銀杏等等，頗為豐富。同枱好友鍾愛刺身，一般定食選材實在未能滿足其要求，在多番商討下，縱使筆者覺得在有定食選擇的前提之下，散點一份刺身盛實在有點不抵，最後還是乖乖就範，要了一份特上刺身拼盤。拼盤內含六款刺身，每款兩件，包括金目鯛、三文魚腩、呑拿魚腩、赤貝、海膽及牡丹蝦。就賣相而言，擺盤只屬一般，刺身在敞闊的圓碟下，份量亦顯得有點少。金目鯛外層經輕輕燒過，魚油被充份迫出，味道顯得格外油潤甘香。三文魚腩用上的部分固然比一般赤身肥美味豐，

不少壽司店的名字都只會用一個單字，這次走到螢，位於銅鑼灣食廈的螢壽司。店內裝潢以日本人像及酒瓶為主，亦設有一小酒吧。概然是壽司店，魚生壽司相信是主打，一貫作風先走到壽司吧看看時令飛機貨，剛好趕上秋刀之季尾，取一條作刺身，正合心意。秋刀魚若非在九丶十月份，是吃不到新鮮貨的，而我，只吃鮮貨，其他時份以鹹酸方法醃製或以鹽燒，皆非我口味。秋刀魚刺身銀色長身的秋刀，切法跟其他魚生有別，也許是身型所至，近肚魚肉呈深紅色，近皮肉質含脂肪呈粉紅，魚皮銀光閃燿，切至小片，但件件厚身，蘸以酸汁吃，入口鮮甜香嫩，魚味濃郁，別樹一格。來個 螢極上壽司拼盤，有十二款之多。最搶鏡莫如牡丹蝦，蝦頭分開放小碗，可以加$10做湯，亦可以就此吃，看看蝦膏不算多，來個熱的麵鼓蝦頭湯暖暖胃無妨。反起尾巴的牡丹蝦實在巨大，大啖吃之，爽甜味美。大吞拿魚腩粉紅嫩白，脂肪已侵入肌肉組織，入口溶化，永遠是吃肥肉而不內疚之理想食品。鰻魚壽司是我的至愛，並非最好，但鰻魚腍嫩，醬汁味道豐富。溫泉蛋炸雞沙律是日丶韓丶西菜之糅合，生西菜配炸雞，可以略為解膩，加一只溫泉蛋，可以倍增潤滑，可惜溫泉蛋上枱已破，賣相失分，幸好炸雞不俗，炸漿薄而酥脆，雞

衆多的日式料理店，少說也到訪過大大小小幾十餘間，價錢、地區、食材、服務、和好吃的程度每一方面都會影響着我對店的評價。螢壽司可說是一間小有的平民化價錢食物質素卻是貴價級，好食又有新意之餘，地點更座落於黃金地區銅鑼灣。是食完已經想着找個時間再番尋味的店子！地方不算好大，大概招待到50位客人左右的空間，地方簡潔而且充滿和風氣息~我們被安排了坐在吧台，高卡的位子好像挺高的，上落要較小心，不過“視野“卻是挺好的！看着師傅把食材轉化成賞心悅目的菜式，也倒是樂事~值得一提，這裡的價格十分相宜，普通一件壽司都是二十元左右，高級食材才會價格高一點。先來的，是自選壽司，有甜如寒冬中一點蜂蜜的甜蝦壽司、有如張牙舞爪般充滿臂力般結實的肌肉般彈性的芥末八爪魚軍艦、有如爆竹般在口中爆發鮮甜炸彈的三文魚籽軍艦、有顆粒鮮甜帶着咸得有道理的黏口海胆壽司，最後以一抹火槍下魚油馥郁芳香的火炙三文魚腩作為終結。海鮮蒸蛋味道很好，值得一吃！蛋夠滑仍保留了質感，不合水汪汪的那種。而且加入了海鮮如蜆肉蟹柳提升了鮮味。和其他店同類型的比較，好吃更勝一籌！之前我食過幾間，發現大多數都帶微腥，以為是下了冬菇才攪成咁，今日一試，發現這間並

