蒙麵

营业中

休息中

今日落完雨出發去食好西，發現蒙麵竟然無人排隊，梗係同同事衝去門口等佢開門，其實自從米紙宣傳左之後好多人排隊，而佢座位有限，第一輪最多座12個人，而老闆負責煮麵，佢母親負責落單，家庭式既舖頭風格，舖面無咩裝修，一落完單好快就上左碗麵，叫左糖心蛋、魷魚同埋大腸，加多兩舊叉燒，叉燒咬落去好彈牙，肥瘦適中，麵嘅湯底叫咗蕃茄薯仔湯，感覺好似屋企自己煮出嚟咁，加埋啲餸，感覺好豐盛，食完感覺好飽，但要我排隊再食就不了，唔值得排隊，花蛤湯底要加錢，要36蚊，食茜麵抵好多。