蘇三茶室 (已結業)

放工後專程造訪。之前呢度有唔少嘅宣傳，亦加深自己對佢嘅出品嘅期待...鋪頭開响車房林立嘅美善同道，若果唔係熟客或老饕，真係唔知點嚟幫襯...一踏入鋪，確實別有洞天。雅致嘅装修，好有家嘅感覺..去到時間尚早，一個人包晒成個場。到食完走嗰時都係...本menu設計好特別，可能同蘇三本身係讀design有關la...似本散文多D，裏面嘅插畫好特別...嘢食好最重要。自己不嬲唔太喜歡叫set dinner，但為咗試多D嘢，就破例叫一個。Choices算幾多，知道呢度嘅煙燻菜式不俗，但冇响Set menu出現，要散叫。個肚又唔爭氣，都係下次先試la..先嚟例湯苦瓜黃豆豬骨湯，水準一D都唔"例牌"，味道好家常，好清，係一個好開始...主菜係鹵牛展蝦籽撈麵。用上靚豉油嚟撈，食落口後有少少豬油香味，加分^_^。難得碟底一D都唔油亦冇多餘豉油，可見撈得夠均勻。呢個工夫，記憶所及只係筲箕灣安利先做得到；牛展亦係用靚嘅金錢展，不過稍嫌唔夠濃味，可能自己喜歡濃嘅調味la；碟底仲鋪有一D炸過嘅蒜頭，令個麵更香...吃出過癮嚟。再叫一個魚湯浸大白菜。魚湯雖濃，但可惜食出有苦味，女友認為可能劏魚時割破個膽而造成，若

中秋節，當然要應一應節，食返個月餅啦，見到這個軟心朱古力月餅幾特別，便決定試一試。我們叫了煙火腿蝦籽撈麵、意義大利乾菌手打意粉、桔酒煮蜆、軟心朱古力月餅和北京手搖湯圓。煙火腿蝦籽撈麵- 煙火腿很香煙薰味，口感又好，很多蝦籽，和老闆娘那裡真係不妨多樣，麵質煙煙韌韌，爽口彈牙，可惜份量比較少，唔多夠喉。意義大利乾菌手打意粉- 微微辣，意粉口感好特別，非常有咬口，有點像肉絲的感覺，實在非筆墨所能形容。桔酒煮蜆- 桔和酒味香濃，蜆又非常新鮮美味，可惜都係份量偏少。軟心朱古力月餅- 第一次食，感覺幾特別，相信係由軟心朱古力餅，轉變而成；主要係唔要蛋黃，改由軟心朱古力代替。朱古力濃度很夠，尤其是熱食，感覺更加好味，可惜外皮比較厚和硬了一點。北京手搖湯圓- 每次來到都想試，但每次也是即興來，沒有預訂便沒有得試；今次終於試到了，聽說不是即搖即吃，鬆軟口感會完全唔同，外皮唔算好煙韌，但鬆軟度很特別，和一般食開的感覺完全唔同，細細粒一口一粒，說真的又真係幾好食。汁湯底，味濃微辛辣，加上湯圓一起食，實在非常合識。食物質數真係幾好，但價錢偏貴和份量太少，感覺就唔多抵食。

早前星期日再到這裡，因沒有特別事做，所以可以慢慢食，休休閒閒的渡過。我們各叫了一個午餐，燕皮水餃日丁和煙雞湯烏冬。燕皮水餃日丁- 真可說皮薄餡靚，細細隻一口一粒剛剛好，味道鮮甜，看完介紹才知，燕皮係以豬後腿瘦肉搗成肉泥，以番薯粉拌入攪拌壓為薄片而成，再包以豬肉餡，功夫真係唔少。日丁煮得剛好，唔會太腍幾爽口，再加上麻油香，就更加好食了。煙雞湯烏冬- 煙雞很香煙燻味，也有陣陣迷迭香的香氣，肉質嫩滑，切得薄薄的幾片，份量就少，烏冬唔會太腍，幾有口感。餐茶叫了即磨咖啡，這個就好一般了，唔夠香味道也太濃，作為餐茶，都唔可以要求太高的。

本來該先寫美華，再寫蘇三，但食友起行在即，趁有時間忙撰此文。美華之後，大家已有8、9成飽，來這裡是試試私房甜品。聞說是某總編開的私房菜，管她的，偶看的是食物。設計方面是有心的，訂製的陶瓷及open kitchen，甜品用特別的中式陶瓷碗載著，唔食得都睇得下。說這裡的煙燻出色，初時以為是中式燻法，原來是西式的煙燻，可能方才吃得太飽，味蕾對煙燻之味變得麻目起來，對此煙燻，印象麻麻。原來這裡吃甜品有幾味是需要預訂的，北京丸子，是手拉的，要早日預訂，對丸子情有獨鍾，好想食，但，事前點解無人話偶知的呢？？？吃過燻菜後，食友宣佈她的大計，眾人嘩然後，是一番的道賀，偶討厭恭維，在此說句：「祝平安」。

