蝦蝦燒

营业中

休息中

呢度感覺成個泰國禁因為真意係咩海鮮都有完全係海鮮迷的天下！選擇夠多又好味～仲可以自己夾蝦蝦大頭蝦真係正，每個都生猛只要加冰🧊就可以將蝦整暈暈一陣就可以擺上架蝦肉非常彈牙，而且蝦膏都好多！鮑魚，扇貝我自己就非常鐘意而且好滿足，無限♾️任食，食幾多都得最緊要係時間都好夠，2.5hr唔會太趕食得舒服慢慢燒🦐蝦同海鮮仲有串燒、熟食、飲品、甜品選擇呢度雪糕多口味，推薦沖繩海鹽！食完滿足的海鮮放題要食甜品～填飽第二個胃服務態度好，而且會教我點剪開鮑魚食得開心又滿足☺️

今日到尖沙咀佐敦一帶行街後便經過一間專門燒蝦的任食餐廳第一次食這類型的自助燒烤店感覺真是新奇以前食開都只是燒肉類為主如燒海鮮應該能減少罪惡感🤣🤣🤣一上樓梯便看到一旁擺放整齊分門別類放好的新鮮海鮮數種不同的魚類，蜆，鮑魚，帶子，魷魚還有好多排的蝦缸放了很多大頭蝦在缸中游水全部都十分肥美吸引兩排座位的中間都會有一個長的蝦缸方便客人夾蝦及可以立刻燒烤可謂即釣即燒🤣🤣🤣所有蝦頭都是紅紅的表示內有很多蝦膏！其他海鮮類的質素都很高蜆類全部都沒有沙，值得一讚服務員的態度亦十分良好會主動向客人講解夾蝦要注意的事項又主動幫客人處理鮑魚殼後燒，以免爆殼最後燒了件菠蘿，真是十分甜又多汁滿足萬分，撑破肚皮了📍 蝦蝦燒 (佐敦)佐敦白加士街10-24號永富大廈1樓

佐敦蝦蝦燒有得玩有得食，魚缸放左好多新鮮生猛既蝦可以自己捉黎燒，食到新鮮既味道，又有大量海鮮供應！魚，蜆，鮑魚等等，非常新鮮，不得不提係鮑魚，新鮮到仲識郁燒起黎少少收縮！但完全無乾淨淨既感覺，keep到嫩滑感，非常難忘，我和朋友食左10多隻，超正！而蝦亦都幾正，蝦頭好正又juicy, 肉質彈牙！每台每人送1串鱔，非常嫩滑又肉厚好夠肥美。還有多款肉類，丸類選擇，而且任飲任食！食得好開心，場內抽風系統做得幾好，唔會成陣煙味。整體乾淨企理！

由手機訂位，到安排入座都十分流暢，流程順利。是次和孩子一起食，安排在夾蝦位置，孩子體驗十分愉快，蝦亦都很新鮮，大部份海鮮都算新鮮，不過這次體驗，蠔方面就比較遜色；其他例如羊架、魷魚、串燒、大眼雞、鰻魚、蚌、蜆等等⋯都十分豐富；餐飲方面，選擇也很多，有本地飲品果汁、啤酒，亦都有韓國飲品選擇。服務人員及清潔座位也相當好，經常性清潔枱面的蝦殼及雜件，亦指導如果燒鮑魚應該如何，感覺貼心。唯獨是電話詢問，就是長期無法接通。因為店亦都有停泊車，所以下次去可以不用找停車場。大概$300+，兩個多小時食餐時間，是還可以的，因為食物內容豐富，這個就足夠條件了。推薦一試

