華鳥居 (已結業)

經過呢間野好多次，名就改左，但以前食都無咁差，今日經過去食，成左$300 定食，估唔到係咁差，第一樣係上$135嘅 串燒定食（有雞肉串，肝，牛肉串，鰻魚同埋京蔥串） 一拎起第一串，鰻魚：滴水已經心知不妙，再食落口，咦？凍嘅第二串食牛肉：又係水滴滴，白灼，連條尾都冇落..跟住算喇，等第二款： 炭燒雞肉定食：一上枱，黑色嘅打左芡汁，一咋洋蔥加單骨雞翼，一食落口，臭嘅🥴🥴 茶碗蒸：冇落味林，腥嘅😵‍💫😵‍💫，仲差過喺屋企自己蒸水蛋，因為表面係凹凸不平！所以唔會再食啦真係🤢🤢

當晚大部份都係食‘水炊鍋二人前’，但朋友覺得我哋會食唔晒，所以散叫。材料一樣，但賣相與圖片有差別五塊叉燒似燒過的五花腩，入口即溶，肥嘅部份唔油。濃雞湯，好味但唔夠熱；其他配料只有一隻半熟蛋、一片紫菜和幾條木耳絲，普普通通。有三隻蝦、一條秋葵、一隻冬菇、一片青椒和一條粟米仔。三隻蝦算係新鮮，炸得脆，但炸粉太厚，睇落好似大隻啲。唔係用天婦羅炸粉已經令我失望！其他蔬菜都新鮮，炸粉冇咁厚。日式炸雞，唔會好脆，勝在雞肉夠滑，略嫌他他醬太多，因為有青瓜片、蛋粒、沙律菜等，如果當一個沙律更好食埋啲沙律都飽咗八成，遲遲先到的燒雞肉茶漬飯（$68）真係唔吸引。茶漬用日式火鍋甜甜哋嘅湯底，四、五小塊唔似燒雞嘅雞肉，幾條紫菜；除咗有一粒wasabi ，放少少落去可以提升味道外，其他無一可取。店舖除咗雞好食外，其他食物都要兼顧呢！當晚有85折，吸引多啲客人，但都未滿坐。

想清清地食下日本嘢，青衣城都幾多選擇，呢間有個主打嘅水炊鍋，未聽過所以就試吓🤔💛 水炊鍋 💰328 （+烏冬💰28）初初睇張圖，覺得一定好清淡，同埋以為係食雞為主，所以就叫多咗個烏冬諗住飽啲😂 點知最後係食唔晒，因為原來分量都好多，仲有一盤超豐富嘅蔬菜拼盤🥬 要分好幾次落，個湯底好特別，有雞嘅香味，真係第一次食到呢個味道👍🏻 如果兩位女士食呢個喎應該啱啱好，唔使再叫其他都夠-💛 燒鰻魚丼 💰128鰻魚燒得好香，分量豐富👌🏻 唔會話太多鰻魚汁💛 壽司🍣 （三文魚 劍魚 赤身）💰144三文魚肥瘦適中，劍魚有彈性，赤身軟滑👍🏻-總括而言，都幾推介水炊鍋，健康得來又好食，其他地方食唔到，大家可以一試😌-人均消費： $348 （ 已加一）-餐廳：華鳥居 地址：青衣青敬路33號青衣城1期2樓202號舖

