蔡瀾越南粉 (已結業)

第一次嚟係餐廳剛開業第二日 晚飯時候人龍水蛇春咁長🐍 而饑民👩🏽表示好肚餓 所以就放棄冇排隊 去咗第二度搵食我視pho如命 所以過咗幾日再來 可能因為今次比放工人潮早到達 排咗大概15分鐘便安排入座 我同女朋友一人一個Pho 加個菜 再嗌多兩杯coffee 啱啱好 👌🏽1️⃣生牛肉貝殼牛肉丸湯河粉 🍜7.343/10蔡瀾從Melbourne 引入嘅湯底 果然名不虛傳 湯頭飲落去清新鮮甜 同我之前喺南澳食過嘅越南粉湯底感覺好似 啱哂嗰啲唔重口味嘅朋友仔 生牛肉水準正常 唔會浸到熟哂 牛肉丸細細粒咬落去好爽口 自家製河粉任添唔嬲 啱哂小林尊啲friend🌭 本人覺得河粉夠滑 但稍嫌唔夠入味 女朋友就嗌在淨生牛河 佢都覺得個湯鮮甜但就話飲完有少少口渴 我地仲嗌咗蝦醬通菜同越南滴漏咖啡 ☕️蝦醬通菜正常水準👌🏽6.833/10越南咖啡淡而無味😓 嗌青檸梳打穩陣啲🍋 整體評分我俾7.12/10👍🏽

到我潮聖啦! 試吓咩越南河咁得蔡瀾心先星期日夜晚排隊排咗5分鐘就雪我啦! 都唔係好長啫 😁 入到去見佢menu 有生牛河，$88。但係下面選2款反而$68。問咗店員，原來上面個個啲牛肉係靚啲架。我都特登叫咗個靚生牛肉河同選2樣個河粉做比較。靚生牛河啲肉係好食啲，不過我都係覺得佢地啲牛唔好食2選一個到選咗牛腩，又ok喎。係啲肥牛唔係好得河粉同湯底幾好食，啲河粉仲可以係咁添架! 😋 唔會好似平時食完越南河唔夠飽 🤣

蔡瀾最近係中環開左間越南PHO 店, 好多媒体都大賣, 今日放工一於去朝聖先大位等左半個鐘就入得, 原來入面地方好大喎, 仲有免費WIFI 同充電器享用, 好貼心哦話梅青檸SODA, 話梅則可增加口感及風味, 而配上淡淡的檸檬味會使口感更為清爽另外正餐點了招牌菜, 就係特別牛肉湯河粉, 128蚊, 份量好多, 有生牛肉, 金錢腱, 牛腩, 牛筋, 牛丸, 牛栢葉, 河粉口感彈Q，入口滑溜,最基本的佐料都有了，芽菜爽甜, 配河粉產生多層次口感, 再搭配牛大骨熬煮的湯頭，湯鮮味甜，喝來清甜暖胃, 生牛肉既有濃郁牛肉味又不失嫩滑口感

Lunch time和同事去揾蔡瀾，食碗靚的㘺南河。因為早已聽聞排隊的人很多，所以我們12點前已到店，奈何還是有人龍。 但慶幸流速也快，好快入到，但12點後便不知道了。點了招牌的牛肉粉。我點的生牛肉配牛肉，十分滿意！同事是生牛肉配金錢腱。 先講湯底，是我飲過最好的！！而且足料之餘清甜得令人飲唔停！好驚喜。 湯夠熱，所以牛肉好快熟左，但薄切的它仍然嫩口，牛丸也夠彈牙！同事的金錢腱亦好食。一般在其他地方，不落配菜，但既然要排隊，黎到呢度，點都唔可以浪費！加埋落去。個人覺得這裏的伴河香料都是挑選過的，因為比起出面的，沒有太嗆鼻，完全沒有蓋過牛河的味道，好欣賞！！黃金蝦扒炸得好脆，但蝦肉彈牙，食落口是外脆內軟，點上甜酸醬，更加滋味。蒸粉卷有4大件，每件都好飽滿，咬開入面有蝦米、肉碎、冬菇等，皮夠薄，餡又靚，這兩個是不可錯過的。 飲品方面，同事點的是檸七，我則點了滴漏咖啡，金色的咖啡壺印住蔡生個名，好靚。咖啡飄香，雖然味道軟為淡了一點，但都好飲。 甜品的雪糕同樣好食，紅茶味夠濃郁，榴槤味道完全好似食緊榴槤肉咁，質地夠滑，現在想起都想立刻去食返杯。正當我地埋單之際，蔡生竟然係我們後面的房間出來，