下半場開波,換邊再戰,地點係咫尺之遙的蘇三茶室,十三個隊員,入到去此細致茶室,近乎包場.上半場前過去同負責人單聲我們大約有十二人會過來吃甜品.)入到門口,店方已將數張細檯乾坤大轉移,拍成一字長蛇陣的長檯.席上有些食友對此店存在一定之期望,眾人拿起本類似飲食大全的餐牌,似乎愛不惜手.單係甜品,眾人傾向70巴仙的朱古力,可惜無晒,退求其次要50巴仙,小弟要個特濃芝士餅,另再叫個煙燻拼盤來分甘同味.兩個吧!)麵包兄搭咀叫住一個先啦.)拼盤有煙豬手,煙雞翼,煙雞肉,中間放著薯仔.西式煙燻同中式有別,聞落去煙味飄香,入口的煙燻味,並不會一馬當先,而係很有後勁的濃厚.特濃芝士餅,又真係幾濃,小弟多多都受得起.路比的焦糖焗蛋,賣相精美,味道應該不錯.友人E小姐的薑汁撞奶,回應好味.)專兄在menu上見到舊煙火腿,成舊東坡肉,見獵心喜,即追加一客.上桌已經切片,一片一片有序地排放在碟內.同樣煙燻味夠,肉質很爽.侍應過來推介羊肉酥角,星爺即刻點頭.六隻每人分半隻,賣相極似坊間老外速食點的批餅.連餡料也近乎雞批無異.食味唔錯,白汁羊肉.唔算很騷,外層酥皮鬆化,相信唔"哈"羊者,也會愛上.吃到差不多餐廳打烊

真的很喜歡訂製的餐具- 秀氣優雅外，色澤清淡均勻；不是劣等貨色之餘，且保養得好。一大班人一起光顧，當然可以多試幾款食品。點了煙燻拼盤、羊肉酥餅，也各自點了甜點：煙燻的物事是用西式燻法，中式名堂弄中式菜料的西菜- 稍事言過於實；但又如某君言，如果用中式燻法弄菜，open kitchen 一定不勝負荷；羊肉酥餅給我的第一印象是教中式的，但出來的竟是徹頭徹尾的「雞批樣」...但用忌廉、雜豆弄羊肉，竟頗匹配。叫的是50% 黑朱古力慕思：挻幼滑，甜度適中...但仍然希望一試70% 黑朱古力慕思- 對我而言，始終不夠巧克力味，且想試試70% 上松子製作後如何。Creme Brulee 也幼滑，且即叫即把焦糖弄焦- 從pattern 看，焦糖的分佈是十分均勻的。最教人驚喜的是最廉宜的花生糕：份量雖少，但能不把花生碎在做糕的過程，或者儲藏的過程中弄得稔或者溢，時間是控制得蠻好的。 一大班人一起光顧，當然不敢奢望甚至要求有甚麼服務- 能自娛自樂，欣賞人家的裝修和工藝品之餘，又阻人家收爐，還想怎樣？

一間幾有特色的小店，開在一個人煙稀少的地方，員工休閒的在工作，來這裡食返過下午茶餐、甜點或私房菜，也是一個幾唔錯的選擇。食物方面，很多都要預訂，連一看似很簡單的食物(例如：北京手搖湯圓)，都竟然要預訂，但當你看完它的menu便會知道，原來坊間的湯圓，大部份是一早做好，這樣會令鬆軟的口感變差，完全不是即搖即吃的感覺，連這樣少的地方也注意到，可知它們是幾有心去做好這間食店。是次沒有預訂(手搖湯圓)，只好留代下次再來時，先打電話來預訂。我只好叫了50%瑞士朱古力慕絲，另叫了一些鹹點，煙燻併盤(大)、煙火腿和羊肉酥角。50%瑞士朱古力慕絲- 本來想叫70%的，但因賣完，只好退而求其次，要了這50%的，朱古力味幾夠，又香又滑口，味道都好好；如係70%，相信會更合我的心意。煙燻併盤(大) - 煙燻味很夠，肉質很有咬口，中間的薯仔蛋，也很香蛋味。煙火腿- 一碟只有薄薄的幾片，但口感絕佳，煙燻味也很夠，原來要焗一晚才可以有這麼濃的煙燻味，煮一碟所需的時間真係唔少。因此貴一點也是值得的。羊肉酥角- 即叫即做，酥角很香脆，看落有點像叉燒酥，羊肉食落唔會很羶，感覺比叉燒酥更好味。還有幾樣要預訂的食物想試，下

