螢壽司

收工和朋友們吃飯, 不想太迫太槽, 想舒舒服服, 傾計慢慢食, 女友提議到這間樓上日本菜.....
來到這裏, 環境的確唔錯...

喜歡那些充滿日本風的壁畫

肚子餓餓, 就立即同朋友點左幾味壽司剌身來食...

先來一個<特上刺身併盤>

賣相別緻得來, 款款厚切鮮味!!

$428

併盤有牡丹蝦、三文魚、中拖羅、赤貝、油甘魚、

不得不提呢個牡丹蝦...口感黏黏, 真係好好好甜, 牡丹蝦之大, 絕對可以佔去整個口, 令人一試難忘~~~
而海膽也很鮮甜, 絕無臭味.....三文魚、中拖羅則厚切新鮮, 油脂平均~~

然後再來一個<上壽司拼盤>

吞拿魚、三文魚、帆立貝、油甘魚、池魚、鰻魚、熟花竹蝦、三文魚籽

$198

人多...只能吃帆立貝和鰻魚....吃帆立貝時....看到帆立貝切成跟壽司形狀一樣,相信係為左令帆立貝不會在壽司飯上東倒西歪, 帆立貝超厚....我在想如果無切過的話....應該有手心咁大.......咁鮮甜...如果可以原隻食...就正爆啦......

至於鰻魚....也不錯...如果鰻魚汁多些會更好

嚐鮮過後....開始吃一點日本料理了, 剛剛<特上刺身併盤>的牡丹蝦吃剩的牡丹蝦頭, 原來加10元.. 可以做一個湯或炸蝦頭....我們當然食盡佢...連蝦頭都不放過....

各10蚊, 味道都OK...比較推薦炸牡丹蝦頭..脆脆地...連蝦膏吃幾好

$20

料理來了, 先有<鹽燒牛舌>

牛舌燒得好味, 鹽分佈平均, 配合很好

$46

<芝士燒大菌>

芝士很足, 但芝士不夠香

$38

<士多啤利汁鐡板鵝肝>

鵝肝大得和蒜蓉包一樣....鵝肝燒得好香之餘, 同士多啤利汁好夾...勁有驚喜!!

$108

<汁燒雞肉>

雞肉大件, 醬汁調得很好味

$16

<蒲燒鰻魚朴葉飯>

用木盒焗著, 朴葉香浸入蒲燒鰻魚中, 正!!

$108

<燒蠔4 味, 芝士明太子, 黑松露,海膽,蒜香>

只吃了黑松露燒蠔, 全枱人都聞到這股黑松露香, 配蠔很正...而且蠔幾大, 食得過!!

$136

<花膠雞絲濃湯手打烏冬>

花膠幾多, 配入味的素翅雞絲, 烏冬過彈牙, 蛋也糖心...這味料理骨膠原十足, 岩女士養顏

$118