藍象泰國餐廳 (已結業)

平時食泰國菜多數都係去九龍城，貪佢夠地道之餘價錢又親民，但大部分餐廳環境都一般，今日行過尖沙咀見到呢間藍象泰國菜，聽講泰國皇室都食，又見到裡面環境好正，所以就決定試下。餐廳環境真係一流，從來未試過咁有格調既泰國餐廳，呢度真係好有feel。青咖哩雞，唔算辣但好惹味，雞肉鮮嫩而且好入味，用黎送飯一流。蝦仁炒露筍，又係一碟惹味既泰菜，值得一讚係啲蝦仁好大隻而且鮮味十足。當然唔少得我最中意既炒金邊粉，加埋隻燒大蝦正到無倫難得有一間無論環境同食物都咁高質素既泰國餐廳，中意食泰國菜既朋友唔好錯過。