蝦蝦燒

营业中

休息中

大隻仔今次覓食嘅店舖就係💥 蝦蝦燒 💥地址：佐敦白加士街10-12號永富大廈1樓大隻仔今次介紹一間即夾即燒流水蝦餐廳，餐廳座位旁邊設有大蝦缸，顧客可以親自隨時隨地即夾即燒流水蝦，流水蝦會不斷添加，保證貨源充足。除了流水蝦外，餐廳仲提供多款串燒、蔬菜、海鮮選擇，客人可以任拎返去座位慢慢燒。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️加一服務費 ✅⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 平日晚市 $348餐廳以自助形式拎食物，食物種類繁多，除咗流水蝦，仲有多款海鮮選擇，必食沙白、灰蜆、東風螺、魷魚、鮑魚、鮮帶子、帆立貝、生蠔等等，所有海鮮都係職員新鮮即叫即開，保證每樣都十分之新鮮。另外仲有大量燒烤食物選擇，雞翼、羊扒、寸骨、鴨胸、各款串燒。火鍋配料亦有好多選擇，各款丸類、腸仔、蟹柳、牛肉、羊肉等等。餐廳最近做緊優惠，加$1 就可以有個火鍋打邊爐，如果覺得燒烤食物比較熱氣，打邊爐都係一個好好嘅選擇。

🦐 即撈即燒！游水羅氏蝦超新鮮** 朋友帶我去佐敦「蝦蝦燒」食海鮮放題，最特別係可以自己撈啲蝦嚟燒！🥰👍🏻每張枱旁邊都有個蝦缸，入面嘅羅氏蝦仲生猛到跳跳紮。店員會俾個冰桶你，撈完蝦倒冰水等佢哋「冷靜」一陣，之後就可以放上爐燒。蝦肉爽口彈牙，新鮮度爆燈💯！ 🦪 **生蠔扇貝即開即燒，鮮味十足** 除咗蝦，仲有即開生蠔同扇貝，蠔肉肥美，燒完仲keep到juicy！扇貝加蒜蓉牛油燒，香噴噴～海鮮選擇算多，仲有蜆、魚同魷魚，全部擺喺冰櫃任拎，乾淨又方便。 自己調醬料，鹹淡由人 ！🍖 **肉類+火鍋 食肉獸都滿足** 如果唔係淨係想食海鮮，佢哋都有雞翼、牛扒、羊扒、串燒、豬扒、腸仔同丸類，醃得幾入味。加$1可以多個火鍋，湯底有豬骨、蕃茄同麻辣揀，我哋叫咗豬骨湯，用嚟淥菜、金菇同豆腐，中和返燒烤嘅油膩感，幾正！ 💰 **$350左右任食任飲 性價比超高** 最抵係價錢，晚市$350左右一位，已經包汽水、啤酒同冷泡茶任飲。以咁多新鮮海鮮+任食肉類嚟講，算係好合理，仲要無限時。環境乾淨，抽風做得唔錯，食完唔會成身油煙味。如果想同朋友邊玩邊食，呢度係個唔錯嘅選擇！

今日黎咗佐敦蝦蝦燒，一入到黎就見到好多海鮮🐟🦐🦑🐚，全部都新鮮即開，鮑魚，帶子， 帆立貝，，蠔，魷魚等等，選擇多到唔知先食咩好🤣🤣入到去坐低之後，店員都介紹返唔同海鮮需要點處理，知我地第一次黎仲會幫忙處理同燒大頭蝦，十分細心👍🏻👍🏻大頭蝦全部都好生猛，又大隻，燒完蝦頭勁多膏，肉質又爽又甜，食咗好多轉，店員仲會隨時加蝦，唔洗擔心唔夠食或者唔新鮮🤣另外限量每人有一串鱔，十分厚肉，燒完之後勁香，啖啖肉真係好正，好滿足👅👅依家仲有限時活動，只要social media打卡，就可以加$1有埋火鍋可以食，燒烤就香口惹味， 打邊爐就食到食材嘅新鮮鮮甜，啱曬唔同口味嘅人，可以全部試曬👍👍食完海鮮，凍櫃仲有好多肉類蔬菜等可以串燒同打邊爐，牛肉，牛仔骨，羊架，丸類，甚至雞皮餃子都有，真係應有盡有🤤👍👍呢度地方多大，食材新鮮款式又多，係同朋友一齊黎飲下食下嘅好地方

