蝦蝦燒

营业中

休息中

成日喺社交平台都見到有人介紹流水蝦、釣蝦都好想試，呢日趁得閒就同朋友嚟咗佐敦夾流水蝦😍坐低之前店員已經好貼心咁樣放定啲蝦係個爐上面，一坐低就可以即刻燒等食😏除咗蝦之外，出面仲有唔同嘅肉類同埋海鮮，好多款式！而且仲有大量飲品都係任飲㗎😃本身都好擔心咁多嘢食會唔會燒唔切，但係兩個半鐘完全夠時間！佢個燒爐勁熱，啲嘢食燒一燒好快就熟👍🏻食完一轉蝦之後就可以再夾下下一輪蝦喇～店員仲會好貼心咁樣幫你剪咗啲蝦鬚同埋手手腳腳方便燒同埋食😍啲蝦仲好彈牙好新鮮😋 啲肉類都唔錯，識落唔會覺得係勁平嗰啲肉～食完海鮮食完肉之後仲可以燒埋蒜蓉包，超正！本身想再燒多轉但係已經冇晒lu…..

想食海鮮 出面食飯逐碟叫都唔平不妨考慮下黎呢到 盡情任食燒返夠本🔥成人星期一至四$348（其他日子+$30）非晚市黃金時段入座仲有優惠 低至8折任食2.5小時 價錢唔算貴👏🏻.除咗座位旁邊嘅流水蝦出面自助區仲有超多唔同款式嘅海鮮揀🤩三點蟹、沙插、扇貝、大蜆、鮑魚、魷魚筒、東風螺、時令鮮魚等等🦀🐚入坐仲送多兩串蒲燒鰻魚比大家真係花多眼亂到 一時唔知食咩先好👀整體普遍都叫做新鮮大隻 味道幾鮮甜.佢地嘅烤爐有上下兩層📛上層燒海鮮 下層就可以燒吓其他嘢食食串燒必叫嘅燒雞皮、雞軟骨、茄子🍆bbq必食嘅芝士丸、多春魚、蒜蓉包🧄特色啲嘅玉子燒、豬仔骨、香蔥窩夫🧇仲有各式各樣諗到嘅 差不多都應有盡有.等緊嘢食燒熟嘅時候⏳仲可以去熟食區搵食醫下肚又或者整返啖雪糕雪條先🍦除咗放題常見嘅cocoberry 仲有阿波羅.而嘢飲方面都有驚喜㗎 就係居然有真露😳啱哂成班朋友聚會 唔中意啤酒苦味都可以一齊暢飲食飽傾返餐啦💁🏻‍♂️

餐廳好大間，有好多長形蝦缸，枱都係沿著蝦缸擺放，所以大家都可以隨時喺旁邊夾到蝦啦，非常方便！餐廳牆身掛有色彩鮮艷霓虹燈牌，漂亮又有型。枱上爐已預熱，爐上早已準備好一啲蝦俾我地食左先，蝦味香，仲有蝦膏好好味。還有每人一大鱔串燒。鱔肉質非常嫩滑，魚皮彈牙，好驚喜！重頭戲：夾蝦！首先要去冰機取冰同水，然後喺蝦缸夾蝦上黎立即放入冰水凍暈佢先至好燒。蝦缸裡有好多蝦，職員會定時refill，所以唔洗擔心唔夠食~~自取區方面，有好多海鮮！！例如魚、蟹、鮑魚、扇貝、帶子、蠔、螺等等。亦都有好多肉類，我鍾意牛仔骨，重牛味。還有好多其他食物，例如丸類、蔬果類等等，我食左墨魚腳，彈而不硬。餐廳亦有熟食供大家可以立即食到，特別菜式有醉蝦，大家可以試試，我覺得重酒味。飲品有好多選擇，特別有韓國燒酒！雪糕櫃有兩大個，有Appolo和Coco Berry。Coco Berry雪糕盒換上聖誕裝。我覺得Coco Berry Passion Fruit清新好味。2.5小時任飲任食，價錢計埋加一後每人係$383，我覺得好值。職員有禮又勤快，很好！成個用餐過程都係好開心好興奮！

