蝦蝦燒

营业中

休息中

前排因為中秋節好想燒烤 但又懶走到郊外 所以就揀左佐敦呢間室內燒烤。場地好闊落，拎野食既位置都好集中！我坐得近門口所以都算方便。呢度最出名一定係食新鮮蝦，可以比你任夾流水蝦！仲要好生猛，一夾即閃走，會彈到水花！之後有個筒比你放冰，建議唔洗加水，就咁冰d蝦就會即暈，同埋d蝦普遍都好大隻！其次就一定係任食海鮮，海鮮種類都多，有鮑魚，帶子，沙白，螺，生蠔 🦪 魚 等等。出邊有自助調味吧，我會加啲牛油同蔥落帶子，自製牛油帶子，勁正👍 沙白加哂大隻，同唔算多沙，食得出多肉同新鮮，就連生蠔都係，食完無肚痛👌一入座果陣送左一串厚鰻魚串，燒完啲皮會勁脆，可以加埋啲孜然粉椒鹽粉等等調味，肉質勁滑，油脂豐富，可惜無得再加🤣肉類方面，有原隻雞翼，大大隻！有好多唔同類型嘅腸仔，蔬菜，牛扒，多春魚等等，同基本BBQ一樣。 但最後我都好飽了，所以食埋雪糕就埋單啦！係個幾有趣既體驗黎既😛

之前我都想食流水蝦，最近朋友約咗我去食蝦蝦燒。每枱都附送海鹽蝦、錫紙牛油蝦同每人一串海鱔。鱔片幾爽滑有咬口。缸裏有唔少大頭蝦游緊水，有啲仲幾生猛咁彈跳。豐富嘅蝦膏同鮮嫩嘅蝦肉幾滋味。 出面有幾大嘅海鮮檔，可以任夾海鮮。店員亦會經常清洗同refill 。海鮮種類幾多，有鮑魚、生蠔、扇貝、魷魚頭同多款魚。魷魚頭幾大塊爽口，生蠔夠鮮甜，鮑魚幾彈牙。店員仲細心咁提醒每枱客人拆走鮑魚殻再燒，會安全啲。除此之外，有多達60 款以上嘅配料：肉類、丸類同蔬菜，部分經醃製後比較鹹香入味。雞全翼相對少見，食多幾隻，如果有蜜糖同無咁乾身就更正，羊架唔會有太多羶味。2 人枱嘅燒烤爐唔大，不過分兩層, 加快咗燒烤嘅過程。同埋可以燒2.5 小時，咁就啱啱好。 出面有少量熟食，魚蛋同埋港式鹵味。 雪櫃裝滿汽水同韓式飲品，整個雪櫃裝滿Cocoberry雪糕，大多係咖啡同菠蘿椰子味，不過仔細揾到僅餘一杯嘅焦糖同香濃咖啡味。

今個週末假期 , 朋友約左我去食蝦蝦燒 , 好耐冇食得咁開心咁高興 , 進食時間為兩個半鐘 , 自己玩樂捉蝦之餘 , 捉完蝦自己用電爐烹調 , 食得夠唒滋味😋餐廳地方有六千呎 , 空間感好大 , 坐位唔會太迫 , 係同朋友聚會暢談吃美食既好地方🏠朋友同我食左好多流水蝦同海鮮 , 例如有鮑魚、墨魚、生蠔、 扇貝、帆立貝同蜆 👀流水蝦肉質較鮮甜肥美 , 蝦籽同蝦膏都好多 , 食落唔會死實實 , 鮮嫩爽口 , 啱唒我哋鍾意食蝦既吃貨朋友🤤每人仲會送一串鰻魚 , 鰻魚經過自己親自烹調後 , 燒烤得皮脆肉嫩 , 口感好正 🥰最後 , 個人飽飽哋 , 諗起個爛GAG。「食完蝦蝦燒 , 個人真係開心到笑哈哈 , 以後做嘢就唔會變大頭蝦啦！」😆

