蛇王芬

营业中

休息中

小肥難得病病地又話無乜幾何可以放工過來吃飯，咁啱剛剛上完網睇到Ｄ口碑唔錯，聞名已久但略為貴口既蛇王芬，佢話唔緊要，話要食好嘢慰勞，於是就係咁殺咗上去．除咗上次試過蛇羮得手外，據聞燉湯都好掂，點咗盅蜜瓜瑤柱燉嚮螺比小肥潤一潤，再嚟滑蛋鮮蝦仁，瑤柱扒豆腐加兩個靚仔（白飯）．盅湯每人分到兩小碗多DD，料算足，啖落仍有鮮味，非常清甜，簡直叫我這個湯怪飲到舔舔脷．跟住來個豆腐，金菇多到鋪滿面層，豆腐係切成長身，方便入口，面層炸得香脆但內裏軟滑，索咗汁唔會淋Pat Pat，食吓食吓，發覺菇中混有瑤柱碎，雖然碎濕濕但仍有陣鮮味，唔怪得越食越鮮，個汁又唔會越食越鹹，三個字：無得頂，簡單見真章．一向好少叫炒蛋野，怕蛋炒得老又怕兩個人食會好滯，但呢次絕對係打破成見而有回報，蛋漿香甜軟滑夠厚身唔油膩，面頭微燶，尤其喜歡蔥花夠多好香口，蝦仁預咗係雪藏貨但可接受，夠大隻爽口（起碼唔係霉得得奀仔咁），掃畢全碟，重忍唔住倒D白飯撈埋D蛋汁，你話幾無敵．白飯又要講吓，$3個靚仔，絕對交足貨，香軟有飯味（雖然搵到D細細條麻包袋繩，但證明Ｄ米係米舖“笛”番嚟），真係你仲想點．總括雖然呢度係貴咗Ｄ（蝦仁$82，豆腐$60，

雖然話係蛇王芬但係同平常既食蛇既地方好唔同，坐得都好闊落，而且地方乾淨。其實來咗咁多次都未試過佢既蛇，反而覺得佢地既燒味，尤其係义燒做得唔錯，唔會太硬又唔會燒燶，同灣仔再興都咁好吃，不過再興係偏甜同濃味啲。另外佢既抄麵飯都係值得推介，用料同賣相都一流。我比較鐘意佢既抄麵，因為係傳統先炸一炸嗰種。不過我就未試過佢既湯水，下次有機會會試吓..不過老實講，好能用料貴既問題，都幾貴。

昨晚工司開年飯又因工作關係不能在外吃,最後要找一些比較貴的飯盒吃,錢是了希望找到些值得的這裡還是不錯的大蝦荷葉飯+螺頭湯共145元開邊蝦3隻6件蝦味往飯中滲,炒飯底又很干身,只是那個飯淡了一些...但湯沒話說的好清甜.請問公司元宵節有沒有得食亞公

2006年1月26日這晚老公放九時，聽說八時半後到九記大有機會買到爽腩，於是一心到此買外賣給老公。誰知九時五分來到，爽腩已經賣清光- 聽到"賣哂"令我不禁慘叫一聲，引來在座食客的好奇目光，真失禮！其實有次在勝香園遇到住在附近的Dickson仔，問他什麼時候來九記才可買到爽腩，他已經叫我放棄吧，真後悔不聽他說。失意之餘見這店幾客滿，門口的食評也不錯，就叫老公過來一齊吃。燉湯一盎($50) - 什麼無花果燉豬肺，幾清幾甜腸滑雞煲仔飯($80) - 等很久才上檯！飯粒分明，幾乾身，有少許飯焦，但阿叔太好招呼，幫我們分埋兩碗飯就把煲拿走。如果讓我自己話事我會等煲飯再焗一焗，然後把飯焦挖個一乾二淨。腸幾甘香幾有油水，不會乾硬，味道不錯。雞反而麻麻，一點也談不上滑，幾實和鞋才真。老公吃過坤記，說那兒的煲仔飯較好和平宜，有機會要去坤記吃一次。

朋友帶路黎左蛇王芬, 鋪仔細細都幾多野食, 招牌貨的燉湯一般都係五十蚊一個, 都唔係貴喎, 叫左2客湯, 一個木瓜燉竹絲雞, 一個係青紅蘿蔔燉豬, 個湯真係好熱好清甜, 有d懷疑佢係咪落左糖, 料都有好多下, 雖然唔係咩經貴野, 但係都好味道, 唔係齋湯個d啦小菜叫左個蒜蓉西蘭花同埋半隻白切雞, 西蘭花好大碟, 半隻白切雞已經足2個人食啦, 所以伙記哥哥叫我地唔好再叫野食, 白切雞肉地甚厚, 滑得來又唔會太生, 起碼不見血先啦, 但似乎都係冰鮮雞, 無咩雞味, $60半隻中位價啦, 雞胸好厚肉又滑, 好正! 但係真係好大碟, 食唔晒, 好在無叫多樣野啫