今日去青衣探朋友，探員朋友就在附近搵嘢食，這間居酒屋裝修特別，日本菜都有一段時間沒有食，今餐就決定這裏。入到店舖裝修得很有日本色彩，環境舒適，十分舒服，店員很有禮貌招呼我們坐低，細看餐牌每一樣嘢我都很想食，我點了一份水炊鍋，材料非常豐富有雞肉，雞乾，雞肉丸，冬菇，金菇，同椰野菜，當湯底滾起後食材逐一放入鍋，滿滿的材料，湯底冇加任何調味，純粹加咗原隻雞殼去做湯底，我嘗試他的湯底，湯底比較清甜，食一口雞肉，雞肉嫩滑剛剛好，絕大部份都是雞髀肉，食得出有鮮雞味，雞肉丸無骨啖啖肉，食一口雞肝，甘香有獨特的味道，用上他們自家製造的醋，真是黃金配搭，食完雞肉再落蔬菜，蔬菜掛滿了雞汁，入口清甜爽脆， 10分好味。我點了一個海蝦天婦羅，天婦羅表面炸得卜卜脆，內裏蝦肉爽甜好好味。這個炒飯也不錯，材料豐富，飯底炒得很乾身點了一個帶子，用鐵板牛油煎香，吃一口帶子表面爽口內裏軟淋，10分不錯，最後加上日本鮮果汁，今餐10分滿足

今次難得放假又去返主場青衣城同老友搵食 , 見到青衣城食肆都開返晒 , 人流又多返發現2樓有間日式食店 華鳥居 新開大半年未試過 , 就同朋友一試究竟餐廳設計是傳統的東洋風佈置 , 燈光柔和 , 甚有和式風味環境乾淨企理 , 員工殷勤有禮招呼坐邊邊位無咁凍大約6pm到達 , 為晚市第一枱客餐牌設計精美 , 大約order左10分鐘後開始陸續有菜上枱唐揚華味鳥雞肉配他他醬 $78 - 炸得外脆內嫩 , 雞肉汁鎖在內層 , juice , 配埋極為出色的他他醬 , 將味道提升另一層次汁燒雞胸軟骨串 $34 - 雞肉無乜雪藏味 , 肉質嫩口 , 燒得好香鐵板牛油煎帶子 $74 - 外皮煎得得宜 , 香脆可口 , 少燶口size偏大舊 , 食得出頗為新鮮燒鰻魚丼 $128 - 鰻魚都幾大塊 , 打斜先夠放到成條 , 口感細膩 , 配搭珍珠米及蒲燒汁 , 相當出色鐵板炭火華味鳥 $68 - 炭燒味香濃 , 雞肉亦滑溜 , 份量都幾多 , 難怪店家推薦之選海蝦天婦羅3隻 $62 - size好大 , 外層炸粉不會太厚 , 蝦肉沒霉味 , 炸得剛好壽司:三文魚 , 刺身長而紋理佳 , 非其他一般舖頭

位於青衣城的華鳥居算是比較新的餐廳，在青衣城這個美食沙漠看到有新餐廳份外興奮。餐廳地方寬敞，空間感十足，兩人坐卡位非常舒服。看到這個水炊鍋二人前，只需$468但已經有前菜、刺身、天婦羅、串燒和水炊鍋，滿足大家每款食物都想品嚐的願望，而且價格合理就點了這個水炊鍋二人前。野菜蟹肉沙律 沒想到蟹肉份量如此多，而且味道鮮甜，絕不馬虎。刺身盛 有三文魚、油甘魚和吞拿魚，每樣兩件。刺身非常新鮮，色澤均勻，重點是厚切，甚有口感，非常過癮。海蝦野菜天婦羅 炸物有海蝦野菜天婦羅，海蝦有三隻，另外有南瓜、茄子和紅蘿蔔，外層薄薄的脆漿入口香脆而不油膩，炸得恰到好處。串燒盛盒 串燒分別是大蔥雞肉串和豚肉蘋果串，當中豚肉蘋果串幾特別，沒想到把蘋果連豚肉吃又幾清新。水炊鍋來到是日主菜水炊鍋，水炊鍋沒有任何調味料，以雞、蔬菜和清水為基底，健康之餘更能品嚐到原材料的味道。先放雞件再放蔬菜便能品嚐到鮮甜。而雞肉肉質嫩滑，真的不是平日超市買到的味道，蔬菜新鮮，非常健康，就算多來也不會如打邊爐般有負擔。總結我覺得華鳥居的食物真的美味，而且份量十足又不馬虎，這個價錢絕得物超所值。

