蛇王芬

营业中

休息中

今年由一碗甜蛇羹吃起，入冬後無胃口時，由於食量不多，一碗蛇羹可當午餐了。這裡的蛇羹如往年一樣，除了雞及蛇的鮮甜外，還加入甘蔗，喝起來甜美，是本地唯一的甜蛇羹，薑絲處理過，暖而不辣，蛇肉拆得不及酒家細緻，但比起蛇王二，一試就知分別。粉下得少，喝起來卻滑溜，不錯，這裡的手功粵菜，會再來回味的。

對蛇王芬有一種特別感情的十多年前喺股票行返暑期工,OT到12點老細就喺係呢度請我哋食飯嗰時蛇王芬已經係老字號食店,喺中上環好出名時隔十年,久唔久都會再嚟食吓特別喜歡佢哋啲膶腸,好鬼正今次同女朋友嚟食飯,order咗個套餐,包括:1. 蛇羹,這個我很久沒吃過,細個嗰時每年都會上天棚食工會搞嘅蛇宴,印象中比蛇王芬的好吃,不過蛇王芬其實都唔差,係唔鍾意佢幫我落定薄脆,搞到淋哂.同埋以前工會有菊花瓣的,蛇王芬無2. 蝦子竹生扒玉子豆腐,呢道菜係我女朋友嘅favorite,我都認同佢哋啲玉子豆腐的確比其他食肆香滑,味道不錯3. 芥蘭炒雙腸,只用芥蘭脆是酒樓食肆的指定動作,在家中一定不會把葉摘去那麼浪費的,雙腸中當然以膶腸最出色,是它們招牌菜之一4. 窩蛋馬蹄牛肉飯,牛肉餅很香陳皮味,肉質很嫰也很有肉味,馬蹄的爽口令肉餅層次更豐富,老伙計會幫忙將飯分成兩大碗,省卻食客不少麻煩.5. 綠豆沙,這個沒有拍照,是套餐送的甜品,單賣要十八元一碗,很香陳皮味,蛇王芬的陳皮很靚,凡是要加陳皮的都香到不得了,綠豆沙本身甜度適中,女朋友太飽吃不下我食哂兩碗是晚埋單330元正,非常飽,食量不大的情侶可考慮散叫,叫少

去韓國之前，我要去食飽D先去機場。所以我就去左一間我聽到有好多OPEN RICE嘅評論都話好正，所以就去蛇王芬試一試。入面環境好細，但係侍應服務幾好。我地選擇左一個SET DINNER，我地間左潤腸羊肉煲仔飯，椒鹽八爪魚，魚香茄子煲，當然唔少得蛇羹啦！實際上全部野都好好食，夠鑊氣唔太肥。但係如果兩個人食就一定食唔灑。。。1）潤腸羊肉煲仔飯 好食，飯夠香。。。好想食灑所有飯2）椒鹽八爪魚第一嘢食真喺好好食，但係太炸嘅就唔好食太多3）魚香茄子煲實際上呢個菜係送飯一流，但係個飯已經有味。所以我覺得麻麻。4）蛇羹沒什麼太驚喜結論係OVERALL係有少少貴。三個食就OK。Food Quality is Above Averagebut not surprise by the food.