上次嚟已經係幾年前嘅事，最近發覺好多流水蝦食店已經執咗，即刻約上三五知己嚟燒一燒！海鮮主要有蠔，魚，蜆，不過冇食😂。淨係食好多串燒同捉蝦，始終迎合店舖主題蝦蝦燒嘛🤣。串燒啲肉新鮮的，主要有牛柳粒，羊肉粒，雞軟骨等等，其他都冇乜點食了。同行友人覺得蒜蓉麵包好好食，仲拎咗雪糕溝落啲窩夫度，有諗法。捉蝦係呢間食店嘅一大樂趣，可惜店舖refill的速度比較慢，食到冇蝦了，推測係人流少😅 是日禮拜一晚市，目測不足一半賓客，場地宣傳要多啲功夫啦。

呢間以前已經成日食，間唔中再去食都覺得好好食同好滿足主角大頭蝦隻隻都有膏🦐一開始一坐底店員已經幫我地燒左一輪可以即刻有得食，蝦配埋泰式辣醬好惹味，或者落啲蒜蓉牛油🧈燒又有另一種味大頭蝦一路係隔離遊～可以睇到佢地係真係新鮮同睇到邊隻有膏👍時間有成5個幾鐘可以慢慢食，野飲有好多款簡，連韓國燒酒真露都有5，6款簡其他海鮮都洗得好乾淨又多款，蜆有4種，鮑魚，帶子，生蠔🦪都好高質又唔難燒，仲有成條魚可以燒，好特別有朋友唔食海鮮，其他野食都多款簡，雞翼，雞腎，魷魚，蒜蓉包都醃得好好食，影左甘多相都冇影得晒全部野食而家加一蚊仲有個小火鍋可以打埋邊爐🥰呢個價錢黎講性價比好高，好滿意，下次一大班人聚會會再黎🫶👏

🙋🏻‍♂️餓底探員去咗佐敦調查呢間流水蝦放題，餐廳座位兩旁設有魚缸，放滿新鮮流水蝦，可以自己捉完再燒，體驗好有趣，除咗流水蝦，仲有多款海鮮，串燒同飲品供應，全部任飲任食，晚市時段長達5.5小時任食，可以盡情燒🦐蝦蝦晚市 $348🙋🏻‍♂️表示晚市時段由6點至11點半，一個價錢可享流水蝦，多款海鮮，串燒同飲品，全部任飲任食，訂座送厚燒鱔一串，真係好吸引🍲小火鍋 $1 （追加優惠）🙋🏻‍♂️表示小火鍋有豬骨，番茄同麻辣3款湯底可選，想燒烤又想打邊爐，加$1就可以滿足晒兩樣🦐流水蝦🙋🏻‍♂️表示魚缸入面放滿流水蝦，新鮮生猛，活捉完放入冰桶，隔一陣再放上爐燒，蝦肉鮮甜彈牙，加鹽嚟燒更能提升蝦肉鮮味🐟厚燒鱔🙋🏻‍♂️表示鱔肉厚切，經炭火燒至焦香，外皮香脆，肉質鮮嫩爽口，配上秘製醬汁，味道濃郁惹味🦪海鮮🙋🏻‍♂️表示有生蠔，鮑魚，帶子，扇貝，魷魚等多款海鮮供應，餓底最愛燒蠔，生蠔超大隻，肉質嫩滑肥美，加入金銀蒜，辣椒等調味，令生蠔更提鮮，增添惹味氣息🍖串燒🙋🏻‍♂️表示串燒有多款肉類，丸類，蔬菜等選擇，牛柳粒鬆軟，牛味香濃，豬大腸有嚼勁，脂香彈牙，煙鴨胸肉質香軟，鴨皮充滿油香，雞皮餃子鮮嫩多汁🧇小食🙋🏻‍♂️表示

第一次到「蝦蝦燒」，餐廳很大，空間寬敞，以自助形式供應海鮮燒烤＋邊爐，最吸睛是每張枱旁的「流水蝦缸」，生猛大頭蝦現夾現燒！職員態度友善，主動教客人掌握燒烤技巧，甚至幫忙燒製，火候控制得宜，我們能「嘆住冷氣」享受高質海鮮燒烤。  流水蝦大頭蝦活力十足，夾起後需用冰水浸暈再燒，確保肉質爽彈。蝦身厚肉，蝦頭爆膏甘香，可自選椒鹽、孜然或辣椒粉調味，新鮮好味！海鮮類海鮮區排列整潔，每款均「啖啖肉」。鮑魚原隻上枱，洗得乾淨，燒後嫩滑彈牙。  扇貝及生蠔都新鮮飽滿，蒜蓉燒最惹味。蜆和海螺皆無沙且鮮甜，燒至微微開口即食最佳。   小食與肉類有很多小食及肉類供選擇。但是我們要集中火力吃海鮮！ 椒鹽蝦炸得酥脆超惹味！  加$1邊爐  我們加$1便可以打邊爐！湯底推薦蕃茄味，酸甜平衡，搭配丸類、蔬菜等配料，燒烤後吃些蔬菜和菇解膩！飲品與甜品  飲品選擇豐富，由紙包飲品到啤酒、燒酒任飲，還有大量不同種類的雪糕和甜品，大推！  