話說上個月去青衣見到華鳥居，一直心思思，今日終於第一次食水炊鍋。二人前好豐富，有齊曬沙津、刺身、天婦羅、串燒，同埋主打嘅水炊鍋。刺身盛有最愛嘅三文魚、油甘魚同赤蝦。前兩者都係厚切，可以一開二。海蝦野菜天婦羅有海蝦，南瓜，茄子等等。海蝦有足足3隻。串燒令人眼前一亮，黎到一定要食！套餐包串燒盛盒，有豚肉蘋果串同大蔥雞肉串各兩串。個人偏心於豚肉蘋果串，因為自己對豬肉串燒有偏見覺得會比較乾身。而豚肉蘋果串因為用咗豚肉片，唔會因為難熟而燒得太耐，食落有油脂。油脂又會被蘋果嘅爽口清新而中和咗。大蔥雞肉串正常，雞肉唔會過度調味，食到雞味同燒過嘅大蔥香味。食之前睇下menu介紹，水炊鍋係源於博多的雞湯鍋，以雞骨熬煮而成。食法係首先放雞件，之後放雞肉丸子。呢個時候可以品嚐一下雞湯嘅精華。雞湯只有少少雞油，但好濃郁，好清甜。飲完雞湯就食雞件，雞係用自家養成品牌，華味鳥。Dad’s 小知識：原來「鳥」係日本等於雞。雞件好滑，即使已經經煮過，仍然好有雞味。然後，放埋蔬菜，吸曬雞湯精華，好難得自己主動食菜。難得黎到食雞專門店，當然點多幾樣菜式。有阿爸好鐘意嘅吉列華味鳥卷，係炸雞扒卷，雞好脆口。同時亦點日式炸雞，

我今日去青衣探朋友，這位朋友有一段時間沒有見過，日本菜大家都很喜歡食，就決定在這裏附近食晚飯，朋友多年冇見有廣不盡的話題，入到餐廳這裏地方寬敞，空間感十足，而且裝修很有日本風格，好像置身在日本，店員很有禮貌招呼我們坐低，細看餐牌有很多食物選擇，每一樣我都很喜歡吃，我點了一個五吋迷你魚生丼，他表面放了很多魚生，有海膽，三文魚子，拖羅，非常豐富，吃一口三文魚子卜卜脆，魚油帶有一點鹹味，拖羅也十分新鮮，入口鮮甜，海膽入口甘香，而味帶甘甜，慢慢咀嚼，口腔充滿回味，而且珍珠飯也帶有口感。這個三文魚蟹子炒飯，飯底吵得很乾身，加上表面放了滿滿的蟹子，吃一口有多重口覺，蟹子入口卜卜脆，食落帶有鹹香味，加上三文魚肉炒的飯底，出奇地夾，真不錯。天婦羅炸物，剛剛炸起，吃一口，表面金黃色十分鬆脆，加上蔬菜， 😛十分健康，而且不太油膩，炸得相當出色。我點了一客炸多春魚，吃一口多春魚表面金黃炸得微脆，一口半條，而最驚喜的是他的魚子，滿滿的魚子，在口腔內慢慢咀嚼，發出輕微聲響，食材新鮮而且有質素，😆食得出用心製作。最後加上一杯啤酒，😁咁炎熱嘅天氣，飲一杯凍冰冰嘅啤酒🍻真係非常舒服，心曠神怡😍這一餐非常滿足。

水炊鍋🍲一份水炊鍋已經包括雞肉、雞肝、雞肉丸同野菜，份量足夠兩個人食，個鍋嚟到之後侍應會即席落雞肉煮湯，滾起後可以品嘗一下雞湯，同平時有一層雞油喺面嘅雞湯唔同，味道比較清甜😋雞肉好滑，大部分係雞髀肉，即使煮耐少少都唔會好鞋，食嗰陣可以試下點少少柚子醋🐓之後就加野菜同追加嘅配料，水炊鍋本身有一個二人份嘅野菜盛合，有齊娃娃菜、小棠菜、冬菇、金菇、豆腐，頗為豐富！追加嘅野菜盛合就係一人份，同樣有多款蔬菜🥬另外都加咗稻庭烏冬同埋餃子🥟華味鳥雞肉配他他醬🥢他他醬嘅調味唔錯，加咗青瓜同埋雞蛋，少許酸甜減輕油膩感~汁燒雞肝、雞肉丸🐓串燒固然以雞肉為主，雞冠、雞心、雞爽肉依啲比較特別嘅部位都有，雞肝入口綿厚海蝦天婦羅🍤