前幾日見今日要去中環做野...專登上黎OPENRICE睇下有咩好食!!之前O係度睇食評去試都OK...幾中肯..咁睇到呢間蛇王芬蛇羹同臘味飯都好出名, 又幾好食評我同我男朋友又好鍾意食蛇羹喎! 咁就揀左呢間不過今次真係覺得有點被騙了....是晚我同男朋友&兩個同事黎食飯~就算黃金時間都唔駛等位....舖內都唔算多人我地叫左個中蛇羹、臘味糯米飯、什菜煲、咕嚕肉同菜心炒牛肉...(仲有白飯)先講我最期待的蛇羹....好失望....一係冇起煙唔夠煙，二係太稀唔夠味, 似飯水多D，三係我食唔到蛇肉同花膠.......唯一讚係多肉絲, 夠飽肚不過據我多年食過弘間蛇羹的經驗...唔係咁LAW~仲要俾其他地方貴....應該可以好D~臘味糯米飯....疑似老闆娘的女人話佢地最出名就係臘腸....味道OK...不過略嫌唔夠肥...同埋無咩潤腸...咕嚕肉.....唔知係唔係佢地唔係擅長於小菜...D咕嚕汁好澀....但又唔係酸, 好似有D苦咁...男朋友直頭食左一舊就冇食...仲話佢地唔識不如唔好出呢個送^^"菜心炒牛肉+什菜煲...穩鎮菜色...好難會唔好食...當然都唔可以同大排擋比其實除左蛇羹,

環境不俗，好有中式餐廳的色彩，孫枝家具不過地方較狹窄，進餐中途不時被人撞背菜色方面:五太史蛇羹 --- 味道淡口，材料略為不足，羹湯太稀，當它是一碗清湯是不俗，但不可以當羹呢?!臘味糯米飯--- 中規中矩水魚燉湯 --- 挺清甜，可惜價錢貴了一點京式回鍋肉 --- 味道怪怪，不是一般回鍋肉，連配料也不是，有洋蔥和麵根，非一般的材料，回鍋肉亦太少，不懂欣賞XX炒花枝帶子 ---- 份量小，要百多元一碟， 像被騙了秤埋賬後在回看門口才知有那麼多的好食評推薦，相信大部份香港人都是冒昧而來試一次，像是到國外試菜般，相信外國人亦是看了旅遊飲食指南而來~總體來說，如果外國人想到一間中菜館感受一下中國飲食文化，環境交足功課，味道他們反正分不出正宗，對他們應該可以吧! 如果中國人的話，相信不會有回頭客

十二月中旬．晴 相關的報章專欄文章在此：http://gourmetkc-resources.blogspot.com/2010/04/blog-post.html不要說蛇宴，就算當是一餐飯局，是晚的餐點也味味精彩。真的要先在這裡多謝主理人吳老太及吳小姐的熱情款待，KC年中周圍吃，能吃得很滿意的地方不多，是晚的蛇宴，絕對是十分滿意的。也要多謝飯局搞手Isaac的籌謀，做就一晚盛宴。 年年也做蛇宴，但香港做得有水準的地方可以說是越來越少。在Isaac的穿針引線下，決定在這裡搞一場。這裡也是非常旺場的店子，十二人要在這裡拿張大檯，真的要安排一下才行。伙記先拿來兩窩蛇羹，用料豐富，加上薄脆及薄荷葉絲，吃起上來很不錯。比起最好的桃花源，還有不及，但比較起坊間的蛇王二、蛇王良又或是蛇王Ｘ的，都已經遠遠拋離。收起蛇羹，幾個「重量級」菜色陸續上檯，花膠炆蛇腩豐腴美味，非常不錯。焗魚腸焗得夠火，香噴噴的，非常好吃，必要來一試。臘味炒芥蘭是尋常的一味菜色，但就做得好吃也殊不容易。炸蛇丸炸皮是略厚，炸子雞在一眾特色菜色之前，就淪為配角中的配角。煲仔飯滿滿的舖滿了材料，除了臘腸、潤腸及臘肉以外，還有金蠔，叫

成日好想去試下蓮香樓, 但朋友話蛇王芬食評好過蓮香樓, 所以臨時改0左蛇王芬,從來無諗過, 呢D地方, 要80蚊一碟以上0既小炒,身邊0既客人大部份都係遊客, 都知道中招...後來我0地兩個人叫0左蛇羹兩碗, 中式牛柳, 椒鹽鮮魷, 叉燒飯,中式牛柳用0左好多梳打粉, 我食0左兩舊就停手, 叉燒飯係超級軟飯, 叉燒中下, 最過份係蛇羹都唔係羹, 只可以叫做蛇湯, 細細碗, 都多料0既, 不過羹變水, 而且份量只比茶樓D碗仔大少少, 70蚊都幾貴噃! 但椒鹽鮮魷都幾好食0既! 我睇之前D食評, 似做馬多D噃! 特別話係抵食? 大酒樓都唔洗呢個價錢噃.......簡單一句, 遊客餐廳!