蝦蝦燒依個名成日都會聽到有人介紹，但今次都係第一次同朋友去試，行樓梯上一層，地方好大🤤我地安排坐係水槽隔離，方便一陣夾起鮮蝦，我地都係第一次嚟，所以店員都好仔細咁講解成個流程同注意事項，鮑魚一定要剪左個殼先放上網燒，夾鮮蝦前一定要裝左半桶冰先，以免鮮蝦係桶入面彈跳🫣🫣🫣一入座已經有一大堆蝦預備好，燒緊嘅時侯啲蝦膏一路流出嚟，蝦肉肉質結實，食落口鮮甜，可以加餐廳提供嘅孜然同辣粉，香辣味更加帶出左蝦肉嘅鮮味😂仲有每人會送一串鱔，燒完鱔肉又嫩滑又多油脂，鱔皮又好脆口，好好食😋😋😋嚟到今日嘅重頭戲，任夾生猛海鮮，好多款時令海鮮選擇，包括鮑魚、魷魚、蟹、扇貝、魚等等，多到我都唔知揀咩好，心大心細🤪除左海鮮之外，仲有好多款肉類、蔬果類、小食類，真係講得出嘅都有🤣🤣🤣🤣汽水、茶、啤酒一應俱全。🍢串燒推介:土匪雞翼，雞翼好入味，唔洗另外蘸醬汁，外皮燒到脆脆地，肉質嫩滑。台灣腸，燒完好香，食落好香口。紫薯，細細粒好快熟，好甜又好食。🐟海鮮推介:扇貝已經剪開左，好快熟，encore 左好多隻。鮑魚，易咬開，蘸啲醬汁已經好好食。魚，依個真係好驚喜，個爐燒得夠熱，好快熟，肉質滑嫩又有魚味。🍦最後都揀左2杯Co

本來想年尾gathering 去bbq，但呢幾日太凍，就轉場去任食任燒2.5小時既蝦蝦燒！一黎到已經有大頭蝦係爐上，燒多幾下就食得，唔使等咁耐，真開心！大頭蝦彈牙，橙紅既蝦膏多，外表落左鹽醃，咸香惹味！仲有兩大串白鱔，白鱔非常肉厚，燒得金黃，外皮香脆，超級好味！重點係肉質嫩滑細緻，真係想encore!流水蝦就係隔離，隨時夾都得，好方便！啲蝦超級生猛，好活潑！有啲仲打曬交咁, 好搞笑, 又得意！睇住佢哋超開心！真係有得食, 有得玩, 仲有嘢睇！捉流水蝦要夠快，有兩隻大鉗，頭大大既佢地都多膏。食完蝦之後既主打當然係海鮮！海鮮類首推大蜆新鮮爽口，鮑魚濃味唔韌好好食，仲有燒野食比較少有既螺！海鮮吧仲有生蠔，扇貝，鮮魷魚，墨魚串任拎。所有職員都好friendly，會教你點燒，幫你倒桶內既廚餘。叔叔仲睇唔過眼幫我剪好扇貝😆肉類方面選左羊架同牛仔骨，大大塊，燒完後依然肉嫩多汁juicy!甜品有雪糕關注組大熱既阿波羅之外，仲有本土雪糕品牌100%香港製造 既Coco berry，有熱情果，蜜瓜，沖繩海鹽三款幾特別既味道，雪糕盒上仲有聖誕圖案！佢啲食物真心新鮮高質，2.5 個鐘實夠時間，食左咁多款海鮮，

鍾意食海鮮嘅朋友唔可以錯過呢一間流水蝦放題，一個價錢食足兩個半鐘，除咗有招牌大頭蝦，仲有鮑魚，扇貝，貴妃蚌，帶子，各款魚類同時令新鮮海鮮食～ 燒烤爐有兩層，可以好有效率咁燒熟晒啲食物～ 有多款調味料可以選擇，扇貝/茄子可以配蒜蓉同牛油～肉類可以加孜然粉同辣粉，好惹味～流水蝦即夾即燒，好生猛，蝦身鮮美結實，蝦頭蝦膏超香濃🤩～😍鮑魚好厚身，肉質結實又容易咬開～帶子好鮮甜～魷魚爽口結實～除咗海鮮，仲有其他肉類同其他食物都好正～燒鮮蝦/墨魚腐皮卷腐皮表面香脆，裏面香甜爽口彈牙😋～厚燒玉子香甜厚身～蒜蓉牛油多士好香脆～燒南瓜好香甜～食得滯可以食兩件燒菠蘿，酸酸甜甜好開胃解膩～窩夫配雪糕可以做甜品，牛油味香濃～整體食物選擇種類豐富，食材新鮮高質～ 服務態度貼心周到，職員會不時過嚟清理枱面，亦會只是第一次嚟嘅客人點樣燒食物～