話說最近有同事去完越南，引起大家對食越南河既興趣，所以當日午餐二人同行去左上環既蔡瀾越南粉。傳聞話呢間野既越南粉唔夠正宗，但事實証明當日中午去到十分之多人，長長的排隊人龍。大概排左半小時就到我地，店員友善地安排我地到合適既座位。眼見開放式既廚房、寬敞既空間，令人感到好舒適。餐單係以手畫紙既半自助形式點餐，方便客人慢慢選擇。由於食越南河會放好多配料(芽菜、九層塔等)，所以係餐單上可以自由選擇不同既配料作配搭，十分貼心。黎到當然要食佢地既招牌粉 - 特別牛肉湯河粉(應該係火車頭)湯底望落去比較清，但飲落去有十足既牛肉味！牛肉也好嫰滑、還有牛九、牛柏葉等，都有水準，比其他店更用心。蝦醬炒通葉味道剛好，重點係唔會炒到過老，脆口！加上通菜亦都好靚，幼細冇渣。越南蒸粉卷皮薄多料，好香蝦米味同蔥香味，正加埋同事既越南河，平均每人約一百四十蚊。食物質素，服務同環境都有一定既水準，所以十分價錢合理。

由食家「蔡瀾」開嘅越南粉，單係個名已經吸引到唔少人慕名而來！新店位於中環地段，以為價錢會好貴，但牛肉粉最平$68蚊已有交昜，而且越南粉係免費任加！即係$68蚊包飽！喺中環嚟講都真係幾抵食！ 餐廳主打當然係一系列嘅越南粉，可自選不同組合。亦有湯檬、多款小食、沙律、時菜、甜品同飲品供選擇。 特別牛肉湯河粉 $128 ［分數：8/10］ 特別牛肉湯河，最特別之處就係可以俾你一次過試齊7款自選配料，當中包括：生牛肉、金錢腱、牛腩、牛筋、貝殼牛肉丸、銅錢牛鞭花同牛栢葉。 另外，仲會附上大量香葉俾你自行加入，有九層塔、鵝芥、洋蔥、芽菜等等⋯ 生牛肉、金錢腱、牛腩 先講講肉類，每樣有少少，生牛肉比較薄，送上黎時半生熟，啱啱好。金錢腱厚身少少比較有口感。而牛腩都煮得夠腍。 貝殼牛肉丸、牛栢葉 牛丸有兩粒切半，入口爽口彈牙，唔錯。牛栢葉幾爽口，不過切得比較細件。 銅錢牛鞭花、牛筋 銅錢牛鞭花同牛筋切得比較細粒，所以搵咗一陣先搵到，呢兩樣味道會比較淡，牛筋好腍，牛鞭花帶少少韌力。 越南粉 先講講湯底，入口都幾鮮甜，唔算太油，因為鐘意濃味啲，所以自己放咗好多香葉同青檸落去，味道更加豐富。而越南粉係由

中環是香港經濟樞紐，每日有幾過百萬人在此營營役役或觀光，而且亦是高級品牌的集中地，同時多間米之蓮食肆都屹立在這區，而蔡瀾先生亦在此經營了一間以越南湯河為主打的餐廳。食物款式不算多，主要以湯河、撈檬及一些越式小食及飲品。泰國金柚沙律柚子沙律酸酸甜甜，加上生菜墊底，清新開胃。黃金蝦扒有點似蝦餅，不過裏面包著粒粒墨魚粒，爽口彈牙且不油膩。越南法棍三文治法包外脆內軟，裏面夾著些生菜、辣牛肉及豬肉，辣味很微但很惹味。特別牛肉湯河粉有幾特別？一定要食過先知啦！湯底以牛骨熬製，所以有濃郁的肉骨鮮甜味，河粉爽滑不易變腍，配料是7款牛類製品包括彈牙牛丸、嫩腍的生牛肉及以形補形的牛鞭等。最後飲了個椰青，椰青水就比較淡。

