蓮香樓 (已易手) 新餐厅

6/6/2008訂左7:30pm, 7點已經拎到訂左隻八寶鴨($150),再叫了七味牛仔骨($4X)煎藕餅($4X),同埋鍋貼小棠菜($4X)因為得四個人食,驚食唔哂就冇叫飯八寶鴨果然係鎮店之寶,好諗,有d食糭的感覺,平時唔食蓮子既我今次都要話好味,$150係抵到爛,人工費都唔止七味牛仔骨,叫做夠獲氣惹味煎藕餅,唔好食,乾真真,我阿媽整得好食過佢鍋貼小棠菜,完全失望,蝦膠同小棠菜少到好似冇料送既糖水綠豆沙反而係水準之作,起沙,清熱一流老式菜館,值得去既理由都係保持傳統,埋單俾熱毛巾你抹手,現在有濕紙巾,都沒有多少地方仲有這傳統埋單$3XX,下次應只叫其名菜,其他的反而很普通

是日休息，十二點幾瞓醒想飲茶，老婆仔一句 ”不如去蓮香樓囉”我地兩個就由屯門搭車去左中環，有時交通方便都係一個好處去到已經係三點鐘，好在閒日兼呢個時候冇咩人，搵到張枱坐低跟住發覺好多人好好奇咁望住我地兩個，會唔會因為我地太後生呢？皆因我地兩個係全場睇落年紀最細既茶客 坐低茶都未開，已經見到阿姐推架車出黎，o個種細細個同屋企人飲茶要同其他茶客圍住架點心車搶野食既感覺又返左黎由於時間真係好晏，所以只係得三樣點心豬肚燒賣：好大塊豬肚，好稔同好入味蓮蓉包：真係食過最好食既蓮蓉包鴨腳扎：芋頭好稔好入味，鴨腳我唔食既，不過老婆仔話好正鴨腿湯飯：竟然仲有得食，湯味好濃，鴨肶整仲好食過鵝肶豬膶湯米：老婆至愛，唔係整碗湯米搭幾塊豬膶咁簡單，而係真係用豬膶加薑片滾湯再煮米粉，好味到隻碗食到乾乾淨淨服務方面，預左咁遲到阻住人落場實有面色睇，點知o的長輩好我地兩個”小朋友”好好(其實我地唔細架喇，只係個樣唔大只嘛...)，一坐低開茶已經提我地四點冇野食，去到三點九阿姐仲同我地講：最後一車，唔攞就冇野食架喇...真係好似廿年前飲茶咁...仲有o的普洱同香片好正，記住一定要會茶盅，用茶壺既唔夠入鄉隨俗～～今次食唔

如果唔係睇openrice都唔知有間咁既酒樓喺中環...古式古香既一間酒樓,又唔算太污糟,伙計都係上哂年紀既阿叔!一坐低就order兩盅普洱茶,嘩!好正!不過論嬧既我倒到成枱都係,都唔好玩既,仲滾親手,下次叫番一壺算!野食叫左蓮蓉包,豬肚燒買,梅子排骨同义燒飯一碗,蓮蓉包好好食,不愧係招牌野,蓮蓉打得滑,唔會鞋sak sak,"包皮"好實,揸落唔黏手豬肚燒買唔錯啦,塊豬肚好大件!梅子排骨就真係好酸!义燒飯件义燒係成件上,一啖一啖咬,不過幾好食都算係唔錯既一間酒樓,經濟!

無論任何時候經過蓮香, 都好像沒有位的. 飲茶都不是常來, 徐非忽然超想食舊點心, 否則一想到要等位, 仲要阿伯都是單人來, 永遠一個隔一個坐.........想食小菜多數訂外賣.今次順路替人訂八寶鴨($15X - 只可5:00PM後取, 上午沒有的), 朋友PARTY至愛, 我則通常加買鮮蝦腐皮卷, 就算外買, 買過多次每次都超脆蝦又爽左看右看餅食, 見老婆餅只剩一塊又幾好樣, 即買, 皮薄及鬆化餡甜度剛好, 還暖的好好味, 下次要買半打, 還買了一包阿婆時代的零食炒米餅 (N年冇食過)$12, 類似杏仁餅, 但用米粉/花生/油/糖做, 鬆化不太甜, 好食過杏仁餅, 但壓唔實餅碎一路食一路跌很多老人家都習慣來飲早茶, 早茶的意思是未天光早上五、六點, 試過想早茶時買點心, 一心以為那麼多老人家已在應該有點心出, 點知伙記話大家都是淨飲茶直至出點心, 叫我們飲住等多個鐘........ 點等(我其實是通宵), 不過蓮香的普洱一向都幾有茶味, 也有買茶葉 (遠年普洱半斤$48)

