藍象泰國餐廳 (已結業)

又係朋友聚會，朋友們都想揾一個坐得舒服，地點正中，性價比高嘅餐廳。當然聽落都好似要求很高好難揾到，但係推介哩間泰菜館就乎合到全部要求。無論地方裝修食物賣相嘅顏值都十分高！服務員亦細心主動，感覺良好。開場先黎杯泰式冰茶，香味甜度兩者之間配合剛剛好。再由頭盤嘅小食併盤開始太好食已經唔記得俾相機先食！之後食左全份炸魚餅，大蝦乾炒椰菜苗，青咖哩雞炒飯，大蝦冬陰公湯同埋汁燒排骨！特別喜歡那個青咖哩雞炒飯，個炒飯用乾咖哩粉一起炒所以很香，配埋個青咖哩一齊食又唔會感覺好濃嘅味道，非常好食。

泰國菜一向係我top 3 之內，平又有食貴又有食今次係尖沙咀有質素既泰國菜之一門口好低調，以藍色為餐廳主題顔色帶一點寧靜室內光線柔和餐牌餐具一貫餐廳藍色的主題碟中一點藍豬頸肉，一份量十分之多，切得比較薄身，配上醬汁分外好味冬蔭公，帶有小小辣味，蝦好鮮甜彈牙質素十分好~~~我一向熱愛青咖哩多於給紅咖哩/黃咖哩青咖哩帶點柔和，同肉類非常協調，味道又吾會好搶~~~烤餅即整，入口香脆，食咖哩首選，比配飯更出色

女朋友一直介紹話好想嚟呢間餐廳食 所以今晚就去walk-in 去到reception位置 冇人 咁就直接行入間餐廳 有個員工帶咗我哋去中間嘅二人枱 落完order 嘢食好快就送上嚟 送餐次序都好唔錯 先係食咗頭盤 跟住就有個冬陰功湯做咗 可惜個冬陰功湯完全唔熱 冬陰功湯嘅底下係有一個小蠟燭台 但係完全冇作用 純粹display 冬陰公隻蝦係急凍蝦 個湯嘅味道唔錯 但可惜啲椰奶因為唔夠熱所以已經瓊曬一粒粒 我自己都好手多 將個冬陰功湯煲拎咗上手摸一摸喺蠟燭燒著嘅位置 係唔熱嘅 真係一個非常大既敗筆 雖然員個員工都做得好好幫我哋分埋湯 但係個湯真係凍嘅 我哋仲叫咗一個法包 個包一口就食得出係有雪櫃解凍嘅 咬落去 個口感真係好奇怪... 頭盤個炸軟殼蟹米卷 啲軟殼蟹係林曬嘅 啲醬個味道係唔錯 但可惜個主角原來係林嘅 ... 咁main course 叫咗個蝦醬炒菜 好好味 好夠火喉 個燒豬頸肉都好唔錯 特別係個醬汁 唔算太辣仲有甜味有酸味 好好食! 其實整體上都唔錯 只不過 溫度唔夠真係差好遠 同埋佢哋serve嘅水係水喉水 其實加裝一個過濾器係咪真係咁貴呢😅

話說舊同事生日,佢又好鐘意食泰國菜,2個人好浪費咁食泰國菜,所以就選擇了blue elephant ,係habour city ,又對住維港主題係用藍色,都幾有情調window seat 全部都對住維港景,特別開心擺設好別緻炒通菜,好夠味,唔會太咸招牌冬蔭公,勁大隻蝦,2隻手指咁粗蝦肉好彈牙,啖啖肉,冬蔭公勁香,辣辣地好惹味我同朋友都搶住飲,飲完後又唔會口乾,真係唔錯同樣係招牌,菠蘿炒飯我見差唔多每一枱都有點每粒飯都係黃色,又有好多鮮菠蘿肉仲有腰果同肉鬆,好好味飯好有嚼勁,真係好好味~

