蓮香樓 (已易手) 新餐厅

朋友生日去左呢度食...食既唔係咩特別菜色...味道過得去...但最慘味精好重...食完背脊好赤...對味精敏感既我勸你地唔好去...最少唔好飲湯...我一定唔會再去....若要試食舊式酒樓...去陸羽好過...

是日係男朋友牛一大日子~所以帶佢黎中環試下特別野~帶佢周圍食好野~!!所以就黎左蓮香樓啦~一入到去覺得好古色古香~好有特色~!上到去,如無意外我地應該係最後生既人lor~因為好多公公婆婆飲緊茶呢~!!由於第一次去,自己懶醒咁搵位~點知最後都係要搭台同人坐~唔緊要la其實都係意料之內~!!由於差不多4點la~所以都冇咩野點心,但係好好彩有好出名既蓮蓉包食ar!!haha,總共叫左三樣點心~(因為仲有下一站要食野ma~)1. 蓮蓉包2. 蝦餃3. 豬肚最正真係個包~!!勁大個~!!!d蓮蓉多到好似就快漏出黎~!!仲有一樣要勁讚~水滾茶靚~!!!真係熱辣辣,同台既婆辣親個咀tim 呢~!!!小事一則:同台既婆婆幫我地加埋茶呢~所以呢~我覺得響度食既係人情味~!!所以真係好滿足~

4/4(五) 11:30am兼職前本來先到玉葉吃個糊;無奈吃了閉門羹.於途中路過蓮香樓,不欲空手而回,買了甘露酥滿足味蕾.甘露酥外層鬆化而不油膩;內裏的是蛋黃白蓮蓉,白蓮蓉香但並不滑溜;蛋黃也不溜油;觀其雞蛋糕外型誘人,有待下回分解!

走到中環, 心血來潮, 想起蓮香樓, 就去啦~ 好懷舊的環境~ fan, 痰罐, 鋁大茶壺, 點心車等~ 都是60-70’s的東東~ 好鍾意d舊野~12nn來到, 人山人海, 要自己找位, 幸好等了一會就有位2個人要左6樣野: 牛肉腸粉: 好滑鳯爪排骨飯: 沒特別蓮容包: 同桌的aunts推介, 好多蓮容, 仲有蛋黃, 不太甜, 好似食緊月餅, 好好味馬拉糕: 好彈, 好鬆, ok ar~豬肚燒賣: 記錯左..應該叫出名ge 豬膶燒賣呢~ 還好la呢個, 豬肚下的燒賣(應該係魚肉加蝦肉), 几彈牙xx燒賣(forget the name): 好足料&大粒, 大蝦, 冬菇, 肥豬肉(?), 黃芽白, 彈牙好好味好搞笑..同几位aunt 搭訕~ 同佢地傾左好多食ge野~ 佢地介紹我去灣仔”金鳯”食蛋tart同飲滑滑奶茶~ 佢地仲話好少見我地d咁後生ge黎飲茶lor~~ hehe~唔識用佢d茶杯, 同我fd倒瀉哂d茶, haha~ 個侍應睇唔過眼, 話俾個茶壺我地呢~ 下次我要學識用佢個”功夫茶杯”!! 應該會好飲d!後會有期~~~

上個星期一行3人食晚飯7點到,冇位~晚飯如下:紅燒翅:食左咁多次晚飯先知佢原來有翅食, $68/位~見好多人點就點一碗試~但係唔好expect真係有好多翅,撈飯都OK老鼠班2味: 炒得老左少少, 但ok, 冇乜骨!老人家都食到~東江豆腐煲(即:唐生菜+菱魚肉+豆腐):普通仲有糖水送~ yeah本來想買佢地既干蘇餅仔,但賣晒!要食就要朝早買架~仲有, 茶錢由$6加到$8/位後記:一對夫婦見到有老人家,即刻急急腳讓半張枱出來,我地亦唔介意搭枱~坐低之後同枱個男人話:"wa..咁大個啦,我同你呀爸由細玩到大" 細問下..oooo...原來佢係歌賦街某茶室老闆~