朋友介紹螢壽司好好食見放工有時間終於試到一入去都好日本feel有吧枱可以睇住刺身師傅切刺身而我被安排坐卡位特上壽司併盤 $288併盤有好多種壽司，啱哂我呢類樣樣都想試下既人食全部都好新鮮冇雪味，特別係海膽同牡丹蝦海膽好鮮甜，入口即溶牡丹蝦好大隻，肉質黏口吞拿魚冇鯹味，三文魚腩好肥美，油脂分佈平均，三文魚子好大粒，咬落鮮味盡出士多啤梨汁鐵板鵝肝 $108鵝肝好大塊，連多士吃好香口配上士多啤梨汁感覺好清新冇咁肥膩，好特別的配搭天政軟殼蟹天婦羅 $58個樣好完整，咬落炸得啱啱好點埋佢配既醬料令軟殼蟹更加惹味好脆口溫泉玉子牛柳粒石頭飯 $88熱辣辣的石窩，入面好多洋蔥牛柳粒好大粒，食落有牛肉汁滲出可能加了溫泉蛋，有點黏黏的感覺唯飯量較少，友人吃不飽😂待應有主動換碟經常卙茶，服務都唔錯上菜有跟返d次序先黎壽司，之後小食，最後先上飯唔會一次過黎哂一大堆食物感覺呢間店都幾高級最後做埋vip...有九折下次可以再食過

秋天應該係打邊爐BBQ架旺季, 天公不做美仲好熱, 出街食飯宜去食清淡架日本菜同壽司。友人甲話螢壽司價錢同迥轉迥轉壽司都起碼花二百, 不如比多小小去間好D。友人話出街食叫沙律好蠢, 少少菜就收你貴20倍,但呢個溫泉蛋炸雞沙律$68 完全值得,溫泉蛋整得好靚好飽滿, 蛋白完整附和著中間流心的蛋黃,叉一下動L啦, 拮開讓蛋汁流出。有炸雞塊都香口唔油, 同埋沙律淋了醋個種酸味是可以平衡返炸雞。特上壽司拼盤 $288 一盤有齊多種壽司, 比散叫係較優惠。有十款握壽司，食完好夠飽。用料豐富的極上海鮮鍋 ＄128 , 蝦蟹蜆多到想跳出來一樣, 多得海鮮湯底也多了份鮮甜,連蔬菜好似娃娃菜呀, 食得飽之餘個湯又好喝, 食完2盤冷東西補充點熱食有了份幸福感覺。加25蚊可以多個麵的，個湯好甜唔好浪費。

公司剛完成了一個大的Project我們一眾都興奮不己!!!!就趁着星期五與幾個心腹同事決定來犒賞一下自己聽朋友說這間螢壽司看來不錯所以就訂了枱子與戰友飽餐一頓!!! 螢壽司地方雖不是很大但座位都坐得很舒服沙發雅座都有很多讓人可以優閒的細味壽司刺身~~~ 商量了一會后決定先來個小食拼盤!!!以3款不同的涼伴冷盤為主分別有龍蝦沙律、冰球漬 和明太子沙律三款味道不錯涼盤來說相當開胃又不會太飽自己較喜愛冰球漬它是用上了墨魚的咀部吃起來爽爽的, 充滿口感0趙頭而且味道鮮甜, 好味道! 頭盤點了温泉蛋炸雞沙律炸雞熱辣辣新鮮即炸吃時咀部會冒煙!!雖是熱氣了點但脆卜卜惹味非常~~~ 吃時可以沾些半熟的温泉疍汁讓熱熱的炸雞充滿鮮濃的疍香味再配以新鮮脆綠的沙律菜不錯~~~為食的士多啤梨汁鐵板鵝肝非常豐膄味美的一道菜!!!多士烘到脆卜卜鵝肝混和士多啤梨醬咬下去又香甜又滑溜鵝肝吞下去有一種回甘的味道喉嚨留有濃濃的鵝肝香味令人回味無穹!! 再來是重頭戲了~~~點了這個上壽司拼盤分別有吞拿魚、三文魚、油甘魚、池魚、鰻魚、帆立貝、熟花竹蝦、三文魚籽、青瓜卷上桌時真的很美喔!!!魚生全都有亮人的光澤看得出很新鮮而且是