其實個爐一點都唔係燒，係整熱d野食，個爐好慢，跟本食唔到幾多，以咁既價錢一d都唔抵。眼見周圍枱既人走哂，服務員是加蝦😅好似唔想比人食咁！我諗唔會有下次，我都比open rice呃左🙄食物其實ok,但個爐好慢好慢，真係燒到沒哂心機，唯有食下菠蘿、蒜蓉包算嘞！

#流水蝦 .幾年前喺元朗新田村食過流水蝦之後 一直念念不忘 好想好想再食 試過在專登走返去新田村 點知原來已經結業 上網搵到位於佐敦嘅Cooking Haha $368任食 海鮮方面有蝦, 魚, 帶子, 鮑魚, 蠔, 蜆, 螺 另外有雞腎, 雞軟骨, 扒類, 紅腸, 台灣腸, 廚師腸, 丸類, 蔬菜等等食品 有少量熟食 (我冇食到).先講下啲蝦 店員畀咗個桶我哋 我哋自己去攞冰塊同水 兩隊出戰然後就去咗水缸捉蝦 我盡量揀啲生猛啲游得快啲嘅蝦 🤣然後放入冰桶冰暈啲蝦🧊 就放上個爐到慢慢燒 蝦並唔算好大隻 不過不失 🦐蝦肉都幾實 不過冇乜鮮味 亦不多蝦膏 所以只係食咗一round.帶子係多人食嘅 加上蒜蓉牛油一起煮 不錯👌蠔都係 多春魚燒到外脆內軟 🐟雞翼 雞軟骨 我哋落咗勁多 孜然粉同辣椒粉 令到佢好好食❤️.燒茄子 加勁多蒜蓉 超正 😘不過最搞笑嘅係佢係成碌茄子 一開始見到眼都凸 原來係要自己切開, 唔係成碌燒🤣.燒菠蘿 解油膩🍍最後仲有雪糕做甜品 玄米茶味的雪糕同平時綠茶雪糕有點似.總括而言: ok啦, 地點比其他流水蝦餐廳算方便, 不過下一次我會試另外一間~

💡好味又高質的蝦蝦燒以前要燒嘢食可能都係會諗到大尾督，但每次去都好遠同好唔方便，仲要一定喺室外，天氣熱個陣真係好辛苦，一齊一獲熟😂😂而家唔洗啦，係室內可以一邊享受冷氣，一邊慢慢燒，樓底高，抽氣扇夠強，唔會燒完成身燒烤味👍👍🍽鰻魚每枱都會按人數而送鰻魚，每枱送的鰻魚大大條超好食，表皮微微有些焦脆，肉質好實好香，食落又唔會太油，反而都彈牙。🍽海鮮話明蝦蝦燒，當然不得不提佢地流水蝦，就喺每枱側邊既水糟自己夾，即撈即燒，而且會有個冰桶俾你凍暈的蝦，蝦十分「新鮮生猛」🦐，而且有好多蝦膏，鮮味十足。出面有個自助海鮮區，淨係魚都最少有6,7款、扇貝、帶子、蜆、蠔、螺、魷魚，最正係有埋鮑魚，仲要係任食，食多幾隻已經回本。🍽肉類肉類都好多選擇，牛、豬、羊、雞都應有盡有，羊架大大件，燒起上嚟超香，食落好嫩好多肉汁，食個陣仲可以加入自己喜歡的調味料，有孜然粉和辣味粉，惹味大升級。另外雞全翼一定要食，平時出邊食一隻都要20幾元，而家比你任食，肉質都非常爽嫰，🍽飲品甜品飲品有好多選擇，幾個大飲品櫃比你慢慢選。另外甜品有兩隻牌子嘅雪糕🍦食埋雪糕先叫終極完美😍

