蛇王芬

营业中

休息中

喵愛吃蛇羹...喵媽說女生吃蛇很有益，正氣又補身~~哈這裡雖然有點貴...蛇羹要 $65 一碗...還要不很大碗﹔煲仔飯 $85...但係都好好食....成晚 d 台番得好快...好多人呢呢.... 蛇羹 $65不像工會個種...不過都係好好味...貴~但足料 潤腸蠟腸煲仔飯 $85喵老大：好好味呀！要等 30 mins 先有得食，即叫即做，而且有飯焦，好香。 咸旦三寶飯呢個又唔貴啵！好似係$38....唔係好記得幾好食ga，又唔貴...抵！有紅腸、叉燒同豬頭肉~豬頭肉唔肥...好好味~~

65蚊細碗蛇羹!!是否最好食不知,但一定係全港最貴!!!好像没有打生粉芡般稀,材料十足,有蛇肉,雞絲,冬菇,雲耳,小小花膠,所有材料都撕成絲,但蛇肉小了一點,因己成絲,實在吃不出是否新鮮蛇肉,湯底鲜甜甘香,很快喝完,只剩配料,食完,埋單65蚊!!價錢實在太貴啦!!都係返蛇王二食,50蚊!!這裏的小菜也不簡單,全部過百,下;成了名,價錢貴,希望品質可保持吧!!

係附近翻工, 今日中午第一次落去食, (第一次寫食評添)價錢一D 都唔平, 求期一碟炒飯/麵都起碼60落樓, 一係就單拼飯 ($30) 加條潤腸 (1條 $12)所以幾個最後叫小菜, 加多煲蛇羹蛇羹用料食落唔差, 不過實在水份多過料小菜水準係有, 食落口唔差, 不過全部極細碟, 完全唔夠食, 一碟野仲少過半打西餅青檸雞 咕嚕肉尚算可以碟臘腸潤腸就鹹到9彩, 就咁食落去唔撈飯, 鹹到爭少少就要 lur 翻出黎洗腎連埋我, 8個同事, $1122, 每人$140 落樓, 大約係每人一碟小菜 + 一碗蛇羹 + 一碗細白飯又唔係唔好食, 不過呢個價就應該唔使翻轉頭 (加多少少夠 lunch buffet, 慳翻 d 又唔見得食唔到呢個質素)

聞名不如見面的蛇王芬, 終於有機會一試地方細细, 只有些圓枱....最多只可坐 7-8 人, 晚飯坐得尚算舒適聞說午市十分擠迫蛇羮枱枱叫........我和同行家人也不好還是燉湯穩陣無花果南北杏燉螺頭...........極之清甜, 火侯十足, $55 有四小碗, 值!!!大白菜膽燉陳腎......有陳腎的咸香, 大白菜的甜, 想點呀~叫我如何分高下??!平手Menu 還有好多款湯, 要試齐, 有排了食.........就叫了最平凡的蛋白瑤柱炒飯豉油皇炒麵愈平凡愈見真章, 總而言之, 一字記之曰, 掂最後別錯過店內令一名物, 生炒糯米飯..........好食到爆沒加一, 無茶芥, 埋單二百八十大详..............超值

我好少會飲出面既湯因為通常都係味精湯或者好油. 但蛇王芬既燉湯就真係好正. 飲完後完全唔口渴, 而且就算擺左入雪櫃﹐第日先飲﹐都無 mud 油係面 (unlike 原味_作 and 健康_房). 聽講呢到每一兜湯燉都成4個鐘, 所以真係真材實料!

零九年二月上旬Happy Hr閣麟街的蛇王芬賣的太史五蛇羹穩陣，蛇腩煲、七菜炒蛇絲、水蛇粥等特色蛇宴菜本地會做的蛇館也真的五指可數，菜做得好自然客似雲來，平日晚市二人來也要排排隊，要吃蛇宴的話除了要有一圍「蛇腳」外，誠意少一點，店方也不會特別安排，謝謝師兄在過節前後一輪頻撲，替大家訂下兩圍檯，又寫下近廿道菜的特色蛇宴，令開年的小聚變得精彩起來！店方破例安排小局，小店位置不多，擺下兩圍已霸了半邊廳，來到時已近七時，其時已有一圍食友來到，寒暄一番，收了幾封利事，閒聊一陣子，未機二圍齊腳，老伙計即送來幾碟薄脆、檸檬．菊花葉，大盅蛇羹未待鏡頭準備好，已用高效的手勢分成十餘碗。下午接到突如其來通知，晚點還要交人，拿拿臨喝碗暖胃蛇羹，鮮味的蛇湯底，有雞骨熬出的鮮味，菰絲、雞絲切得細緻，蛇用撕得細長，口感一致，也有不少花膠同熬，令湯多添潤滑的膠質，芡打得很薄，吃起來更滑，一口喝到底，風味是十年如一的老實鮮味。未及小菜來，已要趕回對面海抽籤，喝過牛年首碗美味的蛇羹，應該會是支好籤吧！謝謝師兄細心的安排，亦祝大家牛年飲和食德！