值得上榜既一間酒樓,"蓮香"我同兩個朋友一起去蓮香飲茶,都係因為名氣,加上係一間十大榜上有名既食店,都想知有幾好??坐低之後,同侍應叔叔要了三盅普洱,侍應叔叔似乎比較cool...^^'我見到個茶杯,覺得自己針幾得意,不過一嚟個盅熱,二嚟針起上嚟好論盡,所以成枱都係茶,下次都係叫番一壺!點心包括鳳爪,蓮蓉包,豬肚燒賣,另外專登試吓個鴨腿湯飯,因為聽講好味..點心味道有水準既,鴨腿湯飯都唔錯,隻鴨腿幾大隻,湯用嚟撈飯幾好,因為唔會太咸茶好容,容到有點苦的感覺,但係茶味幾香,下次要叫淡普洱先得p食完,三個人仲影張相留念,因為間酒樓幾有特色

一班人中午黎呢度飲茶, 我係第一次黎第一個印象係好多人, 大家背對背, 6人枱 坐到9個人好耐無見到推點心車係酒樓, 而且係用茶係每人一個茶'中', 可借我技巧唔好, 倒茶倒到成枱 都係個普洱茶真係幾香濃侍應加水雖然好技巧, 但個大熱水bowl 係身邊飛來飛去, 幾得人驚侍應態度都好, 唔會人多黑面點心:奶黃包---唔流沙. 奶黃都香, 豬肚燒賣---好特別, 豬肚好淋, 夠入味牛肉球, 燒賣, 蒸粉卷就一般個鮮蝦粉果過熟. 爽唔起如果比我再揀, 未必會再黎, 太打仗feel午飯時間唔比碌卡, 差

去過連香飲茶,我個人領個香港一稱號俾佢,因為佢既茶實在係我飲過咁多間最好既!我唔鍾意同人迫,所以兩點半先落去食,一坐低就係一盅壽眉,一碗义燒飯,义燒係一大塊,自己咬開嚟食,雖然唔方便,但係又幾好食!唔夠喉既時候我會再食多碟梅子蒸排骨,不過食完可能會仲肚餓,因為實在係太開胃,酸酸地又好食!服務就要預左d阿叔唔會好似日本人咁九十度鞠躬,佢地點會做得到?

剛過去的復活節假期, 跟屋企人到soho 中環一帶見識見識, 食番個lunch. 爸爸入去之前已經問我, 你頂唔頂得順ga? 其實我已經做好心理準備.... 點之....入到去, 找不到位, 又冇店員理我們... 行來行去找了好幾分鐘先找到搭位...坐落, 店員"king ling kang 冷"放低d 碗筷就走... 好喇, 講食野. d點心一出, 廿個人蜂擁而上圍住亞姐同佢架車, 個場面都幾震撼~!! 叫左豬肚焼賣、焼賣、魚翅餃、魚柳米線、排骨、生竹牛肉... d味都ok gei, 不過就真係比其他酒樓油左d...其實我o個日好肚餓, 坐落已經2 點幾, 但係食左2, 3 件點心就飽曬....見住亞姐當眾洗茶壺洗茶杯洗筷子, 岩岩用完油ga wor~! 係咁yee用d滾水過一過就算, 一大束筷子都係碌一碌就算....其實你唔好畀我睇到都算數....之後亞叔仲勁, 清完一張, 用塊抺布抺去上的骨頭la, 之後見佢將抺布上d骨頭dun 落個垃圾兜度, 咁好喇... 之後佢又將呢塊抺布浸落一桶應該係水或滾水度, 浸一浸, 係gum yee 扭一扭, 之後大手一揮, 周地都係佢fet出黎d

星期日下午，我們三點幾四點先到連香樓，可能去得唔係時候，阿姐話得返「豬肚燒賣」和「鳳爪」，我們唔食鳳爪，所以只叫了「豬肚燒賣」，後來唔夠飽，叫多碗「切雞瀨」。 「豬肚燒賣」：大塊豬肚下面有舊豬肉，因為我唔食豬肚，所以無試~ 「切雞瀨」：瀨粉很幼細，切雞都很滑，不錯~值得一讚是那個茶，細細杯，很有特色；另外，阿叔的加水速度都ok快~但係連香樓給我的感覺就不太乾淨，可能我們唔係好識用那個細杯，倒到一枱都係茶，加上他們是玻璃枱，又無人抺，唉~如果下次再去，可能要一朝早去先可以感受到真正的連香樓特色喇~