今日收工同朋友去食特色燒烤(蝦蝦燒)，餐廳主要提供流水蝦放題，流水蝦放係每張枱隔離的水槽，仲好細心有冰桶比你裝蝦，蝦非常生猛又大隻，供應非常充足。餐廳還提供大量海鮮，有䱽魚，生蠔，鮑魚，三文魚，扇貝，貴妃蚌，魷魚，仲有其他不同的肉類供選擇，熟食都好吸引，還有好多款飲品供選擇。每張枱都會送一人一串鰻魚，非常厚肉，燒完又好香脆和香口，非常新鮮和好食。餐廳會預先準備流水蝦放係燒烤爐上面，非常細心，流水蝦充滿膏，又大隻，燒完非常香脆。扇貝好大隻，燒完之後好多汁，扇貝肉非常厚身和新鮮。貴妃蚌好大隻，肉質鮮嫩又多汁。深海䱽魚非常大條，好新鮮，燒完之後非常香脆，肉質鮮嫩，加上少少調味料好吸引和好味。鮑魚又爽又厚身，好新鮮。多春魚燒得好香脆，食落好新鮮。雞軟骨外脆內軟，燒到脆卜卜，加上調味料好正。翠玉瓜燒得好香脆又多汁。菠蘿好大片，燒完之後好香甜多汁。總結來說，餐廳種類好豐富，還會定期更換不同的海鮮種類，還有豐富的肉類選擇，仲有好多飲品例如酒精飲品供選擇，適合家人和朋友聚會時選擇的餐廳。

今日去左一間主打任食新鮮大頭蝦嘅餐廳，位於佐敦嘅「蝦蝦燒」！🤓去到先知原來有好多其他食物選擇！好有驚喜！🥳首先海鮮都超過10款！串燒、肉類、蔬菜有接近50款！多款飲品、包括啤酒燒酒都係任飲！而最重點係佢有流水蝦，俾大家即夾即燒！🤩首先，入座每人會送一串鱔，味道調好曬，燒完鱔肉又嫩滑又彈牙，仲要好多汁，真心勁好味！🫠流水蝦就係座位隔離，可以得閒夾下蝦，打下卡！體驗都幾有趣，d蝦好生猛😂放入冰桶都跳番出嚟！蝦要雪一陣，再剪啲腳先攞去燒。活蝦嘅蝦肉都比較彈牙，頭有好多膏，香濃嘅！😍最後重點推介幾款海鮮：📍扇貝：好新鮮彈牙，建議加少少酒去燒，提升香味😍📍 䱽魚：比較滑同多汁😌📍 鮑魚：腍身，快熟，可以找職員幫手起肉先😜串燒推介：📍 紫薯：細隻、快熱透、好甜，好好食！😎📍 雞軟骨：烤完外層好脆，有點肉，口感豐富！😋📍 金菇肥牛：佢串得好札實，唔會散，建邊燒邊加少少汁喺面，會更好食！🤤佢個爐下層可以燒串燒，上層燒海鮮，幾有效率！🥸雪糕方面，主要係Coco Berry 同埋阿波羅，多款口選擇。😉講真2.5小時任食，時間過得好快，嘢食又不錯，又可以有夾流水蝦嘅體驗，仲可以暢飲啤酒！300幾蚊嚟講，都算

食物普通，選擇唔多，海鮮唔新鮮好似就死，死左嘅就去煮熟食，其中一位店員都非常無禮貌，我哋一行六人食下午五點果場，七點十五分一定要交枱，實際一定無兩個半小時，雖然果日係假期，但客人不算多！在完場前廿分鐘該男店員已經過嚟提示，隨後每五分鐘會過嚟一次，令人極之不安，最後十分鐘又提示要準時交枱，因為好多客人正在等待，最後五分鐘佢行過嚟我都已經極不耐煩啤住佢，佢竟然用啲恥笑嘅面容回應，覺得我地仲食緊？但事實真係未夠鐘，就算剩餘一分鐘我地都係未夠鐘！之後我地已經到原定時間早左一分鐘，佢馬上過嚟清枱，我地行到樓梯口都只有兩三個客人在等待，但近樓梯位置仲有七八張空枱，我發誓已後永不幫襯，同埋介紹朋友千祈唔好去！

