蓮香樓 (已易手) 新餐厅

一行17人到蓮香樓食飯.....叫左好多好多餸1. 八寶鴨, 好味夠淋 (要預訂)2. 杏汁豬肚湯, 抵, 好味, 300幾蚊...好大盅, 17個人份, 都平均每人有2碗...(要預訂)3. 酥炸軟殼蟹, 估唔到咁好食.....2大碟( total 4個例牌, 好快食晒)~4. 蓮藕餅 ok好味5. 煎鑲3寶....無食過..但見我男朋友不停咁食....6. 焗魚腸....我唔食...所以唔知7. 腐乳通菜...一般8. 好似白切雞的雞..好食...夠嫩9. 干炒牛河..一般10. 荷葉飯....ok好食11. 鑲綾魚...好食12. 炆班翅~~ good~~13. 蓮蓉包.....上次同fd去食的時候叫壽包....壽包好味d~~14. 西米布甸.....今次焗得唔夠.....好似仲有d餸唔記得叫咩名....成餐飯....食左超多野...又淨左超多野....17人有4個生日免費.....計番錢....每人都係150左右....抵抵抵~~唯一唔係咁好就係....星期六晚....超多人...有d吵~~

七月十一日(星期五)同老公仔成日話想試呢度!但係lunch好多人又冇得book位!唔知幾時先食到呢!?唔緊要!我地食住個cake先!係中式蛋糕!今次食原味!下次試下老公仔中意食既連蓉先!雖然有d油!但係幾鬆軟!幾香呀!!!!好味道!!期待中---蓮香樓小菜&連蓉包!

作為香港人那麼多年... 還是第一次到蓮香樓.是一次很有趣的經驗.講明先 - 人多, 水多.車水馬龍點心要搶茶水可能要自己倒.可能會與其它食客有碰撞.但這些都是經驗的一部份.食物方面.Oh my god... 太耐沒有吃到這些味道了.現在的茶樓, 有些是節省成本, 有些搞健康gimmick, 有些得個樣.其實無論標唔標榜健康... 都係咁上下肥...咁多就情願肥多d d, 來點正宗的.捍衛正宗飲茶口味能算是保育的一環嗎?

個個都話好味，今次老細請食晚飯就嚟左試結果好似... 誇大左d喎...整體嚟講ｄ菜式好油，好似油浸咁個個都話要食嘅八寶鴨，原來就係將蓮子個ｄ釀晒入去隻鴨度，焗得夠淋，味道似粽，其實都幾好味同幾大隻，不過個汁有層油大斑兩味：出面好味ｄ喎，西蘭花個味個魚炒得唔夠脆，蒸魚頭就幾滑嘅冬瓜盅：嫌佢唔夠咸，不過蝦好鮮味炸子雞幾脆ｂｏｒ其他餸如蓮藕餅都不算特別，不過蓮藕幾脆仲有，我地個蓮蓉布甸竟然俾人焗燶左無得食！！！啞了衛生方面，因為咁舊所以都唔好咁大期望，不過都唔太差嘅服務，一般啦。臨收工有俾人趕走嘅感覺總括而言，都係食懷舊同埋一ｄ特別菜式，但出面都有個ｄ，其實好多食肆都好味過佢

今日下午,到了蓮香試一試見咁多人讚好,好想睇吓同親身感受吓,一早預期係一間懷舊酒樓,去到同想像中差唔多!同男友兩個人一人一盅普洱,見侍應叔叔熟練地洗杯,水那麼滾,他們不怕熱嗎?茶真的十分濃,好飲!點心款式不多,蓮蓉包很好吃,魚肚扎都不錯,男友仔肚餓,要了一碗切雞飯吃,我就要多一碟山竹牛肉已經足夠!見有日本遊客到來,雖不知他們說什麼,但表情多多,想此店已成旅遊點!

我老公係Burger King，最鍾意食Burger!!我係佢個BB，最鍾意跟住佢四圍食!!!因為同老公睇左套<<愛情萬歲>>其中好些場面以蓮香樓做背景，然後老公話俾我知蓮香樓係好出名的~~一睇openrice，嘩，原來咁勁，點可以唔試下呢！老公唔係第一次食(雖然佢都係食過dinner)，不過BB就係喇！第一次ge感覺係，嘩，乜同門面差咁遠！裡面ge懷舊況度係我咁大個女第一次見，對上一次去懷舊酒樓應該係我F.2定F.3果陣同同學仔因為做project而特登去ge得如酒樓，今次個情況係更加深刻！真係N年未試過要自已搵位兼搭搭到一張可以有幾張卡！裡面ge人好明顯都係上左年紀ge人比較多，比起依家ge茶樓一家大細(有小朋友果d)去ge畫面似乎真係好難係呢家菜樓搵到喇。同我地同有一個食左好耐lunch又睇左好耐書gei businessman，有一個應該睇左好耐報紙ge嬸嬸，跟著後尾又黎多一pair好似我諗好似我地咁慕名而黎ge情侶同埋2個台灣遊客。呢度我相信好多都係常客(見佢地同推點心ge阿姐吹水就知) ，同埋好多拎著旅遊書ge外國人。我地又貪得意要左茶