上次食完佢隔離既佐賀山田燒肉，見到呢間「華鳥居⛩️」水炊鍋🍲好想試🤤今日終於拉到朋友同我一齊食😆😝餐廳佈置裝修以淺木系為主調～簡約舒適☺️好有日本居酒屋風情🇯🇵餐廳主打「華味鳥」 意思係指，自家飼養🐓餵飼專用食材，肉質軟嫩鮮味😍👍🏻而食落真係好鮮，一啲雪藏味都冇😳佢個湯底只係清水煮雞，但飲落已經好濃郁既雞湯味💯💯一啲味精都冇！食得出用左新鮮🐓🐓長時間熬製出來👍🏻👍🏻超推介水炊鍋配稻庭烏冬❤️雞件滑溜軟嫩，雞味濃郁😋😌配上鮮冬菇、金菇、 娃娃菜及豆腐，材料豐富😚烏冬大大份，口感煙韌彈牙😆我地仲追加左牛肩肉，一大碟先$58，好靚既紋路，雪花不多但肉質幾好👌🏻勁正‼️串燒都好出色😋雞心串、雞胸軟骨串、牛舌串😍😍全部都熱辣辣，好入味，嫩嫩有肉汁🙌🏻仲有朋友至愛既帶子，呢到用了鐵板牛油煎香，仲有炒蒜，好有風味，新鮮熱辣入口，啲帶子汁爆曬出嚟💦💦好味！飲品主要係玻璃樽裝，試左綠茶🍵可樂😝靜岡茶加可樂又唔錯喎👌🏻😄服務態度好👍🏻主動加茶，收碟快，上菜都好快👌🏻會解釋/建議食法😊辛苦晒🙏🏻

未試過水炊鍋,聽講呢度出名係呢樣野,就點左一份。大大個鍋有唔同既雞部件,食得出係新鮮既雞。亦只有新鮮既雞先岩咁樣食。主打雞肉,仲有D蔬菜,都算幾清。主食就叫左鴨肝鰻魚飯,鰻魚飯就食得多,鴨肝加鰻魚又真係少見,鴨肝既油香加埋鰻魚既焦香,係好創新既配搭。另外叫左炸蝦小卷,香脆可口。見兒童餐幾抵食,可以試到炸餃子同烏冬,仲有熟既壽司同埋益力多,都叫左一客。中意熟蝦壽司,好鮮美,好岩我呢D唔太食刺身既人。

行街無意中見到間非常有日本和風風格既餐廳，原來係食日本白雞既專門店，好耐無去日本旅行😭，好掛住日本地道美食, 見到個menu 加日式裝修，已經好想衝入去食野。首先叫左幾件手握壽司，魚生新鮮，壽司飯味香甜。串燒 - 雞爽肉串及雞胸軟骨串雞肉味濃好惹味, 雞肉有軟骨位，好爽口， 幾特別。炸蝦天婦羅 - 天婦羅脆漿好重要，炸得好香脆，蝦肉亦好鮮甜。 華味鳥雞肉配他他醬雞肉外脆內嫩, 好Juicy, 他他醬酸酸地，中和油膩感，整個配搭味道幾好。水坎鍋-華味鳥雞肉，日本既雞特別有雞味同香滑，雞肉入口果然嫩滑，就算煮耐左都唔會鞋。 雞湯原汁原味，未加蔬菜煮前，已經飲左一碗，香濃雞湯但唔油膩，加左菜煮完要飲湯，味道又一再提升更甜，蔬菜索晒雞湯，非常好味。整體味道幾好，服務招呼周到。