我喜歡四處覓食為樂，確實忠誠的報導去寫食評是我的樂趣，既自娛亦有滿足感，因為全部都是自費去吃的，所以，絕對不是鳝稿！此店可能是明星効應，門口幾乎什麼時候都有人龍，今天放工時段經過，竟然望見沒有人龍，馬上，飛快衝進去...店內分前及後兩部份，我坐後的部份，座位頗寬鬆，我點選了生牛肉湯粉..$68及珍多冰湯粉端上來是還熱辣辣的，附上🍋葉，香茅，大蔥，生芽菜...放在玻璃杯內，另有鮮🍋奉上生牛肉肉質鮮嫩不靭，有肉味，湯粉，爽夾滑，最精彩是湯底，真係好好飲呀，夠香甜，不過咸，不肥膩...飲到一滴都無剩！湯粉可以免費添加，可惜，湯無得添加！！會再去！

蔡瀾Pho可算是近期中环話題新餐廳， 較早前好多雜誌都比較佢同幾間出名越南過江龍生牛肉河。 今天晚飯時間終於经過， 點都要入去親身試吓先。 個friend喺中環放工， 我哋約好六點鐘入去踩場。場內裝修簡潔有東南亞嘅風味， 啲餐具全部特別訂造， 仲有蔡生嘅肖像添。喺餐牌上見河粉可以隨意添加， 非常貼心， 唔使擔心唔飽肚。 所以每款上枱嘅時候都見河粉嘅份量唔會好多， 需要先添加咁樣反而減少許多浪費。特別牛肉湯河粉$128個湯 呈現深褐色， 清澈得嚟 味道鮮甜而且 有層次， 唔會好咸。 好香芫荽嘅味道。 佢唔會放好多嘅洋蔥絲， 坊間好多越南河 每次夾起河粉時都有大量洋蔥絲， 非常搶味。生牛肉浸到粉紅色呈半生熟狀態， 非常嫩滑。 其他材料還有牛丸爽滑彈牙， 牛筋 ，牛柏葉， 牛腩牛筋牛展銅錢牛鞭花， 果然豐富而且味道唔錯啱曬牛魔王!不得不提佢嘅配菜-芽菜 都係精挑細選， 條條都粗壯肥大， 冇嗰種生澀味， 又甜又juicy。 河粉方面， 亦冇之前網上評語咁差， 又碎又腍。 相反好滑又冇斷開。 湯同粉嘅比例其實啱啱好。 話梅青檸梳打$28碧綠色令人感覺冰涼， 薄荷葉嘅味道稍重， 反而唔太飲到話梅

今天同honey 去拜訪著名食家蔡瀾開設的越南牛肉粉店。蔡瀾嚐遍各地，就是鐘情墨爾本「勇記」的越南粉。他請了原班人馬指導，務求保留勇記原味。而且設有現場鮮製河粉，仲可以無限量添加。今次真是要試真一下。這兒的招牌有牛肉粉和越南法棍三文治，除此之外，還有烤豬頸肉春卷撈檬、粵式酸辣湯檬、各款小食、特飲和甜品等等。招牌特別牛肉湯河粉$128這牛肉河粉材料十分豐富。既有生牛肉、牛筋、牛栢葉、牛腩和牛丸，仲有牛𦟌，真係估唔到咁多料。既然是蔡瀾開的店，選用的材料也十分講究，牛肉選用的是澳洲牛肉。生牛肉嫩滑又無筋；牛筋炆得爽口，食其原味，充滿膠質，帶一點嚼勁；牛柏葉口感爽脆；牛腩肉味濃厚；牛𦟌有一些厚度；最愛牛丸，口感彈牙又juicy。淺棕色的湯底沒有半點油膩，湯底比較平曰吃的清澈透亮，有著濃濃牛骨湯的鮮味，當中又透著蔬菜的甜味。牛骨味濃厚，味道鮮甜清爽又有層次，是北越的風味。而配菜也有不少香草和芽菜，令口感更為豐富。每一款配料也稱心滿意，加埋滑滑河粉，真叫人滿足。招牌生牛肉湯河粉$88半生熟的牛肉顏色嫩紅，肉質軟嫩，牛肉味十足。湯底味道濃郁而清爽，滿滿是濃郁的牛骨湯鮮甜味道。就是這種樸實而鮮美的味道

試呢間野其實都因為係蔡瀾個名午餐咁岩去開個邊咪試下等左大概半個鐘就有位了試左招牌生牛肉河粉 河粉果然有驚喜另外叫左小食蝦餅柚子沙律燒豬頸肉另外佢地既飲品都有特色 值得一試七色冰 越南特色飲品青檸薄荷梳打 朋友勁鐘意飲 好飲到叫多杯總括而言 冇後悔試左呢間野味道唔錯同預期既差唔多