香港唔係好多餐廳可以食到新鮮流水蝦，呢度嘅大頭蝦隻隻都新鮮生猛，爆膏啖啖肉，真係睇到都流口水！我講緊嘅就係呢一間餐廳就係蝦蝦燒，三百零蚊就可以食足五個半鐘頭，非常抵食！海鮮自助區有勁多唔同種類嘅海鮮，簡直就係成個街市咁，分別有扇貝、生蠔、鮑魚、魷魚、花螺、魚、三文魚鮫、蜆等，咁多款海鮮我最推介嘅就係扇貝同埋生蠔，貪佢哋兩款都唔使特別剝殼，食起上嚟鮮味又方便會！另外，每位入座嘅都會送一串厚鱔串，厚肉得來又帶點脆口！另外佢哋仲有好多款唔同嘅肉類串燒，啱晒各位食肉獸！連蔬菜串燒嘅選擇都唔少，想健康飲食一樣冇問題！🙌🏻🙌🏻甜品方面，佢哋除咗有阿波羅雪糕之外，仲有特色甜品，我哋當晚嘅特色甜品就係芒果啫喱配奶凍🥭🥛，佢哋個啫喱仲有真芒果果粒，非常有誠意，童年回憶返晒嚟！🫶🏻🫶🏻

好耐冇食過海鮮放題啦，今日同朋友出嚟聚吓就食呢間啦！上次嚟都係同呢位朋友一齊黎😆-我哋今日係平日七點左右到達，晚市時間6pm-11:30pm無限時！整整五個半鐘！價錢都係$348+10%🫣超抵！除左流水蝦+海鮮+自助串燒燒烤任飲任食之外仲可以加一蚊多個火鍋🥰仲要酒都係任飲🥹飲品都有三個櫃選擇海鮮除咗整條魚之外亦有鮑魚、扇貝、生蠔、螺、帶子等..喺另一邊仲有四款唔同嘅蜆，我都爭啲錯過咗😆當然唔少得少少熟食嘅小食啦～-而串燒方面除咗有兩大個雪櫃選擇，翠玉瓜、多春魚、豬仔髀、肥牛、很多很多款式🥰-一坐低已經有啲剪咗蝦腳嘅蝦幫我哋燒緊，咁唔使等好耐就已經可以食啦，跟住第二轉就可以自己攞冰水夾流水蝦😆同埋服務員好似唔使半個鐘就會Refill一次，見佢都refill得幾密🥰蝦頭真係超多蝦膏好正👍🏻-同埋會嚟一轉白鱔白鱔皮好脆又Juice油香重超好食😋-喺出邊仲可以自己拎蒜蓉、辣椒、牛油、泰式蝦醬、豉油所以自己整海鮮尤其係生蠔扇貝嗰啲都勁惹味😋-而火鍋我哋揀咗蕃茄火鍋佢有豬骨蕃茄同麻辣選擇蕃茄味都好重火力好大同埋服務員都經常嚟refill 湯👍🏻-最後仲有兩個雪櫃嘅雪糕😋如果大家戰鬥力強嘅話真係食五

一段時間冇去過泰國，有啲掛住佢哋嘅流水蝦大餐！流水蝦大餐，又唔一定要係喺泰國先食到嘅～香港既蝦蝦燒一樣有新鮮生猛嘅流水蝦🦐 同埋 各款海鮮🐚、串燒🍢，晚市由18:00-11:30，食足五個半鐘頭，成人每位只係$348，可以坐咁耐都真係幾抵食！首先一坐低，店員就已經幫我哋開始第一轉嘅蝦，我哋就可以把握時間出去出面嘅自助海鮮區攞海鮮，出面嘅海鮮種類非常多，有扇貝🐚、生蠔🦪、鮑魚、魷魚🦑、花螺、原條魚🐟、三文魚鮫、蜆等等，試咗咁多款海鮮之後，我就最推介大家將扇貝、生蠔 配搭 牛油蒜蓉一齊燒，真係惹味好多！值得一讚佢哋嘅生蠔非常大隻，而且好新鮮冇腥味，大家嚟到記住拎多幾隻！🙌🏻🙌🏻另外店員仲送咗每人一串厚鱔串，啖啖肉非常正！除咗海鮮之外，佢哋仲有多款肉類🍢同埋蔬菜🥬嘅串燒，一路燒一路同朋友傾住偈都幾過癮～最後當然唔少得食返杯雪糕🍦，為今晚嘅流水蝦大餐作一個完美嘅句號～餐廳而家仲做緊優惠，加一蚊就有一個小火鍋，除咗燒烤之外仲可以打埋邊爐，真係一次過滿足晒兩個願望呀！❤️