朋友住青衣帶咗我嚟呢間佢經常幫襯嘅餐廳！呢間餐廳座位好闊落而且環境好適合聚會同傾偈！✨水炊鍋 平時豬骨湯底就食得多，反而用雞肉同埋蔬菜熬製而成嘅湯底就好少有機會食到！雞件份量都幾多，而且冇咩雞胸肉，所以就算打邊爐都唔會好鞋！店員仲好細心同我哋講可以先品嚐雞肉再放啲蔬菜落湯底，咁樣啲蔬菜就會吸收到啲雞嘅精華😋😋呢個套餐仲包大量蔬菜🥬！蔬菜超級新鮮！✨烏冬烏冬都幾滑而且份量幾大，兩個人都唔係好食得晒！✨美國牛肩肉牛肉味幾濃郁而且肥肉唔多，又容易咬開唔會有好多筋✨多春魚天婦羅值得一讚就係炸多春魚好大條，而且油溫同埋炸嘅時間控制得好，唔會太老或者唔熟！而且天婦羅炸得好乾爽，一啲都唔油膩！✨ 唐揚華味鳥 伴他他醬呢間餐廳果然係出名食雞，啲雞肉處理得好好！好滑！而且他他醬幾清新又開胃！✨鹽燒白鱔燒白鱔都唔係好多地方有得食，肉質爽脆同埋串燒令到白鱔表皮香脆！✨汁燒雞胸軟骨軟骨位有啲咬口而且有少量油脂，雖然係雞胸但係都唔鞋💕💕

白桃梳打$36五吋雲丹金鑽刺身丼$288魚子控必叫，刺身飯上到枱之後，會由店員添加魚子，成個桶拎出黎畢架，一直加到瀉出嚟！刺身份量好多，而且好新鮮，超級好味！明太子茶漬飯$68有少少似湯飯，個茶底茶味中等，細細碗但食完都好飽鐵板炭火華味鳥$68黑色醬好好味，雞肉都好滑，上枱嘅時候好熱，啲雞肉都好熱，不過唔會過熟，好滑好juicy!鐵板牛油帶子$74帶子微微炸過，牛油味好香，夾埋沙律好正鹽燒雞肉配明太子$34汁燒雞胸軟骨$34鹽燒雞爽肉$34估唔到串燒咁出色，平時好少叫雞肉串燒，食過真係會改觀，大推鹽燒雞肉( ´▽｀).係青衣城入面，一眼就望到，連平日都好多人嘅日本餐廳一家大細，情侶定係朋友聚會都好啱食，價錢唔貴又抵食

今次過青衣探朋友，順便喺商場食埋飯先走朋友推介呢間華鳥居幾好食，所以就只試一試成間餐廳都非常之日本居酒屋feel我哋就散叫咗幾樣嘢食五吋雲丹金鑽刺身丼，今次的主角有海膽、赤身、三文魚籽、松葉蟹肉，赤身本身我都唔係好敢食，但係佢呢度嘅赤身係非常之好味加上人手裝到爆滿嘅三文魚籽，粒粒卜卜勁正🤤肥美濃郁嘅海膽，加上清甜嘅松葉蟹肉，成個丼飯都勁好味，非常值得一試👍🏻和風火灸吞拿魚脆脆，燒到半熟嘅吞拿魚加上蟹籽脆片，一軟一脆口感特別，同埋佢哋啲吞拿魚真喺好鮮味，甚少食的我竟覺得非常滋味自家製七色芝麻雞翼，炸得脆卜卜，外表惹味，但肉質都仲非常滑，仲有汁喺入面，有水準～呢個水炊鍋其實係喺福岡縣嘅美食，基本上就係食食材原先嘅鮮味，野菜同雞嘅精華，配搭柚子醋同豉油，尤其是喜歡食野菜鍋嘅朋友就最啱