藍象泰國餐廳 (已結業)

平時係尖沙咀多數都食西餐，今次就黎到藍象泰國餐廳食飯，個門口藍色望落唔似食泰國菜，入到去環境比較暗，仲有藍色既燈光添，好有氣氛，如坐窗邊仲有海景添。🔹炸軟殼蟹$98原隻炸軟殼蟹，好入味，但唔會覺得油，但蟹身就唔算脆，但我個人黎講就好岩我口味，再配埋生菜，咁就唔會覺得油，再配埋個醬加入菜同蟹，好似食緊沙津菜咁，好好味🔹泰式炒大蜆$148 見到餐牌寫住炒大蜆(辣)，好香辣醬味，但食落我就覺得唔辣，但有小小酸辣既味道，🔹蝦醬辣椒炒通菜$98有青椒 紅椒 再有大大隻蝦乾，真係好足料，用左蝦乾令到成碟菜更加入味更加香，而通菜好爽口，但份量只屬普通，但價錢就比較貴啦🔹芒果黑白糯米飯$88有2件 椰汁糯米飯 上面有椰汁，咬落好香椰子味，唔會覺得好甜，而黑糯米飯就好有咬感，咬到一粒粒米既感覺，而上面亦有芒果汁，每舊飯底下都會有一片薄薄芒果，夾埋個糯米飯，味道好清新而我就覺得白色既好味d。隔離有碗芒果 又凍又甜 真係好好味，再配埋個朱古力雲尼拿雪糕，上面配有椰子片乾真係好有心思，令到成個糯米飯都豐富佐好多🔹芒果沙冰$65芒果沙冰 唔會太甜 好夠芒果味 唔會似一般假既果汁味🔹椰子沙冰$65椰子沙冰就比較小