藍象泰國餐廳 (已結業)

下午茶時間喺海港城行街, 經過藍象, 被佢地門口張海報吸引住, 一個三層式鳥籠設計嘅下午茶, 再望下個價錢, 好大眾化, 於是就入去試下, 被安排左喺窗邊嘅位置, 望住個海, 景觀一流, 坐得舒服, 呢類三層式下午茶, 據講係由下層食起㗎, 每層都有三款美食下層有香脆蝦餅, 正如其名, 非常香脆可口；泰式春卷, 好鬆化, 配埋醬汁, 酸酸甜甜, 開胃惹味；泰式比利時炸蝦, 入口不油膩, 啖啖蝦肉嘅鮮味中層有柚子蟹肉沙律卷, 用香葉包住, 外型可愛, 柚子清新原來同蟹肉嘅鮮味好夾啊；馬可, 馬可係用豬肉碎, 花生加蔗糖做, 底下用菠蘿墊住, 酸酸甜甜, 好有特色；皇家宮殿蒸餃子, 可愛賣相令你唔捨得食左佢, 皮不會太厚, 咬落去透著香茅嘅味道, 可愛又好味上層有泰式辣朱古力, 濃郁嘅朱古力味道, 透著淡淡嘅辣味, 互相配合； 暖心榴槤撻, 餅皮鬆化, 榴槤獨有嘅味道在口中散發出嚟, 榴槤愛好者,一定要試下；班蘭撻, 撻面加左新鮮嘅藍莓, 加上班蘭嘅清香, 好好味水仙芒果糯米飯沙冰加$25嘅特飲, 因為係用泰國水仙芒打成沙冰, 水仙芒清新嘅芒果味, 令你一飲難忘, 𥚃面加左糯米飯, 有咬口

約左男朋友睇戲，未夠鐘打算去海港城搵野食，見到呢間泰國餐下午茶$168 for 2，有d吸引。除左high tea仲有普通下午茶餐，但是日不太餓就無試。環境幾闊落，星期五下午時間都唔算多人。等左唔係好耐就有得食啦！又係相機先食時間！最底層係炸物，上枱時仲熱辣辣，好脆口，春卷都好多餡料。中間果層都係咸食，其中最左面果個Ma Hor 係類似花生醬波配菠蘿，幾特別。另外個皇家宮殿蒸餃都好可愛！最高層的甜品口味都幾特別，暖心榴槤撻我最喜歡，好香榴槤味！右邊原來係泰式辣朱古力！第一次試，都幾過癮。飲品我地試左水仙芒果糯米飯沙冰同泰式奶茶配手炒黑糖珍珠，個沙冰好好飲！入面真係有糯米飯。反而個珍珠奶茶就比較遜色，珍珠比較似啫喱涼粉。high 住tea睇日落都幾疏乎

最近返工轉左地方 不過都仲係好近海港城 今日我早放工咁岩又有個friend 得閒 所以我地兩個港女就去嘆high tea la~~ 呢間餐廳係位於海港城隔離嘅港威商場 近中港城個邊 間餐廳叫做blue elephant thai brasserie第一次去食比佢嘅裝潢所吸引 門口藍色嘅大柱上有泰國特色既畫像 餐廳內裏寬敞明亮 而且仲播住輕鬆嘅純音樂 環境相當清幽舒服 不得不提嘅係一邊食一邊可以享受住海景 望住一望無際嘅海真係冇得輸除左環境高級 佢食物都相當不錯 因為我同個friend 唔想食太飽 所以只叫左個tea set 以下係我覺得係呢個set 嘅重點首先講下個泰色炸蝦 佢唔厚粉 而且熱辣辣好正 裏面隻蝦都好彈牙 粉同蝦之間仲有一層有啲似蟹膏粘粘地嘅嘢 幾好食!! 春卷就幾脆 裏面都幾厚實足料 柚子蟹肉沙律卷柚子味甚濃 我覺得蓋過左蟹肉味 不過都清新醒胃 至於佢個泰色朱古力 佢特別個位係一開始係朱古力味 然後係係個口腔裏面漸漸滲出微辣 裏面冇蛋糕 係成舊朱古力 唔會太甜 不錯個榴連tart 好香榴連味 鐘意榴連嘅朋友一定要黎試 至於個泰色蒸餃子幾值得試下 白色呢個皮唔厚 有少少甜味