一直以黎都知新開左間流水蝦室內燒烤場！今日終於黎食啦：）一開始有員工教我地夾蝦，夾完即刻擺上爐燒，一陣就食得，d蝦好多蝦膏同多肉！夾果陣不停游黎游去，勁生猛👍 同埋成個場有無數既蝦比你夾，食到飽🤣 其他海鮮都好好味，由其係鮑魚，唔知點解覺得燒完都唔un,好易咬開，明明無落調味都唔覺得腥/有海水味，好新鮮同好食！生蠔燒完會縮細左，但都好味，會加小小辣椒仔同牛油🧈 仲有好大條魚，因為開頭佢送咗一串鰻魚俾我哋，條鰻魚燒完之後啲皮好脆，肉汁爆出黎咁，勁好食，好想encore🤣仲有最值得讚既係佢地有好多調味粉，重口味嘅我勁鍾意孜然粉同埋椒鹽粉👍我朋友最鐘意沙白，大大隻，同埋唔多沙！加埋牛油就係牛油帶子咁，勁好食呀👍 之後燒烤一定要食燒雞翼，同拎左串瓜，因為都驚燒烤熱氣，好在佢仲有個任飲吧，有好多唔同既野飲，我飲左茶同埋荔枝汁💕所以食完都無爆倉果d😂 下次一定要再帶屋企人去，好方便呀！

喜歡去泰國旅遊的我一聽到香港有自助燒蝦餐廳便急不及待約朋友去一趟以解鄉愁全間餐廳的裝潢及佈置簡直便懷疑自己身處泰國一樣只是由室外變左室內有冷氣的地方在冷氣的環境下對住發熱的燒烤爐可以一汗不滴地燒烤，真是一大快事一到坐位便有燒好的蝦在爐上職員一早貼心安排好另外送了每人一件的厚肉鱔件魚肉厚而彈牙，魚皮又脆，真心好食所有蝦都由自己在缸內夾起，新鮮十足要將活跳跳的蝦浸冰水再燒，過程都好玩最驚喜的是燒烤食品中有茄子，肉串等不喜歡海鮮的朋友都有好多選擇原條燒魚真是很滿足加上2.5小時十分足夠，不會太趕迫最後食杯雪糕便很美滿走時更高朋滿座，要等位了

今次去咗佐敦蝦蝦燒試任食海鮮燒烤，呢度主打係有新鮮流水蝦自己夾自己燒，有得玩又有得食 而且絕對新鮮。其他海鮮無論東風螺、蜆、鮑魚、生蠔、扇貝、貴妃蚌、魷魚、原條魚全部新鮮，兼有大量任夾任食。全部海鮮好有海洋味超鮮甜，特別係貴妃蚌，蚌肉脹卜卜，另外值得一提既係每人限量一大串厚身鰻魚，原來真係超juicy超好味，怪不得每人限一串吖。真係食到舐舐脷。除海鮮，仲有各式不同丸類、肉類及蔬菜類，真係食極都唔完，仲有雪糕雪條做飯後甜品，最啱一家大細，朋友聚舊嚟呢度嘆番餐。下次如果諗起流水蝦，我一定會再去蝦蝦燒因為地方寬敞價錢又貼地。

知道佐敦開咗間新鮮活流水蝦燒烤餐廳叫蝦蝦燒🦐，可以自己任夾任燒，所以今次專程去玩吓。😍除咗流水蝦仲有好多海鮮任食任燒，例如扇貝、蠔、鮑魚、蜆、東風螺、貴妃蚌、原隻魷魚、原條倉魚，仲有厚身鰻魚，每一樣海鮮都極度新鮮，而且分量好多唔怕畀人夾曬。😆唔計海鮮仲有丸類及各種肉類選擇，有芝士腸、廚師腸、魚蛋、墨魚丸、芝心丸、牛丸、貢丸、羊架、雞全翼、黑椒雞中翼、牛柳粒、雞腎、雞皮、蟹餅、雞肉串、豬柳等等應有盡有。😍仲有燒菠蘿、粟米、蒜蓉包、茄子、豆卜、冬菇等等亦有，甜品有不同味道嘅雪糕及雪條，當然飲品亦都任君選擇，連啤酒都有提供。🤩非常得意的體驗，真係好玩又好食。😋