今晚約左個朋友食飯，接佢放工即刻沖去尖沙咀。我地都係忠實泰國菜粉絲，早早訂左位想去「藍象泰國餐廳」食飯，鐘意餐廳環境又大又舒服，而且仲有海景睇。我地兩個人叫左四個菜開心share！小食拼盤，咩都有啲岩哂我地口味啦！串燒和蝦餅超好食，串燒香口唔乾身，調味好惹味，蝦餅外層卜卜脆唔油膩，中間蝦肉爽口。花生馬可好正！必食！我好鐘意食果仁架！鐵板蠔仔蛋，蠔肉大大隻唔會腥，加上雞蛋燒香，入口好香甜。椰皇海鮮濃湯，椰子肉好香甜，湯汁香濃加入海鮮，鮮香味道突出，超滿足。豬頸肉什菜炒河，豬頸肉香口彈牙，肉質爽嫩，肉味清甜，河粉炒得乾身唔會好油膩，味道仲好濃香！我地超滿意啊！

今日同媽咪撐枱腳，佢話想濃味野，揀左呢一間泰國餐廳，餐廳走西餐fusion 路線，裝修都係西式豪華風，早啲book的話，窗邊位可以望海________________🔹炸軟殼蟹 $98原隻軟殼蟹拎去炸，蟹肉好厚身，同竟然食到肉汁？！配既醬汁辣辣地，幾惹味上碟仲有不少沙律菜墊底，好新鮮同中和不少油膩感.🔹香茅炸蝦餅 $54/半份內裡有大大粒蝦肉，咬感爽口，好新鮮，不知不覺就食晒.🔹燒大蝦炒金邊粉 $152味道好正宗，酸酸甜甜咁隻大蝦成隻龍蝦咁大大大啖肉，好爽口燒過之後個殼好香，食落更加惹味.🔹黑白糯米飯配泰國芒果 $88糯米煮得好靚，配埋夠晒大大粒既芒果，可惜當晚既芒果唔夠甜.糯米飯整成細細粒既一口size, 好方便食。總共有兩款口味，白糯米香啲, 配椰漿黑糯米有咬感啲就配芒果漿.除左芒果糯米飯，仲跟埋個雲尼拿雪糕，上面仲淋上溶朱古力同加左啲脆脆，一啖食晒落口，口感好豐富丫

一間裝修十分西式，亦非常浪漫嘅泰國菜館。第一次到訪感覺良好，雖然坐位唔算好寬敞，但個設計都令人感覺舒服，有私人空間。是次同友人點了一個兩人晚餐，食物款式都幾多，各人一個三并頭盤，一個大蝦冬蔭功同埋四個主菜，仲有兩個白飯，其實都算多野食。值得推薦！

一坐落叫落單, 個waiter態度已經係怪, 咁我地見佢無拎紙筆任何野記低，咪唔出聲住諗住佢會拎野黎mark低，點知佢好"掘" 咁同我地講 "你地講啦! " 仲好唔小心咁用佢帶住濕ge膠手套ge手, "hi"左落去我其中一個fd到... 第一個菜係生菜包,  menu 無寫有豬/雞揀, 個waiter都無問, 黎到係雞, 我地問佢, 佢話係有豬同雞, 我地無講所以黎左雞, 不過佢都叫做肯換比我地。到第二樣, 係燒豬頸肉，D豬係唔熟, 粉紅色ge... 但我地真係唔敢再又換又成, 唯有唔食算... 冬陰公湯唔香而且唔夠熱, 只係暖暖地。 椰菜苗好硬好老，馬沙文咖哩牛係正常，但一定唔值$200幾蚊。食食下, 有waiter幫我地refill 水凍, 咁我地話"唔好意思, 我地果D係熱水" (因為有幾個有左BB) 跟住個waiter就咁行開左, 無再幫我地refill 過水... 我見openrice 有好多哈哈笑, 之前唔信有打手, 而家好信! 

