蛇王芬

营业中

休息中

芥蘭炒雙腸︰不是太油膩，蠟腸比較硬身，膶腸冧身，較好味。子薑麵醫魚雲煲︰用大量的子薑，有很強的子薑味，麵醬也入味，魚雲也很鮮。膶腸滑雞煲仔飯︰煲仔飯原煲上台，侍應幫手拌勻然後分成三大碗，都算美咮。最值推介的是這裏的燉湯︰蜜瓜瑤柱燉響螺和無花果蜜棗燉豬肺，豬肺湯很甜是那一種蜜棗的甜，有原個無花果，豬肺很冧，應該沖洗得干干淨淨，煲豬肺湯的功夫很多，坊間沒有很多酒家會做的了。響螺湯有很多蜜瓜瑤柱和響螺，用料很足，不是很濃味，清潤湯水。附送的綠豆沙很香，有很強的臭草味，用心做的糖水。http://icuteee.mysinablog.com/index.php?op=ViewArticle&articleId=1388487

整天在南丫島...又熱又攰, 終於返到中環啦, 老公接船, 一路行去 SOHO, 見到呢度近近地就試下 (蔡瀾介紹過)!老公發板....(好似冬天)響螺雞腳湯, $55, 細細盅, 幾清甜, 雞腳四隻, 響螺四小件, 杞子淮山...都算好足料!子薑麵醬魚雲煲, $90, 煲上既菜都幾油, 子薑唔當造, 略硬, 醬汁頗甜, 魚雲大大件, 幾好味!潤腸滑雞煲仔飯, $85, 侍應通常幫手拌勻然後分成兩碗, 我地自己攪掂, 由於豉油太鹹, 無落, 拌魚雲煲既甜麵醬仲好食, 潤腸好腍, 內有幾粒肥豬肉, 雞唔滑, 飯亦有飯焦!廁所不乾淨, 鋪頭只有約十張枱, 但味道唔錯, 價錢亦唔平!

友人無甚胃口, 只點了兩碗蛇羹和一碗鴦腸飯分食. 蛇羹的湯芡不甚濃密, 有點蛇湯的感覺. 味道與其他地方無大分別, 濃稠稀淡, 各有所愛, 單以此論難分高下. 但單碗賣得六十五大元, 當然是真材實料. 除了尋常的木耳, 冬菇, 肉絲和多多蛇肉外, 尚有魚肚! 聽說有鮑魚, 不過眼看嚐皆不覺有其事. 鴦腸飯的雙腸則只屬尋常, 油水不夠之餘, 潤腸更有泥巴粘糊的口感, 屬於我討厭的一類. 飯也是極度腍身, 做飯團一流, 但蠟味飯則絕對不是我杯茶. 兼之三十二蚊細細碗, 算貴.小菜備受推崇, 今日未得一嚐, 來日定必再會.

入完赤柱出番中環睇衫後天已入黑,唔想食西餐既話大可以去蛇王芬度飲下湯食下小菜入到去叫左個二人餐,我食蛇羹老婆就飲湯d湯一盅仔咁上,佢睇見就覺得好大份,不過如我所料佢係飲得晒因為其實一盅仔既湯,倒出黎就好似屋企d碗一碗咁上下,飲落去都似就咁燉無味精既蛇羹仲細碗,好似酒樓d白飯碗咁,散叫都六十銀一碗認真巴閉不過細細碗賣到咁貴,自然有佢既賣點號稱用鮑魚同埋雞一齊落去煲,煲出黎的確無平日蛇羹個陣味亦唔似一般蛇羹會明顯有成舊蛇肉咁嚇人,唔講人知係蛇羹都可能估唔到.(一大窩好似要六百銀)小菜點左蝦子拼玉子豆腐同埋西檸鴨,老婆食完讚個鴨好好食,不過我就一般者無靚仔但有蠟腸滑雞煲仔飯,整得幾好食又唔會火農晒埋單三百六只收現金,算係咁

八月十二日(星期二)今日又有奧運看呢!因為蛇王芬有電視hehe!久仰大名,我終於能夠嘗試了!老公仔吃過,覺得好!今次我叫了义燒飯(一碗)老公叫了义鵝飯!义燒飯好吃,义燒燒得剛剛好,多蜜呢!硬度得宜呢!雖然份量不多,貴精不貴多呢!!好吃就可以了!老公的燒鵝也好吃呢!!!!!看到其他中式小菜的賣相也不錯,下次叫多些同事一起品嚐吧!!!ha~蛇王芬不一定要吃蛇呢!不過冬天時再會到此試試!