成日見到人去食流水蝦，終於去左試，原來就係佐敦咁方便咁岩仲要做緊優惠加1蚊就可以打埋邊爐😍除左蝦係自己撈之外其他野都係自助區度自己拎，有勁多海鮮，帶子，生蠔，鮑魚，魚全部都係任食，呢個價錢有咁多海鮮都幾抵食仲有一個區既野食係for打邊爐既，有時燒烤啲野食要等好耐既話可以打住邊爐食住先😂味道方面啲海鮮都好新鮮，啲蝦又生猛又大隻我覺得係勝在有冷氣又可以燒野食，食物款式同種款都贏晒出面啲燒烤場而且環境又坐得舒服👍🏻

蝦膏滿滿但等得耐嘅燒烤體驗，見到任食流水蝦好似好正，所以特登去試下！#食物體驗流水蝦嘅蝦膏都幾多，可能臨近收工，職員淨係中間加過一次蝦，食完頭嗰幾隻之後，剩低嗰啲會細隻少少，所以之後揀唔到啲想要嘅size，一係就太大，一係就太細。其他串燒配料選擇都幾多，海鮮方面有蜆、帶子同蠔，味道都幾新鮮，燒出嚟都唔錯。但問題係個爐好細，啲蝦又佔咗好多位置，所以每一轉都要等好耐先食到，真係要有耐性🤣#環境呢度都幾熱鬧有氣氛，但就一定唔會特別乾淨。行每一步都要好小心，因為地下好油同黐笠笠。#總結佐敦蝦蝦燒嘅蝦膏味道唔錯，如果你鍾意食蝦，同埋唔介意等，值得一試！

以流水蝦和海鮮燒烤為特色的自助餐，大頭蝦現夾現燒蝦隻生猛彈跳燒烤前需用冰水浸暈確保肉質爽彈 蝦頭爆膏鮮甜甘香可以自己搭配椒鹽、孜然粉或辣椒粉更惹味海鮮種類~鮑魚,扇貝,生蠔,帶子,蜆,海螺,三文魚鰭,倉魚…… 肉類有兩種味道的雞翼,金菇肥牛卷,牛仔骨,羊架,豬大腸……:另有,茄子,翠玉瓜,辣椒,菠蘿,蒜蓉包……熟食區~椒鹽蝦,魚旦,炒菜……現在加$1就可以有埋火鍋任食可選豬骨,蕃茄或麻辣湯底，搭配丸類同蔬菜感覺上可以平衡燒烤的油膩感多款啤酒汽水同紙包飲品杯裝雪糕有較特別嘅紫薯,沖繩海鹽豆腐味

香港人除左鐘意一年四季都打邊爐之外，其實都好鐘意燒烤，不過夏天就無得燒，好彩宜家除左韓燒之外都可以歎住冷氣bbq。 蝦蝦燒 - 除左吾系系室外燒之外，其實所有想燒嘅野食都有，位於佐敦鬧市，想幾時去燒都得，真方便。現場重有游水大頭蝦，即夾即燒，有得玩又有得食。宜家加$1有個小火鍋，用黎淥下菜食都幾好，另外每枱每人有串燒大鱔送嘅，超級肥美肉類 - 羊架，豬仔脾，雞翼，雞腎...海鮮 - 魚，蠔，扇貝，帶子，蜆...另外有茄子，菇類，日本蕃薯仔，菠蘿，蒜蓉包.....當然重有飲品，雪糕，布甸。系咪好過自己買野去bbq呢，乾手淨腳😄

朋友介紹依間位於佐敦海鮮任食放題，餐廳海鮮每日新鮮入貨，選擇多元化，有原隻鮑魚、扇貝、生蠔等相當吸引，其中主打流水蝦，每行座位旁都有一條大水缸，裏面有好多隻生猛大頭蝦，夾完之後放入冰筒浸後再燒，有得玩有得食夠哂開心，食落蝦身厚肉入口彈牙，而家仲有個特別優惠，加$1就可以打埋邊爐，性價比高極高，邊爐嘅湯底可選擇有豬骨、麻辣或蕃茄，迎合每個人口味❤️蝦蝦晚市$348重點要讚除左全部野食任燒任食，職員服務態度亦好值得讚，佢地都好樂意幫手，教點樣燒同出手幫助，燒出黎既食物火候啱啱好，真係不得了！鍾意食海鮮，呢度絕對係一個唔好錯過嘅地方～飲品除左茶飲同罐裝飲品，仲有啤酒燒酒，呢個價錢有咁多選擇，真係性價比非常高既餐廳，最後仲可以食埋甜品雪糕，味道有芒果同芋頭等等，以任食嚟講，呢個價錢十分之抵食❤️