今日下午想食蛇羹，由於我在中環返工,無選擇之下去咗蛇王芬，lunch time真係好多人，無位．咁只有外賣啦，但係都等咗好耐，要三吹四請先至有，回到公司一打開碗，令我相當失望，成６０蚊一碗蛇羹，得十條八條蛇肉，分量很少，不過味道ｏｋ．

上星期三晚, 諗住冒名去試一試蛇王芬, 聽聞蛇羹好正... 兩個人, 諗住試一試先, 同埋又成$60 一碗, 所以叫住一碗先, 加碟清炒荳苗, 同埋叫左個佢既食王爭霸戰既參賽品, 大蝦籠仔蒸飯...蛇羹唔使三分鐘就到, 但係.... 唔熱既, 亦都唔係凍既, 只係暖口, 打左個凸...之後等左超過三十分鐘, 碟荳苗先至到.. 但係, 都係唔熱既, 面個浸係無煙出既. 我嘗試夾心中間個d, 都有少少煙睇下... 都係只係暖口既... 第二個凸...到最後, 等多15-20 分鐘左右, 個大蝦籠仔蒸都到啦... 呢個好好多, 熱辣辣... 都算唔錯... 大蝦兩隻開邊, 放係飯面, 好香, 飯都好好食... 但係呢個飯要成$98... 好似貴左好多咁...最後成餐食左個半鐘... 埋單落樓$200 齊頭...第一次既感覺真係好麻麻... 無理由蛇羹會唔熱姐... 連炒荳苗都唔熱?? 可能我唔好彩, 個正廚放左假???

一直都冇0黎過坐低食, 試過蛇王芬, 係因為捱夜時同事叫外賣一齊叫埋之故.話說前排通頂通到似隻鬼, 唔單止唔想食飯, 麵同粉都完全提唔起勁食, 須知道捱夜一晚, 會大食特食, 捱多幾晚, 就會咩都唔想食, 連通幾晚0既話, 你只會想死, 食野(即使係我呢d咁為食0既人)係完全唔會come to your mind... 咁講返前排似隻鬼果陣, 完全係食不下嚥, 冇晒心機. 同事話叫外賣, 我都提唔起勁, 係d同事話叫我點都要食d, 唔係會頂唔順云云... 咁咩都唔想食果時, 我就望下個餐牌睇下有咩係易吞d啦... 後來叫0左瑤柱雞粥, 同埋同同事share d 菜. 瑤柱就唔多覺有啦, 但個粥底真係超鮮甜, 係雞同海鮮混埋0既鮮甜味, 雞件香滑, 後又發現有類似鮑片0既野, 淋但係有咬口喎, 雖則話係雪藏野, 但係唔知佢點整到咁鮮甜... 我冇心機食野都一羹羹畢清晒, 有多少粥水到肚, 又可以勉力打起幾分精神做野. 一連兩晚我都係食佢, 就係有呢碗粥暖下胃, 咬咬牙又過一關.唯一缺點係d雞油流晒落碗粥度, 頗油膩, 要撇一撇油先得.

約了幾個朋友出來Happy Hours，見還有點餓，之後便來這裏食少少。我們叫了一個細窩蛇羹、腊味糯米飯和蜆芥瑤柱煎鯪魚角。細窩蛇羹- 幾個人食一窩細的，又真係幾少，但因唔算太餓，所以就當試味吧！味道唔錯，加上薄脆及檸檬葉，就更加好食，可惜就比較稀了點。腊味糯米飯- 腊味味道幾好，但因糯米飯不是生炒，所以比較多油及腍在一起，真係幾飽肚的。蜆芥瑤柱煎鯪魚角- 炸得好脆，鯪魚角味道都幾好，但就真係幾油，如能吸乾一點油就更加好了。侍應見我們叫這應少菜，蛇羹又叫細窩，便立刻黑口黑面行開，這樣的服務態度真係唔要得。