蝦蝦燒打正旗號食燒蝦，本來唔係蝦嘅愛好者，但原來新鮮即燒係咁新鮮咁Juicy。全程自助，自己夾蝦自己用冰水凍暈啲蝦再放到爐上燒，幾好玩的體驗。好多配料係出面任夾，而每檯都會有一份刀貝同海鰻係送嘅，平時出面食細細嚿燒海鰻都要一百蚊，呢到每位一大片，好有誠意。即燒海鰻好香，燒到表面脆口裡面juicy口感一流。店員仲問我地要唔要蒜蓉蝦，浀滿的牛油香味浸滿整份蝦，配合蒜香味好滋味。海鮮山又好係好吸引，有唔同種類嘅海鮮係任食，原條大眼雞就咁燒係第一次，本來以為好難熟，又唔會喎😝唔洗15分鐘就熟晒，簡單配上少少鹽去食，已經好有海水鮮甜味，魚肉分明入口滑嫩。飲品櫃任飲，如果你like咗佢地嘅fb,仲可以任飲啤酒𠻹！超值啊！

蝦蝦燒今日《圓規》八號風號再襲港， 4:00 pm 可以收工， 係佐敦附近， 見唔係好大風大雨， 諗住搵間餐廳食埋晚飯先返屋企, 上網搵搵下見到d 間蝦蝦燒好似comment 唔錯， 又有得自己捉蝦， 即捉即燒即食， 幾🉐️意， 於是whatsapp 查詢今日營業情況， 唔夠10分鐘已收到回覆8號風球/ 黑雨都照常營業（但當時不是該公司的營業時間），7:15pm 前交枱有88折， 如在網上訂枱，每位還送鮑魚一隻和厚鱔串一串👏🏻👏🏻😃 ， 而在網上訂位都非常方便快捷👍🏻地點都好近地鐵站， C2 出口行約2 分鐘就到。環境方面，地方寬躺， 有成6千呎，枱與枱之間唔算太迫， 基本上每張枱都在流水蝦隔離， 蝦數量也不少，隻隻蝦都生猛大隻， 夾蝦咗陣重搞到水花四濺， 放係冰到整暈佢地都重想跳返出嚟🤣🤣食物方面，不得不讚贈送的厚鱔串，好肥美， 食落滿口油香， 忍唔住要encore 多二串（$20一串，好抵）。另外， 食物種類都好多， 超過5-60款，有熟食區， 海鮮區， 串燒肉類巨， 蔬菜區， 甜品區， 飲品區。好玩好食😋， 值得推介， 營業至凌晨12:00， 用歺時間有2.5 小時， 宵夜都唔錯.

呢間係香港都幾出名，sell新鮮，食客可以自己夾生猛蝦燒。入座嘅時候聽到隔離嗰台話佢哋差唔多一個月黎一次，搞到期望值大增😂入座其實已經安排一盤蒜蓉蝦，同埋八隻蝦放咗喺燒烤爐上面，但係都係覺得自己夾嘅新鮮啲🤭缸入面嘅蝦真係好生猛😂一夾佢就四周圍彈開，食嘅中途有職員refill啲蝦，見到有啲蝦腳係藍色，有啲係紅色唔知有咩分別，食落口嘅口感味道都係一樣。除咗流水蝦之外，其實仲有好多唔同海鮮可以任食。我覺得鮑魚同蜆都勁好食，所以不停再添🤣仲有生蠔，其他魚類，不過我唔太好呢啲所以就冇食。另外熟食，丸，串燒，飲品同雪糕都係任食。隔離枱教我哋一個秘方😆就係食完可以拎喺雪櫃入面嘅窩夫去燒，然後配焦糖雪糕會好好食😋果然係嚟咗好多次已經知咩配咩會好食！總括來講，海鮮好新鮮，但係因為要自己燒所以有啲揦手唔成勢😂燒多過食咁，或者下次再嚟掌握到技巧會好啲

近排見好多朋友post 去食游水蝦,搞到我都心思思帶左阿媽去試下,最方便去左佐敦蝦蝦燒,任食游水蝦仲有大量海鮮,難怪去到都好多人真係好多蟤,全部自己揀,幾好玩門口已經有一大缸蝦,勁多,最怕你唔食,仲有調味吧每枱都有一客鱔海鮮有扇貝,唔算大隻但都新鮮海鮮任食,連鮑魚,生蠔都有,估佢唔到考功夫時間,自己燒特別開心好食新鮮游水蝦真係好彈牙,食幾多都得~~~講都唔信,2個人食左幾十隻,好開心~~ 真係幾好玩,好過去新畀釣蝦

