蝦蝦燒

营业中

休息中

第一次食呢種即夾即燒嘅任食燒烤，好滿足阿！每張枱都係大水缸旁邊，自己親手夾d仲游緊水嘅大頭蝦出黎，體驗感十足！其他海鮮同串燒就係出面拎，蔬菜肉類種類好多，都係$348加一，2.5hr任食架。海鮮🍴流水蝦🦐蝦蝦好生猛 真係要快狠準咁夾住佢 再放落冰桶將佢凍暈 隻隻都超多膏👍蝦肉結實 好新鮮 🍴鱔每人限定一串😌係超好食！肉質超軟嫩 油脂夠充足 🍴生蠔、扇貝、蜆、帶子樣樣都大大隻 一路燒一路見到入面嘅水份係度bulubulu😍 新鮮鮮甜 🍴魷魚好食阿 厚肉得黎肉質彈牙 當然都要有返d廚藝唔好燒咁耐啦🤣 仲有鮑魚、三文魚鮫、螺、蟹、各種原條魚，應有盡有。 串燒除左有牛肉、雞翼、腸仔呢d常見款式，仲有好多特別嘅，包括炸大腸、雞脆骨、雞皮、鵪鶉蛋，連窩夫都有得燒，蔬菜都有好多款，茄子、粟米、尖椒、翠肉瓜、南瓜、菇菇，任君選擇。 🍴牛肉串 肉質軟腍 有牛味👍🍴炸大腸 燒到外面焦焦地 好香口🍴蝦卷 好少可成條咁食☺好滿足🍴蒜蓉包 搽滿牛油 燒到個包脆脆地 超正 呢度食物款式真係有好多選擇，飲品都有足足5個雪櫃，連酒都係任飲，食材新鮮，有得玩又有得食，未試過嘅值得一試阿😆。

尼間餐廳主打燒打頭蝦，睇機都覺得好食，所以早幾日book左枱同朋友去食，地鐵站直行轉左就到餐廳非常近職員比左個座位牌叫我地行入去，會有其他職員帶位，我地坐比較入既座位，吾怕比人地出入撞親，入座職員直接幫我地倒左一兜預先處理好既蝦，同埋送左1碟2串鱔，然後我再慢慢出去拎食物同飲品，有海鮮類、肉類、蔬菜類、熟食，我比較鍾意食海鮮，所以就去左海鮮類個邊拎食物，有蟹、魚、蠔、蜆、扇貝、帶子、鮑魚，每樣夾左2件番埋位一開始放落去燒既蝦已經熟曬，夾起嘆凍再食，d蝦好多都爆膏好好食，魚缸入面既蝦都好活躍比較難夾好新鮮好生猛，食到好飽，下次再食過

第一次去蝦蝦燒❤️現在比我想像中多野食有好多款海鮮🦞選擇～有鮑魚、花螺、大眼雞、扇貝、元貝、大蜆、花甲等等當然唔少得流水蝦🦐 新鮮跳跳紥🤭原隻生蝦自行放入冰桶凍暈隻蝦，先至拎上去燒就最安全～一到就應該係按人頭白鱔一串店員話要放下層燒就最好食o(^▽^)o現場仲有其他燒烤食物同熟食、雪糕🍦野飲汽水茶、啤酒咩都有D 都係自助～～一個價錢可以任飲任食，玩足兩個半鐘跟住店員間中會幫你清垃圾，service 都ok其實都幾抵🫶🏻

約咗朋友第一次試晚市任食燒海鮮，到場侍應哥哥即刻安排座位， 介紹點樣燒嘢食， 例如鮑魚一定要飛殼燒， 夾游水蝦前要準備好冰水同大約要凍佢幾耐。 自助區好多海鮮簡，當我揀咗好多鮑魚返埋位，侍應哥哥見到我剪鮑魚， 唔知係咪睇唔過眼， 好快手過嚟幫我剪，專業真係唔同啲好快就幫我剪好晒。 👍🏻👍🏻另外，因為限時2.5小時，到咗差不多時間夠鐘侍應會過嚟提示準時還檯， 其實都食得都有少少趕時間。 大家黎之前記得一定要提早訂位 。

講起燒遊水蝦一定諗起呢間好出名既即提即燒D蝦仲係新鮮遊得勁快一定要眼明手快就夾到燒鰻魚除左出名既大頭蝦呢串燒如果可以encore就好啦魚肉好嫩滑，魚皮要燒耐D 等佢脆口本身已經調味好，唔需要再額外調味除左蝦以外，仲有好正既帶子同鮑魚都係任食，不過燒鮑魚個時記得除殼燒帶子好彈牙，點埋泰式醬，辣辣地鮑魚比較難控制候，但燒得成功係好好味外邊仲有好多串燒比你選擇肉食愛好者一定心心眼我最尾係有2種台灣腸呀仲有燒蒜蓉包都一定要食外脆內嫩，又煙靭仲有其他熟食比你揀蒜蓉大蝦，辣汁東風螺都煮好比你任夾好欣賞佢有埋涼拌魚皮同冰鎮滷味自己加上甜醬同黃芥辣真係勁惹味👍🏻