同大食老友食罷楊氏肉骨茶，由於成九點幾至幫襯，咩小食都售罄，連油條都冇，所以老友點都要食番D小食至夠皮。之前book左十點去做腳底按摩，埋單時都近九點半，由蘇杭街至半山電梯，有咩小食啊？答案係‧‧‧蛇王芬！九點七抵達，舖內人一點不少，可見呢倨老字號依然不乏捧場客。睇下餐牌，一時都唔知可以食D咩。但見老友氣定神閒，先叫番個響螺燉雞腳湯，再慢慢選擇叫咩「小食」。作為一名蛇精，條友仔幾乎想叫炸蛇丸，好彩時間不足，總算俾我勸阻。由於之前食肉骨茶都食左半碟飯，我提議叫碟炒菜算數，老友聞言，只是唯唯諾諾‧‧‧最後，我地叫左碟芥蘭炒雙腸。先講燉湯，蛇王芬出品，質素都有一定保證，湯足料夠味，雞腳燉得好腍，一食就甩皮甩骨，正！到芥蘭炒雙腸上場，潤腸同臘賜切得厚厚的，夠晒份量。當我挾起一箸菜時，老友已急不及待咁挾起一大舊潤賜送入口，並大讚好味！由於D臘腸都幾瘦，老友食左一舊已經放棄，集中火力掃晒所有o既潤腸。其實D芥蘭炒得幾好，夠爽口又冇腥味，瘦臘腸亦好有嚼頭，頗有懷舊味呢！「食D咁重味o既野，唔送飯有D怪呀可？」老友涎著臉如是說。唉，叫啦叫啦！結果呢一輪小食包左一個燉湯、一碟芥蘭炒雙腸同一碗白飯‧‧‧基

別以為這裡只有蛇賣, 原來燉湯都十分出色~冬瓜瑤柱螺頭燉湯: 內裡有3片冬瓜, 一整粒瑤柱, 有4-5粒螺頭, 味道清甜, 一盅可分到6小碗~ 見到不少食客都有點個燉湯(有大約8-10款燉湯), 可見受歡迎之程度~蝦醬魷魚豆腐煲: 濃濃的蝦醬味配上新鮮的魷魚, 吃到最後仍然是熱辣辣的~福建炒飯: 配料多得驚人, 上面放了炸過的瑤柱絲, 沒有太多的獻汁, 炒飯底雖然比較濕, 但好好味~竹笙玉子豆腐: 竹笙上放了蝦子, 整個菜式比較清淡~ 另外, 伴碟的菜心...好甜午市沒有套餐供應, 全部都是散叫的, 但這裡的燉湯及小菜皆不錯, 而且用料新鮮, 值得一試!題外話, 見到有食客點叉燒飯, 但個人認為這裡的叉燒顏色帶鮮紅, 色水比較假, 有點嚇人~

特別喜歡秋天及冬天，因為涼涼地人都特別起勁去搵好野食，除左煲仔飯之外，呢期至適合係食蛇。同友人來到，十二點九已經差不多滿座。叫了鴛鴦腸飯油菜套餐再加兩碗蛇羹，鴛鴦腸中我只喜愛潤腸，碰巧友人是不吃潤腸只吃臘腸，所以我便可獨吃兩條潤腸，味道甘香，又有陣陣酒香，好有水準，打孖食好滿足；蛇羹有一貫水準，好足料，又係冬筍冬菇絲木耳絲肉絲等。水準都能保持。呢度蛇羹較清較稀，少了我最討厭的馬蹄粉茨，更能吃到湯底及蛇肉的味道，可惜友人不太欣賞，覺得太稀，佢始終喜歡吃厚湯底的。年年都來吃，都食左五年了，在中環就只有鏞記有咁上下水準。孖腸飯套餐35蚊，蛇羹50蚊，埋單一百蚊有找。食完果然成身曖暖的。同相熟的蛇舖傾過，今年好似無活蛇進口，只得冰鮮蛇，味道當然差少少，所以今年無椒鹽蛇碌吃了。

早排明明暖左，點知近日又凍番，食蛇就最合時。唔想行落上環，中環都可以去蛇王芬。一支公去到，果度下晝都好多人，好不容易坐低，叫左蛇羹同潤腸飯。呢度D蛇羹少落茨，唔知會以為點解咁稀，但唔鐘意食茨的就會覺得無咁漏，料亦豐富，有蛇肉廋肉雞絲冬菇木耳等，加埋菊花瓣同薄脆，食完暖笠笠。潤腸油潤十足都幾好食。見倒仲有水蛇粥食tim，下次一定要試試。價錢一百咁上下，幾貴。

呢度最出名o既蛇羹唔係好好o架咋,但臘腸幾香幾好食,我唔多食潤腸,但聽人話仲好食.另外可以試下清甜蛇汁浸雞,煙韌雙冬炒蛇片,濃郁羊腩煲,惹味美極汁大蝦

離開中環已經一段時間, 但都會專程去蛇王芬買臘腸, 自己整煲仔飯無佢唔得!至於佢o的蛇羹同燉品, 唔客氣講句: 得個貴字! 但燒臘臘味又好標青, 所以坐得唔舒服又貴又要等位都咁多人吼......