We went for late dinner and was nearly 9 when we arrived. We came for the double boiled soups but most of them were sold out. We only managed to get a melon with whelk soup. All the other ones without chinese medicine ingredients were sold out. So we also ordered a bowl of snake to share.The table next to us were Japanese tourists. They had a plate of friend rice with minced beef which looked nice and one of the guys took up the whole plate and scooped the rest into his mouth directly. Anyway,

三月下旬飛前的一天，要喝碗湯品暖胃打底，不作他想搭程車過海嚐燉湯，醇美熱辣的淮山杞子豬腱湯，脾胃舒服多了，跟主理人Gigi閒聊時，洗完豬腸的壹碗麵米高終於有時間來吃個遲來的午餐，其時吳老太不知從那裡拿出了五柳煎紅衫魚、豆豉鮮雞炆南瓜等福食招呼大家，久未嚐此無味精的家常味道，既感動亦感恩，米高叫的切雞飯，餐牌上賣$35左右／碗，是鮮雞來的肉嫩且薄有雞味，浸雞的技術拿捏得好，如好雞者，推介大家來試試呢！餐後頭痛的事來了，家常便飯怎麼計？主理人Gigi笑說，「隨意啦～」，吳老太卻說有緣一聚的家常便飯，不須破費了，心意無價，偶謝過，拿出二百大洋贈給老伙計飲茶，伙計開心，吳老太就更開心，嗯，只有抱歡愉開朗之心才能把菜式弄好，對不？更多主理人的情味故事，不日於網誌 http://foodxfile.blogspot.com 公映。

If you wanna eat snake soup, i suppose you come and try this shop, snake are so fresh even must be "freeze snake", may be many ginger, so can't feel that!Will come again

fd話不如食呢間啦, 於是我地三個就揀呢間啦, 八點多, 都八成多人, 睇下menu, 都唔平wor, 二人餐, 要3xx, 咁我地叫左個二人餐架多個湯, 一個湯都要60蚊, 好貴呀, 不過難得一次黎食豪比佢啦燉湯好足料呀, 唔覺有味精呢 , 叫左兩個小菜, 一個係蝦干肉碎炒四季豆, 唔錯呀, 又唔算太油又好食, 另一個係咕嚕肉, d肉算林呀, 唔會好un, 個汁都ok, 仲有個窩蛋牛肉煲仔飯, 都好好食, d飯有果皮香味架, 幾特別架搵人落單都唔係咁易, 叫左幾次先有人過黎寫野, 坐位少少迫架, 但上菜都算快, 仲有綠豆沙送tim, 之前都唔知架, 唔錯唔會太甜 , 總括黎講呢間d食物唔錯, 但略貴羅, 埋單要 $435

唔係電視播返"咁至識食"介紹呢間嘢我都唔記得嚟過話說今個聖誕返香港放假呀媽話要帶我食好好食嘅蛇羹咁就兩母女去食晚飯啦叫咗一個煲仔飯，一般般個蛇羹就好食最好笑係同我地搭台有兩個女人佢地一人一個煲仔飯其中一位叫咗子薑XX煲仔菜式(唔記得係咩)點知嚟到時候，個女人話"有冇搞錯呀，子薑變老薑！"我同我呀媽睇到都所以話，呢間嘢啲小菜好打極有限建議各位先去其他地方食晚飯夜啲再呢度食吓蛇羹算一：呢間嘢小菜冇特別二：晚市係好忙，夜啲先過嚟可能冇咁多人

