蝦蝦燒

营业中

休息中

近年香港幾流行流水蝦串燒店，最大特色係餐廳會有一條「蝦缸」，其實佢係一個超大嘅長型水缸，中間載滿好多郁緊嘅蝦🦐而店員就會間唔中補充蝦入去，令客人隨時可以享用到🤣晚市分幾個時段收費，有啲時段係會做優惠😃流水蝦串燒放題實際上除咗有流水蝦之外，仲有好多款唔同嘅海鮮可以喺自助區自取，當晚所見有鮑魚、生蠔、螺、蚌、扇貝、帶子、蜆😄要數到最誇張，就係有成條魚同埋成隻蟹😮😯除咗海鮮之外，燒烤當然唔少得各位食肉獸嘅最愛啦，豬、牛、雞、羊通通都有😄好多本身已經有調味，攞完就即刻可以放上爐燒😝主角當然係食蝦，呢啲蝦係坐低冇耐就即刻送上枱，唔使自己再花時間夾，等客人可以一路燒一路攞嘢食，幾貼心🤓途中攞咗好多嘢食，好滿足😋我哋貪得意，攞咗條魚返去燒，好鬼過癮😎除咗燒烤食物之外，出面仲有熟食區可以攞嘢食！飲品櫃選擇非常豐富，汽水、茶類、酒類齊晒，照顧到唔同客群嘅需要😁刷餐飽之後，最後都要用一杯雪糕作結🤪