啱啱放左工,想食少少野先去睇batman,因為睇完仲有得食,所以就選擇食一碗蛇羹頂肚店內人客都唔少,我就揀左鮑魚五蛇羹,蛇羹好好味呢,好濃烈既陳皮菊花味道,足料炮製!啖啖都有好多蛇肉絲,再加埋薄脆同檸葉絲食,可以話係令我食得幾滋味!下次同donut再嚟試吓佢d燉湯先得

話明要食燒味, 差點兒漏了在斜路的蛇王, 同事出左去辨事, 我為了不要讓同事陪我食貴野而叫他自己搞拈, 我一個人來食.價錢過$40, 又冇野飲, 對的同事來說, 真係幾傷佢荷包, 知道呢度臘腸靚, 叫了一個膶腸叉燒飯.膶腸果然好靚, 不肥, 不油, 極香, 叉燒是瘦叉, 但又唔"un", 果然是一流燒味之一. 膶腸只俾一條, 如果叫雙腸飯, 不就是兩條吧, 有叉燒好D..這裡的膶腸, 好過晒出晒名果兩間Mass Production.

差唔多成年冇去過蛇王芬, 今日山長水遠走黎食.入到去我睇下個menu即刻嚇親 - 加左價, d湯應該加左差唔多20%, 而家最平個湯要成$55! 真係好貴 我以前食飯從未睇過價錢, 想食乜就食乜; 而家就真係好感受到通貨膨脹既壓力! 我竟然唔捨得飲個湯!!淨係叫左個燒鴨膶腸飯 - 膶腸仍然有水準, 夠晒甘香, 一d都唔油膩, 正!! 至於d燒鴨就麻麻地, 冇錯皮係好脆, 但係每舊燒鴨既一半都係肥膏, 食得非常唔暢快!

又是久仰大名的名單系列是夜凍凍地趁八點鐘收工兩個人走上來看看先來臘腸雞飯腸不錯雞麻麻飯卻有超香的雞+腸味可能是雞味都煮到飯裡去吧?蛇羹是soup base 不是茨base的偏近蛇湯的做法不稠但仍很足料附送小片很入味的鮑魚加上檸檬葉帶來的香氣更是畫龍點晴沙爹粉絲蝦缹熱辣辣而且香味四溢不過大大隻的蝦碌該是雪藏的有甜味沒蝦味埋單很不便宜但仍是值得一試的名店服務方面呢本來就有點失望的因為上飯時叔叔雖然主動分飯卻分得天一半地一半雞跌在檯上卻又順手挑回碗中不過最後卻扳回一城話說由於時近收舖二人趕快幹掉食物後轉身便離去原來有人大頭蝦把電話留在檯上也不自知結果店員姐姐追了幾條街親手送回值得褒獎也要在此一謝一正一反實為老店的人情味是也

蛇羹: 味道清甜帶香草的味道﹐我喜歡它不太杰子薑麵醬魚雲煲: (為它而來) 這次薑是有點兒老但酸酸甜甜實在惹味...很好送飯的菜糯米飯: 不過不失吧﹐沒大驚喜. 其實炒得不錯但我被寵壞了﹐沒吃一排是會懷念的潤腸: 甚麼cholesterol﹐甚麼高血脂的...全都在那純香無比的味道給蒙閉了...我年紀不大尚有quota吧, 還是吃了才算。勸予所有愛吃潤腸但怕肥的女生還是不試算了﹐吃了後有多一樣美食和體重問題而牽掛。叫了個雞...唔好食所以連名字也望了...是老老的雞胸肉撲想厚粉來炸再以甜酸醬伴碟另上...本想再來個蒜香蝦籠仔飯但我沒啥耐性﹐所以最後只有爬了去杏花樓吃個甜品才歸家。結果...第二天早上胖了2磅-o-" 天呀~~ 如果我是六呎壯男quota會多點嗎?其實我真的不會覺環境很差或是不舒服﹐我就是愛它的店子有懷舊的味道﹐有我(很懷念的)婆婆煮菜的味道。當然我會覺有點擠擁﹐但如果不好吃哪來這麼多人去和你擠啊!