記得蛇王芬老闆吳老先生病入膏肓，吳老太在醫院期間卻堅強地強顏歡笑，令先生覺得康復有望，沙士期間禁止子女涉足高危的病房，她哭著說那時每天戴著口罩探病，苦差就由媽媽擔下來，兒女要健康的活下去。那天偶打算買些水果給吳老太及餐廳老伙計，她婉謝，訴說身患糖尿病後要按醫生吩咐進膳，身體健康不如從前，但吳老太仍堅持每天頌經，令心境開朗，健康活下信念背後去是怕孺女Gigi難獨力撐下業務繁重的祖業，兩母子經營下來的蛇王芬，菜式做功十年如一的傳統，滑蛋蝦仁用鮮蝦，料靚不用啤水，咕嚕肉採用新鮮半肥梅頭肉，招牌蛇羹下了薑絲有正氣之效，卻半點不辛，是花兩天時間洗瀝去辣的心機味道，醬油是幫襯數十年的九龍醬園供應，感謝兩位努力身體力行演繹出的無添加的古法原味。自己冬天會來喝碗暖身，味道帶甜的五蛇羹，肉拆得較蛇王二仔細，湯鮮醇，一碗$70吃的是主理人功夫，有心小店，值得繼續支持。

大年初四，農曆假後上班難免有點失落，還要抵住八度的寒風開工，真想吃些東西暖暖身，奈何只得我與女友二人，打邊爐的話又怕吃得不夠痛快，突然醒起吃蛇可以驅寒，不如去中環的蛇王芬吧，難得店子假期沒有休息，倒算和它有點緣份。到達時約七點，全店滿座，幸等位的人不多，只需一會就能入座，唯店子不大，環境擠迫得很，二人不但要搭檯，伙計更不時在身旁擦過，坐得實在不太舒適。要了二人世界蛇羹自選套餐 ($330)，包括一碗蛇羹、兩碟小炒及特色飯，價錢不算便宜，但作為開年飯，也應該吃得豪氣一點！先來的是重點鮑魚燴五蛇羹，單售七十大元，跟餐加多一碗也要五十五元，這價錢在「蛇王界」可說是數一數二，所以我們只要了一碗共享。這裡的蛇羹質地較稀，入口滑溜，味道卻十分濃香，配料包括鮑魚絲、蛇肉絲及冬菇絲等，切成幼細，全是功夫所在，放在面頭的檸檬草傳來一陣清香，連同薄脆吃，的確蠻有水準。跟蛇羹相比，原來蛇王芬的小炒水準也毫不遜色，椒鹽鮮魷上檯時仍然熱辣辣，炸粉薄夠香口，調味恰好，沒有出現過鹹的情況，沾少少喼汁吃，味道更加吸引，絕對是上佳之作。是日沒有豆苗，我又不想吃西蘭花，結果來個蚧肉扒芥蘭，芥蘭的莖位經削薄後仍然爽脆，芡做

天氣冷特別想吃熱騰騰的東西，和老公想來想去，既想吃煲仔飯又想吃蛇羹，於是想到了蛇王芬。到達以後，肚子已咕嚕咕嚕地响，別想了，就要個二人餐吧。 先吃蛇羹，果真是招牌，真材實料，味道也鮮，吃完也不覺口渴，好吃！ 再來就是兩個小菜--西檸鴨和蟹肉豆苗，味道不錯但份量略少，大食老公有點不夠。 膶腸鮮雞煲仔飯是我的最愛，小妹甚愛蛇王芬的膶腸，吃得讀書時代零用錢有限，吃一碗盤$30的膶腸飯已屬高消費了。到了現在我還是每年要到訪一兩次，可見它的魅力。 吃飯時看見老闆娘寫的食譜，裡面除載有蛇王芬的招牌菜，還有不少傳統菜的食譜，看後買了一本，還得到老闆娘親筆簽名和提字，真是驚喜萬分，小妹在此謝過。 唯一要改善的是位置的安排，我們當日坐近門口，座位太狹小，加上寒風陣陣吹來，實有點吃不消。