咁鐘意食海鮮既我😍又約左朋友去食蝦蝦燒聚下有得玩仲勁多款海鮮食🦐🦑🐠🐟🐚真係食極都食唔曬😍➽平日任食 $348🫶🏻2 hrs 30 mins➽海鮮項目🎊♡大頭蝦♡有得睇 有得夾 又有得燒 仲要有d大頭蝦勁多膏😍好正♡扇貝♡大大粒勁鮮甜😋肉質好食♡鮑魚♡彈牙肉質好♡三文魚♡燒落油脂勁香😆♡硯♡鮮甜 海水味濃😚仲有勁多款魚可以燒arrr 但太多款食唔曬🥹下次再去食🤣串燒♡牛仔骨♡係我最愛😍肥瘦平均 牛味勁濃 油脂分布好好 又夠淋🫶🏻超好食♡雞翼♡ ~燒雞翼 我鐘意食~♡大腸♡燒完外脆內軟♡鵪鶉蛋♡燒完有驚喜❗️外面脆脆地 但入面勁軟滑香 蛋原來燒落咁好食😳仲有太多款式 講唔曬😋健康🥬🥦🥒🍆蔬菜方面有好多選擇 有翠肉瓜 茄子🍆 菇類仲有好多醬 例如牛油🧈蒜蓉比人配搭可以發揮創意調味小宇宙🫶🏻而出面仲可以自己白洽菜食😚野飲甜品🫶🏻🫶🏻

自老公跟朋友來過蝦蝦燒食流水蝦放題後，他一直想帶我來試試，這次就帶同親戚一起來燒蝦蝦吧！！可能是早訂位，所以座位獲安排在水缸側。店內有部分座位是沒有與水缸相鄰的，這會有少少不便，若想方便些，最好還是早訂位吧！店內最前方的位置是取食物的區域，海鮮有扇貝、生蠔、鮑魚、沙白，還有原條魚等等。肉類串燒與蔬菜，即吃的湯及小食一應俱全。入座後，店員會簡介一下，燒蝦前要將蝦放在冰水內浸暈，不能直接就把蝦放在烤爐上，否則蝦會亂彈跳。水缸內的蝦大多生生猛猛，甚少奄奄一息的蝦。烤爐分成上下兩層，燒烤的速度不會太慢，2.5小時是夠用的，不會吃得好趕急。所燒的蝦是大頭蝦，蝦頭內的膏夠甘香，蝦肉爽口！每位獲贈一串厚鱔串，鱔的皮燒得香脆，魚肉嫩滑，帶點魚油香，好食！貝類海鮮的質素亦不錯，扇貝大隻厚肉，火侯亦相對容易控制，不會燒至好乾身～～吃完一round又一round！！生蠔也是任食，size不會好細隻，充滿蠔味！沙白充滿海水味，但殼較厚，雖花多點時間才能烤至開口～～原條魚有大眼雞、泥鯭及黃花魚，泥鯭沒有腥味，幾款魚的魚肉新鮮不會霉，烤至魚皮脆脆的，幾好食！串燒選擇充足，金菇肥牛卷、雞皮、雞腎、牛仔骨、豬寸骨等等

蝦蝦燒每隔2星期會到訪🦐🦐🦐🦐有冇試過咁樣燒法呢？好吸引，每隻蝦都好大隻好新鮮🦐🦐仲有好多膏每枱都會比一份燒白鱔，又係勁正呀😎🤪有得玩有得食，喺香港都食到流水蝦，好正好吸引仲有好多海鮮選擇有蠔、魚、扇貝、帶子、蜆等等及各類蔬菜🥬、丸類、肉類、仲有雪糕、酒精飲品都有，CP植勁高😍 鮑魚、帶子、貴妃蚌🐚、魷魚🦑任食我會用牛油🧈蒜蓉燒帶子🤪扇貝🤪蠔😆勁正仲有原條魚🐟燒，勁正🥸🤩種類非常多店員補貨快，出去自助海鮮枱每次都補滿貨地方闊落，有得玩勁開心！