第一次去飲早茶,星期六11點到,等左一陣就有位d 點心好似要搶咁,好采男朋友夠勁,我地先有包食好好味,,d茶好好飲.一人一盅茶...好有風味..抵~

嘩, 好耐都未試過去飲茶要自己搵位喇 .猶記得好細好細過既時候都會有飲茶企係人哋張枱後面到等位. 但係真係耐到嗰時自己幾大都唔記得囉.茶芥每位八蚊, 比一般酒樓要等. 不過當我見到佢係每個人一杯茶葉我就覺得ok喎. 我唔識飲茶, 唔知佢呢杯茶值唔值八蚊. 不過都幾特別.星期六下晏去, 要比d耐性搵位. 本來諗住轉場的喇, 不過係我哋想放棄既時候又比我哋等到喎!! 呢d有很多其他酒樓無既點心. 蒸白善我真係係其他酒樓無見過有點心形式. 佢有個點心係一碟有雞腳, 鴨腳, 同柚皮!! 佢個柚皮整得幾好, 出面好多地方都食唔到. 馬拉糕又好好味. 蓮蓉飽d蓮蓉好香呀. 減緊肥既我都食左大半個. 好多野食一出車仔就比人圍住晒. 好似要爭先爭到野食咁. 一間古色古香既酒樓, 下次想黎食晚飯囉.

服務差到不得了!全無笑容大佬,我哋無欠你哋錢囉地方真係幾污糟邋遢食物亦唔見得好晤明点解甘多人义燒包,蓮蓉包-皮厚過我亞媽塊面蝦餃都係燒賣,雞扎-冇味嘅肉絲抄麵,火鴨絲炆米-都係冇味嘅,可能用哂啲鹽,唔記得買啦豬肚燒賣-隔離食客話好正,所以試吓...其實應該叫豬肚豬肉先啱只係有２舊肉係啲豬肚下面,同埋都係冇乜味我哋4個人,以後都唔會再去啦

約左同事食Farewell飯, 一直以為蓮香外表好殘舊, d野一定好老土無特色, 點知我完全錯哂.去到一坐下就好似返左去30年前d古式酒家, 好有懷舊feel, 坐下見到d 杯杯碟碟同茶壺, 都非常有特色, 相信一般酒樓都好難有.因為我同事book檯時忘記左訂埋蓮香d招牌菜(如. 冬瓜盅, 八寶鴨....)不過唔緊要, 單是一般的家庭小菜, 都已經有水準非常, 好味.順帶一提, 侍應們都幾生鬼, 招呼都幾OK架.

何來又驚又喜? 因為全家人相信所謂食家的評語,星期日去了蓮香樓試試. 果然好傳統(可惜未見有人抱了鐵盤賣點心) 有很多懷舊的點心, 例如豬肚燒賣,豬肝燒賣,茶(忠), 得意的椰絲馬蹄糕,柚皮鴨腳(不知為何一隻鴨腳加一隻雞腳) , 叉燒飯(記得叫切叉, 如果不是, 就會整件上). 以上都是一些少有的點心, 但不代表好味, 唯一一樣值得讚是蓮蓉飽的蓮蓉真是又香又滑.可能所謂食家推介了,所以很多人到此賞賞. 但總是給人一個很趕的, 沒有賞茶的心境. 給大家一個小小提示, 如果想試試, 不妨平日去, 如果不可能 又要星期日去, 可以試試大約十一時到達後,找那些職工用膳的枱來等會好些,大約十一時四十五分就會有位.我們作為食客需要支持一些好食的懷舊食物, 但作為酒樓的人也保持食物的味道及品質,而身為所謂的食家也保持中肯的態度來推介.)

同男朋友好鐘意食中餐~ 除左翡翠拉麵小籠包, 成日都想試下蓮香樓~ 如果環境黎講, 一定無西餐restaurants咁整理~但係夜晚食晚飯可以好舒服飲下茶, 傾下計~ 仲有飯後糖水!!叫左條蒸魚, 同埋經典牛仔骨, 同埋叫左個炒菜, 兩個人食到好飽~ 不過真係幾特別!!!大家可以諗下拍拖去蓮香樓食中餐!!!

呢度真係好鬼死多人呀, 打定電話黎左訂位, 但黎到都係要等位仲要同一搭枱, 不過呢度d豬潤燒買真係好好食,等耐少少都值得, 有機會會再黎食過

早前成家十多人去蓮香樓食飯///有BOOKING,所以可以食8寶鴨同一大盤蓮容PUDDING其實同場仲叫左好多野食////但好鍾意8寶鴨同蓮容PUDDING8寶鴨好多料///食左好耐都未食完///但好好食至於蓮容PUDDING, 我永遠都係鍾意上面層皮,=D焦黑的,煙煙"uN" "UN", 真係好鍾意////至於蓮容, 其實本身嘛嘛, 不過無可能咁自私自己食哂上面層皮而留番下面1其他人食架嘛所以試埋, 甜度可以接受啦///但我最鍾意都係層皮=]

某日，與昔日同房來了一個悠閒「下午茶」......點了：山竹牛肉： 相當麻麻，細粒，肉質頗鬆，味一般，冇腐皮。蓮蓉包 (兩個)：不俗，蓮蓉香濃，算細滑，甘甜，包身鬆軟，新鮮出爐，正。點了水仙，可以。首次用了那個在相片見得多的茶杯，果然別有一番風味。(各位用盛荼的中型茶杯過水到小茶杯時小心弄濕，因為幾燙手呢)埋單： $42註：四時後是冇點心的，我地 2:30 去到已經冇嘜阿姐堆車仔了，所以 如果想試多d，建議十二點或之前去到。應該會再去試下個夜市。ranking: 6.5/10