影片
更多
2018-11-03
121 浏览
一坐落叫落單, 個waiter態度已經係怪, 咁我地見佢無拎紙筆任何野記低，咪唔出聲住諗住佢會拎野黎mark低，點知佢好"掘" 咁同我地講 "你地講啦! " 仲好唔小心咁用佢帶住濕ge膠手套ge手, "hi"左落去我其中一個fd到... 第一個菜係生菜包, menu 無寫有豬/雞揀, 個waiter都無問, 黎到係雞, 我地問佢, 佢話係有豬同雞, 我地無講所以黎左雞, 不過佢都叫做肯換比我地。到第二樣, 係燒豬頸肉，D豬係唔熟, 粉紅色ge... 但我地真係唔敢再又換又成, 唯有唔食算... 冬陰公湯唔香而且唔夠熱, 只係暖暖地。 椰菜苗好硬好老，馬沙文咖哩牛係正常，但一定唔值$200幾蚊。食食下, 有waiter幫我地refill 水凍, 咁我地話"唔好意思, 我地果D係熱水" (因為有幾個有左BB) 跟住個waiter就咁行開左, 無再幫我地refill 過水... 我見openrice 有好多哈哈笑, 之前唔信有打手, 而家好信!
张贴
