蛇王芬

营业中

休息中

話說我在外吃的第一碗蛇羹，就是在蛇王芬吃的。這麼多年來，人們對其出品評價很參差，批評者多會說其「稀惺惺」或「蛇肉都無多條」。不過個人而言可從來不介意，因為一向不太喜歡太杰的羹類，二來太史五蛇羹一系的也是重切工及用料，而非大大片蛇肉的，最後當然，還有一點感情分在內的。氣溫徘徊在十一、二度左右，刮北風的日子，午飯時間吃碗蛇羹暖身就最好。這裡也是其門如市，可幸我一個人比較容易找位，不消一刻已可以坐下，就要了一碗蛇羹。蛇羹是稀底的，不用再多作介紹，吃起來鮮甜，很不錯。其實要做杰底的蛇羹還不簡單，下一把豆粉，三分鐘不到就可以杰到推不動也可以，反而稀底的蛇羹才更清楚吃到配料所在。說起配料，如果叫單碗蛇羹的，又真的不是很豐富，也就是木耳絲、花膠、肉絲、雞絲、冬菇絲等等﹝應該有鮑魚絲的，但似乎刀功「太好」，吃來吃去也吃不出﹞，加上在廚房已代加的薄脆及檸檬絲，也是吃得滿意。老伙計是狂風掃落葉式的招呼，老店格局，也是如此。埋單60元，不便宜，但我還覺得是物有所值的。

第一錯: 我下晝去食, 實在太多人啦; 第二錯, order之前冇問下耍幾耐有食物上, 搞到我等左46分鐘都冇食物上第三錯, 係我order左"莞茜魚片湯米粉"! 因為當我等左45分鐘, 催左3次伙記同埋一次老闆娘之後, 佢竟然同我講: 下次就唔好叫呢個啦~ 我唔會再去呀!!

前兩日我一個人係中環搵嘢食，沿住行人天橋行行下俾蛇王芬啲臘味味吸引咗入去。我點咗一個老黃瓜燉湯同埋臘味煲仔飯，覺得好耐都未試過食完一餐之後咁滿足！我見佢餐牌上仲有好多好吸引嘅菜色，我諗好快我又會返去幫襯！

天寒地凍做好就係食蛇啦. 上網搵一搵,見到呢間野都幾多人讚, 即管試一試.去到門口, 好多人O係門口等位. o岩o岩有人走.我地倆個人就唔駛等.環境十分擠逼,係一定要搭枱.食o左個2人套餐, $370 選o左蜜瓜燉螺頭湯蛇羹咕嚕肉椒鹽豆腐腊味糯米飯本來有糖水送, 唔記得o左食, 因為環境實在太混亂.除o左糯米飯差d之外, 其他食物都十分之有水準.

好彩呢件事唔係發生響我身上，尋日去食Lunch，點之隔離座左一個年約50幾既自由行女仕，一個人走入黎就叫蛇羹食，無其他野，點知食左幾啖，就叫個伙記過黎，問佢蛇響邊度，個伙記用好半咸淡國語回應，將佢碗蛇羹攪兩攪，話條朱肉絲係蛇肉，自由行女子即回應呢條係朱肉唔係蛇肉，伙記就行開左，行去櫃面問，就走去裝過另一碗出黎，又再攪呀攪，搵到一條蛇肉，就算佢既解釋都不知幾好笑：回為個煲好大，要特登搵比你架(我即心想，蛇羹無蛇又真係幾好笑喎，賣成六十幾蚊一碗，佢又收得落喎)仲要再裝另一碗既過程中，差唔多等左成10分鐘，真係過份，喂，人地話晒係遊客，禮貌好少少得唔得呀，影衰既香港既型象