見在開飯喇食評幾好，就試吓。吃了刺身及壽司拼盤，皆新鮮好吃。個人口味，覺得炸雞及海膽炒飯最滿意。或者因為是韓風原因，以前未見過日本菜有炸雞沙律，想必是自創啲，生菜好平常，有5件炸雞，炸漿薄，雞肉夠味又嫩，加隻滑蛋更加滑，試得過。海膽炒飯炒得好香，唔乾身，有無海膽其實唔重要。燒雞皮蝦未試過，用雞皮包住大蝦燒，溶化了滲入蝦肉，有特色，兩種味道同時吃到。仲食咗雞肉串，大件多汁。牛肉串就靱咗少少。食品有特色，價錢都合理。

食店感覺很重要，食物品質也是重要性，我個人喜愛一些平民食店多些，但也想.享受高檔次食物，非這日本食店吧！這店给我的感覺是好舒服，可以盡情談笑(温泉蛋炸雞沙律)吸晴非溫泉蛋，滑滑的蛋汁好香濃，炸雞外皮勁脆，內裏好juicy，生菜爽脆新鮮，加上黑醋中和了肥腻感荔枝特飲，酸甜適中，好清新(帶子和海膽花之戀)三文魚厚切，油分高，鮮帶子好creamy,海膽带微咸有海水味，兩者都入口即溶 (壽司拼盤) (三文魚子)，賣相超讚，粒粒新鮮，無醒味，入口爽脆 (鳗魚)，汁濃魚肉嫩，不需加任何調味 (花竹蝦)，好大隻，好鲜甜，不錯不錯 (青瓜卷)，是一絲絲的，特別清鮮爽口(吞拿魚腩)，鲜味，無根，入口即溶最後來一客自家制甜品(小豆抹茶糕)甜度是我至愛，吾太甜，還有這甜品價錢超平，值得一試。

上周朋友又聊起去日本本既癮，第二日即刻要治療本小姐既心靈創傷，一定要以日本餐幫幫！所以今晚走去銅鑼灣食好有型既瑩壽司！門口外已有一個好似神社既許願位置，希望個晚見到既祝福每一個都寫真。特上壽司拼盤 $288我地雖然都有大家各自唔食既壽司，但兩個人都好難同懶選擇。所以要左個拼盤，咁就樣樣有d，皆大歡喜！三文魚腩超肥美，滿佈油脂香。牧丹蝦超大隻，而且肉質爽甜無比。三文魚子粒燈在口內綻放鮮甜汁。最欣賞係所有包飯既紫菜都好出色。什錦天婦羅 ＄78我覺得個天婦羅汁有d太甜，搶左d味道。粉漿厚薄岩岩好！最鐘意香濃多膏既蝦頭，連殻食埋，獲罪惡感。極上海鮮鍋 ＄128湯底雖然白就白，而且又足料，但都覺得差d甜味，變左成個鍋配烏冬就失色了。不過加$25既烏冬好正，好煙un!明太子雞翼$46好juicy入面，一咬bit汁呢度都有2人餐選擇，其實好抵食，咁多款仲有飲品！