上星期五去O左呢間出名食蛇羹O既名店, 老實講對其成名作蛇羹有O的失望, 或者個人比較鍾意大大塊蛇肉O既傳統蛇羹, 對呢間鋪頭O既手工版唔係太受落. 可能係名星同"食家"效應, 所以最多人叫都係蛇羹.蛇羹O既蛇肉切成極細絲, 令人分唔清究竟係多蛇肉定係多雞肉? 蛇羹係熱賣產品, 店員攞出O黎O個陣卻唔係好夠熱, 有O的奇怪...此店O既煲仔飯同煲仔菜反而令人有驚喜, 唔係好肯定, 不過食落有炭香味, 可能真係O係後樓梯用炭爐燒, 風味唔錯.說說環境, 着實唔係一個舒服O既用餐地方, 兩個人去食坐細枱都要同其他人搭枱, 同佢O既價錢唔係好成正比, 服務亦唔夠好, 要落單O個陣好多伙記都好似睇唔到你叫佢咁, 真係唔知應該叫邊個落單先O岩.此店可以考慮轉一個闊大O的O既地方, 唯服務同品質控制要做得好一O的啦...

jan 09, 09,2人叫咗 : 1) 海底椰蘋果雪梨燉豬展-其實有好多款可以揀..........嗰日需要清潤同唔燥嘅嘢(還未病好),所以放棄咗椰子雞-個湯真喺好清甜,因除咗蘋果雪梨外,還有蜜棗呢-南北杏腍得好緊要/透,完全唔需要咬-底下有好幾片海底椰-豬展雖則唔實,但都唔會好滑-好順喉,所以好鍾意飲,如果要1個人飲晒全盅都得呀!!-都想下次試吓佢其他嘅湯款 2) 咕嚕明蝦球-見好多枱都叫咕嚕肉,但友人話還是港大同xx做得出色d,所以叫蝦球啦-個汁都幾醋(白醋)勁10足,但好在甜度調得適宜,所以唔會有搶喉嘅感覺-青紅椒,洋蔥同菠蘿嘅配料亦夠晒豐富-個醬汁都接近掛醬效果-個蝦賣相望落都泡到挺身,入口ok啦,蝦肉唔爽,但勝在啖啖肉同都有小小蝦鮮味-酸酸甜甜,用嚟送飯頗佳 3) 芥蘭炒雙腸-呢碟賣相好粗線條因每樣嘢都切得好長身-芥蘭有少少老,因有部份菜莖皮頗厚-但最欣賞喺雙腸嘅酒味好濃,估喺玫瑰露,而臘腸嘅酒味比潤腸突出d,+上臘腸都幾瘦,沒有好多嘅脂肪粒,唔會食到成口油。臘腸嘅肉質雖未至於好鬆軟,但至少無乾硬嘅情況-潤腸就嫌佢鹹咗少少,甘腴度還是欠咗少少 4) 白飯 x 1-友人好細心

久仰大名，適寒流襲致，專程到此一嚐馳名蛇羮。晚上約9時，門外有大約十來人等位，見有位年輕女士（是太子女？）於門口招呼人客入座，便報上只有一位並問是否有位，但見她明明對前面訂了位的人笑容滿面，轉頭見我只有一人，冷面打個眼色示意我等。 OK，等，冇問題，以為稍後會有人出來安排入座，冷風中呆等直至有位後我而至的男士直入堂內自己找位，才發現原來是自己戇居 想落單，極難。樓面人手極缺，阿伯們顧得執枱就落唔到單，而那位年輕女士又只專注招呼熟客，好不容易終於要了一碗蛇羹加义燒閠腸飯。蛇羹，料足亦切工細致，湯羹質地偏稀，味道OK不見得特出；义燒非常普通，閠腸一般，而飯 ....... 令我想起讀書時代，在大陸旅行搭長途火車的餐卡中供應的飯盒，飯粒細碎，口感之差，已多年未有再嚐。相比起銅鑼灣廣場附近的蛇王二(我幾天前食了一模一樣的食物(仲多一碟油菜))，此處每一樣的味道和份量都及不上，尤其是蛇王二的脆皮閠腸，遠比此店的油潤鬆化，而服務效率和價錢亦較此店可取。試過了，不再存幻想，終於可以放下。

天寒地凍, 最好就係飲番碗熱湯暖o下身。所以就約o左朋友o黎呢度食lunch。12:15分就o黎到, 唔使等即刻有位坐! 平時多數都係夜晚o黎, 唔知lunch 又點樣o架呢? 一坐低見好多人都係叫臘味飯, 但我o地就想嗌餸食飯, 於是點o左以下菜式:海底椰萍果雪梨煲豬展湯: 正正正!湯十分清甜足料, 除o左可以o係湯度搵到以上所有材料, 仲有南北杏, 十分滋潤。枝竹斑腩煲:味道很不錯, 枝竹十分入味, 唯獨班腩炸得老o左, 粉太厚。蛋白臘腸炒飯: 正飯炒得十分乾身, 臘腸肥瘦適中。椒絲腐羽炒時菜:唔會點出事o既一個菜色, 不錯。忍唔住都要講多次, 燉湯真係冇得彈, 飲完即刻暖番晒! 由於午餐同晚餐價錢一樣, 總是覺得食晚餐抵o的, 不過今次有人請, 無計! 哈!