一行十一人去尖沙咀海港城搵食本來諗住去食the cheesecake factory 但係實在太多人等位, 就轉咗上嚟食樓通呢間泰國菜😂😂😂炭燒豬頸肉 -- 全晚亮點， 炭燒味好出 ，肉質嫩滑彈牙 ，加埋個特製醬汁酸酸辣辣咁好夾👍👍 必食之選大蝦炒金邊粉 -- 一隻大蝦做餸好似有啲小，不過炒得幾好香口 木瓜沙律 -- 唔似泰國啲木瓜沙律咁辣，可以算係十小辣。好開胃鯪魚餅菠蘿雞肉炒飯 泰式拼盤 -- 串燒有啲乾，入面嘅蝦餅最出色🦐🦐🦐

平時食泰國菜多數都係去九龍城，貪佢夠地道之餘價錢又親民，但大部分餐廳環境都一般，今日行過尖沙咀見到呢間藍象泰國菜，聽講泰國皇室都食，又見到裡面環境好正，所以就決定試下。餐廳環境真係一流，從來未試過咁有格調既泰國餐廳，呢度真係好有feel。青咖哩雞，唔算辣但好惹味，雞肉鮮嫩而且好入味，用黎送飯一流。蝦仁炒露筍，又係一碟惹味既泰菜，值得一讚係啲蝦仁好大隻而且鮮味十足。當然唔少得我最中意既炒金邊粉，加埋隻燒大蝦正到無倫難得有一間無論環境同食物都咁高質素既泰國餐廳，中意食泰國菜既朋友唔好錯過。

下午茶就食得多但係泰式下午茶真係未試過，所以聽講海港城嘅blue elephant出咗個下午茶即刻約埋老公去試坐低見到個餐牌真係不能置信，係海港城呢個價錢可以食到個下午茶仲包飲品真係無得輸首先間餐廳環境好舒適，坐得又舒服，服務又周到個Tea set放係一個雀籠入邊好精緻，鹹點包括炸蝦餅炸大蝦同春卷，剛剛好唔太油膩 非常好 甜點有我最鍾意嘅榴槤tart老公唔識我食埋yeah!個辣味朱古力都好特別，因為未試過，有驚喜飲品我加錢叫咗個芒果糯米飯沙冰好得意啲糯米一粒粒好有口感，重點推介大家去開海港城不妨一試，行完街歇歇腳一流

平時試西式afternoon tea就多，今次試泰式。依間餐廳有海景，但如果食tea時間坐窗口位，就相對熱少少。餐牌除左afternoon tea set，仲有其他主食選擇。有9件咸食同甜品。炸物最特別係炸蝦，有薯蓉同青咖哩包住隻蝦。第二層較為特別係餃子同泰國貴族小食馬可。餃子味特別，有強烈冬蔭公味餡料。馬可，我就一般，食來應該係菠蘿加堅果。甜點：榴槤撻，一咬好濃郁既榴槤味，皮好酥脆。辣味朱古力，夠吸引。一開始係唔覺辣，但之後辣味就出。特飲：芒果糯米飯沙冰芒果味重整個afternoon tea都好有特式，食到泰國特別小食，而甜品唔係只係得個甜字，不過大食的朋友仔未必夠飽。另外，依到侍應冇咩禮貌。