是日平安夜為免西餐多人兼價錢貴唔抵，反傳統食蛇羹糯米飯。原來有不少人也放棄「傳統」的，來遲一步也無位。初時以為叫套餐較抵食，可任揀湯、兩款、一飯及糖水，另加$10可由湯轉蛇羹，食後才發覺散叫仲平，可能我揀的不是貴價菜。因為我不好蛇羹，只叫了$310的一湯套餐，再加$10有蛇羹。那碗蛇羹比預算中細好多，極愛蛇羹的老公評價是與深水廿多元一碗沒有分別。另外點了咕嚕肉及家鄉雜菜煲，咕嚕肉一上已傳出陣陣甜酸味，未食已立即醒胃，豬肉件件炸得脆口，可惜我略嫌肥膏較多。任揀飯類中，以腊味糯米飯最平(亦是最肥的)，但聽講是出名的，所以本著致肥危險都要一試。每粒糯米被一層腊味的鹹香包著，粒粒口感煙韌黏滑，吃完一碗後立即暖笠笠。最後奉送的綠豆沙，倒不如叫綠豆糊較合切，如合桃糊般質地十分杰身。

(1) Melon & Welk Soup was good.(2) Signiture Sweet n Sour Pork was bad, not crispy, too much sauce.(3) Preserved Sausages were good.(4) Rice was good.(5) Waiter was cool, he took order, chopped roast pork, refilled tea, scooped rice, and served diskhes from dump-waiter. haha eventhough he face was so miserable, but apart from that he was really doing his job.I think the material they used were quite good, but the chef wasn't all that brilliant.

這裡，可以寫的故事太多了，人情味、師傅故事、蛇羹．．．不敘了，這裡有明報出版社出版的食舖與餐廳逸事，埋單時可以買本走，作者在時可以（她也可算是半個專奇人物）請她親筆簽名。吃了多日快餐式食物，見到餐牌上一些懷舊菜時，自然有著說不出的感動，只是胃納有限，想叫碗糯米飯及蛇羹，最後只能選擇後者。蛇羹是稀身的太史五蛇羹，沒有加菊花，老闆娘解釋道菊花有農藥，堅決唔加，偶是覺得有點可惜，出得街吃也預了是「眼不見為淨」。配料有花膠（唔知公定母）、蛇肉、雞絲、冬菇、鮑魚絲，如國金的五蛇羹般料重於湯。湯是稀身而帶著獨特甜味，材料都是切成片狀，吃落也不會有「一件大一件細」的格格不入感覺，喝完幾啖湯，剩下7成滿的料，平民版的蛇羹而言，這裡交足貨了。吃蛇羹，如果要吃打欠式的，還不如吃這款真材實料，而非雲吞吞的清湯而足料版。

甜心風暴當晚，挾著嘗試心情去蛇王芬食晚飯。聽說好壞參半，有點戰戰兢兢。布罝：企理，尚算新淨，但係Ｄ櫈真係無椅背，唔坐得耐。伙計：真係好有經驗。冇乜點出聲，問佢有乜介紹，佢掟個餐牌俾我。但我研究時佢冇走開，有耐性咁等，但真係一句嘢都唔講。燉湯：正！會為佢而再去。小菜：好少油，即使炒菜甚至炸雞柳都冇乜油，好清。煲仔飯：肉餅好瘦，但飯底好多油，不過好食。好似冇酒賣，不過同阿媽去食，有得賣都唔飲得。隔離枱有人自己帶紅酒，下次我都試吓。整體：真係會為咗啖湯同小菜再去。

OT時段又叫蛇王芬外賣，等了很久終於有飯落肚，餓到暈...本來叫了冬瓜瑤枉螺頭湯，可惜賣光，於是轉了木瓜豬湯($50)，亞哉近來十足人乾，個湯正好狠狠滋潤一番。主食叫了蝦乾肉碎吊片飯($80)，拌入豉油，加上陣陣飯焦香，十分美味；很大碗，兩個人也夠食。很久以前在堂食的小菜也不錯，只是店小人多等好耐，而且，價錢也挺貴，不是公司出錢我也未必出命。外加港式茶餐廳魚湯娃娃菜送飯。滿足的OT飯。

Very bad service: I didn't expect mush from this kind of small restaurant, but it's like I need to beg the waiter to serve me. Expensive food : $300 for 2 soups, 1 plate of BBQ pork rice and 1 dish of fried vegetableGood soup: Tasty soup, the only reason to go.