前牌睇IG見到朋友食新鮮即燒流水蝦，俾佢燒到帶埋老公去食。餐廳位於吳松街附近，雖然要上2樓不過都非常易搵。一入去已經見到一大個蝦缸，店員好細心教我哋點樣夾蝦同埋點樣處理啲蝦，然後返到路上面燒。即刻燒嘅蝦真係非常鮮甜。除咗有新鮮流水蝦，仲有一大堆海鮮任夾任燒任食，其中鮑魚、魷魚、花甲好食，encore咗3次，鮑魚雖然放係冰上，但仲係生猛會郁㗎！另外仲有好多配料選擇，健康啲嘅有蔬菜瓜果，或者各款醃好嘅肉類，食肉獸最愛！熟食都令有驚喜，竟然有爽滑魚皮、辣酒煮花螺、鹹菜豬肚，辣酒煮花螺好好食，汏底非常之入味。鹹菜豬肚略嫌豬肚軔咗少少，但胡椒湯底好夠味。飲品選擇種類都好多，尤其是唔甜嘅茶類都有幾款。

第一次食流水蝦估唔到係香港🦐望住座位旁邊d蝦游來游去，活力十足，有得食又有得玩，呢個感覺幾新鮮夾上黎後將蝦放入冰水，凍暈佢，咁放上爐燒就唔會跳。估唔到燒蝦剝殼好易，因為無晒水份，一剝就甩晒吸取下圖教訓，建議海鮮類放下層爐，咁樣海水就唔會滴落食物到啦一開始店員會送d鱔魚，已經調好味，一試難忘，個汁唔咸但入味，鮮香味十足，可惜唔係任食項目但出面任食野都好豐富，我未見過有得任食鮑魚、元貝、蜆、螺，同成條魚，呢個價都包埋可話值回票價仲有滷水雜錦食，好快比人搶晒！野食都係串好晒方便燒烤，推介窩夫配雪糕嘅食法，一熱一凍口感豐富，係絕佳嘅飯後甜品🧇

任食流水蝦呢度唔係第一間，但係有埋其他海鮮可以自己揀自己拎呢啲度算係第一間，當日一上到餐廳見到一個舖滿碎冰嘅雪櫃，上面放滿幾款魚類及貝殼類嘅海鮮認真胃口大增，祗係枱與枱中間位置有啲迫，燒烤爐有啲細但仍然有足夠火力燒海鮮，當日係星期日下午時段仲有八折，我個人最喜歡有魚類可供選擇，當日我就食咗大眼雞，馬友及黃腳𩶘，可以放响燒烤爐下層慢慢燒，當食晒上層嘅蝦同貝類再响下層拎啲魚上嚟燒多三分鐘剝皮嚟食入面嘅魚肉鮮味十足，同行嘅朋友就算不太喜歡食魚怕有魚腥味都食唔停口，如果時間可以增加到三小時更好

朋友強烈推介呢間自助式海鮮燒烤💁‍♀️ 一上到餐廳已經問到陣陣燒烤香味。飲品款式非常齊全，啤酒、茶、果汁任飲🤤海鮮種類非常多，鮑魚、扇貝、 多春魚等等。仲有主角: 自己即釣即燒嘅蝦！隻隻都好大好生猛😆唔食海鮮嘅話都有其他肉類同蔬菜: 串燒、雞翼、 冬菇、翠玉瓜、 菠蘿等等。 強烈推介佢嘅茄子、翠玉瓜😍放啲牛油同埋蒜蓉燒茄子，最後再淋啲孜然粉，完美~~ 甜品方面一定要試下佢嘅窩夫，燒到外表脆脆哋嘅時候再拎一杯雪糕一齊食，正🤤

呢間餐廳俾我既感覺係會想再黎多一次😍食海鮮食到好滿足！職員又好熱心幫助，係一次好好既體驗～首先入門就見到飲品櫃，全部都係任飲噶～好多選擇！轉角就見到好多新鮮海鮮，有鮑魚、扇貝、蜆、游魚、生蠔、仲有幾種魚🐟全部都好新鮮，啲鮑魚仲識魚，啲魚都好blingbling😳隔離仲有壓軸既蝦啦！😳蝦櫃就係座位隔離，可以自己去夾，隻隻都好大好生猛😂個人最鍾意扇貝😍加d牛油同埋蒜蓉落去真係好正😛😛另外仲有啲熟食揀，個人推薦花螺😳辣辣地襯啤酒一流～另外有好多蔬菜、肉類、丸類揀，個人推薦牛肉串😳燒得差唔多落啲孜然粉超級正😍蔬菜我推小蕃薯，未食過咁甜既蕃薯😂我個人食左四串😛最後當然唔少得甜品！有好多雪糕揀！我推薦海鹽、比利時焦糖餅同埋菠蘿椰子😳朋友教我燒d窩夫再加d雪糕一齊食，真係神仙食法😳😂😂😂😂😂大家一定要試！總括而言呢間感覺都性價比高，我會想帶第二d朋友再黎多一次😍