燒嘢食唔一定要喺室外✌🏻，呢度燈光光猛，樓底高，抽氣扇夠強，所以就算每一台都燒緊嘢食，都唔會覺得有油煙。海鮮、蔬菜、肉類、熟食、甜品，應有盡有燒烤爐有上下兩層，上邊可以燒有殼嘅海鮮，下邊我哋就燒蔬菜同埋魚類。肉類全部都醃好晒，唔使過多調味，已經好夠味道👍🏻我特愛雞全翼，醬汁甜甜地，好有韓式風味，燒完皮脆內嫩，唔覺意就食多咗幾隻😆。另一半夾蝦夾得超開心，燒大慨8分鐘就食得，蝦肉爽彈，越食越想食

一邊望住游黎游去嘅大頭蝦🦐，一邊燒野食，好有去泰國旅行嘅感覺🥰我地主攻海鮮類有鮑魚、扇貝、帶子、青口、燒蠔……等等，已經有醬汁醃製好嘅肉類和蔬菜超過五十款，有啲比較難夾嘅都用竹籤拮好，方便燒，refill速度超快，一定食到心頭好。特別推介牛仔骨，牛肉味濃、不膻，肉汁豐富，落少少黑椒碎提味就可以，比想像中驚艷。熟食都有好多款㗎！不過我哋太飽喇，所以每款淨係試咗少少😄下次要encore再嚟試多幾款先！

蝦蝦燒今日訂左位去到佐敦食流水蝦放題，之前去過元朗食過，依間舖頭面積都大，晚飯時間都非常旺場人頭湧湧。一黎到職員會介紹下點燒同埋點捉蝦，每枱都先送一人一串鱔串，超級好味又厚身肥美！燒完外脆內軟，每一啖都油脂味十足燒烤爐旁邊就係一排排長魚缸放咗流水蝦，店員仲會不停加蝦，想食嘅時候就可以即夾即燒超方便，最重要係唔使同人逼同人爭，流水蝦非常生猛，隻隻都多膏又新鮮，燒好後蝦既外殼非常香脆而且肉質彈牙啖啖肉！內大頭蝦個頭都唔好放過，裏面有好多好香濃嘅蝦膏。另外枱面放咗各樣嘅工具同四款調味料，建議係出面拎蒜蓉同粉絲，甘就可以用來整蒜蓉粉絲燒扇貝先講自助區好多嘢食，最受歡迎嘅海鮮區，款式種類好多，有生蠔鮑魚帶子扇貝大蜆東風螺魷魚，仲有大量魚款，最重點係新鮮供應源源不絕愛海鮮人士有口福，另外仲有各款串燒、各款肉類、各款熟食、各款飲品甜品，種類多樣樣都吸引！熱食方便有咖喱魚蛋、蟹蓋、花螺、牛腩等。飲品同雪糕嘅款式都好多，飲品方面都好多下火健康飲品仲有韓國燒酒，真係回本之選！整體來講，最抵讚係海鮮質素非常好，新鮮又款式種類多，仲有食物和飲品選擇都非常多。全部性價比高，用呢個價錢可以任食咁多高質海鮮好抵食，

🦐蝦蝦燒🔥可以2.5小時任食流水蝦🦐同埋各式🦑海鮮🐚，都只係💰三百幾蚊，海鮮🐟新鮮又抵食😋，真係值得一再幫襯！入面地方好大🤩，抽風系統強勁👍，唔會燒🔥到成身味🥰。各款新鮮🐟海鮮不停 refill，而且清洗💦得乾淨。呢度每枱都可以望住啲大頭蝦🦐喺個缸入邊游來游去，睇啱😍邊隻🦐就可以夾邊隻🦐！啲大頭蝦🦐大隻又新鮮🤩生猛，肉質爽甜😋得來🦐蝦頭又有唔小膏🥰，入口甘香美味🤤！入座每人會送🤩一串鱔比你自己🔥燒，燒到個皮脆卜卜啲🐟鱔肉又嫩滑彈牙，勁好味😋！另外仲有多款🥰即食 item，個人推介炸🦀蟹鉗、🌶️辣酒🍶煮花螺🐚同埋秘制醉蝦🦐。尤其係秘制醉蝦🦐好入味，酒🍶味香濃，蝦大隻又鮮甜😍！佢哋仲有錫紙兜供應👍，我哋用來整真露🍶酒煮蜆方便又好味🤤。呢度仲有好多款🤩新鮮嘅🐟海鮮🦑任食，個人推介😋鮑魚、元貝、生蠔🦪、同埋大蜆！呢期佢哋仲有三點蟹🦀，雖然唔算肥美，不過都幾鮮味🥰。海鮮🐟之外亦有好多唔同款嘅串燒🔥，例如雞翼🐓、雞軟骨、🐑羊架同埋🐖豬大腸等等，我個人最中意嘅就係🔥燒雞皮，香脆可口🤤。雪糕🍨方面款式主要係Coco Berry同埋阿波羅，而且有好多款口味🥰添！