朋友知我中意食泰國菜，話有間好食既帶我去！餐廳坐落於海港城個邊，好方便！入到燈光帶藍調 有點異國風情！前菜叫左個西瓜沙律，平時好少見用西瓜做沙律，西瓜上鋪滿咸香既肉鬆，上面再加上魚籽做topping, 咸咸香香既肉鬆配上清甜既西瓜 出奇地夾呢！ 好開胃！青咖哩雞炒飯，青咖哩係另外盤上既，可以按自己愛好加落炒飯，炒飯炒得乾身不油，雞肉唔會炒到乾哂，味道惹味，青咖哩湯底濃郁，入口有椰香味，十分送飯呢！跟住我仲叫左菠蘿沙冰，冰冰爽爽，配泰國菜一流！呢度上菜快，而且店面十分乾淨，下次一定會再黎

之前去曼谷錯過了藍象，見香港有就食返一次，結果令人失望。事先訂位，所以星期日都唔使等，但可能週末較多人，落單需要用d時間。叫左雞，豬肉串燒，味道不俗。辣肉碎沙律，生菜十分新鮮，配合辣肉碎整生菜包味道很好。小食及冷盤之後，問題出現，冬蔭功湯上台時有個爐仔熱住，睇落幾好，點知一飲發現係「暖」的，完全無湯既熱度，d湯唔熱好似有一層嘢係面咁。第一次試飲一碗好似嘆凍左既冬蔭功，成碗嘢只得大蝦係好食。之後既炒蜆都係同一個問題，味道唔錯，但都係唔熱，好似攤凍左咁。全晚最好食就係個甜品，芒果夠甜，糯米有咬口。總括嚟講，好多泰菜都好食過佢。

睇戲前醫醫肚先，近近地就選了這裡吃我們的晚餐。想不到平日的夜晚都差不多full house。被安排在窗邊實在太好了，雖然夜晚其實是什麼景都看不太到😂。只不過看著靜靜的海感覺還是很relax! 點了: Blue Mai Tai $68軟殼蟹米紙卷 $118泰式和牛沙嗲(4串) $108燒大蝦炒金邊粉 $152 蝦醬辣椒炒通菜 $98 Blue Mai Tai $68第一次在這裡點cocktails，變奏版mai tai，在泰國餐廳裡點cocktails有少少risky，不過這杯比我預期好喝，酒味夠，不會太果汁，份量合理，不是happy hour也只是$68，飲得過！對酒鬼來說有驚喜軟殼蟹米紙卷 $118這碟在下單後秒速送上。賣相不錯，不過稍嫌不夠熱，好像是一早整好的。軟殻蟹冷了，雖然大大隻，不過不夠脆口。另一款的米紙卷比較好吃，真材實料的，不過很多芫茜，食芫茜的朋友才好點這款😂。泰式和牛沙嗲(4串) $108這碟也是一下子就上枱了。肉質粉嫩軟滑，豐腴入味，味道恰好，再配上沙嗲醬更滋味，很不錯！只不過就是不夠熱騰騰。蝦醬辣椒炒通菜 $98 等了一會，這碟是熱騰騰的送上！看著那白煙徐徐上升，

「藍象」在泰國很出名,所以愛食泰國料理的我一直想食很久了，今日特別同男朋友來慶祝紀念日。入到餐廳都有點驚喜，裝修典雅有格調，而且我們可以坐在窗邊位對著海景，所以感覺非常浪漫。我們總共叫了4 道菜每一道菜既擺盤都好靚好精緻，真係好岩生日特別日子來食一餐1️⃣小食拼盤$168好味指數：⭐️⭐️⭐️⭐️⭐️小食拼盤有炸蝦餅、沙嗲雞串、沙嗲豬肉串、青咖喱黃金包、馬可慢煮花生軟糖配新鮮菠蘿。每有2件左右，好岩咩都想嘗試下的人同情侶💑⭐️青咖喱黃金包➡️好像港式炸雲呑，外皮炸到金黃色，好酥脆，包住香辣惹味嘅青咖喱好好食。⭐️沙嗲雞肉同豬肉串➡️肉質嫩滑，燒得剛剛好，一點也不乾，好入味，蘸上沙嗲醬味道更香濃。⭐️蝦餅➡️好厚身好彈牙，蝦肉頗多，點少少甜酸醬，會想食多幾舊⭐️馬可慢煮花生軟糖配菠蘿➡️呢個真係第一次見🤓其實係椰糖加上花生煮在一起弄成一個小波，不黏牙，再配上菠蘿解膩，真是好好食，好特別好有創意的一個小前菜。2️⃣泰式香辣肉碎沙律$92好味指數：⭐️⭐️⭐️⭐️每次食泰國菜必叫生菜包食，呢道肉碎炒得好香，不過可惜無得揀辣道，不過有香茅及泰國香料，所以都好惹味吸引。唯一美中不足是生菜的分量不太夠，所以我們有淨肉碎，我們用來撈飯，發現