黎蓮香食既晚飯 8點幾, 依然人山人海, 同伙計講2位, 愛理不理咁2個人等位等了近10分鐘, 終於有得坐一早知舊茶樓唔會好乾淨, 不過d碗碟真係太污糟...有d痴住飯, 有d就痴住d不知名物體... 換了三四隻才拎到d比較乾淨既碗筷也罷, 自己洗乾淨好了茶要了香片, 茶味一般... 食物方面就真係唔錯既...七味牛仔骨: 用七味粉調味的牛仔骨, 牛肉很林, 辣辣地很香口火腩大鱔煲: 有很多舊鱔, 炆得入味; 火腩很瘦, 但又不會"鞋"; 另外白蘿蔔都好好味!送的紅豆沙就太甜了, 唔太啱我口味免加一, 價錢合理, 小菜質素及環境懷舊是強項不過如果想追求良好的服務同衛生 ... 相信蓮香就唔係你杯茶了

我覺得蓮香樓的服務態度不是太好,加上人手不足,想叫嘢食都難,再加上係最旺的時候,不增加多d人手去招呼,攪到有點似街市咁混亂,而且啲野食唔係特別好食,所以我覺得不算係一間好好茶樓.

今晨意外早醒，不能復睡。於是把心一橫，往蓮香飲茶。點的是龍井茶、豬膶燒賣、豬肚燒賣及雞扎，另大包及蓮蓉包各一客拎走。豬膶及豬肚燒賣非常出色，豬膶及豬肚皆蒸得恰度好處，不會過硬過韌，燒賣主體混有豬肉及蝦，蝦肉爽口豬肉豐潤，絕不出現乾瘦的情況。至於雞扎，雞件鮮魚肚滑，唯獨冬菇及包裹饀料的淮山流於乾身。至於蓮蓉飽，蓮蓉香甜和當中的鹹蛋黃加以配合，水準一流。大飽饀料豐富而新鮮，照我所見有蝦仁、雞蛋、雞件、鹹肉、冬菇、菜肉饀……未能盡錄老伯樓面照例對生客充耳不聞視若無睹，老鋪的脾氣，幸好常有老客對我這些只上過蓮香數次的生手加以指點

曾經跟ＤＡＤＤＹ說過考完試就抽多一點時間陪他，今天就決定與他飲茶。本想在家附近的酒樓飲茶，只跟ＤＡＤＤＹ說笑，就從西貢／馬鞍山出中環。星期天酒樓特別多人，　第一次到，ＤＡＤＤＹ是心急之人，結果，我們跑到麥奀記吃了碗雲吞麵，再到灣仔轉了一圈，輾轉回到蓮香樓，剛好有位。我們就急不及待叫了一個魚肚扎，果然有Ｄ料到，蒸點夠入味。我們再點了一些點心，當中最深刻的是臘腸箞、豬肚燒賣和豬膶燒賣。我從未吃過一個臘腸箞的臘腸是充滿汁，一點也不是乾的；豬肚燒賣的豬肚夠爽，而下面的那舊肉很好吃，夠入味；豬膶燒賣的豬膶是蒸得有點老，但上面的汁簡直是一流，鮮味十足。可惜沒有我們想吃的鴨腿湯飯。我們呷一口茶，普洱茶夠濃，無論加多少次水，仍然是夠濃郁，對於一個茶痴，ＤＡＤＤＹ十分滿，最後，埋單後更屈了我買一包蓮香樓三百大元的茶葉回家。再品嘗，果然是好喝，沒有一般酒樓茶葉的一種古怪味。我們亦很享受這一頓點心。環境雖然一點都談不上衛生，但食物美味非常，而且很經濟，我們吃了很多點心，埋單只需１３０多。而且有很多伯伯和婆婆來吃，只需附一點點錢，他們就可享受一盅點心或鴨腿湯飯或燒味飯，我想他們亦十分快心香港還有這一所酒樓。這

星期日突然心血來潮想食蓮香嘅蓮蓉包…. 坐言起行….去到2:15pm, 依然人頭湧湧, 等咗足足20 mins先有位… 當然係搭枱位啦!我好少嚟蓮香, 因為不喜歡這兒的環境, 不喜歡沾滿油漬的枱櫈, 不喜歡破破爛爛的餐具, 不喜歡要和食客鬥搶食物………. 縱使有許多的不喜歡, 但每當想起蓮香的蓮蓉包, 鴨腿湯飯同埋豬肚燒賣…..便會先將我對它的 ”恨” 拋諸腦後! 坐下後, 二話不說先點一客鴨腿湯飯, 老伙記話要睇吓仲有無, 真幸運, 賣剩最後一碗!! 鴨腿大大隻, 燜得好入味, 肉質鮮嫰, 湯底濃, 撈飯一流! (以前試過叫鴨腿湯麵, 都係覺得配飯好味d!)其它點心好多都賣晒, 只剩返六款咋!!北菇燒賣 ~ 豬肚燒賣無晒, 連北菇燒賣都係最後一籠! 用咗半肥瘦豬肉, 夠趙頭, 正!鴨腳扎 ~ 又係最後一籠喎! 入面有鴨掌, 芋頭, 外面包層腐皮。 Good!蓮蓉包 ~ encore 咗2籠 (2個人食), 嗰包比一般茶樓大, 蛋黃好靚, d蓮蓉充滿著整個包, 但又不甜不膩, 食2個都唔會話好”濟”! 嗜甜者一定要試!排骨 ~ 蒸得好入味蒸滑雞 ~ 我嗰籠得4 or 5 塊鷄, 且無