是日是我們家的呀仔生日飯，餐廳是呀仔精心挑選，我們大家已很久沒有食泰國菜，而這家坐落在海港城亦非常方便大家，一行7人就來試試，坐下來看餐牌時我已發覺我們應該選擇錯誤，很多食物每碟也只是供應二至三人份量，跟我們以往食開的泰菜份量大大碟不同，沒關係，多點幾個餸菜，我們已想好點什麼菜時舉手舉了三分鐘亦沒待應來理啋我們，但反而看見有三名待應在Bar 枱聊天，直至其中一位看到我們，沒有笑容加目冇表情上前為我們寫單，寫菜後亦是目冇表情什麼也沒說就離開，從沒想過在這些餐廳會有這種服務態度😡食到一半不夠食當然又要再加碼，情況和之前一樣，一樣沒有人注意到我們需要點菜，on my god 😌 ，算吧，大家對望一下，心想一定沒有下次，食物味道其實是可以的，但不是去到非常好食的地埗，最後我們要求待應幫我們影相，得到的Service 亦是非常不願意的態度，求求期期快速影了一張就交回電話給我們😌😌，這次體驗真的令我們這餐生日飯極不快樂，價錢亦不是便宜，以後也不會再幫襯。 以下食物亦沒有心情去評價，只能説食物份量偏少，味道是可以的，但服務態度嚴重影響了我們全家的心情。

同閨蜜行海港城行到攰攰地, 發現呢間藍象泰國餐廳,下午茶tea set for 2都只係168蚊兩位, 好抵! 一於入去食下野抖一抖~餐廳環境寧靜, 播住柔和既音樂, 好寫意~仲有窗口位可欣賞維港景色! 食個景都值得呀~忙碌既心情頓時平靜落黎, 接住黎既係一個小時既食物同環境享受~等左一陣, 三層既雀籠架到喇, 食物擺位都好精緻!我地由下層食到上層, 由咸食到甜~底層泰式比利時炸蝦: 外皮炸到金黃色, 香脆可口, 裡面包住原隻蝦, 爽口!香脆蝦餅: 啖啖蝦肉, 彈牙!泰式春卷: 餡料十足, 配上微辣泰式醬, 惹味!中層柚子蟹肉沙律卷: 一口size, 賣相別緻，柚子清甜中和蟹肉本身既腥味~泰式宮殿蒸餃子: 好可愛既雀仔樣! 外皮有椰香味, 裡面餡係辣既泰式香料味, 辣得過癮!馬可: 甜甜咸咸, 同菠蘿一齊意外地好mix!上層班蘭撻: 淡淡椰香味, 唔會太甜~暖心榴槤撻: 暖暖既榴槤慕思, 原來唔係甜而係咸既, 榴槤好香濃, 味蕾新享受!泰式辣朱古力: 食落去係甜既, 辣味慢慢滲出黎, 好得意好特別~下午茶餐包咖啡或茶,我地就另外加左$25轉左杯水仙芒果糯米飯沙冰同泡沫咖啡.估唔到個沙冰

難得有空閒時間同朋友去Blue Elephant Tea 一 Tea ，真係好幸福。藍象泰國餐廳blue elephant 係尖沙咀海港城，餐廳環境優雅，仲可以睇到維港美景，一邊享受美食一邊欣賞海景，真係好賞心樂事。今次我哋就叫了以半邊金雀盛載既下午茶套餐，Tea set包括9款美食，有泰式春卷、炸蝦、拉提米蘇杯、斑蘭撻、辣味朱古力及精緻可愛雀鳥造型既皇家宮殿蒸餃子等等等。食物份量剛好2人一人一件，每人都可以享受正宗泰式風味，我比較喜歡泰式春卷，香脆惹味，細細件又香口，加上炸蝦都爽口彈牙，炸粉內包埋薯蓉芝士，口感豐富，味道更香。另一驚喜就係最新產品用泰國水仙芒果打造的芒果椰汁糯米飯沙冰特飲，非常特別，意想不到可以用芒果糯米飯嚟做飲品，用飲筒一吸就可以食到，夠新穎，有創意。餐廳叫咗杯熱咖啡，即叫即沖，咖啡味香濃，味道很不錯。

