藍象泰國餐廳 (已結業)

難得有空閒時間同朋友去Blue Elephant Tea 一 Tea ，真係好幸福。藍象泰國餐廳blue elephant 係尖沙咀海港城，餐廳環境優雅，仲可以睇到維港美景，一邊享受美食一邊欣賞海景，真係好賞心樂事。今次我哋就叫了以半邊金雀盛載既下午茶套餐，Tea set包括9款美食，有泰式春卷、炸蝦、拉提米蘇杯、斑蘭撻、辣味朱古力及精緻可愛雀鳥造型既皇家宮殿蒸餃子等等等。食物份量剛好2人一人一件，每人都可以享受正宗泰式風味，我比較喜歡泰式春卷，香脆惹味，細細件又香口，加上炸蝦都爽口彈牙，炸粉內包埋薯蓉芝士，口感豐富，味道更香。另一驚喜就係最新產品用泰國水仙芒果打造的芒果椰汁糯米飯沙冰特飲，非常特別，意想不到可以用芒果糯米飯嚟做飲品，用飲筒一吸就可以食到，夠新穎，有創意。餐廳叫咗杯熱咖啡，即叫即沖，咖啡味香濃，味道很不錯。