前幾晚跟舊同事聚會，喺哩度開大餐，一行十四人，第一round叫咗:八寶鴨~ 鍾意食糭嘅話就一定鍾意，超正!琵琶豆腐~ 好味!!鍋貼小棠菜~ 而家好少地方有得食，蝦膠新鮮、酥而不膩，冇得彈!椒鹽百花釀魷魚~ 正! 焗魚腸~ 唔食魚腸，試咗少少蛋，焗得好香。瑤柱扖豆苗~ 一般啦，豆苗老咗啲。豆豉鯪魚油麥菜~ 一般啦。黑椒牛柳粒~ 同事話好好味。咕嚕肉~ ok 啦。西檸煎軟雞~ 唔錯!招牌醬燒骨~ 甜咗啲啲。酥炸軟殼蟹~ 一般啦。Round 1 碟碟清，食到個個嘴腍腍、唔夠喉，再叫第二round:椒鹽百花釀魷魚encore炸子雞~ 唔錯!京都骨~ 幾好味!招牌鹵味最後嚟埋九籠蓮蓉包~ 皮薄蓮蓉香，略嫌蛋黃唔夠。晚飯奉送綠豆沙環境- 就係老式茶樓，無裝修、白地塼、天花吊扇。服務- 抱住懷舊心態，差唔多啦!如果有下次，好想試蔴蓉飽、西米焗布甸。埋單(連貼士) $1280，多謝LL!

有時幾姊妹會去mandarin嗰類酒店high tea,但係今次有d唔同,因為今次係去呢度low tea!睇左openrice既食評,都好想試吓自己沖茶既感覺,今次同maggie嚟飲茶,一人一盅普洱,坦白講,我地兩個女仔嚟有d異相,因為成場都係阿叔,不過都有兩三枱遊客!茶比較濃,不過好有特色,只係我同maggie都有d雞手鴨腳,倒到成枱都係,哈!叫左一碗鴨腿湯飯同一籠連蓉包食,味道....好好味,鴨腿湯飯個湯一定唔可以錯過,因為實在太好味了!下次會再嚟架!

昨天和老婆去蓮香樓飲茶，感覺好好！其實早前已經密謀想去了，但是有幾次行過，都無幫襯！所以前天特地上openrice看食評！發覺它重上十大，心中更加興奮！但是我看到之前有幾篇說伙記服務不好！很大牌！也有點擔心……我們約12時到茶樓，很多人，已經找不到座位，我們兩人找了約10分鐘！又第一次到，人生路不熟！有點想打退堂鼓的時候！突然有個伙記問我們係咪兩個人，並帶我們到一檯剛走了部分人的檯坐下。很感激啊！終於有得吃了……我們坐的位置很好，剛好是廚房門口附近！我更經常主動出擊覓食。我們叫了兩盅濃普洱，果然名不虛傳！味很甘香，連我老婆一向是香片的fans，都話好飲！食物方面，我們點了鳳爪排骨飯，份量十足，鳳爪大大隻，而且有四隻腳趾，很難得；排骨入味，飯吸了肉汁，正！蝦餃，皮薄，稍細隻，每隻內也有完整的蝦，味道也不錯！豬潤燒賣，豬潤很大件，很好味！燒賣稍嫌細了點，但整體賣相不錯，值得推介。燒腩卷，可能是剛蒸好就馬上吃吧！總覺得是好好味，豬肉用上五花腩，剛好是數到五層，再有一件芋頭吸收肉汁，嘩！真的好味又飽肚，不過可能老婆唔鍾意見到咁大塊豬肉，佢就話一般。不過，今次吃了這麼多懷舊點心！總算不枉此行。另

The food are taste good, and bring back alot of memories. I went there around 2:00pm, maybe it is too late there was not many choose of food anymore, so I suggest go early....

好開心今日係同老公的相識紀念日, 佢都唔記得咗不過最後我們都決定放工後去食飯慶祝一下約咗係中環, 老公建議到蓮香樓試一試一去到就有種好Classic的感覺, 樓下有唐餅同自家湯賣上到樓上要等一陣, 我們就想吓食乜, 見到有人點金錢雞好似幾有特色咁, 一坐落就點, 點知售罄, 嗚...咁就點下蔡瀾推介的焗魚腸同鯪魚, 點知找極餐牌都無,問下伙計, 佢話係頭兩頁, 不過其實我們點佢知就得啦喎但真係找不到, 算啦, 都係想睇下價錢, 問阿叔見都大眾價錢咪要嚟試試, 跟住再要多個戈子小棠菜呢個小棠菜係釀蝦膠餅咁, d蝦好鮮, 個餅好香, 唔係好油鯪魚考工夫, 雖然比大榮華的細, 但也出色焗魚腸非常了得, 多料又焗得香又有鮮魚腸味, 配飯必食最後送喳喳, 都可以啦佢呢到唔加一又有特色, 希望下次再試其他餸