在土瓜灣隱閉的美善同道,除卻歸隱多年的上海菜館美華外,尚有間格調雅致的"茶室",名叫"蘇三茶室".蘇三何許人?此人是曾在飲食界打滾多年,曾任某飲食雜誌身居要職,今天利用多年來在工作上得來的知識,經驗,於是在此不起眼街道開設此茶室.同耀華街一樣,車房林立,路邊無人,地鐵不能直達,處境更差,摸得上門,紅土人原居民外,其他的,應該也算是慕名而來的.否則,真係執得都似.開在這個位,少一點實力,名氣都唔掂.下午差不多兩點才到,全場得我一個食客,更加可靜心享受個懶洋洋下午.Set lunch有幾樣揀,$30 - $42.得知蘇三其中一樣擅長的菜式,就是煙薰菜色,見到Lunch set有煙燻雞肉烏冬,$42一客,凍飲加$2,吸引力比長洲魚蛋大得多.打開個餐牌,全由主理人操刀,相當得意,根本就是一本迷你飲食雜誌無異,內容有食譜,飲食人誌,和其他飲食上的知識等,閒來無事一個人來,用來打書釘也不失為賞心樂事.蘇三的煙燻雞,有別之前在中式菜館,此店用的是西式香料Rosemary,七里香等去煙燻.用其材料蒸其四十五分鐘,再慢慢焗一整夜.得出來的,就是點到即止,恰好的煙燻味,沒有中式的那麼霸道,只有翩翩的歐州香

兩個人...九點幾黎醫肚....完全係被佢既裝修吸引....外觀以為佢係西餐廳...但係食具上又極東方色彩....呢間餐廳根本唔應該出現係呢條車房街...佢應該係南丫島呀...長洲呀...西貢呀果D...佢同呢條街既格調好格格不入....佢既出現好似一個海市蜃樓...只有set dinner 供應..但係最想食既A & B 餐均已售罄...噢...早知唔入黎....係冇乜得揀既情況下...揀左煙雞絲湯烏冬& 牛丸日丁...個煙雞味道唔錯...睇埋佢本booklet 介紹...原來加入好多香料醃製...難得味道仲咁清香...但係要成$6X...甜品我要左homemade cheesecake...okay呀....另外所謂日丁者...日本版出前一丁是也...加幾粒牛丸賣$58...過份左囉...雖然佢D牛丸唔係機製貨...我估係佢地自家手打...因為加入左菜莆...好少有...又幾特別...但係成個set 就係呢5粒牛丸+即食麵+一杯涷飲+椰汁紅豆糕...唔記得有冇加一...但係覺得唔係好合理囉....我知你有heart...食物裝修餐具都花盡心思...但係經營生意... selling

雖然近來有雜誌sell呢間野，但去到一食實在令人大失所望. 先是裏面的人毫不像一間食肆應有的服務人員, 雖然他們也做私房菜，但最少也應做到一點專業的服務水平. 那個年輕的waiter, 說話蚊滋咁，連水也不給我們一杯，而餐具也不先擺好. 服務水平無半點專業. 叫了個雜菌意大利飯餐，一個鴨腿連梅喱（忘了是乜乜鴨），一個三杯雞翼:1.三杯雞翼20蚊得三隻中翼，雖加了酒味，但距離「三杯」feel千百丈遠，物絕非所值2.鴨腿--簡直無厘文味，78元得幾片薄片，絕絕絕絕絕非所值！！！梅喱其實係jam、離譜3.意大利飯算ok, 但亳不突出, 一set連mini的cheesecake，78元，較可以接受唔知係咪佢D野唔夾我口味，總之咁水準又話去做私房菜我就打死都信唔過唔會試, 現在豬狗亞茂亞壽都話自己的是私房菜，咁我老媽子的蕃茄蛋牛肉都係私房菜囉……………..

我同老媽子看過某雜誌介紹，叫兩個set lunch，一個係台式魯肉飯，另一個係烏冬。先係魯肉飯，根本不值一提，肉又乾又淡，飯就不過不失啦，但係就完全無台式風味。跟餐杯涷好立克，當我倒糖水同埋插支飲筒落去就發覺多冰到支飲筒插都插唔落。不過咁都未算最，我老媽子個烏冬我食完個飯之後都未，最後我地到埋單走人，個伙計仲好意思收我地個烏冬錢，仲唔信我地冇食過個烏冬，真係激死我地！

經常上openrice看食評,卻沒有想過要寫下些什麼. 但對蘇三茶室的食後感實在不得不跟大家分享. 上星期六終於去了一直渴望嘗試的蘇三茶室. 前陣子於雜誌的一輪宣傳攻勢令我對這裡很是好奇.食評人蘇三於土瓜灣小街內開設一間專賣自己最喜愛的食物的餐室,菜式用料需不是名貴,但卻是一絲不苟,落足心機烹調. 可惜當天我只有一個人,未能多試幾款食物.當日點了:腐乳厚多士+ 飲品$20沒想到這裡連阿爸阿媽年代的小食也有. 腐乳+糖+厚多, 很懷舊的味道.燕皮水餃日丁$40這個真的不得了! 日版出前一丁相信大家也吃過,但當我喝下第一口湯的時候,真的令我有很感動的感覺.蘇三在湯裡加了雞蛋,需然看不到,但蛋汁加出前一丁的完美配搭實在太美味了! 還吃得出她是最後才把蛋加入,因為偶爾還會吃到半生孰的蛋白纏繞於麵條之間. 燕皮水餃也是自家製之出品.爽口鮮味.餐室的布置給人很閒適的感覺.點點舊式的裝修跟所賣的食物很相配.我在這裡吃了一頓很滿意的午餐,過了一個很寫意的下午.我誠意向大家推介蘇三茶室.