平時係尖沙咀多數都食西餐，今次就黎到藍象泰國餐廳食飯，個門口藍色望落唔似食泰國菜，入到去環境比較暗，仲有藍色既燈光添，好有氣氛，如坐窗邊仲有海景添。🔹炸軟殼蟹$98原隻炸軟殼蟹，好入味，但唔會覺得油，但蟹身就唔算脆，但我個人黎講就好岩我口味，再配埋生菜，咁就唔會覺得油，再配埋個醬加入菜同蟹，好似食緊沙津菜咁，好好味🔹泰式炒大蜆$148 見到餐牌寫住炒大蜆(辣)，好香辣醬味，但食落我就覺得唔辣，但有小小酸辣既味道，🔹蝦醬辣椒炒通菜$98有青椒 紅椒 再有大大隻蝦乾，真係好足料，用左蝦乾令到成碟菜更加入味更加香，而通菜好爽口，但份量只屬普通，但價錢就比較貴啦🔹芒果黑白糯米飯$88有2件 椰汁糯米飯 上面有椰汁，咬落好香椰子味，唔會覺得好甜，而黑糯米飯就好有咬感，咬到一粒粒米既感覺，而上面亦有芒果汁，每舊飯底下都會有一片薄薄芒果，夾埋個糯米飯，味道好清新而我就覺得白色既好味d。隔離有碗芒果 又凍又甜 真係好好味，再配埋個朱古力雲尼拿雪糕，上面配有椰子片乾真係好有心思，令到成個糯米飯都豐富佐好多🔹芒果沙冰$65芒果沙冰 唔會太甜 好夠芒果味 唔會似一般假既果汁味🔹椰子沙冰$65椰子沙冰就比較小

入到餐廳氣氛已經好唔錯 燈光好柔和今晚同朋友叫左幾多嘢食 因為好肚餓 我哋食咗菠蘿雞肉炒飯 佢係原個菠蘿🍍咁上 入面有好多配菜 包括肉鬆提子乾腰果等等 好有泰式風味同埋一次過食咗好多唔同口感之後仲食左炭燒豬頸肉 啲肉唔老唔鞋岩岩好 好味🤩飲品方面叫咗檸檬薑茶 好有驅寒嘅作用同埋好潤喉 秋冬好岩飲 朋友叫左椰子冰 正宗泰國椰子味 夠曬新鮮👏🏻最後叫左雞蝦春卷同梳孚里 春卷熱辣辣上台 夠新鮮 唔錯值得一試 梳孚里係青檸味 口感好鬆軟好似食緊空氣咁 雪葩都好有青檸味 同熱熱地既梳孚里好夾👍🏻

今日放工唔想咁早回家係海港城行左一陣，經過見到間大大藍色柱既餐廳行近啲睇下原來是食泰國菜的，格局帶少少神秘感覺裡面燈光暗暗好高私隱，跟住望下門口餐牌突然想食咖喱添。最後點了藍象特式青咖喱跟個香烤蒜蓉包再加個泰國皇家宮殿餃子餐具擺設好高雅跟番門口藍色格調，因為這間餐廳就係叫藍象好特別。藍象特式青咖喱，一碗唔算大碗但內裡都有好多料，牛肉好腍身唔嚡口青咖喱無紅咖喱咁辣，蒜蓉包好香好脆點咖喱食最夾，泰國皇家宮殿餃子幾特別一啲都唔似餃子樣子而是雀仔做形一白一藍配搭好生動。