總於試左一次, 名不符實的老店七點半去到, 已經全場滿坐, 但甘岩有人埋單, 所以不用等位.坐低五分鐘, 叫左無十次都有八次, 個班老伙計係唔鍾意應你, 吹咩總於都有人來寫單啦, 又一瞼不耐煩, 問多句都嫌你長氣個款.但我忍你叫左一個蜜瓜燉螺頭, 好清甜, 但螺頭有少少沙, 扣分一個所謂既鮑魚花睇蛇羹, 老實講, 花膠絲都搵到兩條, 鮑魚, 影都無, 個湯亦無鮑魚味, 加呢兩款既名上去, 只係為左可以賣多個錢, 超級呃錢一個潤腸雞煲仔飯, 煲底超級多油, 分成兩碗飯, 碗底既飯亦好多油, 唔敢食晒今時今日, 甘既服務態度, 仲有甘多報紙雜誌係度讚佢, 唔知點解

對蛇羹唔算特別大興趣,叫左三盎燉湯,螺頭同豬肺,幾好味。 一個臘/潤腸炒芥蘭,d潤腸幾好味,但係都幾肥!一個叉雞,無咩驚喜兼幾行貨,一個炒麵,幾好食,既乾身亦無話一pat油係碟度,師父果然有番兩度!一個蝦仁炒蛋,雖然d蝦無咩鮮味,勝在幾好手勢,加埋三個「靚仔」no soft drink or beer!約$430(人地請食飯)地方其實太迫,加埋係無椅背,真係唔坐得耐,這晚用左40分鐘完成飯局!

就算你D 料幾矜貴，都唔值$60 碗：你話你落o左花膠、鮑魚所以咁貴，sorry，食唔出兼好「水」（似蛇湯多D）。蛇肉撕得好幼，唔花D 眼力都唔多覺- 反而雞肉就好覺。Service 唔講：店細、人多同老伙計通常都得一個後果。唯一一讚既係o係面既...唔係「卜卜脆」，而係檸檬葉，好fresh。

近日天氣突然反常,廿四小時內氣溫直插十度.連帶個人,神智不清,全日沒精打采.做任何事一樣提不起勁.點都好,一早約左個異性密友晚飯,個樣點死都要頂硬上.死頂之後,原來朋友比我更嚴重,近日皮膚敏感.正在戒口當中.講得出的食物,大多唔食得.海鮮煎炸奶類食物一律禁止,我去蛇王芬吧,唔食得蛇,一樣有其他野食.)朋友本身住在Soho腳下,當然無異議.反正天氣寒冷,食蛇係必然正選之一.朋友戒口當中,加上自身唔算特別肚餓,一碗蛇羹,一個煲仔飯.而朋友唔要蛇羹,要左個幾補的響螺雞腳湯.蛇羹賣成六十銀一碗,用料當然比出面更多,更名貴.有花膠同鮑魚呢兩味,已經值回票價.十幾樣材料蛇肉雞肉等等材料,味道非常鮮甜,加埋花膠,可話係"膠質豐富".一碗到肚,即刻要除外套.鳳爪排骨飯賣成$80一窩,兩個人分,幾貴.因為,呢度係中環.想平,不如落老廟,或老銅登龍街.不過,都幾好吃,飯焦也夠香夠脆.兩個人狀態麻麻,想叫多客孖腸飯都唔得,事後例牌菜.行多兩步上去公利飲蔗汁.心有不甘,擇日重賽.PS:店內電視正在播東張西望,鏢叔今日出殯,感覺有點雪上加霜.在小學年代,聽佢講馬聽到大.聽到未成年學人入投注站落欖.咁多年來,無一