女仔成日周圍去High Tea就是常識吧😂岩曬打卡之用😊今次同朋友行開Harbour City Shopping🛒行到攰攰地就搵間餐廳坐下啦見Tea Set價錢吾算貴，$168已經有個2人Set每位包一杯咖啡/茶，另外有+$25有特飲（泰式冰茶、芒果糯米飯沙冰、青檸梳打、泰式黑糖珍珠奶茶）我點了芒果糯米飯沙冰，用馬天尼杯上🍸視覺效果真係幾吸睛，上面重有塊薄荷葉幾清新的感覺。飲落去第一下幾特別，我中意佢用花奶，夠香夠滑，但可惜糯米飯因爲沙冰的緣故，變得超硬像生米般。底下的基本都沒飲下去了。而朋友點了泰式黑糖珍珠奶茶🍹有點像台式飲料，沒有太大的驚喜。Tea Set架用上雀籠的設計，分開了3層，分別是底層為泰式炸的香口小吃、中層為泰式冷盤小吃、頂層為泰式甜點。底層的炸蝦餅炸得香脆可口。而春卷帶有胡椒的香味。中層的冷盤泰式餃子🥟餃子皮很厚，加上喇沙的味道有點格格不入。另外有款是蟹肉柚子沙律卷，食落口幾清新。而整個Tea set我最期待是頂層的甜品，為榴槤撻及班蘭撻。榴槤撻超香濃，榴槤的香味在口中久久不散。而班蘭撻香滑的口感及濃郁的班蘭味令人滿意。可是另一件辣味朱古力就大失所望，可能因為另外兩款

今日係同老公嘅結婚周年記念日，我哋搵咗呢間一直都好想試嘅泰菜！我好彩我哋冇book位都好快可以入座但係就冇窗口位，因為我哋冇book位已經俾人book咗！睇到餐牌好多嘢都好想試，但得兩個人就唔能夠叫太多。首先我哋叫咗一個芒果柚子沙律，柚子好鮮甜係好開胃嘅沙律！之後我哋叫咗個蟹肉咖喱，鍾意食辣嘅朋友好推介大家試！個咖哩真係好好味，係出面未試過食過呢種味嘅咖喱。因為我哋叫左咖哩，所以叫咗蔥油薄餅同埋蒜蓉包點咖哩！另外我哋仲叫咗一個炒雜菜一樣好出色！最後當然唔少得甜品啦，就係芒果糯米飯真係必食嘅！有普通嘅糯米飯同埋紫糯米飯，中間就係芒果啦，係好甜好甜嘅芒果! 而最右手邊係一球雪糕，係朱古力味同雲呢嗱味

Time to have a small break with a nice tea set 🥳 Going to Harbour City and found this famous restaurant ‘Blue Elephant’🐘 Tea set for 2 at $168 - high tea style in Thai way. All the snacks are Thai deep fried items like shrimp cake, spring rolls,... The most important thing is the way they cook was Thai original way. Most of the items are slightly spicy 🌶 but acceptable. Thai milk tea with bubble in black sugar - we can add $25 to the tea set for the special drink. Mango Sticky Rice freeze - one

Weekend約朋友出嚟傾計，大家都想訓晏d,咁就一於食個afternoon tea喇去完泰國無耐好掛住d泰式野食，我就搵左間泰式嘅下午茶，叫朋友陪我去試下呢間餐廳唔太多人，係海港城嘅一個角落，侍應安排我地坐相對入嘅位置都算清靜。雖然個天陰陰地，但望住個海食野真係好舒服兩個人叫左一份tea set,由下而上食，底下係蝦同春卷，味道好好中間個兩隻「雀仔」都幾好食架夠煙韌最頂層個朱古力係辣架我叫左杯熱嘅碟豆花茶～顏色幾靚，味道正常啦。食物質素同環境都唔錯，但係份量唔太多，食完可以馬上再食一餐

是日星期一同姊妹們去海港城搵食，早一兩日訂枱都有位。藍象冬蔭功呢個一位用既冬蔭功又真係好一位用，唔算辣同可以再酸啲，入面有隻蝦都幾爽口架。菠蘿炒飯賣相都幾靚，但就偏咸左少少。小食拼盤總結咁多款都好食，係唔係好分到菠蘿上面既係咩，但其實都好食的。沙嗲醬好好味！如果辣少少就更惹味啦。大蝦金邊粉賣相同味道一樣好，酸道適中而大蝦亦爽口。蠔仔蛋呢個份量都好大，底下有芽菜墊住，反而蛋炒得好嫩，比蠔仔更吸引，不過因為其實食物都濃味，佢會變相淡味左。海港城範圍有間唔算貴又就腳既餐廳，真係可以做飯堂！4人消費$741，人均消費$185。推介指數: 7.5/10