影片
更多
2008-06-05
12 浏览
星期日突然心血來潮想食蓮香嘅蓮蓉包…. 坐言起行….去到2:15pm, 依然人頭湧湧, 等咗足足20 mins先有位… 當然係搭枱位啦!我好少嚟蓮香, 因為不喜歡這兒的環境, 不喜歡沾滿油漬的枱櫈, 不喜歡破破爛爛的餐具, 不喜歡要和食客鬥搶食物………. 縱使有許多的不喜歡, 但每當想起蓮香的蓮蓉包, 鴨腿湯飯同埋豬肚燒賣…..便會先將我對它的 ”恨” 拋諸腦後! 坐下後, 二話不說先點一客鴨腿湯飯, 老伙記話要睇吓仲有無, 真幸運, 賣剩最後一碗!! 鴨腿大大隻, 燜得好入味, 肉質鮮嫰, 湯底濃, 撈飯一流! (以前試過叫鴨腿湯麵, 都係覺得配飯好味d!)其它點心好多都賣晒, 只剩返六款咋!!北菇燒賣 ~ 豬肚燒賣無晒, 連北菇燒賣都係最後一籠! 用咗半肥瘦豬肉, 夠趙頭, 正!鴨腳扎 ~ 又係最後一籠喎! 入面有鴨掌, 芋頭, 外面包層腐皮。 Good!蓮蓉包 ~ encore 咗2籠 (2個人食), 嗰包比一般茶樓大, 蛋黃好靚, d蓮蓉充滿著整個包, 但又不甜不膩, 食2個都唔會話好”濟”! 嗜甜者一定要試!排骨 ~ 蒸得好入味蒸滑雞 ~ 我嗰籠得4 or 5 塊鷄, 且無
我好少嚟蓮香, 因為不喜歡這兒的環境, 不喜歡沾滿油漬的枱櫈, 不喜歡破破爛爛的餐具, 不喜歡要和食客鬥搶食物………. 縱使有許多的不喜歡, 但每當想起蓮香的蓮蓉包, 鴨腿湯飯同埋豬肚燒賣…..便會先將我對它的 ”恨” 拋諸腦後!
坐下後, 二話不說先點一客鴨腿湯飯, 老伙記話要睇吓仲有無, 真幸運, 賣剩最後一碗!! 鴨腿大大隻, 燜得好入味, 肉質鮮嫰, 湯底濃, 撈飯一流! (以前試過叫鴨腿湯麵, 都係覺得配飯好味d!)
其它點心好多都賣晒, 只剩返六款咋!!
北菇燒賣 ~ 豬肚燒賣無晒, 連北菇燒賣都係最後一籠! 用咗半肥瘦豬肉, 夠趙頭, 正!
鴨腳扎 ~ 又係最後一籠喎! 入面有鴨掌, 芋頭, 外面包層腐皮。 Good!
蓮蓉包 ~ encore 咗2籠 (2個人食), 嗰包比一般茶樓大, 蛋黃好靚, d蓮蓉充滿著整個包, 但又不甜不膩, 食2個都唔會話好”濟”! 嗜甜者一定要試!
排骨 ~ 蒸得好入味
蒸滑雞 ~ 我嗰籠得4 or 5 塊鷄, 且無セ肉
牛肉 ~ 我無食到
3:30pm走, 仲有1/3食客 (茶市收4pm). 走嘅時候老伙記正執拾隔離枱, 將枱上的茶,骨頭都掃咗落我隻腳嗰度!! 伙記當沒事…但我也沒生氣! 反正我嚟飲茶之前已經有晒心理準備, 想到這兒飲茶, 便要習慣這種”文化”!
港島區舊式茶樓真的選擇不多….蓮香的點心一點也不算便宜, 但勝在味道好, 用料靚, 夠懐舊! 難怪每天都逼滿茶客大排長龍!
如果你喜歡在舒適寧靜環境下嘆一盅兩件, 蓮香樓絕對不是你杯茶!!
如果你好似我咁, 偶然想食蓮蓉包, 不防到蓮香一試! 或許它會令你 “又愛又恨”!!!
张贴