2008年5 月29日下午和祖母,母親到蓮香樓飲茶, 一時四十五分步入,依然人山人海......我心想糟了,那麼多人,環境又吵又髒,祖母一定不喜歡,誰知她老人家突然心血來潮,說試試看也沒所謂,她快八十歲也未試過到蓮香飲茶(我額上有三條黑線,要知她經常在中中環出入), 就硬著頭皮跟她走入蓮香.....幸好,找到一張靠牆的桌子, 雖然要"搭枱",但茶客還算斯文,甫坐下,就看見點心廚房的門口站滿了人,每人都引頸張望有甚麼點心要出籠,聽別桌茶客說點心只供應至三時四十五分為止....我二話不說就加入戰團,因為手快有手慢無......下午點心的選擇並不多,計說只有牛肉,雞扎,蓮蓉飽,燒腩卷,鴨腳扎,干蒸燒賣等,早上有的豬肚,豬潤燒賣均告售罄, 連基本的叉燒飽都賣光了......搶了幾籠回桌,我祖母大讚,說久不嚐此美味的點心(因為現在多數酒樓的點心都是交來之故),牛肉鮮味十足,一吃就知道是因為面粉沒有下很多的原故,牛肉的比例剛剛好,味道拿捏得準....雞扎中的材料被上湯餵得入味,魚肚沒怪味,咬下去甜汁四溢,腐竹的豆香都滲進材料裡....其他點心都因為用料新鮮而有很高的水準....蓮香人多得不得了,只

一直覺得，來蓮香為的第一是茶，第二才是點心。環境永遠是那麼吵鬧擠逼；普洱是那麼濃；點心不細致但多麼矜貴，總要一輪擠擁才可以拿到。最喜歡的是糯米雞和蓮蓉包，因為都有咸蛋黃；豬橍燒賣外面亦甚少吃得到。點心以外則喜歡鴨腿湯飯，因湯有香濃的肉味。價錢是非常經濟，飽飽的也才四五十一個人。這樣有歷史氣息的地方還在中環，實在應多多支持。

今日同朋友突登出中環..就係為左去蓮香樓見識下...行左陣都搵唔到路...最後都係要問人...裏面無論係裝修同氣氛都好舊式...唔理三七廿一即刻搵個位坐下先~~叫左兩個茶盅...一個要香片...一個要普洱...香片唔知乜事勁"苦"...反而普洱無呢個問題..不過個茶盅幾好玩～：Ｐ總共食左六碟點心1)豬肚燒賣:　個個都話要食０既。。。我同朋友都覺得唔好食...個豬肚仲苦架tim2) 奶皇飽：因為見唔到有其他飽..所以揀左佢...真係好唔似依家0係D流沙奶皇飽...而係十足十以前細個食0個D實實地0既奶皇....可能食慣左出面茶樓0個D...覺得呢個唔好食...食食下仲發現個飽裏面有條頭髮...最後放棄...3) 鳯爪:呢個唔係依家食０個Ｄ紅色０既鳯爪。。味道ok la4) 蝦腸：　呢個係全場最好味架喇。。。腸粉夠滑。。。蝦都算彈呀。。。５）魚肚紮： 呢個都幾好味..似雞紮..但係裏面係魚肚同埋一夠豬肉+蝦毛囉...6) 馬拉糕:呢個真係勁失望。。。又硬又唔香。。唉...食完全部。。。真係覺得勁舊式。。好有以前細個０既感覺。。。味道都有Ｄ似。。但真係唔慣。。。最得意就係推車仔囉。。。呢Ｄ細

