影片
更多
2008-07-12
14 浏览
我老公係Burger King，最鍾意食Burger!!我係佢個BB，最鍾意跟住佢四圍食!!!因為同老公睇左套<<愛情萬歲>>其中好些場面以蓮香樓做背景，然後老公話俾我知蓮香樓係好出名的~~一睇openrice，嘩，原來咁勁，點可以唔試下呢！老公唔係第一次食(雖然佢都係食過dinner)，不過BB就係喇！第一次ge感覺係，嘩，乜同門面差咁遠！裡面ge懷舊況度係我咁大個女第一次見，對上一次去懷舊酒樓應該係我F.2定F.3果陣同同學仔因為做project而特登去ge得如酒樓，今次個情況係更加深刻！真係N年未試過要自已搵位兼搭搭到一張可以有幾張卡！裡面ge人好明顯都係上左年紀ge人比較多，比起依家ge茶樓一家大細(有小朋友果d)去ge畫面似乎真係好難係呢家菜樓搵到喇。同我地同有一個食左好耐lunch又睇左好耐書gei businessman，有一個應該睇左好耐報紙ge嬸嬸，跟著後尾又黎多一pair好似我諗好似我地咁慕名而黎ge情侶同埋2個台灣遊客。呢度我相信好多都係常客(見佢地同推點心ge阿姐吹水就知) ，同埋好多拎著旅遊書ge外國人。我地又貪得意要左茶
我係佢個BB，最鍾意跟住佢四圍食!!!
因為同老公睇左套<<愛情萬歲>>其中好些場面以蓮香樓做背景，然後老公話俾我知蓮香樓係好出名的~~一睇openrice，嘩，原來咁勁，點可以唔試下呢！老公唔係第一次食(雖然佢都係食過dinner)，不過BB就係喇！
第一次ge感覺係，嘩，乜同門面差咁遠！裡面ge懷舊況度係我咁大個女第一次見，對上一次去懷舊酒樓應該係我F.2定F.3果陣同同學仔因為做project而特登去ge得如酒樓，今次個情況係更加深刻！真係N年未試過要自已搵位兼搭搭到一張可以有幾張卡！裡面ge人好明顯都係上左年紀ge人比較多，比起依家ge茶樓一家大細(有小朋友果d)去ge畫面似乎真係好難係呢家菜樓搵到喇。同我地同有一個食左好耐lunch又睇左好耐書gei businessman，有一個應該睇左好耐報紙ge嬸嬸，跟著後尾又黎多一pair好似我諗好似我地咁慕名而黎ge情侶同埋2個台灣遊客。呢度我相信好多都係常客(見佢地同推點心ge阿姐吹水就知) ，同埋好多拎著旅遊書ge外國人。
我地又貪得意要左茶盅，點知就倒到周圍都係，不過見負責加水ge阿叔都一樣會加水加到成都係，所以就無咁唔好意思喇。所以真係成水幾混亂下咁。睇左大家ge食評就target左好些必食點心，仲要係食唔到唔走果隻，點知一等就係2個鐘! 一開始就點左山竹牛肉，跟著就點蓮蓉包，之後發現推黎推去都係果d點心，隔左9個字先有想食ge野，蝦餃仔，跟著又係等呀等，究竟幾時先有出名ge燒賣仔呢？基本上一見到點心車停係廚房門口我地就衝出去問有無燒賣，因為大家都講到好似要爭咁樣樣，間廚房個呀叔又不斷話一陣一陣有，終於就係我地ge個半鐘同2個鐘試到聞名ge豬潤同豬肚燒賣！
山竹牛肉：BB覺得一般，印象唔深刻。老公覺得OK。
蓮蓉包：BB覺得好好味！蓮蓉好香！好大個包呢，仲有蛋黃係裡面，諗諗下都幾似月餅~值得試！老公就唔係咁鐘意食蓮蓉既, 不過都試左一個!
蝦餃仔：茶樓點心中至愛蝦餃ge BB覺得呢度ge蝦餃都幾好味oY！反而老公覺得普普通通~西環飲早茶正D XDD
豬潤燒賣：BB覺得其實平時唔食豬潤ga，不過見出名咪試下，好大舊啊！基本上豬潤同” 燒賣” 係要分開食！佢個味較得好好味啊！好入味呢！老公都係平時唔食豬潤, 但有煮得香既豬潤燒賣就會食! 呢個都好食~~
豬肚燒賣：期待已久！！相比之下BB鍾意個豬潤燒賣多d！個豬肚又係好大件，不過都唔差，幾爽都！但就無豬潤咁入味囉~老公都話鐘意豬潤燒賣多D喎!
老公想再食多一次的指數： 3/5 (如果點心款多D同唔駛咁迫就好喇!)
BB想再食多一次的指數：3.5/5(d野係幾好味，不過我好怕污糟同混亂就係真ge)
基本上茶樓ge環境同衛生真係差d，地方又逼夾，出入都唔方便。而推點心ge阿姐又好惡，成日都燥哂底係度爆粗。相信蓮香樓到今時今日仲呢個地位，咁受到大家歡迎坐爆場咁，除左佢ge好食夾大件，吸引大家ge係黎品嘗佢ge傳統風味，同體驗感受佢懷舊ge情懷。
张贴