話說我在外吃的第一碗蛇羹，就是在蛇王芬吃的。這麼多年來，人們對其出品評價很參差，批評者多會說其「稀惺惺」或「蛇肉都無多條」。不過個人而言可從來不介意，因為一向不太喜歡太杰的羹類，二來太史五蛇羹一系的也是重切工及用料，而非大大片蛇肉的，最後當然，還有一點感情分在內的。氣溫徘徊在十一、二度左右，刮北風的日子，午飯時間吃碗蛇羹暖身就最好。這裡也是其門如市，可幸我一個人比較容易找位，不消一刻已可以坐下，就要了一碗蛇羹。蛇羹是稀底的，不用再多作介紹，吃起來鮮甜，很不錯。其實要做杰底的蛇羹還不簡單，下一把豆粉，三分鐘不到就可以杰到推不動也可以，反而稀底的蛇羹才更清楚吃到配料所在。說起配料，如果叫單碗蛇羹的，又真的不是很豐富，也就是木耳絲、花膠、肉絲、雞絲、冬菇絲等等﹝應該有鮑魚絲的，但似乎刀功「太好」，吃來吃去也吃不出﹞，加上在廚房已代加的薄脆及檸檬絲，也是吃得滿意。老伙計是狂風掃落葉式的招呼，老店格局，也是如此。埋單60元，不便宜，但我還覺得是物有所值的。

第一錯: 我下晝去食, 實在太多人啦; 第二錯, order之前冇問下耍幾耐有食物上, 搞到我等左46分鐘都冇食物上第三錯, 係我order左"莞茜魚片湯米粉"! 因為當我等左45分鐘, 催左3次伙記同埋一次老闆娘之後, 佢竟然同我講: 下次就唔好叫呢個啦~ 我唔會再去呀!!

前兩日我一個人係中環搵嘢食，沿住行人天橋行行下俾蛇王芬啲臘味味吸引咗入去。我點咗一個老黃瓜燉湯同埋臘味煲仔飯，覺得好耐都未試過食完一餐之後咁滿足！我見佢餐牌上仲有好多好吸引嘅菜色，我諗好快我又會返去幫襯！

天寒地凍做好就係食蛇啦. 上網搵一搵,見到呢間野都幾多人讚, 即管試一試.去到門口, 好多人O係門口等位. o岩o岩有人走.我地倆個人就唔駛等.環境十分擠逼,係一定要搭枱.食o左個2人套餐, $370 選o左蜜瓜燉螺頭湯蛇羹咕嚕肉椒鹽豆腐腊味糯米飯本來有糖水送, 唔記得o左食, 因為環境實在太混亂.除o左糯米飯差d之外, 其他食物都十分之有水準.

好彩呢件事唔係發生響我身上，尋日去食Lunch，點之隔離座左一個年約50幾既自由行女仕，一個人走入黎就叫蛇羹食，無其他野，點知食左幾啖，就叫個伙記過黎，問佢蛇響邊度，個伙記用好半咸淡國語回應，將佢碗蛇羹攪兩攪，話條朱肉絲係蛇肉，自由行女子即回應呢條係朱肉唔係蛇肉，伙記就行開左，行去櫃面問，就走去裝過另一碗出黎，又再攪呀攪，搵到一條蛇肉，就算佢既解釋都不知幾好笑：回為個煲好大，要特登搵比你架(我即心想，蛇羹無蛇又真係幾好笑喎，賣成六十幾蚊一碗，佢又收得落喎)仲要再裝另一碗既過程中，差唔多等左成10分鐘，真係過份，喂，人地話晒係遊客，禮貌好少少得唔得呀，影衰既香港既型象