28-5-08 (三)終於專程來了飲早茶，一人一盅茶，茶味開始時很香，中段則有點濃過頭，後段又回復正常，加上雞手鴨腳的倒茶，真正明白 “水花四濺”的情景。倒完一盅茶，要記得打開蓋子，讓阿叔再添茶。開始時，常弄到天一半地一半，麻煩哂阿叔，但他毫不介意，還常過來巡視一下茶盅是否要加茶，唔該哂。腸粉車過來，試了叉燒腸，又忙著 “急救”浸在豉油裏的腸粉，但原來豉油看來顏色濃黑，味道卻不太鹹，粉皮略幼滑，不錯。茶樓裏忽然有些小哄動，看見茶客們急急向著一架點心車進攻，同檯的茶客也出動，看見她捧回一碟兩個的飽，雖然不知是什麼，也派 T 捧回一碟。一看內裏，原來是燒腩卷，一件大大件，多肥少瘦連皮的燒腩肉躺在裏面，一看，就知道是好此道者的極品，因為肉質不是硬硬實實，是很新鮮味美呢。看見茶客們吃得津津有味，我們又要忙著去皮去肥，結果差不多是吃齋飽，只怪事前沒有做好功課，下次記著叫其他飽點了。平時不太愛吃燒賣，不知Ｔ為何叫了一碟，吃後又覺得不錯，主要是客人眾多，點心沒有不新鮮的。連蓉飽內的連蓉又軟又滑又香，鹹蛋黃更是令人垂涎，很好吃。想吃馬拉糕，久等下叫了千層糕，賣相很崇尚自然(看圖)，吃著不同的層次，又有

因為食家們的介紹，家住沙田的我，今天拿著地圖來到了蓮香樓。人很多，但冷氣很夠涷，原本以為舊式老茶樓全是會打開窗口掛雀籠的。要等位，要搭枱，要飛身出去搶點心，但一切很有秩序，坐得很舒服，吃得很開心。伙計們都是上了年紀的叔叔，但很和善，還會說笑。同枱和隔離枱都有日本人，一樣識得飛身出去搶點心。今天搶到的有︰蓮蓉包︰好吃，媽媽說這是正蓮蓉，有蓮子香，不甜不膩，我只分到半個，哼！鴨腿湯飯︰好吃，那湯竟有燉湯的水準，清甜。那鴨啊，沒有膻味，撕開和著湯飯吃進口，滑！我一定要在蓮香吃晚飯，我要吃富貴鴨！山竹牛肉︰真的有淡淡的陳皮香，沒有搶了牛肉的鮮味。豬潤燒賣、豬肚燒賣︰好吃，燒賣是彈牙的，豬肚爽，豬潤沙，原汁原味，沒有化學處理。點心嬸嬸還細心的問要不要剪開。淮山雞扎、魚鬆扎︰好吃，每種配料都有自己的鮮味，連冬菇仔都是鮮甜爽口，不是連鎖茶樓的淋Patpat。雞有雞味，豬肉有豬肉味，魚有魚味，在一般茶樓大都是奢望，但蓮香不會令你失望。蝦餃、魚翅餃、鮮竹卷︰應該好吃，因為給搶光了，有衰人每樣吃了兩件，沒有我的份兒，後來是媽媽分我一塊魚肚，好吃，世上只有媽媽好。牛肉腸粉、鳳爪排骨︰相比之下，比較普通。好吃

這篇是剛補回上周末的食評,蓮香樓名字已聽過很多次，這次還是家父提意一家人到這兒來。今天雖然巳訂了八時，比原定時間預早到二十分鐘到達，但結果還是要等到八時十五分才有檯。實在太長人龍了，好吃的本來等多久也值得，可惜訂位前忘記預留搶手餸菜，唯有眼巴巴的看着侍應把搶手餸菜如古法焗魚腸、八寶鴨、紅燒斑翅、陳皮鴨腿湯飯、冬瓜盅等在我視線範圍繞道而過，心裡有點不是味兒。家父一早知道儘管訂了檯也得要等，所以在家等我們並確定我們坐著才絲絲然駕車前來，這種行為實在要不得。坐下來七個齊人後，想叫的餸菜全都售清，唯有叫以下的餸菜:祕製醬燒骨---雖然餸菜名稱叫醬燒骨，但全舊腩肉是無骨的，腩肉肉質鬆化，帶甜的醬燒汁調教的甜度剛好，肥肉亦不多，還有西籣花鋪底，現今百物騰貴的情況底下，原本餐餐吃慣菜的你，不想叫多一味菜而又想有肉有菜的朋友們可以考慮叫這一味。百花炸釀蟹鉗/每隻$28---要了八隻炸蟹鉗，蝦肉彈牙鮮甜多肉，蟹肉嚼落鮮甜鬆散，鬆散是正常的，因為蟹鉗肉沒有蝦肉黏性大，此味的確貴得有道理。記得很久以前經常光顧唐人街的某間海鮮酒家，每逢周一，炸釀蟹鉗必定1.8一隻，一叫便一次過要三十隻，水準絕對與蓮香樓有過之