蝦蝦燒 (佐敦)佐敦白加士街10-24號永富大廈1樓-----第一次約埋媽咪爹哋家姐一齊黎食呢間蝦蝦燒，雖然我同家姐好期待，但係都唔夠爹哋媽咪興奮。佢哋第一次見到有活蝦任捉，開心到變返細路仔咁，一坐低就係咁夾。佢哋嘅蝦非常彈牙新鮮，食嘅時候記得小心蝦爆出嚟。除咗活蝦任捉，係佢哋主要嘅賣點，佢哋亦都有好多其他食物。例如有大量已醃製好嘅肉類、海鮮、丸類、蔬菜等等。當中個人特別鍾意彈牙墨魚、濃郁蒜蓉香氣嘅蘇蒜蓉雞翼、脆口雞軟骨、juicy黑椒台灣腸，同埋燒完會爆芝嘅芝士丸。最後最後一定要食嘅就係勁容易燒，又酥酥脆脆嘅燒蒜蓉包。蔬菜嘅款式亦好多，例如有大大隻嘅青椒、南瓜」翠玉瓜、香菇、粟米、茄子、菠蘿等等。我哋屋企就最鍾意加大量嘅牛油同埋蒜蓉嚟燒茄子，雖然唔容易燒，燒得都幾耐，但係食落去嘅時候覺得一切都值得。除此之外亦都會有熟食，個人就最鍾意醉蝦、膠原滿滿涼拌豬手、辣酒東風螺同埋street food咖喱魚蛋。雪糕方面有本地品牌Coco Berry雪糕同埋阿波羅，個人就最鍾意經典香芋味嘅阿波羅雪糕，記得最後要留返個肚食啊！

佐敦蝦蝦燒已經黎過好多次，原因真係好抵食！每次一上到黎就見到滿滿海鮮可以自由選擇，任飲任食，價錢大約$348位(另加一服務費)，就可以無限任食豐富海鮮同埋新鮮活捉流水蝦！餐廳內既新鮮漁檔，唔同種類海鮮包羅萬有，鮑魚、扇貝、花甲、沙白、蜆肉、蟹、魚等等等等，都有即場員工清洗每款海鮮，而且不斷補充海鮮，確保海鮮新鮮程度！除左海鮮仲有唔同種類串燒同肉串，雞翼、牛肉、雞皮、雞軟骨等，至到唔同蔬菜、茄子、菇都一應俱全，所以唔怕冇好西食，就怕個爐燒唔切。飲品方面都相當齊全，有枝裝啤酒至到韓國燒酒，唔同種類飲品都可以任飲！甜品仲有數款口味雪糕，完整度滿分！

有啲朋友特別喜歡食蝦，知道香港有幾間係夾啲游水大頭蝦燒黎食，我地最後揀左呢間蝦蝦燒。-位置都好方便，都幾近佐敦地鐵站。上網訂左位，7點半都唔洗等即時入得。-舖頭地方好大，內部環境都算企理乾淨，見到啲員工每完左一枱就好勤力咁清潔掃地。地下乾淨衛生真係觀感差好遠，感覺好企理。我張凳有啲水，姨姨都好友善咁幫我。-🍴鹽燒大頭蝦一入座已經準備好一盤加左鹽嘅蝦。本身我都驚驚地呢盤會唔會係死蝦，但食落又無咁糟糕，得2-3隻嘅蝦肉係霉嘅，鹽嘅調味好足，燒起黎好香口。都市人好多都有過敏症，食左唔新鮮嘅海鮮就好易起敏感，但so far佢無令我同朋友敏感大爆發。-🍴調味爐邊有粗鹽、辣椒粉、孜然粉同椒鹽，自己選擇。-🍴白鱔訂座送嘅白鱔，已經加左汁醬，味道唔錯，因為肉都厚身，可以燒耐啲。-🍴扇貝人拎我又拎，人地夾好多扇貝，我又跟住拎返隻。人地出面拎配料整左個泰式蒜茸辣椒舖面，我就揀左牛油蒜茸，燒出黎嘅扇貝香甜又多汁。🍴白蜆、蚌定唔知大蜆似蚌定大蜆果隻好味有肉又易開口，白蜆都都可以但有機會有砂，只係唔太識燒，燒到乾水。🍴翠肉瓜我嘅串燒必食之選，翠肉瓜淨燒、椒鹽定加啲牛油都一樣咁好食。🍴雞軟骨、雞皮下面仲有層架可以