連續幾天假期， 梗係要出街搵嘢食，約左朋友去佐敦蝦蝦燒🦐🦐任食2. 5小時，超滿足。餐廳佔地6000呎，流水蝦任食， 見到邊隻大隻、游得快就自己夾。😆除咗流水蝦，海鮮區仲有好多海鮮任燒任食， 好似🐟烏頭，倉魚，蠔，扇貝，帆立貝，蜆，鮑魚，超豐富。🥤飲品選擇多我就飲咗清熱飲，另外like and share 社交平台仲可以任飲啤酒添🍻🍺👍新鮮嘅游水蝦真係好鬼正，蝦頭超多膏，味道鮮甜，蝦肉嫩滑彈牙， 今次食個夠本。每人仲會送一串鰻魚😍😍燒完脆 脆卜卜 ，鰻魚超級肥美juicy 😋😋😋🍨最後甜品仲有雪糕，我食咗3杯，咖啡， 沖繩海鹽同菠蘿椰子口味， 食完捧住個肚走。😆😆

聽朋友講話呢度可以自己整蝦除咗打邊爐之外，自己燒蝦都唔錯週末嘅下晝去就唔洗訂枱，不過夜晚開始就好多人la🤣都幾多人喺度聚會一缸新鮮大頭海蝦，真係非常多自己動手先有蝦去燒其實一啲都唔難，桶內裝冰加水冷凍蝦之後就可以擺上架蝦肉同埋蝦膏都好鮮甜估唔到啲肉都多到嚇人蝦膏非常多同埋好似去咗泰國咁自助區都有唔少海鮮原條魚，鮑魚，扇貝，魷魚，生蠔等我以為冇咁新鮮？點知都係即開即洗我見到啲鮑魚仲識得郁😂燒物重點推介窩夫！！！係咪日本小番薯🍠我同朋友都食唔停🤣配上佢哋嘅海鹽雪糕好正仲有菠蘿，肉類等等電爐燒下就搞掂當然仲有嘢飲同埋甜品🍮

放假約了朋友一起去試試吃流水蝦找來了佐敦這間新開的流水蝦場 — 蝦蝦燒場地十分寬敞 座位旁邊就是流水蝦隨時可以夾來燒 即夾即燒 十分新鮮自助海鮮區原條魚、蠔、蜆、螺和扇貝等應有盡有 樣樣都好吸引 十分豐富每枱都會送人頭燒鰻魚鰻魚已經醃過 燒好後入口十分香肥美的鰻魚帶油香 很出色流水蝦流水蝦十分新鮮 入口彈牙很鮮甜而且還帶有蝦膏和蝦籽 好味道鮑魚這裡的鮑魚很生猛燒起來還有動 入口口感軟滑 不錯不錯蔬菜和其他肉類的選擇也不少選了幾款喜歡的來燒 正啤酒南韓啤酒 配燒海鮮 爽呀

未有疫情前已經係泰國玩過自己捉自己燒流水蝦🦐知道佐敦都開了間蝦蝦燒同泰國大致上一樣，所以同朋友來一齊夾大頭蝦玩返晚😆門口细细，上到去原來面積非常之大，已經見到有幾個大雪櫃，汽水🥤啤酒🍻🍺韓國飲品，凉茶樣樣齊👍2.5小時任飲任食流水蝦再加串燒自助放題🤗我地book咗平日6:00時段,所以平d$338(一位)再加10%一坐低侍應比咗一個冰桶我地，叫我地出去拎多冰少水(夾蝦用)將蝦凍暈先好燒🦐😆另外送上一碟(每人一份)鰻魚同大蜆，仲有鍚纸兜蒜蓉蝦🧄🦐我地被安排坐係長魚缸旁邊，超方便隨時可以夾蝦😊魚缸大頭蝦隻隻都好生猛，每隻都好多膏，肉質鮮甜彈口😋海鮮部種類多🦑🦐🦪🐟有即開生蠔，扇貝，原條魷魚，東風螺，鮑魚，貴妃蚌，沙蜆，大眼雞🐟黃鎗等...任食任燒🤤串燒蔬菜肉類🍢🍡🍗雞，牛，豬，羊，瓜類🥒🫑🌶蔬菜🌽🍄菇類，太多了樣樣都齊，仲有蒜蓉包😄窩夫都有🧇醬汁配料有蒜蓉，椒絲，豉油，葱粒，最有驚喜係個泰式辣汁😋點蝦海鮮非常惹味🤤最後當然吃埋大雪櫃既雪糕啦🍦超滿足😋呢度未夠7:00已經座滿客，雖然多人，但抽風系統非常好，完全唔覺有好多煙，又唔焗👍又好玩又好食，下次要约多幾個朋友來先🤭因為多人幫手燒🤭拎野