The Raw Beef Pho was awesome - probably the best pho I’ve had in HK and way cheaper than the competition at $68. The broth is flavorful and clean tasting. It’s a shame they don’t let you add extra beef though they do give you free noodle refills. Nice to know that the noodles are made in-house.I had the Chef’s Special - Raw Beef Pho for $88. Not sure why it’s $20 more than the $68 Beef Pho. We asked the waitress and she said you get more beef with the Chef’s Special but didn’t look that way when

就算落雨都好，由開業到已家，成日都見到門口有一大堆人喺度排隊！見到佢咁受歡迎，所以今次我都約埋男朋友一齊試吓！食物種類唔算多，兩版子就寫晒！不過入得嚟嘅，9成都係食越南粉囉我呢碗係招牌牛肉湯河粉$128，湯底清徹，牛味香濃，而且河粉係新鮮現做嘅，食落重米香之餘，都夠晒滑溜另外佢一碗有成7款配料，晒我呢啲有選擇困難症嘅人牛肉軟嫩重肉味，牛丸就札實多汁，正所謂一分錢一分貨，價錢雖然貴啲，但質素真係唔錯另外叫左小食泰國金柚沙律$38，食落清新爽口男朋友話好耐無食法包，見到呢到有，所以就叫埋越南法棍三文治$38 小巧精緻，食落清新唔會滯，唔錯最後配埋個鮮甜椰清，成餐飯感覺唔錯！而且中環比較少越式餐廳，蔡瀾越南粉嘅加入，絕對係一個喜訊

名人開食店依家非常普遍，不過要數開山始祖當然要數蔡瀾！今次佢目標係自己好喜歡嘅越南粉，自己都鐘意食無理由整得唔好食嘅！一於試下！位置上蔡瀾越南粉處於中環，去嗰日已經係晚上兼雖然好大雨，但都要等位，就知幾受歡迎！我同老婆叫咗個酸辣湯檬同埋特別牛肉湯河，試多啲嘛！仲有個春卷同埋青檸梳打！特別牛肉湯河入面有個好特別嘅杯，入面有啲又肥又短嘅芽菜仔同埋香葉，侍應姐姐話要趁熱放入去湯入面整熟先食！肥仔芽菜好輕盈，入口無渣好爽口，第一次食感覺好新鮮！至於牛，入面有齊牛腩、牛丸、牛𦟌、牛根，同埋山絕對主角生牛肉，一次過食哂，正！至於酸辣湯檬就真係幾辣，嗜辣者嘅不妨一食！不過粉好滑，味道又好香濃，可以一試再試！值得一提，呢到食粉粉可以免費添加，啱哂大食朋友！不過湯就要用返原本個湯，無咁熱辣辣，要加粉記得快手食一轉先，第二輪慢慢斌試真啲味都未遲啦！

無人不知嘅食家蔡瀾，緊日係中環開咗一間主打越南河嘅餐廳，其實點解會開越南菜嘅餐廳呢，唯有佢本人先知喇~ 星期六晚去到，真係幾爆，要排隊等位，好在翻枱得快，等一陣就有位喇點單係填一張點單紙嘅，望落啲價錢都唔太過份，係中環仲要係名人開嘅，我覺得價錢算係合理黎得呢到，緊係必揀牛河啦，而為咗唔洗諗、唔洗煩嘅關係，我就嗌咗菜單上最貴嘅特別牛肉湯河粉，其實姐係樣樣部位嘅肉都有啲~ 份量都幾大下，先飲一飲啖湯，真係好濃，有淡淡牛香，不過飲得多可能有少少鹹，最好連埋啲河粉一齊食。頭先都話呢碗牛肉河係有齊唔同部位嘅牛肉，分別有生牛肉、金錢腱、牛腩、牛筋、牛柏葉、貝殼牛丸同最特別嘅銅錢牛鞭花，無錯，佢就係牛嘅生殖器官，只要你唔好諗埋啲核突野，就可以放到佢入口，同埋佢嘅口感係似係軟身嘅牛筋，啫喱狀嘅質感，其實食落係唔錯，不過相信好多人都唔會試都會否認覺得好食，哈哈~ 另外生牛肉都好淋，有微牛香，連埋湯底嘅牛香一齊食，味道更濃郁，更加好味~除咗牛河，仲叫咗碗越式酸辣湯檬，由於菜單無寫有咩配料，所以我未到食嗰一刻都唔知有啲咩係入面(其實可以問嘅，只係我懶~)。上到枱就知，睇落成碗都紅紅橙橙咁，上面就配咗白魚蛋、