本身以為得蝦食，點知黎到野食種類多到嚇親我….尤其係海鮮，有自助海鮮區，相信佢嘅種類多到一定可以滿足同我一樣嘅海鮮控!!!◎ 海鮮：鮑魚、生蠔🦪、貴妃蚌、蜆、東風螺、扇貝、魷魚🦑、蟹🦀、魚有幾款（大眼雞、烏頭魚等）當然唔少得主角～新鮮游水嘅大頭蝦🦐 ，可以無限任夾，啲蝦新鮮到會跳走，夾嘅時候要小心啲🤣☻ 所有海鮮都非常新鮮、同乾淨完全無腥味！生蠔好肥美，大頭蝦啖啖肉，就算唔用任何調味都好鮮甜😋 而且每人限定一串白鱔，不得不讚白鱔好有驚喜，燒完層皮脆脆地，肉質嫩滑，外脆內軟👍🏽◎ 串燒：有肉類、丸類、蔬菜類雞翼、雞軟骨、雞腎、雞皮、金菇肥牛、墨魚丸、牛丸、茄子、粟米、翠玉瓜…真係你講得出嘅都有！◎ 飲品：有成五大個雪櫃，放滿左唔同嘅飲品，汽水、涼茶、啤酒🍻都有幾款，仲有埋燒酒，都係無限任飲！◎ 甜品：有Coco Berry 同阿波羅雪糕🍦😍總括嚟講，食物質素非常高質，而且種類都非常多，職員嘅服務態度都好好，見你唔識燒仲會主動過嚟幫手😊 CP值超高， 只需人均三百幾就食到，真係值得黎食!!!價錢💰：$348（星期一至四）$378（五、六日及公眾假期）2.5hrs 任食任飲

位於佐敦的泰式流水蝦燒烤任食，用餐時間為兩個半小時，分不同時段收費。地方廣闊，空間寬敞，座位大部份都是靠在水缸旁邊，水缸裡面全都是新鮮活蝦，即夾即燒。職員又會加添新的活蝦進水缸裡，又會不時清理竹籤及海產殼的桶，確保食客用餐體驗舒適。除了主打的燒鮮蝦，外面有多款海鮮、肉類及蔬菜串燒、全都是自助形式。燒烤食品：三大個凍櫃，分別是凍肉，如豬肉、牛肉、魷魚、丸子、香腸、蔬菜、瓜類。海鮮：海產種類繁多，猶如魚市場的般，有鮑魚、沙白、蠔、蜆、扇貝、青口、冬風螺、原條大眼雞、泥鯭、黃花魚等等，任意挑選，非常新鮮。熟食：三個熱爐裡面有不同的小炒、熱葷、炸物小食等。飲品：茶飲、果汁、汽水、啤酒均有。甜品：兩個雪糕櫃，有杯裝軟雪糕及雪條，不同口味。

朋友推介呢一間食放題，可以食可以玩，幾有趣。大部份嘅座位隔離都有蝦缸，可以望住啲游水蝦一邊燒一邊夾一邊睇。爐上下兩層，上下都可以燒。其他燒物選擇都幾多，而且全部肉類都已經醃製好，唔使再調味。個人喜愛牛仔骨、叉燒、羊架、土匪雞翼、多春魚、原味台灣腸、鮮蝦腐皮卷、鵪鶉蛋、小甜薯、格仔餅等等。熟食推薦蝦仁西蘭花、韭菜豬紅、炸蟹鉗。醬汁方面推介泰式辣汁，基本上係百搭。新鮮海鮮例如有䱽魚、鮑魚、蠔、帶子、扇貝等等，refill速度快，食完臨走發現有蟹Tim，可惜Miss咗。飲品，有啤酒、解茶等等，啤酒有好多個品牌例如青島 Heineken ，仲有韓國燒酒等等。各款No Sugar嘅汽水同童年回憶qoo 亦應有盡有。而且qoo仲係少甜version，蘋果青提子蜜桃味齊曬。食到尾聲可以清清地烚下菜烚吓烏冬，再食返個雪糕。整體唔錯可以encore。