2008-12-12今日拉同事來，但似乎要失望了固之然成個餐牌都係貴o野，淨麵/淨白飯係$15，豉油王炒麵係$30……單拼同雙拼好似相差幾蚊左右，但碗同碟比就差大約十蚊同事的四寶飯($38 碟)係咸蛋，紅腸，叉燒，豬脷雙腸飯係兩膶加一臘腸我要了$40 的叉燒膶腸飯(碟)，叉燒算中上，唔係肥，有嚼感，非湯肉。膶腸不是特別好，缺了少許肥肉外亦細o左o的，不過真係好膶個飯超差，完全係碎米，有無攪錯。好像俾最差最下價的米你吃好少食到碎米，呢度有售唔係我偏見，見親蔡生個名都無好o野

The husband of a friend of mine recommended this place for a group dinner back in September. I wasn't very impressed. The prices are quite expensive for what is essentially 煲仔飯 and white chicken, etc. We didn't try the snake soup. Chicken is OK, nothing impressive and a bit tough and not meaty enough (a lot of bones). However, my main problem was with the sausage 煲仔飯, sausage is OK, but the rice is too soft!! 煲仔飯 should have firmer rice due to the cooking method. The preserved sausage rice here

北風起﹐ 三蛇肥。 這個拜六/日有點奇怪。 拜電腦節帶挈﹐全港環頭環尾到處係人﹐ 大塞車。 唔打算去甘遠﹐ 近近地落閣麟街揾老牌蛇王芬。等位半粒鐘﹐ 靚靚老板姐姐待客欣勤﹐ 四位搭檯無計啦。四豌蛇羹 ﹐ 真材實料﹐ 美中不足﹐ 略甜﹐同埋豌仔太細。 本叫一窩﹐ 但老板姐姐話叫四豌底食D。羊腩煲略嫌齦D﹐ 姑姑/姑公岩岩修理好棚牙﹐ 無乜牙力。滑雞雙腸煲失準了。 唔係原裝煲出黎﹐ 無飯焦﹐ 重油﹐ 全煲連煲邊都係油。 最掉招牌都係D閏腸皮齦如朔膠皮﹐ 我地兩大人 + 兩後生食閏腸要吐皮﹐ 真少有。介蘭雙腸情況一樣。 介蘭當做﹐ 好食﹐ 但閏腸要吐皮。 餐館細﹐ 人太逼﹐ 要搭檯﹐ 小女倒跌杯茶﹐ 成地都係水﹐ 唔好意思。埋單 $560。

天氣又冬又乾, 最好都係飲番碗熱湯。 來到蛇王芬, 問夥計邊隻湯冇咁油,佢提議密瓜瑤柱燉響螺。 果然, 清甜唔油, 又夠熱, 絕對可以 encore! 另外叫左出名既子薑麵醬魚雲煲同埋蟹肉扒豆苗。 個子薑麵醬魚雲煲好香, 個魚頭好入味, 不過好似冇乜肉同魚雲。 至於個蟹肉扒豆苗就冇乜特別, 幾好食。 最後加埋個熱辣辣﹑香噴噴既章魚雞粒籠仔飯, 非常的滿足! 最後送既綠豆沙就稀左些少。 隔離台大大聲話碗糖水係綠豆水, 唔係綠豆沙 埋單 $365, worth it!

之前亦提過，自己一向對蛇羹並沒有甚麼好感 (可能是自己天生十分害怕蛇吧)，所以差不多是完全不會踏進吃蛇的店舖。若真的要光顧，通常都是為了其他東西而來。上次蛇王二的主角是那盅燉湯及燒味，而在這裏掛頭牌的，就是煲仔飯了。另聽聞膶腸也是名物之一，故是晚也點來吃吃....要了個二人套餐，有齊燉湯、小菜及煲仔飯，已可滿足小弟這次來的欲望了....太座極愛喝湯，是晚這盅蜜瓜瑤柱燉響螺就差不多由她一人包辦，自己只喝了一小碗及吃了少許湯渣。感覺上水準是比蛇王二的遜色，色水不夠清之餘味也很淡。太太面露失望之情，始終這兒都是有一定的名聲，頭炮就有如斯的水平，也難免太座有這反應....再來的蟹肉扒豆苗用的是鮮拆蟹肉，尚算足料，味亦很清淡。可惜豆苗有一點老，帶點渣。總的來說也是令人失望....子薑麵醬魚雲煲曾是得獎菜。一向並不太相信那些甚麼美食大獎名菜，始終最相信的是自己的味蕾。只要是好吃的，是不是得獎倒是沒有大關係。這個得獎菜確實有點"明符其實"，甜麵醬吃上去極惹味，送飯絕對合宜；魚雲走油後香脆得連魚鰭也吃得下；肉是挺軟滑的，"雲"的部份膠質極重，是最天然的骨膠原，絕對是女仕們的恩物自己不太吃子薑，但聽太座