知道你特別鍾意食日本菜  特別喜歡壽司刺身，所以搵左呢間店放工試一試啦。 今晚，點餐就一於全部由你話事啦^_^ 最後分別點左壽司拼盤同拉麵。 壽司拼盤有平有貴，呢款特上壽司拼盤 $288（中高價位）壽司款式豐富又吸引呢，吞拿魚、三文魚腩、油甘魚、深海池魚、魷魚、赤貝、三文魚籽、牡丹蝦、海膽、蔥拖羅魚茸、除左小卷之外，所有款式各一件。特別喜歡三文魚籽（魚籽粒脹卜卜，入口juicy又鮮味）同海膽軍艦（海膽份量雖然不是滿瀉的 不過質素方面挺好，甘香鮮嫩，encore item之一）包著米飯的紫菜厚身得黎又脆，紫菜味道比平時突出。大大隻牡丹蝦，除左甜之外，膠質極豐富，正！深海池魚肉質就結實彈單，富咀嚼感～整體黎講，每一件壽司新鮮質素算高。 拉麵配料有幾款不同款式，叉燒迷當然選了叉燒配金麵鼓湯拉麵 $118 這個麵鼓湯底算不錯，入口豆味幾濃，飲完唔會覺得口渴，叉燒瘦中帶肥，口感鬆化，脂肪位香而不膩入口即溶咁，拉麵口感是硬身一點彈牙一點這種，岩晒我口味（個人最討厭沒有口感偏林身的拉麵呢）整體我地覺得呢到壽司比拉麵吸引同出色～ 這店蠻討人歡心，芥辣是鮮磨的！

外遊返港的老友帶回手信，相約小妹飯聚兼送禮物，大家想起好些時間沒吃日本菜，結果來了銅鑼灣的螢壽司。踏出升降機那刻，就感受到濃濃的東洋氣息。餐廳招牌左方，掛著一幅日本女子畫像，她穿著和服別過粉臉，似是欣賞背後的櫻花。正中間則放置通花屏風，頂頭吊著發光的紅燈籠，右邊牆身掛滿願望牌，彷彿進入了神舍一般。餐廳中央設有可移動的桌子，其中一側擺放沙發座，較為舒適；另一邊則間作貴賓廂房，私隱度高。至於最盡頭的位置，便是壽司吧枱，坐在這兒便可觀賞師傅的手勢。環顧四周，裝修佈置都甚為講究。除了放滿美酒的酒櫃，還有藝伎和武士模型、各式壁畫及小擺設，可知心思不少。每當客人步進餐廳，師傅和店員均以日文說歡迎，充滿朝氣！點好食物後不消一會，三文魚刺身($78)便率先抵步。見其顏色明亮、帶有光澤，新鮮程度毋庸置疑。成品柔軟細滑、魚香濃郁；溫度恰好、全無雪味。由於不屬魚腩部位，脂肪比例較低，未達入口即溶之效，適合喜歡輕怡的朋友。起初覺得海膽軍艦($32/件)價錢稍貴，幸好最終沒有錯過。橙黃色的海膽非常新鮮，完全沒有腥惡，反而帶點海洋氣息。其味道並不尊橫霸道，而是幽幽地在口腔徘徊，與下層的飯糰相互匹配。輪到溫泉蛋炸雞

不嬲都知京都廣場多野食，不過唔係朋友帶路都唔知開左間靚壽司！一上到黎見到裝修好傳統，侍應師傅望落都好專業。到睇menu果陣又冇想像中咁傳統喎，反而有啲創意菜式。先黎三式前菜，有明太子、三文魚唇，第一次食三文魚唇好特別，爽爽脆脆，味道有啲似加左沙律醬既椰果，幾開胃。刺身同壽司分別叫左瑩極上刺身拼盤同特上壽司拼盤。刺身拼盤有油甘魚、鱆紅魚、三文魚、牡丹蝦等等，全部都好新鮮肥美，食落真係有大海既感覺。壽司最考師傅功力，瑩壽司表現唔錯，飯團握得岩岩好唔易散，亦唔會犯低級錯誤出現熱飯，加上新鮮既魚生夠出色！當中以牡丹蝦同拖羅最好味。身為甜蝦迷既我食完新鮮好味既牡丹蝦，忍唔住單點多一份甜蝦，一樣咁肥美！另外仲叫左少少串燒，三文魚串最好味！上面鋪上蘿蔔蓉，下面就係燒得香脆既三文魚，兩三啖就食晒！