有冇朋友同我一樣咁鍾意食蝦🦐今晚就約左蝦皇一齊去蝦蝦燒🤩之前網上睇到呢間餐廳有流水大頭蝦放題🤩邊夾邊食仲有任飲啤酒🍻汽水真係好吸引呀🙌入座時枱上已有幾隻蝦及焗蝦預熱當中🤗而店員亦細心講解點樣處理啲勁新鮮既蝦🦐先冷卻再燒熟😍大頭蝦真係超鮮甜🥰蝦膏仲好香添🤤除左燒蝦仲有蒜茸焗蝦架🙌焗蝦相對無咁熱氣架😂除咗大頭蝦🦐另外仲好多海鮮選擇；當中包括「鮑魚、扇貝、大蜆、大眼雞🐟黃腳立🐟馬友魚🐟等等…肉類方面都有幾十款…我就好鍾意食燒雞軟骨同埋雞臀🤩加啲孜然粉食落真係香噴噴呀🤗唔鍾意食肉嘅朋友仲有好多蔬菜🥬瓜類俾大家選擇👍仲有我最鍾意嘅燒菠蘿🍍添！冷盤小食就不定推出款式🙌今次就有麻辣魚皮及拍青瓜🤤任飲飲品就有啤酒🍻汽水🥤以及涼茶..烏龍茶等等最尾仲有海鹽雪糕食添…不過因為真係太飽只係食得落一隻口味😂PS:餐廳自己整嘅泰國醬汁酸酸辣辣🤗用嚟點蝦同魚食真係超級好味！枱面上就有孜然粉、椒鹽等等俾大家用！

《蝦蝦燒》終於食到呢間人氣流水蝦專門店！佢最特別係可以即夾即燒生猛流水蝦！除咗呢樣，佢仲有好多海鮮、串燒同小食等！每人$358可以食2.5 hours~~~ 不過食呢餐飯都幾攰下，想知點解繼續睇落去⋯⋯🤣🍭海鮮類呢個係最攰既一part🤣 首先你要夾起啲蝦，放入冰桶整暈佢～ 然後再燒～ 再行出去(都有一段距離) 去拎鮑魚呀、扇貝等，拎完又要處理鮑魚：入冰桶洗一洗刷一刷，再用鉸剪幫佢離殼～ 然後先放上去燒🤣 好彩隔離位啲熟客教路，唔係真係唔識處理！成個食嘢過程都好忙碌！不過新鮮既海鮮真係特別好食！係值得嘅！🍭串燒及小食類佢都有好多串燒揀！豬牛雞都有～ 呢排魷魚遊戲咁大熱，緊係要食下魷魚串燒啦🤣 同埋呢款都係最推介既，燒完加埋孜然粉調味真係正！我地來回食咗好多串！另一大推係燒窩夫！估佢唔到咁好食🤣 又係隔離枱推介！佢地仲叫我地拎埋焦糖/咖啡味雪糕放上去一齊食！冰火交融咁真係好正！

好掛住泰國既流水蝦，屋企人話蝦蝦燒好味，就黎試下餐廳流水區每隔一定範圍會有「圍欄」分區，粗略估計多個過十八區唔洗擔心自己坐個度無蝦游過黎。坐正隔離隨時可以夾起D蝦黎食保證新鮮。除左蝦，仲有一系列海鮮：生蠔，貝殼類，螺，鮑魚.....我地坐最角落，距離自助區比較遠，拿野食好唔方便而且只比一個中Size鐵盤裝野，來來回回都行左好多轉.......我覺得蝦Size唔算大只，勝在有膏。海鮮要睇當日邊D比較新鮮，我去個日鮑魚唔錯，生蠔同東風螺就唔得啦。其他一般般。餐廳一開始就擺左一盒錫紙蒜蓉蝦係燒烤爐上面，賣相唔得，好難熟，又黑個人推介：：羊架，牛仔骨，雞軟骨，牛肉粒,紫薯，菠蘿，Waffle，蒜蓉多士私心推介一個食法。拿個雲呢拿雪糕，係爐邊擺一陣，再燒一串Waffle，之後搽D雪糕上去，冰火兩重天，正同甜品店賣既有異曲同工之秒