今次係訂下午5點優惠時段，食到大約6點，職員已經比張單我地埋單，其實都仲有好多時間，係咪真係咁需要趕客走？呢樣我都唔太介意，但最大問題係個別有兩個男職員啲態度，因為朋友生日，我地都預留左時間食埋個蛋糕，禮貌地請職員幫手影相同埋拎蛋糕，個男職員全程黑面好唔滿意咁。放低咗個蛋糕，完全冇提供碟同埋叉，我地都唔緊要自己出去攞食雪糕啲匙羹。我地食到7點已經開始催我地食快啲，仲要喺人地背脊後面講：「食快啲啦！你地係7點15交枱架！」其實我地已經係密密食埋之前夾嘅食物，對手又不停燒個口亦都冇停過，想請問點樣才可以食快啲？有一剎那個職員喺隔離加蝦，其實我已經坐開咗少少，但係佢完全冇理過啲水彈到我成個背脊都係，然後佢對唔住都冇句就走咗。當然大部份職員其實都係好有禮貌，但當有一啲害群之馬都可以拖累成間餐廳，點都好其實一間餐廳好講口碑，唔需要你提供五星級嘅服務，但至少唔需要當客人係仇人對待。

最近睇youtube好多人介紹呢間流水蝦燒烤，就走嚟試吓。一上樓梯門口位就會見到長方形嘅蝦缸。仲有一邊係好似街市魚檔🤣 有唔同嘅叫海鮮po係上面 eg. 鮑魚，大眼雞，蜆，扇貝店員預先會放咗一堆蝦同一盒錫紙盒裝嘅蒜蓉蝦係爐到，預先放嘅蝦見到有冰應該唔係隔離游緊水嘅我哋就緊係捉游水蝦食先，枱隔離就係魚缸，分咗一格格放蝦，啲蝦真係幾生猛，放入冰桶仲會跳，有啲食落有膏😍 好好食。好彩遇到好好人嘅食客，見我哋幾個女仔搞唔掂啲海鮮，教咗我哋幾招，原來鮑魚啲殼唔燒得，會爆，所以剪咗啲鮑魚出嚟串住佢，好似串燒咁會方便好多，啲蝦可以剪走啲蘇，咁就唔驚燶，同可以放多幾只食夠本🤣仲教我哋食窩夫，烘熱加雪糕（要係焦糖脆脆味/咖啡味最夾）食咗咁多蝦，串燒類就試得唔多必食推薦～魷魚🦑串 記得要加椒鹽同孜然粉～羊架 ～牛肉粒麻麻地～雞賢（好易燒到乾又好似未熟咁）

平日夜晚 我哋去咗蝦蝦燒食返個大頭蝦放題，呢度地方幾大，擺滿多過50 張枱，坐無虛席，我哋2 個人就分派到坐小位置，需要出面夾蝦，但都方便嘅。4-6 人以上預約就可能坐正喺蝦缸隔離。海鮮放滿喺海鮮檔，有幾種魚、鮑魚、生蠔、扇貝等任拎，長期會有refill ，味道幾新鮮同有鹹香，唔使落調味料都可以。拎起裝咗冰嘅桶夾大頭蝦，有唔少都幾生猛，有啲仲彈跳游走咗，好似同佢哋鬥快鬥力，幾好玩。 自己夾嘅就特別滋味。另外，多達60款以上嘅配料都係自助形式，有雪櫃蓋住，感覺衞生。肉類串燒、丸類同蔬菜都齊備，部分食材都帶醃製鹹味。雞串同豬頸肉幾惹味，再食下菠蘿解膩。最後，我哋食埋Cocoberry雪糕，2個半鐘啱啱夠時間食，同埋好在爐有2 層可以更快燒好。